കൈക്കരുത്തിന്‍റെ വാർഷികവും തണ്ടുലഞ്ഞ താമരയും
ജോ​ർ​ജ് ക​ള്ളി​വ​യ​ലി​ൽ

രാ​ഹു​ൽ ഗാ​ന്ധി​ക്കി​ത് ശ​രി​ക്കും വാ​ർ​ഷി​കാ​ഘോ​ഷം. കോ​ണ്‍ഗ്ര​സ് അ​ധ്യ​ക്ഷ​നാ​യി രാ​ഹു​ൽ തെരഞ്ഞെടുക്കപ്പെട്ടതു ക​ഴി​ഞ്ഞ വ​ർ​ഷം ഇ​തേ​ദി​വ​സം. 2017 ഡി​സം​ബ​ർ 11നാ​ണ് രാ​ഹു​ൽ കോ​ണ്‍ഗ്ര​സ് പ്ര​സി​ഡ​ന്‍റാ​യ​ത്. ഒ​ന്നാം വാ​ർ​ഷി​ക​ത്തി​ൽ ത​ന്നെ ത​ട്ടു​പൊ​ളി​പ്പ​ൻ പ്ര​ക​ട​നം. ഒ​രു വ​ർ​ഷം കൊ​ണ്ടു​ത​ന്നെ പാ​ർ​ട്ടി​യു​ടെ ത​ലൈ​വ​രാ​യി അ​ദ്ദേ​ഹം സ്ഥാ​നം ഉ​റ​പ്പി​ച്ചു. അ​ധി​കാ​രം, പ​ണം, ആ​ർ​എ​സ്എ​സി​ന്‍റെ സം​ഘ​ട​നാ​ശ​ക്തി എ​ന്നി​വ മു​ത​ൽ മോ​ദി​യു​ടെ പ്ര​തി​ച്ഛാ​യ​യും മാ​ധ്യ​മ​ങ്ങ​ളും വ​രെ​യു​ള്ള പ​ല​തി​നെ​യും നേ​രി​ട്ടാ​യി​രു​ന്നു രാ​ഹു​ലി​ന്‍റെ കു​തി​പ്പ്.

ഹി​ന്ദി ഹൃ​ദ​യ​ഭൂ​മി​യി​ൽ, ബി​ജെ​പി​യു​ടെ ശ​ക്തി​കേ​ന്ദ്ര​ങ്ങ​ളാ​യ മ​ധ്യ​പ്ര​ദേ​ശ്, രാ​ജ​സ്ഥാ​ൻ, ഛത്തീ​സ്ഗ​ഡ് സം​സ്ഥാ​ന​ങ്ങ​ളി​ൽ കോ​ണ്‍ഗ്ര​സി​നെ വീണ്ടും അ​ധി​കാ​ര​ത്തി​ലെ​ത്തി​ച്ച​തി​ന്‍റെ ശ​ക്തി പാ​ർ​ട്ടി​ക്കും രാ​ഹു​ൽ ഗാ​ന്ധി​ക്കും ഇ​ര​ട്ടി​മ​ധു​ര​മാ​യി. സം​ഘ​പ​രി​വാ​ർ ആ​ക്ഷേ​പി​ച്ച​തു​പോ​ലെ വെ​റും പ​പ്പു​വ​ല്ല, മ​റി​ച്ച് മോ​ദി​യെ വെ​ല്ലു​വി​ളി​ക്കാ​ൻ ക​ഴി​വു​ള്ള ക​രു​ത്ത​നാ​ണ് രാ​ഹു​ൽ എ​ന്നു തെ​ളി​യി​ക്കു​ന്ന ജ​ന​വി​ധി. ബി​ജെ​പി​യു​മാ​യി നേ​രി​ട്ട് ഏ​റ്റു​മു​ട്ടി​യ മൂ​ന്നി​ട​ത്തും കോ​ണ്‍ഗ്ര​സി​നു ജ​യം നേ​ടാ​നാ​യി. ഭ​ര​ണ​ത്തി​ലി​രു​ന്ന മൂ​ന്നി​ട​ത്ത് ഉ​ൾ​പ്പെ​ടെ അ​ഞ്ചു സം​സ്ഥാ​ന​ങ്ങ​ളി​ലും ബി​ജെ​പി തോ​ൽ​ക്കു​ക​യും ചെ​യ്തു.

