1992ൽ തൃശൂർ അത്താണിയിൽ പി.ജെ. ജോർജുകുട്ടി, പീജെ ഇൻഡസ്ട്രീസ് എന്ന സ്ഥാപനം തുടങ്ങുക വഴി സ്പിന്നർ ഗ്രൂപ്പ് ഓഫ് കമ്പനീസിന്റെ അടിത്തറ പാകി. കെഎസ്ഇബിക്കു വേണ്ടി പവർ ട്രാൻസ്മിഷൻ ഉപകരണങ്ങൾ, ഇലക്ട്രിക്കൽ ഉപകരണങ്ങൾ തുടങ്ങിയവ നിർമിച്ചു നൽകിക്കൊണ്ടായിരുന്നു തുടക്കം.
പിന്നീട് 1996ൽ സ്പിന്നർ പൈപ്സ് എന്ന പേരിൽ വെറും ഒന്പതു ജീവനക്കാരോട് കൂടി അത്താണി ഇൻഡസ്ട്രിയൽ ഏരിയയിൽ പോളിത്തീൻ പൈപ്പുകൾ നിർമിച്ചുകൊണ്ട് ഒരു ചെറുകിട സംരംഭം തുടങ്ങി. സ്പിന്നർ ഗ്രൂപ്പ് എംഡി ജോർജുകുട്ടിയുടെ ആത്മവിശ്വാസവും പ്രവൃത്തി പരിചയവുമായിരുന്നു കമ്പനിയുടെ പ്രധാന മൂലധനം.
ഉയർന്ന ഗുണനിലവാരമുള്ള എൽഡിപിഇ പൈപ്പുകളുടെ നിർമാണമായിരുന്നു അടുത്ത ഘട്ടം. ആയതിനുള്ള എക്സ്ട്രൂഷൻ മെഷീനുകൾ സ്വന്തം പണിശാലയിൽ അസംബിൾ ചെയ്ത് പ്രൊഡക്ഷൻ തുടങ്ങി. ഉൽപാദനച്ചിലവ്, മെയിന്റനൻസ് തുടങ്ങിയവ കുറയ്ക്കുകയും ഉന്നത ഗുണനിലവാരം ഉറപ്പുവരുത്തുകയുമായിരുന്നു ലോക്കൽ അസംബ്ലി ലയിനിന്റെ പ്രത്യേകതകൾ.
വിപണിയിൽ അക്കാലത്ത് വിരളമായിരുന്ന എച്ച്ഡിപിഇ പൈപ്പുകൾ നിർമ്മിച്ച് വിതരണം ചെയ്യുക എന്നതായിരുന്നു സ്പിന്നർ പൈപ്സിന്റെ അടുത്ത ദൗത്യം. ആയത് സഫലീകരിച്ചെന്ന് മാത്രമല്ല, എച്ച്ഡിപിഇ പൈപ്പ് നിർമാണത്തിൽ കേരളത്തിലെ ആദ്യത്തെ ഐഎസ്ഒ 9001 കമ്പനിയായി സ്പിന്നർ പൈപ്പ്സ് മാറുകയും ചെയ്തു.
എച്ച്ഡിപിഇ പൈപ്പ് നിർമാണത്തിൽ ഗുണമേന്മയിലും വിറ്റുവരവിലും കേരളത്തിലെ കമ്പനികളിൽ വെച്ച് സ്പിന്നർ പൈപ്പ് ഒന്നാം സ്ഥാനത്ത് എത്തിച്ചേർന്നത് മാനേജിംഗ് ഡയറക്ടർ ജോർജുകുട്ടിയുടെ നേതൃത്വപാടവവും കൂർമ്മബുദ്ധിയും ഉൽപ്പന്നങ്ങളിലെ നിർമ്മാണമികവും സത്യസന്ധതയും മാത്രമായിരുന്നു. ഗുണനിലവാരം ഉറപ്പു വരുത്തുന്ന ഐഎസ്ഐ മുദ്രണം ചെയ്യാനുള്ള ലൈസൻസ് ബ്യൂറോ ഓഫ് ഇന്ത്യൻ സ്റ്റാൻഡേർഡ്സിൽ നിന്നും ലഭിച്ചതും ഏതാണ്ട് ആ കാലയളവിലാണ്.
