വാരാണസി ഇടനാഴിയിൽ മുഴങ്ങുന്നത്
വാ​രാ​ണ​സി​യി​ല്‍ നി​ന്ന് സെ​ബി മാ​ത്യു

ഇ​നി​യും കെ​ടാ​ത്ത ഒ​രു ചി​ത​യ്ക്കു മീ​തെ ഓ​ര്‍മ​ക​ള്‍ മ​ര​ണം വ​രി​ക്കാ​തെ എ​രി​ഞ്ഞു​കൊ​ണ്ടി​രി​ക്കു​ന്ന ഒ​രു ന​ഗ​ര​മാ​ണ് വാ​രാ​ണ​സി. പ​ഴ​മ​യു​ടെ​യും പ്രൗ​ഢി​യു​ടെ​യും ശേ​ഷി​പ്പു​ക​ള്‍ നി​റം​കെ​ട്ട് ഗം​ഗ​യി​ലേ​ക്കു കാ​ല്‍നീ​ട്ടി​യി​രു​ന്നു പു​രാ​ത​ന സ്മാ​ര​ക​ങ്ങ​ളു​ടെ വേ​ഷ​ത്തി​ല്‍ നെ​ടു​വീ​ര്‍പ്പി​ടു​ന്നു. ശ​രി​ക്കും ഒ​രു മ്യൂ​സി​യം പോ​ലെ​യാ​ണ് ഈ ​ന​ഗ​രം.

ഗം​ഗാ തീ​ര​ത്ത് ക​ത്തി​ക്കൊ​ണ്ടി​രി​ക്കു​ന്ന ചി​ത​ക​ള്‍. ഊ​ഴം കാ​ത്തി​രി​ക്കു​ന്ന മൃ​ത​ദേ​ഹ​ങ്ങ​ള്‍. ഗം​ഗാ തീ​ര​ത്തെ നി​ര​വ​ധി ഘാ​ട്ടു​ക​ളും ഉ​പേ​ക്ഷി​ക്ക​പ്പെ​ട്ട വി​ധ​വ​ക​ളു​മാ​യി ന​ഗ​രം ഒ​രു വി​ശ്വാ​സ​മാ​യി നി​ല​കൊ​ള്ളു​ന്നു. ഓ​രോ ദി​വ​സ​വും ഒ​രു ച​രി​ത്ര​മെ​ന്ന പോ​ലെ അ​ക​ലെ​യേ​തോ ഭൂ​ത​കാ​ല​ത്തി​ലേ​ക്ക് മാ​ഞ്ഞു​പോ​കു​ന്ന​ത് പോ​ലെ തോ​ന്നും വാ​രാ​ണ​സി​യു​ടെ വ​ഴി​ക​ളി​ലൂ​ടെ ന​ട​ക്കു​മ്പോ​ള്‍. ലോ​ക​ത്തി​ലെ ത​ന്നെ ഏ​റ്റ​വും പു​രാ​ത​ന ന​ഗ​ര​ങ്ങ​ളി​ലൊ​ന്നാ​ണു കാ​ശി​യെ​ന്ന വാ​രാ​ണ​സി. വ​രു​ണ ന​ദി​ക്കും അ​സി ന​ദി​ക്കും ഇ​ട​യി​ല്‍ കി​ട​ക്കു​ന്ന ന​ഗ​ര​മാ​ണ് വാ​രാ​ണ​സി.