കൈ​വി​രി​ച്ച് രാ​ഹു​ൽ; ഒളിമങ്ങി മോ​ദി

അ​ഞ്ചു വ​ർ​ഷം മു​ന്പു മ​ധ്യ​പ്ര​ദേ​ശ്, രാ​ജ​സ്ഥാ​ൻ, ഛത്തീ​സ്ഗ​ഡ് നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളി​ൽ ഉ​ജ്വ​ല വി​ജ​യ​ത്തോ​ടെ​യാ​യി​രു​ന്നു ന​രേ​ന്ദ്ര മോ​ദി​യും ബി​ജെ​പി​യും തി​ള​ങ്ങി​യ​ത്. തു​ട​ർ​ന്നു ന​ട​ന്ന ലോ​ക്സ​ഭാ തെ​ര​ഞ്ഞെ​ടു​പ്പി​ൽ കോ​ണ്‍ഗ്ര​സി​നെ ത​ക​ർ​ത്തെ​റി​ഞ്ഞാ​ണ് മോ​ദി ഡ​ൽ​ഹി പി​ടി​ച്ച​ത്.

ഇ​ന്ദി​രാ​ഗാ​ന്ധി​ക്കു​ശേ​ഷം രാ​ജ്യം ക​ണ്ട ഏ​റ്റ​വും ക​രു​ത്ത​നാ​യ നേ​താ​വെ​ന്ന് മോ​ദി​യെ വ​ൻ​കി​ട വ്യ​വ​സാ​യി​ക​ളും ദേ​ശീ​യ മാ​ധ്യ​മ​ങ്ങ​ളും വാ​ഴ്ത്തി​പ്പാ​ടി. അ​ച്ഛേ ദി​ൻ വാ​ഗ്ദാ​നം ചെ​യ്ത മോ​ദി, അ​ഴി​മ​തി അ​വ​സാ​നി​പ്പി​ക്കും, ക​ള്ള​പ്പ​ണം വീ​ണ്ടെ​ടു​ക്കും, ക​ർ​ഷ​ക​രെ ര​ക്ഷി​ക്കും, യു​വ​ജ​ന​ങ്ങ​ൾ​ക്ക് തൊ​ഴി​ൽ നല്കും തു​ട​ങ്ങിയ വാ​ഗ്ദാ​ന​ങ്ങ​ൾ നി​ര​ത്തി​യാ​ണ് ജ​ന​ത്തെ കൈ​യി​ലെ​ടു​ത്ത​ത്.

പ​ക്ഷേ അ​ഞ്ചു വ​ർ​ഷം ക​ഴി​ഞ്ഞ് മ​റ്റൊ​രു ഡി​സം​ബ​റി​ൽ എ​ല്ലാം തി​രി​ച്ചു​മ​റി​യു​ന്ന​താ​ണ് രാ​ജ്യം ക​ണ്ട​ത്. റ​ഫാ​ൽ അ​ഴി​മ​തി അ​ട​ക്കം മോ​ദി​ക്കെ​തി​രേ രൂ​ക്ഷവി​മ​ർ​ശ​ന​ങ്ങ​ളു​മാ​യി രാ​ഹു​ൽ ക​ത്തി​ക്ക​യ​റി. ക​രു​ത്ത​നെ​ന്നു വീ​ന്പി​ള​ക്കി അ​ഹ​ന്ത കാ​ട്ടി​യ മോ​ദി​യെ​യും ബി​ജെ​പി​യെ​യും അ​വ​രു​ടെ ത​ട്ട​ക​ത്തി​ൽ തൂ​ത്തെ​റി​ഞ്ഞു രാ​ഹു​ലും കോ​ണ്‍ഗ്ര​സും കൈ ​ഉ​യ​ർ​ത്തി. അ​തു​വ​ഴി ദേ​ശീ​യ രാ​ഷ്‌ട്രീയ​ത്തി​ലെ ഏ​റ്റ​വും പ്ര​ബ​ല​നാ​യ താ​ര​മാ​യി രാ​ഹു​ൽ മാ​റി.

