കമ്യൂട്ടേഷൻ വേണ്ടെങ്കിൽ ആ വിവരം അറിയിക്കണം : Deepika.com Tax News

Services & Questions

കമ്യൂട്ടേഷൻ വേണ്ടെങ്കിൽ ആ വിവരം അറിയിക്കണം

2018 മാർച്ച് 31ന് വിരമിച്ചു. ഓഫീസ് അറ്റൻഡർ ആയിരു ന്നു. 16 വർഷത്തെ സർവീസ് മാത്രമേയുള്ളൂ. നിലവിലെ വ്യവസ്ഥ അനുസരിച്ച് എനിക്ക് മിനിമം പെൻഷനായ 8500 രൂപയും ഡിഎയും മാത്രമേ ലഭിക്കുകയുള്ളൂ. ഇതിൽനിന്ന് കമ്യൂട്ടേഷൻ കുറച്ചാൽ ബാക്കി കിട്ടുന്ന പെൻഷൻ വളരെ കുറവാണ്. എനിക്ക് കൂടുതൽ ബാധ്യതകൾ ഒന്നും ഇല്ല. പെൻഷനിൽനിന്ന് കമ്യൂട്ടേഷൻ ഒഴിവാക്കാമോ? പെൻഷൻ കമ്യൂട്ട് ചെയ്യാനാഗ്രഹിക്കുന്നില്ലെങ്കിൽ ഈ വിവരം ആരെയാണ് അറിയിക്കേണ്ടത്? പെൻഷൻ കമ്യൂട്ട് ചെയ്യാത്തതുകൊണ്ട് മറ്റെന്തെങ്കിലും പ്രശ്നമുണ്ടോ? സാധാരണ എത്ര തുകയാണ് കമ്യൂട്ട് ചെയ്യുന്നത്?
ടോം ഡേവിഡ്, ഏറ്റുമാനൂർ

പെൻഷൻ പറ്റുന്പോൾ കമ്യൂട്ട് ചെയ്യുന്നുണ്ടോ എന്ന വിവരം രേഖാമൂലം ഓഫീസ് മേധാവിയെ ആണ് അറിയിക്കേണ്ടത്. പെൻഷന്‍റെ 40 ശതമാനം വരെയുള്ള തുകയാണ് 12 വർഷത്തേക്ക് ഒറ്റത്തവണയായി ലഭിക്കുന്നത്. കമ്യൂട്ട് ചെയ്യുന്നില്ലെങ്കിൽ മൊത്തം പെൻഷനും അതിന്‍റെ നിലവിലുള്ള ഡിഎയും കൂടിയ തുക ലഭിക്കും. നിലവിൽ മിനിമം പെൻഷനായ 8500 രൂപയുടെ 40 ശതമാനം കമ്യൂട്ട് ചെയ്താൽ ഒറ്റത്തവണയായി 4,52,880 രൂപ ലഭിക്കും. ഈ തുക എന്തെങ്കിലും പ്രയോജനപ്രദമായ കാര്യത്തിന് വേണമെങ്കിൽ ഉപയോഗിക്കാം. അല്ലെങ്കിൽ ഡിപ്പോസിറ്റ് ചെയ്ത് പലിശ വാങ്ങിക്കാം. കൂടാതെ 12 വർഷം കഴിയുന്പോൾ കമ്യൂട്ടേഷൻ പുനഃസ്ഥാപിച്ചു കിട്ടുകയും ചെയ്യും.