മു​ഗ​ള്‍ ഭ​ര​ണാ​ധി​കാ​രി​ക​ള്‍ ഇ​വി​ടെ കൈ​യേ​റ്റ​ത്തി​ന്‍റെ കൈ​ക്ക​രു​ത്ത് തെ​ളി​യി​ച്ച​ത് ബ​നാ​റ​സ് എ​ന്നു പേ​രു മാ​റ്റി​ക്കൊ​ണ്ടാ​ണ്. നാ​ല്‍ക്കാ​ലി​ക​ളും മ​നു​ഷ്യ​രും പ​ര​സ്പ​രം തി​ര​ക്കു​ണ്ടാ​ക്കാ​ന്‍ മ​ത്സ​രി​ച്ചു ന​ട​ക്കു​ന്ന വ​ഴി​ക​ളി​ല്‍ ചെ​വി​തു​ള​യ്ക്കും ഹോ​ണ്‍ വി​ളി​ക​ളോ​ടെ പാ​യു​ന്ന വാ​ഹ​ന​ങ്ങ​ളും വീ​ര്‍പ്പു​മു​ട്ടി​ക്കു​ന്ന ഇ​ടു​ങ്ങി​യ വ​ഴിയിലൂടെ വാ​രാ​ണ​സി​യി​ലേ​ത്. അ​ത്ത​ര​മൊ​രു ഇ​ടു​ങ്ങി​യ വ​ഴി​ക​ളി​ലൂ​ടെ ന​ട​ന്നു​ചെ​ന്നു നോ​ക്കു​മ്പോ​ള്‍ കാ​ണു​ന്ന​താ​ണ് ഇ​ന്ത്യ​യി​ലെ ഹി​ന്ദു- മു​സ്‌ലിം സം​ഘ​ര്‍ഷ​ത്തി​ന്‍റെ​യും സാ​ഹോ​ദ​ര്യ​ത്തി​ന്‍റെ​യും സാ​ക്ഷ്യ​മെ​ന്നോ​ണം കാ​ശി വി​ശ്വ​നാ​ഥ ക്ഷേ​ത്ര​വും ഗ്യാ​ന്‍വാ​പി മോ​സ്കും ചേ​ര്‍ന്നു നി​ല്‍ക്കു​ന്ന​ത്.

ക​ഴി​ഞ്ഞ കു​റേ തെ​ര​ഞ്ഞെ​ടു​പ്പു​ക​ളി​ലാ​യി ബി​ജെ​പി​യു​ടെ പോ​ക്ക​റ്റി​ല്‍ കി​ട​ക്കു​ന്ന മ​ണ്ഡ​ല​മാ​ണ് വാ​രാ​ണ​സി. വ​ര്‍ഗീ​യ ധ്രു​വീ​ക​ര​ണ​വും അ​ത് വ​ഴി​വ​ച്ച സാ​മു​ദാ​യി​ക ധ്രു​വീ​ക​ര​ണ​വു​മാ​ണ് ന​രേ​ന്ദ്ര മോ​ദി ര​ണ്ടാം വ​ട്ട​വും വാ​രാ​ണ​സി​യി​ല്‍ വി​ജ​യം ഉ​റ​പ്പി​ച്ച് പോ​രാ​ടു​മ്പോ​ള്‍ ബി​ജെ​പി​ക്കു ഗു​ണം ചെ​യ്യു​ന്ന​ത്.

വി​ക​സ​ന വ​ഴി​യി​ലെ ഭീ​തി

ഒ​രു ഹി​ന്ദു ച​രി​ത്ര, വി​ശ്വാ​സ ന​ഗ​ര​മാ​യ വാ​രാ​ണ​സി​യി​ലെ 16 ല​ക്ഷ​ത്തി​ല​ധി​കം വ​രു​ന്ന വോ​ട്ട​ര്‍മാ​രി​ല്‍ മൂ​ന്നു ല​ക്ഷം മു​സ്‌ലിം​ക​ളാ​ണു​ള്ള​ത്. ര​ണ്ടു ല​ക്ഷം ബ്രാ​ഹ്മ​ണ​രും ര​ണ്ട​ര ല​ക്ഷ​ത്തോ​ളം കു​ര്‍മി വി​ഭാ​ഗ​ങ്ങ​ളു​മു​ണ്ട്. വാ​രാ​ണ​സി​യി​ലെ മു​സ്‌ലിംകൾ ഉൾപ്പെടെ പല വി​ഭാ​ഗ​ങ്ങ​ളെയും ഇ​പ്പോ​ള്‍ ഭ​യ​ത്തി​ലും ആ​ശ​ങ്ക​യി​ലും ആ​ഴ്ത്തി​യി​രി​ക്കു​ന്ന​ത് മോ​ദി​യു​ടെ അ​ഭി​മാ​ന പ​ദ്ധ​തി​യാ​യ കാ​ശി ഇ​ട​നാ​ഴി​യാ​ണ്. ഗം​ഗ​യി​ല്‍ നി​ന്നു കു​ളി​ച്ചു ക​യ​റി നേ​രി​ട്ടു കാ​ശി വി​ശ്വ​നാ​ഥ ക്ഷേ​ത്ര​ത്തി​ലേ​ക്ക് ഒ​രി​ട​നാ​ഴി ഒ​രു​ങ്ങു​മ്പോ​ള്‍ ത​ച്ചു​ത​ക​ർക്കപ്പെ​ടു​ന്ന സ്വ​ന്തം കു​ടും​ബ​ങ്ങ​ളെ​യും വി​ശ്വാ​സ കേ​ന്ദ്ര​ങ്ങ​ളെ​യും ഓ​ര്‍ത്താ​ണ് അ​വ​രു​ടെ ആ​ശ​ങ്ക.

