കാഷ്മീരിൽ കടുത്ത നിയന്ത്രണങ്ങൾ: തിരിച്ചടിക്കുമെന്നാവർത്തിച്ച് കേന്ദ്രം : Deepika.com Special News

നിയമ വിദഗ്ധരുടെയും ഫോറൻസിക് വിദഗ്ധരുടെയും കണ്ടെത്തലുകൾ മനഃസാക്ഷിയെ ഞെട്ടിക്കുന്നു .രാജ്യത്തിന്‍റെ തന്നെ ശ്രദ്ധ നേടിയ ഒരു കേസും വിചാരണയും വിധിയും നമ്മുടെ നിയമസംവിധാനങ്ങളെയും അന്വേഷണ രീതികളെയും നോക്കി പല്ലിളിക്കുകയാണോ? അഭയ കേസിൽ സിബിഐ കോടതി വിധി പുറത്തു വന്നതിനു ശേഷം നടക്കുന്ന ചർച്ചകൾ കടുത്ത അനീതിയുടെയും മനുഷ്യാവകാശ ലംഘനത്തിന്‍റെയും കഥകൾ പുറത്തുകൊണ്ടുവരുന്നു.

കാഷ്മീരിൽ കടുത്ത നിയന്ത്രണങ്ങൾ: തിരിച്ചടിക്കുമെന്നാവർത്തിച്ച് കേന്ദ്രം

ശ്രീനഗർ: പുൽവാമ ഭീകരാക്രമണത്തിന്‍റെ പശ്ചാത്തലത്തിൽ കാഷ്മീരിൽ കടുത്ത നിയന്ത്രണങ്ങൾ ഏർപ്പെടുത്തുമെന്ന് കേന്ദ്രസർക്കാർ. ആഭ്യന്തര മന്ത്രി രാജ്നാഥ് സിംഗാണ് ഇത് സംബന്ധിച്ച കാര്യങ്ങൾ വ്യക്തമാക്കിയത്. പാക്കിസ്ഥാനുമായി ഇടപാടുകളുള്ളവരുടെ സുരക്ഷ പിൻവലിക്കുമെന്ന് അദ്ദേഹം അറിയിച്ചു.

ഐഎസ്ഐയിൽ നിന്ന് പണം പറ്റുന്ന ചിലർ കാഷ്മീരിലുണ്ടെന്ന് പറഞ്ഞ സിംഗ് ഇത്തരക്കാർ ഭീകരാക്രമണവുമായി ബന്ധപ്പെട്ട ഗൂഢാലോചനകളിൽ പങ്കെടുത്തിട്ടുണ്ടെന്നാണ് സൂചനയെന്നും വ്യക്തമാക്കി. ഇവർ ജനങ്ങളുടെ ജീവൻ വച്ചാണ് കളിക്കുന്നതെന്ന് ഓർക്കുന്നത് നന്നായിരിക്കുമെന്നും അദ്ദേഹം പറഞ്ഞു.

രാജ്യത്തെ സാമുദായിക മൈത്രി തകർക്കാനുള്ള നീക്കങ്ങളെ അടിച്ചമർത്തുമെന്നും ആഭ്യന്തരമന്ത്രി താക്കീത് നൽകി. കാഷ്മീരിലെ തന്ത്രപ്രധാന മേഖലകളിലൂടെ സൈനിക വാഹനവ്യൂഹങ്ങൾ കടന്നു പോകുന്ന സമയത്ത് പൊതുഗതാഗതത്തിന് വിലക്കേർപ്പെടുത്തുമെന്നും രാജ്നാഥ് സിംഗ് കൂട്ടിച്ചേർത്തു.

നേരത്ത, പുൽവാമയിലെത്തിയ ആഭ്യന്തരമന്ത്രി വീരമൃത്യുവരിച്ച സൈനികർക്ക് അന്തിമോപചാരമർപ്പിച്ചിരുന്നു. തുടർന്ന് ഭൗതിക ശരീരങ്ങൾ തോളിലേറ്റി സൈനിക വാഹനത്തിലെത്തിക്കുന്നതിനും രാജ്നാഥ് സിംഗ് സൈനികർക്കൊപ്പമുണ്ടായിരുന്നു. പിന്നീട് പരിക്കേറ്റ് സൈനികരെ ആശുപത്രിയിലെത്തി അദ്ദേഹം സന്ദർശിക്കുകയും ചെയ്തിരുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.