2019ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ മോ​ദി​യെ വെ​ല്ലു​വി​ളി​ക്കാ​നു​ള്ള പ്ര​തി​പ​ക്ഷ പോ​രാ​ട്ട​ത്തി​ന്‍റെ നാ​യ​ക​നെ​ന്ന പ​ദ​വി നേ​ടി​യ​തി​നു തൊ​ട്ടു​പി​ന്നാ​ലെ​യാ​ണ് അ​നു​കൂ​ല ജ​ന​വി​ധി. ക​ടു​ത്ത കോ​ണ്‍ഗ്ര​സ് വി​രു​ദ്ധ​ർ ഉ​ൾ​പ്പെ​ട്ട ബി​ജെ​പി ഇ​ത​ര പ്ര​തി​പ​ക്ഷംകൂ​ടി രാ​ഹു​ലി​നെ അം​ഗീ​ക​രി​ക്കു​ന്ന​തും രാ​ജ്യം ക​ണ്ടു. രാ​ഹു​ലി​ന്‍റെ നേ​തൃ​ത്വ​ത്തി​ൽ ഡ​ൽ​ഹി​യി​ൽ തി​ങ്ക​ളാ​ഴ്ച ചേ​ർ​ന്ന 21 പ്ര​തി​പ​ക്ഷ ക​ക്ഷി​ക​ളു​ടെ സം​യു​ക്ത യോ​ഗ​ത്തി​ൽ ആം ​ആ​ദ്മി പാ​ർ​ട്ടി​യു​ടെ അ​ര​വി​ന്ദ് കേ​ജ​രി​വാ​ൾകൂ​ടി പ​ങ്കെ​ടു​ത്ത​ത് രാ​ഹു​ലെ​ന്ന നേ​താ​വി​നു​ള്ള അം​ഗീ​കാ​രം കൂ​ടി​യാ​യി. മോ​ദി​ക്കെ​തി​രേ രാ​ഹു​ലി​നേ​ക്കാ​ളും വ​ലി​യ മ​റ്റൊ​രു നേ​താ​വ് ഇ​ല്ലെ​ന്ന് ക​മ്യൂ​ണി​സ്റ്റ് നേ​താ​ക്ക​ൾ പോ​ലും സ​മ്മ​തി​ക്കു​ന്നു.

കൈ​വി​ട്ട രാ​ഷ്‌ട്രീയ മ​ര്യാ​ദ

കോ​ണ്‍ഗ്ര​സ് മു​ക്ത ഭാ​ര​തം എ​ന്ന രാഷ്‌ട്രീ​യ​മ​ര്യാ​ദ​യി​ല്ലാ​ത്ത, ജ​നാ​ധി​പ​ത്യ വി​രു​ദ്ധ​മാ​യ മു​ദ്രാ​വാ​ക്യം വ​രെ മോ​ദി​യും അ​മി​ത് ഷാ​യും ഉ​യ​ർ​ത്തി. ബി​ജെ​പി​യെ​യും മോ​ദി​യെ​യും മ​ല​ർ​ത്തി​യ​ടി​ക്കാ​ൻ, ക​രു​ത്തും പ്രാ​പ്തി​യു​മു​ള്ള ഏ​ക പാ​ർ​ട്ടി കോ​ണ്‍ഗ്ര​സാ​ണ് എ​ന്നു തെ​ര​ഞ്ഞെ​ടു​പ്പി​ലൂ​ടെ തെ​ളി​യി​ച്ചാ​ണ് രാ​ഹു​ൽ പ​ട​ക്ക​ളത്തിൽ നിൽക്കുന്നത്. ഹി​ന്ദി ബെ​ൽ​റ്റി​ൽ കോ​ണ്‍ഗ്ര​സ് നി​ർ​ണാ​യ​ക ശ​ക്തി​യാ​ണെ​ന്ന് മ​ധ്യ​പ്ര​ദേ​ശ്, രാ​ജ​സ്ഥാ​ൻ, ഛത്തീ​സ്ഗ​ഡ് ജ​ന​വി​ധി തെ​ളി​യി​ച്ചു. യു​പി​യി​ൽ എ​സ്പി, ബി​എ​സ്പി പാ​ർ​ട്ടി​ക​ളോ​ടൊ​പ്പം ചേ​ർ​ന്ന് മ​ഹാ​മു​ന്ന​ണി രൂ​പീ​ക​രി​ക്കാ​ൻ കോ​ണ്‍ഗ്ര​സി​നു ക​ഴി​ഞ്ഞാ​ൽ മോ​ദി- അ​മി​ത് ഷാ ​കൂ​ട്ടു​കെ​ട്ടി​ന്‍റെ ന​ട്ടെ​ല്ലു ത​ക​ർ​ക്കാ​നും രാ​ഹു​ലി​നു ക​ഴി​ഞ്ഞേ​ക്കും. യു​പി മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​ന്‍റെ കോ​ട്ട​യാ​യ ഗോ​ര​ഖ്പൂ​രി​ലും ബി​ജെ​പി​യു​ടെ ത​ട്ട​ക​മാ​യി​രു​ന്ന ഫൂ​ൽ​പൂ​രി​ലും അ​ട​ക്കം ഉ​പ​തെ​ര​ഞ്ഞെ​ടു​പ്പു​ക​ളി​ൽ പ്ര​തി​പ​ക്ഷം നേ​ടി​യ വി​ജ​യം വ്യ​ക്ത​മാ​യ ചൂ​ണ്ടു​പ​ല​ക ആ​യി​രു​ന്നു.