കാ​ശി ക്ഷേ​ത്ര​ത്തി​ലേ​ക്കു​ള്ള വ​ഴി​യി​ല്‍ നൂ​റു​ക​ണ​ക്കി​നു വീ​ട്ടു​കാ​രും വ്യാ​പാ​രി​ക​ളും ക​ടു​ത്ത പ്ര​തി​ഷേ​ധം ഉ​യ​ര്‍ത്തി​ക്ക​ഴി​ഞ്ഞു. റോ​ഡ് വ​ലി​യ തോ​തി​ല്‍ വീ​തി കൂ​ട്ടി സ്നാ​ന​ഘ​ട്ട​ങ്ങ​ളി​ലേ​ക്കു​ള്ള യാ​ത്ര വേ​ഗ​ത്തി​ലാ​ക്കാ​ന്‍ ക​ഴി​യു​ന്ന 600 കോ​ടി രൂ​പ​യു​ടെ പ​ദ്ധ​തി ന​ട​പ്പാ​ക്കി​യ​പ്പോ​ള്‍ ഒ​ട്ടേ​റെ​പ്പേ​രു​ടെ വീ​ടും ക​ട​ക​ളും പൊ​ളി​ച്ചു​നീ​ക്കു​ക​യാ​ണ്. സ​ര്‍ക്കാ​രി​ന്‍റെ വി​ക​സ​ന പ​ദ്ധ​തി​ക​ള്‍ക്കു ചി​ല ത്യാ​ഗ​മൊ​ക്കെ ജ​നം ന​ട​ത്തേ​ണ്ടി​വ​രും. എ​ന്നാ​ല്‍, വീ​ടും ജീ​വ​നോ​പാ​ധി​യും ന​ഷ്ട​പ്പെ​ടു​ത്തു​ന്ന​വ​ര്‍ക്കു മ​തി​യാ​യ ന​ഷ്ട​പ​രി​ഹാ​രം ന​ല്‍കാ​തെ, ധി​ക്കാ​ര​പൂ​ര്‍വ​മു​ള്ള ഒ​ഴി​ച്ചു​മാ​റ്റ​ലാ​ണ് ഇ​വി​ടെ ന​ട​ക്കു​ന്ന​ത്. മു​ന്നൂ​റോ​ളം വീ​ടു​ക​ളും ക്ഷേ​ത്ര​ങ്ങ​ളും മ​റ്റു കെ​ട്ടിടങ്ങ​ളു​മാ​ണ് പൊ​ളി​ച്ചു​നീ​ക്കാ​നു​ള്ള വ​ഴി​യി​ല്‍ നി​ന്നി​രു​ന്ന​ത്.

