മെഡിക്കൽ റീഇംബേഴ്സ്മെന്‍റ് ലഭിക്കും, പ്രത്യേക അനുമതി വേണം : Deepika.com Tax News

Services & Questions

മെഡിക്കൽ റീഇംബേഴ്സ്മെന്‍റ് ലഭിക്കും, പ്രത്യേക അനുമതി വേണം

എയ്ഡഡ് യുപി സ്കൂളിൽ ജോലി ചെയ്യുന്ന അധ്യാപകനാണ്. എന്‍റെ അമ്മ എന്നെ ആ‌ശ്ര യിച്ചാണ് കഴിയുന്നത്. അമ്മയ് ക്ക് അടിയന്തര ശസ്ത്രക്രിയ ആവശ്യമായി വന്നപ്പോൾ ചികിത്സ നടത്തിയത് സ്വകാര്യ മെഡിക്കൽ കോളജിലാണ്. അടിയന്തര ശസ്ത്രക്രിയ ആവശ്യമായതിനാലാണ് അവിടെ ചികിത്സിച്ചത്. ഒന്നരലക്ഷം രൂപയോളം ചെലവായി. ബില്ലുകളും ഡിസ്ചാർജ് സമ്മറിയുമെല്ലാം ലഭിച്ചിട്ടുണ്ട്. സ്വകാര്യ മെഡിക്ക ൽ കോളജിൽ ചികിത്സ തേടിയതിനാൽ ചെലവായ തുക റീ ഇംബേഴ്സ് ചെയ്തു കിട്ടുമോ? ബില്ലുകളും അപേക്ഷയും എത്ര ദിവസത്തിനുള്ളിൽ സമർപ്പിക്കണം‍?
ടോം ജോസ്,
ചങ്ങനാശേരി

സർക്കാർ ആശുപത്രികളിലോ, അംഗീകൃത സ്വകാര്യ ആ ശുപത്രികളിലോ അല്ലാതെ ചികിത്സ നടത്തിയാലും ചെലവായ തുക റീഇംബേഴ്സ് ചെയ്തു കിട്ടും. സാധാരണ റീഇംബേഴ് സ്മെന്‍റിനുവേണ്ടി തയാറാക്കുന്ന അപേക്ഷയോടൊപ്പം ഗവ. സെക്രട്ടറിയുടെ (ഫിനാൻസ്) പേർക്കുള്ള പ്രത്യേക അപേക്ഷയും ഇതോടൊപ്പം വയ്ക്കണം. ഈ അപേക്ഷയിൽ സ്വകാര്യ മെഡിക്കൽ കോളജ് ആശുപത്രിയിൽ ചികിത്സിക്കാനിടയായ സാഹചര്യം വ്യക്തമാക്കിയിരിക്കണം. ഗവ. സെക്രട്ടറി (ഫിനാൻസ്)യുടെ പ്രത്യേക അനുമതിയോടെ മെഡിക്കൽ റീ ഇംബേഴ്സ്മെന്‍റ് അനുവദിക്കുന്നതാണ്. അപേക്ഷ ജോലിചെയ്യുന്ന ഓഫീസ് മുഖേന സമർപ്പിക്കുക.