ബി​ഹാ​റി​ലും ആ​ർ​ജെ​ഡി​യും കോ​ണ്‍ഗ്ര​സും ചേ​ർ​ന്നാ​ൽ ജെ​ഡി​യു-​ബി​ജെ​പി സ​ഖ്യ​ത്തെ ത​ക​ർ​ക്കാ​നാ​കു​മെ​ന്നു അ​വി​ടു​ത്തെ​യും ഉ​പ​തെ​ര​ഞ്ഞെ​ടു​പ്പു ഫ​ല​ങ്ങ​ൾ സൂ​ച​ന ന​ൽ​കി. ദ​ക്ഷി​ണേ​ന്ത്യ​യി​ലും ബം​ഗാ​ളി​ലും അ​ട​ക്കം കോ​ണ്‍ഗ്ര​സും സ​ഖ്യ​ക​ക്ഷി​ക​ളും ചേ​ർ​ന്നാ​ൽ ബി​ജെ​പി​യെ ത​ട​ഞ്ഞു​നി​ർ​ത്താ​നാ​കു​മെ​ന്ന​തി​ലും സം​ശ​യ​മി​ല്ല.

പ​രി​ഹാ​സ​ങ്ങ​ളെ പ​രാ​ജ​യ​പ്പെ​ടു​ത്തി

കോ​ണ്‍ഗ്ര​സി​ന്‍റെ തി​രി​ച്ചു​വ​ര​വി​ൽ സ്വ​യം വി​ശ്വാ​സ​മ​ർ​പ്പി​ച്ച്, ബി​ജെ​പി​യു​ടെ പ​പ്പു​വി​ളി​ക​ളെ ചി​രി​ച്ചു​നേ​രി​ട്ട്, നേ​ടി​യ ത​ക​ർ​പ്പ​ൻ ജ​യം. 2019ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ രാ​ഹു​ലി​നും കോ​ണ്‍ഗ്ര​സി​നും വ​ലി​യ ഉ​ത്തേ​ജ​ന​വും ന​രേ​ന്ദ്ര മോ​ദി​ക്കും ബി​ജെ​പി​ക്കും ക​ന​ത്ത ആ​ഘാ​ത​വു​മാ​ണു സം​ഘ​പ​രി​വാ​റി​ന്‍റെ ശ​ക്തി​കേ​ന്ദ്ര​ങ്ങ​ളി​ലെ ജ​ന​വി​ധി. കോ​ണ്‍ഗ്ര​സ് എ​ന്ന​ത് വെ​റു​മൊ​രു പാ​ർ​ട്ടി​യ​ല്ലെ​ന്നും ഇ​ന്ത്യ​യി​ലെ ജ​ന​കോ​ടി​ക​ളു​ടെ വി​കാ​ര​മാ​ണെ​ന്നും മ​ന​സി​ലാ​ക്കി തെ​റ്റു​ക​ൾ തി​രു​ത്താ​നും ദീ​ർ​ഘ​വീ​ക്ഷ​ണ​ത്തോ​ടെ പാ​ർ​ട്ടി​യെ ന​യി​ക്കാ​നും ശ്ര​മി​ച്ച രാ​ഹു​ലി​ന് ഇ​നി ആ​ശ്വ​സി​ക്കാം.

കോ​ണ്‍ഗ്ര​സി​നെ ന​യി​ക്കാ​ൻ പ്രി​യ​ങ്ക വേ​ണ​മെ​ന്നു മു​റ​വി​ളി കൂ​ട്ടി​യ​വ​രും കു​റ​വ​ല്ല. പാ​ർ​ല​മെ​ന്‍റിൽ മോ​ദി​ക്കെ​തി​രേ ന​ട​ത്തി​യ ഉ​ശി​ര​ൻ പ്ര​സം​ഗം, തു​ട​ർ​ന്ന് വി​വാ​ദ​മാ​യ പ്ര​ധാ​ന​മ​ന്ത്രി​യെ കെ​ട്ടി​പ്പി​ടിക്കൽ, റ​ഫാ​ൽ അ​ഴി​മ​തി​ക്കെ​തി​രേ​യു​ള്ള ഒ​റ്റ​യാ​ൻ പോ​രാ​ട്ടം തു​ട​ങ്ങി​യ​വ​യി​ലൂ​ടെ പു​തി​യൊ​രു രാ​ഹു​ലി​നെ​യാ​ണ് രാ​ജ്യം ക​ണ്ട​ത്.