ഭീ​തി മൂ​ടി ജ്ഞാ​ന​വാ​പി മോ​സ്ക്

1669ല്‍ ​ഔ​റം​ഗ​സേബ് പ​ണി​ക​ഴി​പ്പി​ച്ച​താ​ണ് ജ്ഞാ​ന​വാ​പി മോ​സ്ക്. അ​തീ​വ സു​ര​ക്ഷാ സം​വി​ധാ​ന​ങ്ങ​ളാ​ണു പ്രാ​ദേ​ശി​ക ഭ​ര​ണ​സം​വി​ധാ​നം ഈ ​പ​ള്ളി​ക്ക് ഏ​ര്‍പ്പെ​ടു​ത്തി​യി​രി​ക്കു​ന്ന​ത്. കാ​ശി വി​ശ്വ​നാ​ഥ് ഡെ​വ​ല​പ്മെ​ന്‍റ് അ​ഥോ​റി​റ്റി​യി​ലെ ചീ​ഫ് എ​ക്സി​ക്യൂട്ടീ​വ് ഓ​ഫീ​സ​റാ​യ വി​ശാ​ല്‍ സിം​ഗ് പ​റ​ഞ്ഞ​ത് മു​പ്പ​ത​ടി ഉ​യ​ര​മു​ള്ള ഇ​രു​മ്പു തൂ​ണു​ക​ളാ​ലും തോ​ക്കേ​ന്തി​യ സി​ആ​ര്‍പി​എ​ഫ് ജ​വാ​ന്‍മാ​രാ​ലും മ​സ്ജി​ദി​ന് സം​ര​ക്ഷ​ണം ഏ​ര്‍പ്പെ​ടു​ത്തി​യി​ട്ടു​ണ്ടെ​ന്നാ​ണ്.

സു​ന്നി സെ​ന്‍ട്ര​ല്‍ വ​ഖ​ഫ് ബോ​ര്‍ഡി​ന്‍റെ കീ​ഴി​ലാ​ണ് ജ്ഞാ​ന്‍വാ​പി മോ​സ്ക്. കാ​ശി വി​ശ്വ​നാ​ഥ് കോ​റി​ഡോ​ര്‍ പ്രോ​ജ​ക്ടി​ന് വ​ഴി​യൊ​രു​ക്കു​ന്ന​തി​ന്‍റെ ഭാ​ഗ​മാ​യി ക​ഴി​ഞ്ഞ ഒ​ക്‌ടോ​ബ​ര്‍ 25ന് ​ക്ഷേ​ത്ര​ത്തി​ന്‍റെ നാ​ലാം ന​മ്പ​ര്‍ ഗേ​റ്റി​നോ​ട് ചേ​ര്‍ന്ന് മ​സ്ജി​ദി​ന്‍റെ പ്ലാ​റ്റ്ഫോം പൊ​ളി​ച്ചു. ജ​ന​രോ​ഷം ഭ​യ​ന്ന പ്രാ​ദേ​ശി​ക ഭ​ര​ണ​കൂ​ടം തു​ട​ര്‍ന്നു​ള്ള ത​ക​ര്‍ക്ക​ല്‍ നി​ര്‍ത്തി​വ​ച്ച് പ്ലാ​റ്റ്ഫോം പു​ന​ര്‍നി​ര്‍മി​ച്ചു കൊ​ടു​ത്തു.

ജ്ഞാ​ന്‍വാ​പി മോ​സ്ക് ബാ​ബ​റി മ​സ്ജി​ദി​ന്‍റെ വി​ധി കാ​ത്തു​കി​ട​ക്കു​ന്ന മോ​സ്കാ​ണെ​ന്നാ​ണ് അ​ഞ്ജു​മാ​ന്‍ ഇ​ന്ത​സാ​മി​യ മ​സ്ജി​ദി​ന്‍റെ ജോ​യി​ന്‍റ് സെ​ക്ര​ട്ട​റി എ​സ്.​എം യാ​സീ​ന്‍ പ​റ​ഞ്ഞ​ത്.

1992ല്‍ ​ബാ​ബ​റി മ​സ്ജി​ദ് ത​ക​ര്‍ക്കപ്പെ​ട്ട​പ്പോ​ള്‍ വാ​രാ​ണസി​യി​ല്‍ മു​ഴ​ങ്ങി​ക്കേ​ട്ട ക​ര്‍സേ​വ​ക​രു​ടെ ഒ​രു ഭീ​ഷ​ണി മു​ദ്രാ​വാ​ക്യം അ​യോ​ധ്യ ഒ​രു മു​ന്ന​റി​യി​പ്പ് മാ​ത്ര​മാ​ണ്, കാ​ശി​യും മ​ഥു​ര​യും ഇ​നി​യും അ​വ​ശേ​ഷി​ക്കു​ന്നു എ​ന്നാ​യി​രു​ന്നു​വെ​ന്ന് അ​ദ്ദേ​ഹം പ​റ​യു​ന്നു.