1997 അവസാനത്തോടെ സ്പിന്നർ പോളിമേഴ്സ് പ്രൈവറ്റ് ലിമിറ്റഡ് എന്ന പേരിൽ, ഫ്ളെക്സിബിൾ ഹോസ്, ഗാർഡൻ ഹോസ് എന്നിവയുടെ നിർമാണാർഥം ജോർജുകുട്ടി മാനേജിംഗ് ഡയറക്ടർ ആയി ഒരു പ്രൈവറ്റ് ലിമിറ്റഡ് കമ്പനി രൂപീകരിച്ചു. ഇലക്ട്രിക്കൽ കോൺഡ്യൂട്ട് പൈപ്പുകൾ നിർമിക്കുന്നതിനായുള്ള ക്രമീകരണങ്ങൾ നടത്തുകയും വ്യത്യസ്ത സൈസിലും ഗുണനിലവാരത്തിലുമുള്ള കോൺഡ്യൂട്ട് പൈപ്പ്സ് സ്പിന്നർ പോളിമേഴ്സ് പ്രൈവറ്റ് ലിമിറ്റഡിൽ നിർമിച്ചു തുടങ്ങുകയും ചെയ്തു.
സ്പിന്നർ ഗ്രൂപ്പിന്റെ വിജയത്തിനു പിന്നിൽ ജോർജുകുട്ടിയുടെ സഹോദരനായ പി.ജെ ജയ്സൺ, മകനായ ലിജോ ജോർജുകുട്ടി എന്നിവർ എക്സിക്യൂട്ടീവ് ഡയറക്ടർമാരായി പ്രവർത്തിച്ചു വരുന്നു.
സ്പിന്നർ ഗ്രൂപ്പിന്റെ ഉത്പന്നങ്ങളും അനുബന്ധ ഘടകങ്ങളും ഉപഭോക്താക്കൾക്ക് സമയബന്ധിതമായി എത്തിച്ച് കൊടുക്കുന്നതിനും, ആയതിന്റെ സെയിൽസ്/മാർക്കറ്റിംഗ്എന്നിവ കാര്യക്ഷമമായി നടപ്പിലാക്കുന്നതിനുമായി സ്പിന്നർ മാർക്കറ്റിംഗ് എന്ന സ്ഥാപനം 2002ൽ അത്താണിയിൽ പ്രവർത്തനമാരംഭിച്ചു.
മേൽപ്പറഞ്ഞ കമ്പനികളുടെ വിജയം പിവിസി പൈപ്പുകളും അനുബന്ധ ഉൽപ്പന്നങ്ങളും നിർമിക്കുന്നതിനെക്കുറിച്ച് ചിന്തിപ്പിക്കുകയും ആയതിനായി 2008ൽ പൂമലയിൽ സ്പിന്നർ എക്സ്ട്രൂഷൻസ് പ്രൈവറ്റ് ലിമിറ്റഡ് എന്ന പേരിൽ ഒരു വൻ സംരംഭം തുടങ്ങുകയും ചെയ്തു. സ്പിന്നർ ഐഎസ്ഐ പിവിസി പൈപ്പ്സ് ഇന്ന് കേരളത്തിലുടനീളം ഉപഭോക്താക്കൾ ഇഷ്ടപ്പെടുന്ന ഉന്നതഗുണനിലവാരത്തിന്റെ പര്യായമായി, ഏറ്റവും വിശ്വസനീയമായ ഉൽപ്പന്നമായി അറിയപ്പെടുന്നു.
മുണ്ടൂർ വ്യവസായ മേഖലയിൽ പ്രവർത്തിച്ചു വരുന്ന പീജെ എക്വിപ്മെന്റ്സ് എന്ന സ്ഥാപനം, പ്രധാനമായും ഇലക്ട്രിക്കൽ ഫിറ്റിംഗ്സുകൾ, സ്ട്രക്ചറൽ വർക്കുകൾ തുടങ്ങിയവ കേരള സ്റ്റേറ്റ് ഇലക്ട്രിസിറ്റി ബോർഡിനു വേണ്ടി ചെയ്ത് വരുന്നു. പ്രതിവർഷം 2000 ടൺ ഉൽപ്പാദന ശേഷിയുള്ള സ്ഥാപനമാണിത്.