ഇ​ത​ൾ കൊ​ഴി​ഞ്ഞ് താ​മ​ര

"കൈ'ക്ക​രു​ത്തി​ൽ"ക​മ​ല’​ദ​ളം കൊ​ഴി​യു​ന്നു​വെ​ന്ന​ക​ഴി​ഞ്ഞ മാ​സം 24ന് ​ദീ​പി​ക എ​ഴു​തി. അ​താ​ണു ജ​ന​വി​ധി ശ​രി​വ​ച്ച​ത്. മ​ധ്യ​പ്ര​ദേ​ശി​ൽ കോ​ണ്‍ഗ്ര​സ്- ബി​ജെ​പി പോ​രാ​ട്ടം ഫോ​ട്ടോ​ഫി​നി​ഷിം​ഗി​ലേ​ക്കാ​ണെ​ന്നും ന​വം​ബ​ർ 23ന് ​ദീ​പി​ക എ​ഴു​തി. രാ​ജ​സ്ഥാ​നി​ൽ ഭ​ര​ണ​മാ​റ്റ​ത്തി​ന് ക​ള​മൊ​രു​ങ്ങു​ന്ന​താ​യി ന​വം​ബ​ർ 13ന് ​ദീ​പി​ക പ​റ​ഞ്ഞ​തും അ​ച്ചെട്ടാ​യി. തെ​ലു​ങ്കാ​ന, ഛത്തീ​സ്ഗ​ഡ്, മി​സോ​റാം തെ​ര​ഞ്ഞെ​ടു​പ്പു​ക​ളെ​ക്കു​റി​ച്ചു​ള്ള അ​വ​ലോ​ക​ന​ങ്ങ​ളി​ലും പാ​ളി​ച്ച​യു​ണ്ടാ​യി​ല്ല.



ക​ർ​ഷ​ക​രു​ടെ ക​രു​ത്ത്

മ​ധ്യ​പ്ര​ദേ​ശി​ൽ ഭ​ര​ണ​വി​രു​ദ്ധ വി​കാ​രം ശ​ക്ത​മാ​യി​രു​ന്നു. ക​ർ​ഷ​ക​ർ, ദ​ളി​ത​ർ, ആ​ദി​വാ​സി​ക​ൾ, ന്യൂ​ന​പ​ക്ഷ​ങ്ങ​ൾ എ​ന്നി​വ​ർ മു​ത​ൽ ല​ക്ഷ​ക്ക​ണക്കായ സാ​ധാ​ര​ണ തൊ​ഴി​ലാ​ളി​ക​ൾ വ​രെ കേ​ന്ദ്ര​ത്തി​ലെ​യും മ​ധ്യ​പ്ര​ദേ​ശി​ലെ​യും ബി​ജെ​പി സ​ർ​ക്കാ​രു​ക​ൾ​ക്ക് എ​തി​രാ​യി​രു​ന്നു. ക​മ​ൽ​നാ​ഥ് ത​ന്നെ​യാ​യി​രു​ന്നു കോ​ണ്‍ഗ്ര​സി​ന്‍റെ മു​ഖ്യ​നാ​യ​ക​ൻ. കോ​ണ്‍ഗ്ര​സി​ൽ വ​ലി​യ പ​ട​ല​പി​ണ​ക്ക​ങ്ങ​ൾ തെ​ര​ഞ്ഞെ​ടു​പ്പി​നു മു​ന്പു പോ​ലും കാ​ണാ​മാ​യി​രു​ന്നു. മൂ​ന്നു വ​ട്ടം മു​ഖ്യ​മ​ന്ത്രി​യാ​യി​രു​ന്ന ശി​വ​രാ​ജ് സിം​ഗ് ചൗ​ഹാ​ന്‍റെ വ്യ​ക്തി​പ്ര​ഭാ​വ​ത്തെ മ​റി​ക​ട​ക്കാ​ൻ ക​മ​ൽ നാ​ഥ്, ദി​ഗ്വി​ജ​യ് സിം​ഗ്, ജ്യോ​തി​രാ​ദി​ത്യ സി​ന്ധ്യ, സു​രേ​ഷ് പ​ച്ചോ​രി തു​ട​ങ്ങി​യ​വ​ർ​ക്കൊ​ന്നും ക​ഴി​ഞ്ഞി​ല്ല. ഇ​വ​ർ ത​മ്മി​ൽ പ​ര​സ്പ​രം ഐ​ക്യ​വു​മു​ണ്ടാ​യി​ല്ല.