എ​ന്നാ​ല്‍, ജ്ഞാ​ന്‍വാ​പി മോ​സ്കി​ന് ഒ​രാ​പ​ത്തും വ​രി​ല്ലെ​ന്നും പൂ​ര്‍ണ സു​ര​ക്ഷി​ത​മാ​ണെ​ന്നു​മാ​ണ് ജി​ല്ലാ മ​ജി​സ്ട്രേ​റ്റ് സു​രേ​ന്ദ്ര സിം​ഗ് പ​റ​ഞ്ഞ​ത്. മു​ന്‍പ് ത​ക​ര്‍ക്കു​ക​യും പി​ന്നീ​ട് നി​ര്‍മി​ക്കു​ക​യും ചെ​യ്യു​ന്ന പ്ലാ​റ്റ്ഫോം മ​സ്ജി​ദി​ന്‍റെ ഭാ​ഗ​മാ​യ ഒ​രു വി​ശ്വാ​സ പ്ര​ധാ​ന​മാ​യ സ്ഥ​ല​മാ​യി​രു​ന്നി​ല്ലെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.


എ​തി​ര്‍പ്പു​ക​ള്‍ പ​ല​വ​ഴി​ക്ക്

ഘാ​ട്ടു​ക​ള്‍ക്കും കാ​ശി വി​ശ്വ​നാ​ഥ ക്ഷേ​ത്ര​ത്തി​നു​മി​ട​യ്ക്ക് ഒ​രു കാ​ഴ്ച ദൂ​രം ഉ​ണ്ടാ​ക്കി​യെ​ടു​ക്കാ​ന്‍ 300 മീ​റ്റ​ര്‍ ദൂ​ര​മാ​ണ് പ്ര​ധാ​ന​മാ​യും തെ​ളി​ച്ചെ​ടു​ക്കു​ന്ന​ത്. ബി​ജെ​പി​ക്ക് വേ​ണ്ടി സ്ഥ​ല​ത്ത് ക്യാ​മ്പ് ചെ​യ്തു പ്ര​ചാ​ര​ണം ന​ട​ത്തു​ന്ന കേ​ന്ദ്ര ടൂ​റി​സം മ​ന്ത്രി അ​ല്‍ഫോ​ന്‍സ് ക​ണ്ണ​ന്താ​ന​വും പ​റ​ഞ്ഞ​ത് ഈ ​ഇ​ട​നാ​ഴി അ​നി​വാ​ര്യ​മാ​യ ഒ​രു വി​ക​സ​ന​മാ​ണെ​ന്നാ​ണ്. വാ​രാ​ണ​സി​യി​ലെ ത​ന്നെ ഹി​ന്ദു സ​മൂ​ഹ​ത്തി​ല്‍ നി​ന്നും ഇ​ട​നാ​ഴി​ക്ക് വേ​ണ്ടി​യു​ള്ള പൊ​ളി​ച്ചു നീ​ക്ക​ത്തി​നെ​തി​രേ ശ​ബ്ദം ഉ​യ​രു​ന്നു എ​ന്നാ​ണ് ശ്ര​ദ്ധേ​യ​മാ​യ മ​റ്റൊ​രു വ​സ്തു​ത. പാ​ര​മ്പ​ര്യ​വും സം​സ്കാ​ര​വും ത​ക​ര്‍ക്ക​പ്പെ​ടു​ന്നു എ​ന്ന​താ​ണ് പ്ര​ദേ​ശി​ക വാ​സി​ക​ളു​ടെ പ​രാ​തി.