സ്പിന്നർ ഫാം
കേവലം ഏഴ് വർഷം മുൻപാണ്, തൃശൂർ ജില്ലയിൽ ചേലക്കരയ്ക്കടുത്ത് കിള്ളിമംഗലം ദേശത്ത് സ്പിന്നർ ഫാം നിലവിൽ വന്നത്. ഈ ചുരുങ്ങിയ കാലയളവിൽ തന്നെ സ്പിന്നർ ഫാമിനുണ്ടായിട്ടുള്ള വളർച്ച അദ്ഭുതാവഹമാണ്. പശുക്കൾ, ആടുകൾ, കോഴി, താറാവ്, മത്സ്യക്കൃഷി തുടങ്ങിയവയും, ആടുമാടുകൾക്കുള്ള പുല്ലിനങ്ങൾ, മറ്റു ഉപോൽപ്പന്നങ്ങൾ എന്നിവയും അടങ്ങുന്നതാണ് സ്പിന്നർ ഫാം.
സംസ്ഥാനത്തെ ഏറ്റവും മികച്ച സമ്മിശ്ര കർഷകനുള്ള അവാർഡ് 2018ൽ പി.ജെ. ജോർജുകുട്ടിയെ തേടിയെത്തി. മുഖ്യമന്ത്രി പിണറായി വിജയനിൽനിന്ന് 2020 ഫെബ്രുവരി നാലാംതീയതി ജോർജുകുട്ടി പുരസ്കാരം ഏറ്റുവാങ്ങി.
സ്പിന്നർ പൈപ്പ്സ് എന്ന പേരിൽ മാർക്കറ്റ് ചെയ്യപ്പെടുന്ന, സ്പിന്നർ ഗ്രൂപ്പിന്റെ ഉൽപന്നങ്ങളെല്ലാം തന്നെ അതാത് മേഖലകളിൽ ഗുണനിലവാരത്തിലും വിശ്വാസ്യതയിലും തനതായ മുഖമുദ്ര പതിപ്പിച്ചിരിക്കുന്നു. നാളിതുവരെയുള്ള കമ്പനിയുടെ, ബിസിനസ് മേഖലയിലും സാമൂഹിക മേഖലയിലുമുള്ള പ്രവർത്തനങ്ങൾക്ക് ധാരാളം പുരസ്കാരങ്ങൾ തേടി വന്നിട്ടുണ്ട്.
പുരസ്കാരങ്ങൾ
1. 2007ലെ onicra ക്രെഡിറ്റ് റേറ്റിംഗ് ,
2. 2007ൽ ലഭിച്ച ഐഎസ്ഐ സർട്ടിഫിക്കേഷൻ,
3. 2009ൽ ലഭിച്ച ഐഎസ്ഒ 9001 സർട്ടിഫിക്കേഷൻ,
4. 2009 ൽ മഹാത്മാഗാന്ധി പീസ് ഫൗണ്ടേഷനിൽ നിന്നും "ബെസ്റ്റ് എന്റർപ്രണർ’ അവാർഡ്
5. 2009ലെ തന്നെ തൃശൂർ ജില്ല എനർജി കൺസർവേഷൻ അവാർഡ്
6. 2010ൽ നെഹ്രു പീസ് ഫൗണ്ടേഷനിൽ നിന്നും ബെസ്റ്റ് എന്റർപ്രണർ അവാർഡ്
7. 201011ൽ കേരള സംസ്ഥാന വ്യവസായ വകുപ്പിൽ നിന്നും ലഭിച്ച ബെസ്റ്റ് എന്റർപ്രണർ അവാർഡ്
8. 2013ൽ പിവിസി പൈപ്പ്സിന് ഐഎസ്ഐ സർട്ടിഫിക്കേഷൻ
9. 2015ൽ ധനം പബ്ലിക്കേഷൻസിന്റെ 25 അതുല്യ മലയാളി ബിസിനസ് പ്രതിഭകൾ എന്ന പുസ്തകത്തിൽ ഇടം നേടി.