പ​ക്ഷേ ജ​ന​രോ​ഷ​ത്തി​ലാ​ണ്, പ്ര​ത്യേ​കി​ച്ച് ക​ർ​ഷ​ക​രു​ടെ, മ​ധ്യ​പ്ര​ദേ​ശി​ൽ ബി​ജെ​പി 14 വ​ർ​ഷം നീ​ണ്ട അ​ധി​കാ​ര​ത്തി​ൽ നി​ന്നു തെ​റി​ച്ച​ത്. കാ​ർ​ഷി​ക ക​ട​ങ്ങ​ൾ എ​ഴു​തി​ത്ത​ള്ളു​മെ​ന്ന കോ​ണ്‍ഗ്ര​സി​ന്‍റെ വാ​ഗ്ദാ​നം ക​ട​ക്കെ​ണി​യി​ലാ​യ വോ​ട്ട​ർ​മാ​രെ സ്വാ​ധീ​നി​ച്ചു. സം​ഘ​പ​രി​വാ​റി​ന്‍റെ ത​ട്ട​ക​മാ​യ മ​ധ്യ​പ്ര​ദേ​ശി​ലെ തോ​ൽ​വി ബി​ജെ​പി​ക്ക് പു​റ​മേ കാ​ണു​ന്ന​തി​ലും വ​ലി​യ ആ​ഘാ​ത​മാ​ണ്. ആ​ർ​എ​സ്എ​സി​ന്‍റെ എ​ല്ലാ ശ​ക്തി​യും സം​ഭ​രി​ച്ചി​ട്ടും മ​ത​പ​ര​മാ​യ ധ്രുവീ​ക​ര​ണ​ത്തി​നു ശ്ര​മി​ച്ചി​ട്ടും കി​ട്ടി​യ തോ​ൽ​വി താ​ങ്ങാ​വു​ന്ന​തി​നും അ​പ്പു​റ​ത്താ​കും.


വി​ന​യാ​യ​ത് വ​സു​ന്ധ​ര വി​രോ​ധം

രാ​ജ​സ്ഥാ​നി​ലെ ബി​ജെ​പി​യു​ടെ തോ​ൽ​വി പ്ര​തീ​ക്ഷി​ച്ച​താ​ണ്. വ​സു​ന്ധ​ര​രാ​ജെ സി​ന്ധ്യ​യു​ടെ അ​ഹ​ങ്കാ​ര​വും ജ​ന​വി​രു​ദ്ധ ന​ട​പ​ടി​ക​ളും ഗ്രാ​മീ​ണ​രെ​യും ക​ർ​ഷ​ക​രെ​യും ബി​ജെ​പി​യി​ൽ നി​ന്ന് അ​ക​റ്റി. വാ​ഗ്ദാ​ന​ങ്ങ​ൾ പാ​ലി​ക്കു​ന്ന​തി​ലും ബി​ജെ​പി സ​ർ​ക്കാ​ർ വി​ജ​യി​ച്ചി​ല്ല. കോ​ണ്‍ഗ്ര​സി​ലാ​ക​ട്ടെ മു​ൻ​മു​ഖ്യ​മ​ന്ത്രി അ​ശോ​ക് ഗെ​ലോ​ട്ടും യു​വ​നേ​താ​വ് സ​ച്ചി​ൻ പൈ​ല​റ്റും ത​മ്മി​ലു​ള്ള വ​ടം​വ​ലി തെ​ര​ഞ്ഞെ​ടു​പ്പു കാ​ല​ത്തു പോ​ലും പ്ര​ക​ട​മാ​യി​രു​ന്നു. ബി​ജെ​പി​യെ താ​ഴെ​യി​റ​ക്കാ​ൻ കോ​ണ്‍ഗ്ര​സി​നെ ജ​യി​പ്പി​ക്കു​ക മാ​ത്ര​മാ​യി​രു​ന്നു ജ​ന​ങ്ങ​ൾ​ക്കു​ള്ള മാ​ർ​ഗം. മാ​യാ​വ​തി​യു​ടെ ബി​എ​സ്പി പ്ര​തി​പ​ക്ഷ വോ​ട്ടു​ക​ൾ ചോ​ർ​ത്തി​യി​ട്ടും ഭൂ​രി​പ​ക്ഷം നേ​ടാ​നാ​യ​ത് കോ​ണ്‍ഗ്ര​സി​ന് ഉ​ണ​ർ​വേ​കും.