കാ​ശി കോ​റി​ഡോ​ര്‍ വ​രു​ന്ന​തോ​ടെ വ​ഴി​മു​ട്ടി​പ്പോ​കു​ന്ന പ​ല വി​ശ്വാ​സ തീ​ര്‍ഥാ​ട​ന യാ​ത്ര​ക​ളു​മു​ണ്ട്. നൂ​റ്റാ​ണ്ടി​ന്‍റെ ത​ന്നെ പ​ഴ​ക്ക​മു​ള്ള ഇ​ത്ത​രം യാ​ത്ര​ക​ളി​ല്‍ ചി​ല​താ​ണ് പ​ഞ്ച് കോ​ശി യാ​ത്ര, അ​ന്ത​ര്‍ഗ്ര​ഹി യാ​ത്ര, ദ്വാ​ദ​ശ ജ്യോ​തി​ര്‍ലിം​ഗ യാ​ത്ര, ച​പ്പ​ന്‍ വി​നാ​യ​ക യാ​ത്ര, ന​വ് ഗൗ​രി​ന​വ​ദു​ര്‍ഗ യാ​ത്ര എ​ന്നി​വ. വേ​ദ​ങ്ങ​ളി​ലും പു​രാ​ണ​ങ്ങി​ലും പ​റ​യു​ന്ന​ത​നു​സ​രി​ച്ച് വി​വി​ധ മൂ​ര്‍ത്തി​ക​ളു​ടെ പ്രീ​തി​ക്കാ​യി കാ​ശി​ലി​യി​ലെ​ത്തു​ന്ന വി​ശ്വാ​സി​ക​ളും പ്ര​ദേ​ശ​വാ​സി​ക​ളും അ​നു​ഷ്ഠി​ച്ചു പോ​ന്ന യാ​ത്ര​ക​ളാ​യി​രു​ന്നു ഇ​ത്. അ​തോ​ടൊ​പ്പം ത​ന്നെ വ​രാ​നി​രി​ക്കു​ന്ന ഇ​ട​നാ​ഴി ത​ച്ചു​ട​ച്ചു ക​ള​ഞ്ഞ ഇ​ടു​ങ്ങി​യ നി​ര​ത്തു​ക​ളി​ലാ​ണ് പ്ര​ധാ​ന​മാ​യും വ​ര്‍ഷം തോ​റും രാ​മ​ലീ​ല, ലോ​ത ഭ​ണ്ഡ മേ​ള, ന​രം​സിം​ഗ് ലീ​ല മേ​ള, നാ​ഗ് നാ​ത്തൈ​യ്യ, ഭാ​ര​ത് മി​ലാ​പ് മേ​ള, നാ​ക് കാ​ത്ത​യ്യ മേ​ള എ​ന്നി​വ ന​ട​ന്നു വ​ന്നി​രു​ന്ന​തും. ഈ ​ഇ​ട​നാ​ഴി ഇ​ല്ലാ​താ​ക്കി​യ​ത് ഈ ​വ​ഴി​ക​ളി​ല്‍ വ​ര്‍ഷ​ങ്ങ​ളാ​യി ഹൈ​ന്ദ​വ വി​ശ്വാ​സ​ങ്ങ​ളും വേ​ദ​ങ്ങ​ളും ശാ​സ്ത്രീ​യ സം​ഗീ​ത​വും പ​ഠി​പ്പി​ച്ചി​രു​ന്ന നി​ര​വ​ധി പാ​ഠ​ശാ​ല​ക​ളെ​ക്കൂ​ടി​യാ​ണ്.

മോ​ദി- യോ​ഗി വി​സ​ക​ന​ക്കൂ​ട്ടി​ന്‍റെ പേ​രി​ല്‍ ഇ​ത്ത​വ​ണ ബി​ജെ​പി​ക്ക് വാ​രാ​ണ​സി​യി​ല്‍ അ​റു​പ​തി​നാ​യി​ര​ത്തി​നും എ​ഴു​പ​തി​നാ​യി​ര​ത്തി​നും ഇ​ട​യി​ല്‍ വോ​ട്ടി​ന്‍റെ കു​റ​വു​ണ്ടാ​കു​മെ​ന്ന് മു​ന്ന​റി​യി​പ്പു ന​ല്‍കു​ന്ന​ത് സ്ഥ​ല​ത്തെ ബ്രാ​ഹ്മ​ണ സ​മൂ​ഹം ത​ന്നെ​യാ​ണ്. കെ​ട്ടി​ട​ങ്ങ​ള്‍ പൊ​ളി​ച്ചു നീ​ക്കി​യ​പ്പോ​ള്‍ സ്ഥ​ലം മാ​റി​പ്പോ​കേ​ണ്ടി വ​ന്ന​വ​രി​ല്‍ തൊ​ണ്ണൂ​റു ശ​ത​മാ​നം പേ​രും ഈ ​ബ്രാ​ഹ്മ​ണ​രാ​യി​രു​ന്നു. സ്ഥ​ലം​മാ​റി​പ്പോ​യ​വ​ര്‍ക്ക് ന​ഷ്ട​പ​രി​ഹാ​രം ല​ഭി​ച്ചു. എ​ങ്കി​ലും വി​ട്ടു​പോ​ന്ന​ത് ഏ​തോ പൗ​രാ​ണി​ക പാ​ര​മ്പ​ര്യ​ത്തെ​യാ​ണ് എ​ന്ന അ​വ​രു​ടെ മ​നോ​വേ​ദ​ന ആ​ണ് ഇ​നി വോ​ട്ടി​ല്‍ പ്ര​തി​ഫ​ലി​ക്കാ​ന്‍ പോ​കു​ന്ന​ത്.

