ട്രഷറിയിൽ ബന്ധപ്പെടുക : Deepika.com Tax News

Services & Questions

ട്രഷറിയിൽ ബന്ധപ്പെടുക

31-/3-/2006ൽ എയ്ഡഡ് സ്കൂളിൽനിന്ന് വിരമിച്ചു. 2006 മേയ് മുതൽ പെൻഷൻ വാങ്ങുന്നു. 2012 മുതൽ ബാങ്ക് മുഖേനയാണ് പെൻഷൻ വാങ്ങുന്നത്. എന്‍റെ കമ്യൂട്ടേഷൻ പുനഃസ്ഥാപിച്ചു കിട്ടിയിരുന്നത് 1-6-2018 മുതലാണ്. എന്നാൽ 2016 ജൂണ്‍ മുതൽ എനിക്ക് പെൻഷൻ കിട്ടുന്നത് കൂടുതലാണ്. അടുത്ത കാലത്ത് പാസ്‌‌ബുക്ക് ശ്രദ്ധിച്ചപ്പോഴാണ് തെറ്റ് ശ്രദ്ധയിൽപ്പെട്ടത്. ബാങ്കിൽ ബന്ധപ്പെട്ടപ്പോൾ അവർക്ക് ഇതേക്കുറിച്ച് അറിയില്ലെന്ന മറുപടിയാണ് ലഭിച്ചത്. 2016 മുതൽ കൂടുതലായി വാങ്ങിക്കൊണ്ടിരിക്കുന്ന തുക തിരിച്ചുപിടിക്കുമോ? തിരിച്ചുപിടിക്കുക ഒറ്റത്തവണ ആയിട്ടാണോ? തെറ്റ് പരിഹരിക്കാൻ ആരെയാണ് സമീപിക്കേണ്ടത്?
ജോസഫ് തോമസ്, നെടുങ്കണ്ടം

സാധാരണ പെൻഷൻകാരുടെ കമ്യൂട്ടേഷൻ തുക പുനഃസ്ഥാപിച്ചു കിട്ടുന്നത് കമ്യൂട്ടേഷൻ തുക വാങ്ങിയതിനുശേഷം 12 വർഷം കഴിഞ്ഞാണ്. 12 വർഷം പൂർത്തിയാകുന്ന മുറയ്ക്കാണ് കമ്യൂട്ടേഷൻ റെസ്റ്റോറേഷൻ നടത്തുന്നത്. താങ്കളുടെ കാര്യത്തിൽ തെറ്റ് സംഭവിച്ചിട്ടുണ്ടാകും. 2016 മുതൽ ബാങ്ക് മുഖേനയുള്ള പെൻഷനും ട്രഷറിയിലാണ് ചെയ്യുന്നത്. ട്രഷറി ഡയറക്ടറേറ്റിലാണ് ബാങ്ക് മുഖേന പെൻഷൻ വാങ്ങുന്നവരുടെ കാര്യങ്ങൾ ചെയ്യുന്നത്. കൂടുതൽ തുക കൈപ്പറ്റിയതായി തോന്നുന്നുവെങ്കിൽ തൊട്ടടുത്തുള്ള ട്രഷറിയുമായി ബന്ധപ്പെടുക. കൂടുതൽ കൈപ്പറ്റിയ തുക തവണകളായി മാത്രമേ തിരികെ പിടിക്കുകയുള്ളൂ.