അ​പ്ര​തീ​ക്ഷി​ത​മീ വ​ൻ​വി​ജ​യം

ഛത്തീ​സ്ഗ​ഡി​ൽ ബി​ജെ​പി​യെ തൂ​ത്തെ​റി​ഞ്ഞ് മൂ​ന്നി​ൽ ര​ണ്ടു ഭൂ​രി​പ​ക്ഷം നേ​ടാ​ൻ കോ​ണ്‍ഗ്ര​സി​നു ക​ഴി​യു​മെ​ന്ന് മു​തി​ർ​ന്ന കോ​ണ്‍ഗ്ര​സ് നേ​താ​ക്ക​ൾ പോ​ലും ഉ​റ​ച്ചു​വി​ശ്വ​സി​ച്ചി​രു​ന്നി​ല്ല. തെ​ര​ഞ്ഞെ​ടു​പ്പി​നെ നേ​രി​ടാ​ൻ നേ​താ​വു പോ​ലു​മി​ല്ലാ​തെ​യാ​ണ് ഛത്തീ​സ്ഗ​ഡി​ൽ കോ​ണ്‍ഗ്ര​സ് മ​ൽ​സ​രി​ച്ച​ത്. അ​ജി​ത് ജോ​ഗി​യും മാ​യാ​വ​തി​യും സ​ഖ്യം പ്ര​ഖ്യാ​പി​ച്ച് മ​ൽ​സ​ര​രം​ഗ​ത്ത് വ​ന്ന​തോ​ടെ കോ​ണ്‍ഗ്ര​സി​ന്‍റെ വോ​ട്ടു​ക​ളി​ൽ വ​ലി​യ ചോ​ർ​ച്ച പ​ല​രും പ്ര​തീ​ക്ഷി​ച്ചു.

കോ​ണ്‍ഗ്ര​സി​ന്‍റെ മു​ൻ മു​ഖ്യ​മ​ന്ത്രി​യും ഛത്തീ​സ്ഗ​ഡി​ലെ പ്ര​ബ​ല​നു​മാ​യ ജോ​ഗി പോ​യി​ട്ടും കോ​ണ്‍ഗ്ര​സി​ന് വ​ൻ​ഭൂ​രി​പ​ക്ഷം കി​ട്ടി​യ​ത് ബി​ജെ​പി​യെ പോ​ലും ഞെ​ട്ടി​ച്ചു. മാ​ധ്യ​മ​ങ്ങ​ളും സ​ർ​വേ ന​ട​ത്തി​പ്പു​കാ​രും ഛത്തീ​സ്ഗ​ഡി​ൽ കോ​ണ്‍ഗ്ര​സി​നേ​ക്കാ​ളും പ്ര​തീ​ക്ഷ ന​ൽ​കി​യ​ത് ബി​ജെ​പി​ക്കാ​ണ്. പ​ക്ഷേ ഭ​ര​ണ​വി​രു​ദ്ധ വി​കാ​രം ബി​ജെ​പി​യു​ടെ ര​മ​ണ്‍ സിം​ഗ് സ​ർ​ക്കാ​രി​നെ താ​ഴെ​യി​റ​ക്കി. ക​ർ​ഷ​ക​രും സാ​ധാ​ര​ണ​ക്കാ​രും ദ​ളി​ത​രു​മെ​ല്ലാം ബി​ജെ​പി​യെ കൈ​വി​ട്ടു.

വി​കാ​രം വി​ള​വെ​ടു​ത്ത തെ​ലു​ങ്കാ​ന

തെ​ലു​ങ്കാ​ന​യി​ൽ വ​ലി​യ ഭൂ​രി​പ​ക്ഷ​ത്തോ​ടെ അ​ധി​കാ​രം നി​ല​നി​ർ​ത്താ​ൻ ക​ഴി​ഞ്ഞ​തി​ൽ മു​ഖ്യ​മ​ന്ത്രി ച​ന്ദ്ര​ശേ​ഖ​ർ റാ​വു​വി​നും ടി​ആ​ർ​എ​സി​നും അ​ഭി​മാ​നി​ക്കാം. നി​യ​മ​സ​ഭ നേ​ര​ത്തെ പി​രി​ച്ചു​വി​ട്ട് തെ​ര​ഞ്ഞെ​ടു​പ്പി​നു പോ​യ ചൂ​താ​ട്ടം പി​ഴ​ച്ചി​ല്ല. തെ​ലു​ങ്കാ​ന വി​കാ​രം മു​ത​ലെ​ടു​ക്കു​ന്ന​തി​ൽ ച​ന്ദ്ര​ശേ​ഖ​ര റാ​വു​വി​വ് വീ​ണ്ടും സാ​ധി​ച്ചു.

