ഹെഡ്മാസ്റ്റർമാർക്ക് റസിഡൻസി ഹയർഗ്രേഡ് : Deepika.com Tax News

Services & Questions

ഹെഡ്മാസ്റ്റർമാർക്ക് റസിഡൻസി ഹയർഗ്രേഡ്

ഹെഡ്മാസ്റ്റർ സ്കെയിൽ അർഹമാകുന്നതിനു മുന്പ് ഹെഡ്മാസ്റ്റർ തസ്തിക വഹിച്ച സംസ്ഥാനത്തെ പ്രൈമറി സ്കൂൾ ഹെഡ്മാസ്റ്റർമാർക്ക് സമയബന്ധിത ഹയർഗ്രേഡ് സർ ക്കാർ അനുവദിച്ചു. തുടർന്ന് വരുന്ന ശന്പള സ്കെയിലിന് തൊട്ടടുത്ത ഉയർന്ന ശന്പളസ്കെയിൽ നിശ്ചിത സേവനകാലം പൂർത്തിയാക്കുന്ന മുറയ്ക്ക് ഹയർഗ്രേഡ് സ്കെയിൽ ലഭിക്കും. ഇത്തരം സമയബന്ധിത ഹയർഗ്രേഡിനെ റസിഡൻസി ഹയർഗ്രേഡ് എന്നു വിളിക്കും.

15 വർഷം അധ്യാപക സേവനത്തിന് മുന്പ് ഹെഡ്മാസ്റ്റർ ആയി പ്രമോഷൻ ലഭിക്കുന്പോൾ കെഇആർ അധ്യായം 26ന്‍റെ അടിസ്ഥാനത്തിൽ ഹെഡ്മാസ്റ്റർ ശന്പള സ്കെയിൽ ലഭിക്കുന്നില്ല. അതിനാൽ ശന്പള നിർണയം ആവശ്യമായി വരുന്നില്ല. അധ്യാപകർ വാങ്ങി വന്നിരുന്ന ശന്പള സ്കെയിലും അടിസ്ഥാന ശന്പളവും ഇൻക്രിമെന്‍റ്, ഗ്രേഡ് തീയതികളും മാറ്റമില്ലാതെ തുടരുന്നതുമായിരിക്കും.

15വർഷം സേവനത്തിനു മുന്പ് ശന്പള സ്കെയിലിന് അർഹത ഇല്ലാതെ തന്നെ ഹെഡ്മാസ്റ്റർ ജോലി സ്വീകരിച്ചുവരുന്ന അധ്യാപകന് ഹെഡ്മാസ്റ്റർ തസ്തികയിലെ റസിഡൻസി പരിഗണിച്ച് എട്ടു വർഷം പൂർത്തിയാകുന്ന മുറയ്ക്ക് റസിഡൻസി ഹയർഗ്രേഡ് അനുവദിച്ചു നൽകുന്നതാണ്. യോഗ്യത നേടാത്ത സേവനത്തെ അടിസ്ഥാനപ്പെടുത്തി ആണ് ഗ്രേഡ് അനുവദിക്കുന്നത് എന്നതിനാൽ ഗ്രേഡ് പ്രമോഷനുള്ള പൊതുതത്വം അനുസരിച്ച് അതതു കാലത്തെ ശന്പള പരിഷ്കരണ ഉത്തരവുകളിൽ വിവരിക്കുന്ന ശന്പള സ്കെയിലുകളിൽ തൊട്ടടുത്ത ഉയർന്ന ശന്പള സ്കെയിൽ ആണ് ഹയർഗ്രേഡ് സ്കെയിൽ ആയി അനുവദിക്കേണ്ടത്. കെ എസ്ആർ ഭാഗം ഒന്ന് ചട്ടം 28എ പ്രകാരം ശന്പളനിർണയം നടത്താം.

ചുരുക്കത്തിൽ ഹെഡ്മാസ്റ്റർ തസ്തികയിൽ പ്രവേശിക്കുകയും എന്നാൽ കെഇആർ അധ്യായം xxvi ചട്ടം (1)അടിസ്ഥാനത്തിൽ ഹെഡ്മാസ്റ്റർ സ്കെയിലിന് അർഹമാകാതെ ജോലി ചെയ്യുന്നതുമായ പ്രൈമറി സ്കൂൾ പ്രഥമാധ്യാപകർക്ക് അവരുടെ ഹെഡ്മാസ്റ്റർ തസ്തികയിലെ ഒൗദ്യോഗികവൃത്തി പരിഗണിച്ച് ഗ്രേഡ് പ്രമോഷനുകൾ അനുവദിച്ചു. നം. 108/ജെ1/2018 പൊ.വി.വ. തീയതി 08/03/2019.