10. 2017ൽ രാഷ്ട്രദീപിക കർഷകമിത്രം അവാർഡ്
11. 2020ൽ ലഭിച്ച 2018ലെ മികച്ച സമ്മിശ്ര കർഷനുള്ള സ്റ്റേറ്റ് അവാർഡ്
എന്നിവ തുടങ്ങി അനവധി നിരവധി പുരസ്കാരങ്ങളും അംഗീകാരങ്ങളും സ്പിന്നർ ഗ്രൂപ്പിനെ തേടി വന്നിട്ടുണ്ട്.
ഇന്ത്യയ്ക്ക് പുറത്തേക്ക് ബിസിനസ് വ്യാപിപ്പിക്കുന്നതിന്റെ ഭാഗമായി സ്പിന്നർ ഗ്രൂപ്പ് ഒമാനിൽ ഒരു വ്യാപാരസ്ഥാപനം തുടങ്ങിയിരിക്കുന്നു. വാട്ടർ ടാങ്കുകൾ നിർമ്മാണത്തിനും വിതരണത്തിനുമായി ഒമാനിൽ തന്നെ സ്പിന്നർ ഗ്രൂപ്പിന്റെ ഫാക്ടറി അടുത്ത് തന്നെ പ്രവർത്തനം ആരംഭിക്കുന്നതാണ്.
ഇന്ന് മുന്നൂറോളം വരുന്ന ജീവനക്കാർ, നാലു ഫാക്ടറികൾ കൂടാതെ ഇന്ത്യയ്ക്കകത്തും പുറത്തുമുള്ള മൊത്തവ്യാപാര സ്ഥാപനങ്ങൾ എന്നിവ സ്പിന്നർ ഗ്രൂപ്പിന്റെ വളർച്ചയുടെ തെളിവുകളാണ്.
സ്പിന്നർ പ്ലാസ്റ്റിക് ഇൻഡസ്ട്രീസ് ലിമിറ്റഡ്
ഈയിടെ സ്പിന്നർ പ്ലാസ്റ്റിക് ഇൻഡസ്ട്രീസ് ലിമിറ്റഡ് എന്ന പേരിൽ ഒരു പബ്ലിക് ലിമിറ്റഡ് കമ്പനി സ്പിന്നർ ഗ്രൂപ്പ് തുടങ്ങുകയുണ്ടായി. ആയതിൽ സ്പിന്നർ പൈപ്പ്, സ്പിന്നർ എക്സ്ട്രൂഷൻസ് പ്രൈവറ്റ് ലിമിറ്റഡ്, സ്പിന്നർ മാർക്കറ്റിംഗ് എന്നീ സ്ഥാപനങ്ങൾ ലയിപ്പിക്കുകയും പുതിയ കോർപ്പറേറ്റ് കെട്ടിടം നിർമ്മിച്ച് അതിലേയ്ക്ക് പ്രവർത്തനം സമാരംഭിക്കുകയും ചെയ്തു.
സ്പിന്നർ ഗ്രൂപ്പ്സിന്റെ പ്രോഡക്ട്സ് ലിസ്റ്റ്:
എച്ച്ഡിപിഇ പൈപ്പുകൾ: കുടിവെള്ള വിതരണത്തിനായി വികസിത രാജ്യങ്ങളിൽ ഏറ്റവും കൂടുതലായി ഇത് ഉപയോഗിച്ച് വരുന്നു. ആസിഡ്, രാസവസ്തുക്കൾ തുടങ്ങിയവയുമായി കെമിക്കൽ റിയാക്ഷൻ ഉണ്ടാകുന്നില്ല എന്നതിനാലാണിത്. വിർജിൻ മെറ്റീരിയൽ മാത്രമാണ് ഇതിന്റെ നിർമാണത്തിൽ ഉപയോഗിക്കുന്നത്.