ഇ​തേ​സ​മ​യം, തെ​ലു​ങ്കാ​ന സം​സ്ഥാ​ന രൂ​പീ​ക​ര​ണ​ത്തെ പ​ല്ലും ന​ഖ​വും ഉ​പ​യോ​ഗി​ച്ച് എ​തി​ർ​ത്ത ആ​ന്ധ്ര മു​ഖ്യ​മ​ന്ത്രി ച​ന്ദ്ര​ബാ​ബു നാ​യി​ഡു​വി​ന്‍റെ ടി​ഡി​പി​യു​മാ​യി സ​ഖ്യ​മു​ണ്ടാ​ക്കി​യ കോ​ണ്‍ഗ്ര​സി​ന്‍റെ തീ​രു​മാ​നം അ​വ​ർ​ക്ക് തി​രി​ച്ച​ടി​യാ​യി. തെ​ലു​ങ്കാ​ന വി​കാ​ര​മു​ള്ള വോ​ട്ട​ർ​മാ​ർ ഇ​ക്കാ​ര​ണ​ത്താ​ലാ​ണ് കോ​ണ്‍ഗ്ര​സ്- ടി​ഡി​പി മ​ഹാ​കൂ​ട്ടാ​മി​യെ കൈ​വി​ട്ട​ത്. ഇ​ല്ലാ​താ​യ കോ​ണ്‍ഗ്ര​സി​ന്‍റെ തി​രി​ച്ചു​വ​ര​വി​നു​ള്ള വ​ലി​യ അ​വ​സ​ര​മാ​ണ് പാ​ർ​ട്ടി ക​ള​ഞ്ഞു​കു​ളി​ച്ച​ത്. 2019ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ പ്ര​തി​പ​ക്ഷ ഐ​ക്യ​ത്തി​നു വേ​ണ്ടി​യു​ള്ള ത്യാ​ഗ​മാ​യി ഈ ​സ​ഖ്യ​ത്തെ കാ​ണു​ന്ന​വ​രും ഉ​ണ്ട്.

വ​ട​ക്കു​കി​ഴ​ക്കി​ൽ പി​ഴ​വ്

മി​സോ​റമി​ൽ അ​ഞ്ചു ത​വ​ണ മു​ഖ്യ​മ​ന്ത്രി​യാ​യ ലാ​ൽ​ത​ൻ​വാ​ല​യെ മാ​റ്റാ​തി​രു​ന്ന​താ​കും കോ​ണ്‍ഗ്ര​സി​ന് ഏ​റ്റ​വും വി​ന​യാ​യ​ത്. ര​ണ്ടി​ട​ത്തു മ​ത്സരി​ച്ച സ്ഥി​രം മു​ഖ്യ​നെ ജ​നം ര​ണ്ടി​ട​ത്തും തോ​ൽ​പി​ച്ച് വീ​ട്ടി​ലി​രു​ത്തി​യ​തി​ൽ വ്യ​ക്ത​മാ​ണി​ത്. ​മി​സോ നാ​ഷ​ണ​ൽ ഫ്ര​ണ്ടി​ന്‍റെ വി​ജ​യം അ​തി​നാ​ൽത​ന്നെ പ്ര​തീ​ക്ഷി​ച്ച​താ​ണ്.

പ​ക്ഷ,േ വ​ൻ​വി​ജ​യം നേ​ടാ​ൻ എം​എ​ൻ​എ​ഫി​ന് ആ​യ​തി​ന് കോ​ണ്‍ഗ്ര​സി​നോ​ടാ​ണ് ന​ന്ദി പ​റ​യേ​ണ്ട​ത്. ഭൂ​രി​പ​ക്ഷ വോ​ട്ടു​ക​ൾ​ക്കാ​യി ന്യൂ​ന​പ​ക്ഷ, ദ​ളി​ത്, ആ​ദി​വാ​സി വി​ഭാ​ഗ​ങ്ങ​ളോ​ട് വേ​ണ്ട​ത്ര മ​മ​ത കാ​ട്ടാ​തി​രു​ന്ന കോ​ണ്‍ഗ്ര​സ് നി​ല​പാ​ടും മി​സോ​റ​മി​ൽ തി​രി​ച്ച​ടി​ച്ചു. മി​സോ​റമി​ലും തെ​ലു​ങ്കാ​ന​യി​ലും പി​ടി​ച്ചു​ക​യ​റാ​ൻ കാ​ര്യ​മാ​യി ശ്ര​മി​ച്ച ബി​ജെ​പി​യെ ജ​നം ഓരോ സീറ്റിൽ ഒതുക്കിയതും കാ​ണാ​തെ പോ​കി​ല്ല. പ്ര​ചാ​ര​ണം ന​ട​ത്തി​യ മോ​ദി​ക്കും അ​മി​ത് ഷാ​യ്ക്കും നാ​ണ​ക്കേ​ടു മി​ച്ചം.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.