പ്രസവാവധി പോലെ അബോർഷൻ ലീവും പരിഗണിക്കും : Deepika.com Tax News

Services & Questions

പ്രസവാവധി പോലെ അബോർഷൻ ലീവും പരിഗണിക്കും

പഞ്ചായത്ത് വകുപ്പിൽ എൽഡി ക്ലർക്കായി ജോലി ചെയ്യുന്ന ജീവനക്കാരിയാണ്. ഇപ്പോൾ രണ്ടു വർഷത്തെ സർവീസുണ്ട്. എന്‍റെ പ്രൊബേഷൻ ഡിക്ലയർ ചെയ്തിട്ടില്ല. ഡിപ്പാർട്ട്മെന്‍റൽ ടെസ്റ്റുകൾ പാസായിട്ടുണ്ട്. ഞാൻ 42 ദിവസത്തെ സ്പെഷൽ ലീവിലായിരുന്നു. അബോർഷനുമായി ബന്ധപ്പെട്ടാണ് ലീവ് എടുത്തത്. എന്‍റെ പ്രൊബേഷൻ കൃത്യസമയത്തുതന്നെ പൂർത്തീകരിച്ചു തരേണ്ടതല്ലേ? അബോർഷനുവേണ്ടി എടുത്ത 42 ദിവസത്തെ സ്പെഷൽ ലീവ് പ്രൊബേഷൻ കണക്കാക്കുന്ന ഡ്യൂട്ടിയിൽനിന്ന് ഒഴിവാക്കപ്പെടുമോ? മറ്റ് അവധികൾ ഒന്നുംതന്നെ രണ്ടു വർഷത്തിനിടയിൽ എടുത്തിട്ടില്ല.
ഗീതാദേവി,
കൂത്താട്ടുകുളം

അബോർഷനുവേണ്ടി എടുത്ത 42 ദിവസത്തെ ലീവ് ഡ്യൂട്ടി യായി പരിഗണിക്കും. മെറ്റേണിറ്റി ലീവ് പോലെ തന്നെയാണ് അബോർഷനുവേണ്ടിയുള്ള ലീവും പരിഗണിക്കുന്നത്. പ്രൊബേഷൻ ഡിക്ലയർ ചെയ്യാൻ ആവശ്യമായ ഡിപ്പാർട്ട്മെന്‍റൽ ടെസ്റ്റുകൾ ജയിച്ചിട്ടുണ്ടെങ്കിൽ മറ്റ് യാതൊരുവിധ തടസങ്ങളുമില്ല. പ്രൊബേഷൻ ഡിക്ലയർ ചെയ്യുന്നതിനുള്ള പ്രൊപ്പോസൽ കൺട്രോളിംഗ് അഥോറിറ്റി/ അപ്പോയിന്‍റിംഗ് അഥോറിറ്റിക്ക് കൃത്യസമയത്തുതന്നെ അയച്ചുകൊടുക്കാത്തതുകൊണ്ടായിരിക്കാം പ്രൊബേഷൻ ഡിക്ലയർ ചെയ്യുന്നതിൽ താമസം ഉണ്ടായിരിക്കുന്നത്. ഓഫീസ് മേധാവിയുമായി ബന്ധപ്പെടുക.