സ്പിന്നർ എച്ച്ഡിപിഇ പൈപ്പ്സ് കേരളത്തിലെ ആദ്യത്തെ ഐഎസ്ഒ 9001 കമ്പനിയാണ്. 1000 മീറ്ററോളം വരെ നീളമുള്ള കോയിലുകളായി ഈ പൈപ്പുകൾ സൂക്ഷിക്കാമെന്നത് ഫിറ്റിംഗ്സ് ചിലവുകൾ കുറയ്ക്കുകയും ചരക്ക് ഗതാഗതം, സംഭരണം തുടങ്ങിയവ എളുപ്പമുള്ളതാക്കുകയും ചെയ്യുന്നു.
പ്രൊഡക്ഷൻ പ്രധാനമായും പിഇ 63, പിഇ 80, പിഇ 100 എന്നീ ഗ്രേഡുകളായി തിരിച്ചിരിക്കുന്നു. എച്ച്ഡിപിഇ പൈപ്പിനെ വേർതിരിച്ചറിയുന്നതിന് പൈപ്പിൽ കാണപ്പെടുന്ന, ഇന്റർനാഷണൽ സ്റ്റാൻഡേർഡ്സ് പ്രകാരമുള്ള മൂന്നു നീല വരകളും ലേസർ പ്രിന്റിംഗിൽ ഉള്ള ഗുണമേന്മാ മുദ്രണവും നോക്കിയാൽ മതി.
എൽഡിപിഇ പൈപ്പുകൾ: എൽഡിപിഇ പൈപ്പുകൾ ഓട്ടോമൊബൈൽ, ന്യൂമാറ്റിക്, ബ്രൂവിംഗ്, ഫുഡ് ഇൻഡസ്ട്രീസ് തുടങ്ങിയവയുടെ പ്രവർത്തനങ്ങളിൽ ഉപയോഗിക്കുന്നു. ലോ ഡെൻസിറ്റി മെറ്റീരിയലായതിനാൽ എച്ച്ഡിപിഇ പൈപ്പുകളെ അപേക്ഷിച്ച് ഭാരവും വിലയും ശ്രദ്ധേയമാം വിധം കുറവാണ്.
റിജിഡ് യുപിവിസി പൈപ്പ്സ്: സ്പിന്നർ യുപിവിസി പൈപ്പുകൾ ലോകോത്തര നിലവാരം ഉറപ്പു വരുത്തുന്നു. അതിനായി ഏറ്റവും നൂതന സാങ്കേതിക വിദ്യകൾ, മെഷീനറികൾ, പരിചയ സമ്പന്നരായ സാങ്കേതിക വിദഗ്ധരുടെ സേവനം തുടങ്ങി പല ഘടകങ്ങളും ഇതിൽ ഉൾപ്പെടുന്നു.
പൈപ്പുകൾ കൂടാതെ അതിന്റെ അനുബന്ധഘടകങ്ങളായ പിവിസി സ്ക്വയർ പാത്തികൾ, ഹാഫ് റൗണ്ട്സ്, ബെൻഡുകൾ തുടങ്ങി ഒട്ടനവധി ഉൽപ്പന്നങ്ങൾ നിർമ്മിച്ച് വരുന്നു.
ഫ്ളെക്സിബിൾ പൈപ്പുകൾ: ഗാർഡൻ ഹോസ്, സക്ഷൻ & ഡെലിവറി ഹോസുകൾ എന്നിവ സ്പിന്നർ പോളിമേഴ്സ് പ്രൈവറ്റ് ലിമിറ്റഡ് എന്ന സ്ഥാപനത്തിൽ നിന്നും നിർമ്മിക്കപ്പെടുന്നു. 3/4’’ മുതൽ 2’’ വരെ വണ്ണമുള്ള സക്ഷൻ & ഡെലിവറി ഹോസുകൾ ഇവിടെ നിർമ്മിക്കുന്നു. 1/2’’ മുതൽ 1’’ വരെയുള്ള എക്സ്ട്രാ ഫ്ളെക്സിബിൾ ഗാർഡൻ ഹോസുകളും ഇവിടെ നിർമിച്ചു വരുന്നു.
