ട്രഷറിയെ സമീപിക്കണം : Deepika.com Tax News

Services & Questions

ട്രഷറിയെ സമീപിക്കണം

എന്‍റെ അച്ഛൻ സർവീസ് പെൻഷണറായിരുന്നു. അദ്ദേഹം എസ് ബിഐ മുഖേനയാണ് പെൻഷൻ വാങ്ങിയിരുന്നത്. ഫെബ്രുവരി 10ന് അദ്ദേഹം മരണമടഞ്ഞു. ഫാമിലി പെൻഷൻ അമ്മയുടെ പേരിൽ ചേർത്തിട്ടുണ്ടായിരുന്നു. ഫാമിലി പെൻഷൻ അനുവദിച്ചു കിട്ടുന്നതിനുവേണ്ടി ട്രഷറിയിൽ അപേക്ഷ സമർപ്പിച്ചപ്പോൾ പെൻഷൻ ബുക്ക് (പിപിഒ) ആവശ്യമാണെന്ന് അറിയിച്ചു. ബാങ്കിൽ അന്വേഷിച്ചപ്പോൾ ബാങ്കിലുണ്ടായിരുന്ന രേഖകളെല്ലാം ട്രഷറി ഡയറ‌ക്‌‌ടർക്ക് അയച്ചുകൊടുത്തിട്ടുണ്ട് എന്നാണറിയിച്ചത്. ഞങ്ങളുടെ കൈവശം പിപിഒയുടെ ഒരു കോപ്പി കാണേണ്ടതായിരുന്നു എന്നാണ് അറിയാൻ കഴിഞ്ഞത്. പിപിഒ കിട്ടിയെങ്കിൽ മാത്രമേ ഫാമിലി പെൻഷൻ പാസാക്കി കിട്ടുകയുള്ളൂ. പിപിഒ കിട്ടുന്നതിനുവേണ്ടി എന്താണ് ചെയ്യേണ്ടത്?
പി. ലതിക, കൊല്ലം

ബാങ്ക് മുഖേന പെൻഷൻ വാങ്ങിക്കൊണ്ടിരുന്നവരുടെ പിപിഒയുടെ ഒരു കോപ്പി പെൻഷൻകാരനു തിരികെ കൊടുക്കാറുണ്ടായിരുന്നു. അത് വാങ്ങാതിരുന്നതാണെങ്കിൽ പിപിഒയുടെ രണ്ടു ഭാഗവും ബാങ്കിൽത്തന്നെ കാണേണ്ടതായിരുന്നു. പെൻഷൻ സംബന്ധിച്ച കാര്യങ്ങൾ ട്രഷറി ഡിപ്പാർട്ട്മെന്‍റ് മുഖേനയാണ് ഇപ്പോൾ നടക്കുന്നത്. പെൻഷന്‍റെ എല്ലാ കാര്യങ്ങളും ട്രഷറി ഏറ്റെടുത്തപ്പോൾ ബാങ്കുകൾ പിപിഒയും മറ്റു രേഖകളും ട്രഷറി ഡിപ്പാർട്ട്മെന്‍റിനെ ഏൽപ്പിച്ചിട്ടുണ്ടായിരിക്കും. അതിനാൽ പിപിഒ ലഭിക്കണമെങ്കിൽ ട്രഷറി ഡയറക്‌‌ടർക്ക് അപേക്ഷ സമർപ്പിക്കേണ്ടതാണ്.