പിവിസി സ്ക്വയർ പാത്തികൾ: പിവിസി സ്ക്വയർ പാത്തികൾ പേര് സൂചിപ്പിക്കുന്നത് പോലെ, മഴവെള്ളം പാത്തികൾ വഴി തിരിച്ച് വിടുന്നതിനോ മഴവെള്ള സംഭരണികളിലേക്ക് കുഴലുകളിലൂടെ എത്തിക്കുന്നതിനും ഉപയോഗിക്കുന്നു. പാത്തികളിൽ ഉപയോഗിക്കുന്ന ഫിറ്റിംഗ്സുകൾ സ്റ്റാൻഡേർഡ് സൈസിൽ നിർമിച്ചുവരുന്നു.
പിവിസി ഹാഫ് റൗണ്ട്സ് (പാത്തികൾ): ഹാഫ് റൗണ്ട്സ് അഥവാ പി.വി.സി പാത്തികൾ മേൽപ്പറഞ്ഞത് പോലെ റെയിൻ വാട്ടർ ചാനലിംഗിനായി ഉപയോഗിക്കുന്നു.
പിവിസി കോണ്ട്യൂട്ട് പൈപ്പുകൾ: ഇലക്ട്രിക്കൽ വയറിംഗ് ആവശ്യത്തിനായാണ് പിവിസി കോണ്ട്യൂട്ട് പൈപ്പുകൾ ഉപയോഗിക്കുന്നത്. വയറിംഗ് ലൈനിൽ ഷോർട്ട് സർക്യൂട്ട് ഉണ്ടായാലും തീ പിടിക്കാത്ത തരത്തിലുള്ള് മെറ്റീരിയൽസ് കൊണ്ടാണ് ഇവയുടെ നിർമാണം.
ഇത് ഉപയോഗിക്കുന്നത് വഴി, പരമാവധി സുരക്ഷ ഉറപ്പു വരുത്താൻ കഴിയുന്നു. കോണ്ട്യൂട്ട് പൈപ്പിൽ വാൾ തിക്ക്നെസ്സ് കട്ടി കുറഞ്ഞ തരം പൈപ്പുകൾ കോൺക്രീറ്റ് ചെയ്യുമ്പോൾ കൺസീൽഡ് വയറിംഗിനായി ഉപയോഗിക്കുന്നു.
പൈപ്പ് ഫിറ്റിംഗ്സ്: പിവിസി ഫാബ്രിക്കേറ്റഡ് ബെൻഡുകൾ, "S' ബെൻഡുകൾ എന്നിവയാണ് പ്രധാനമായും സ്പിന്നർ ഗ്രൂപ്പ് നിർമ്മിച്ച് വരുന്നത്. 1/2'' മുതൽ 8'' വരെയുള്ള സൈസുകളിൽ നിർമിച്ചു വരുന്നു. ഗ്രേ, വൈറ്റ് നിറങ്ങളിൽ ലഭിക്കുന്നു. കൂടാതെ പിവിസി പൈപ്പുകൾക്കുള്ള ഫിറ്റിംഗ്സുകളുടെ നിർമാണവും ആരംഭിച്ചിരിക്കുന്നു.
വാട്ടർ ടാങ്ക്സ്: സ്പിന്നർ ഗ്രൂപ്പ് നിർമ്മിച്ച് വരുന്ന ഉയർന്ന ഗുണമേന്മയുള്ള എച്ച്ഡിപിഇ ടാങ്കുകൾ കുടിവെള്ള സംഭരണത്തിനുപരി ഉൽപന്നത്തിന്റെ അന്താരാഷ്ട്ര നിലവാരത്തിലുള്ള ഗുണനിലവാരം ഉറപ്പു വരുത്തുന്നു. മേൽ ടാങ്കുകൾ വളരെ ചെറിയതു മുതൽ 2000 ലിറ്റർ വരെ വിവിധ വലിപ്പത്തിലും നിറങ്ങളിലും ലഭ്യമാണ്.
സ്പിന്നർ ഗ്രൂപ്പ് തങ്ങളുടെ ഉത്പന്നങ്ങൾക്ക് പുറമെ ലോകോത്തര നിലവാരത്തിലുള്ള മറ്റു കമ്പനികളുടെ ഉൽപ്പന്നങ്ങളുടെ ഡീലറും കൂടി ആണ്.