ആ​വേ​ശം അ​ത്ര​മേ​ലി​ല്ല

വി​ജ​യം ഉ​റ​പ്പി​ച്ച് ഒ​രാ​ള്‍ പൊ​രു​താ​നി​റ​ങ്ങു​മ്പോ​ള്‍ ഒ​പ്പം നി​ല്‍ക്കു​ന്ന​ത​ല്ലേ ന​ല്ല​ത് എ​ന്നൊ​രു ത​ത്വ​മാ​ണ് വാ​രാ​ണ​സി​യി​ല്‍ ഇ​തി​നോ​ട​കം ക​ണ്ടു​മു​ട്ടി​യ മോ​ദി ഭ​ക്ത​രു​ടെ അ​ക​ത്തും പു​റ​ത്തു​മു​ള്ള​ത്. തെ​ര​ഞ്ഞെ​ടു​പ്പി​ന് ദി​വ​സ​ങ്ങ​ള്‍ മാ​ത്രം അ​വ​ശേ​ഷി​ക്കേ ആ ​ഭ​ക്തി അ​ല്പം കൂ​ടി കൂ​ട്ടാ​നും അ​വ​ര്‍ ശ്ര​മി​ക്കു​ന്നു​ണ്ട്.

ന​ഗ​ര​ത്തി​ന് പു​റ​ത്ത് ഗ്രാ​മ​ങ്ങ​ളു​ടെ സ്ഥി​തി വേ​റെ​യാ​ണ്. ര​ണ്ടാം ത​വ​ണ നാ​മ​നി​ര്‍ദേ​ശ പ​ത്രി​ക സ​മ​ര്‍പ്പി​ക്കാ​ന്‍ മോ​ദി വ​ന്ന​പ്പോ​ള്‍ അ​ഞ്ചു വ​ര്‍ഷം മു​ന്‍പ് ജ​യ് വി​ളി​ച്ചി​റ​ങ്ങി​യ​വ​രി​ല്‍ പ​ല​രും ഇ​ത്ത​വ​ണ വീ​ട്ടി​ന​ക​ത്ത് വെ​യി​ല്‍കൊ​ള്ളാ​തെ ഇ​രു​ന്നു. പു​ഷ്പ​വ​ര്‍ഷം ന​ട​ത്താ​നും ജ​യ് വി​ളി​ക്കാ​നും ബി​ജെ​പി​ക്ക് ആ​ളു​ക​ളെ ഇ​റ​ക്കു​മ​തി ചെ​യ്യേ​ണ്ടി​യും വ​ന്നു. പ​ല വീ​ടു​ക​ളി​ലേ​ക്കു പൂ​വു​മാ​യി ചെ​ന്ന് പോ​ലീ​സു​കാ​ര്‍ ത​ന്നെ മോ​ദി​ക്കു മു​ക​ളി​ലേ​ക്കു വി​ത​റു​വാ​ന്‍ നി​ര്‍ബ​ന്ധി​ച്ചു എ​ന്നും ചി​ല​ര്‍ പ​റ​ഞ്ഞു.

ആ​ഡം​ബ​ര ദേ​ഹ​ങ്ങ​ളെ ല​ക്ഷ​ങ്ങ​ളു​ടെ പ​ട്ടു​ടു​പ്പി​ക്കു​ന്ന​വ​രാ​ണ് ബ​നാ​റ​സി​ലെ പ​ര​മ്പ​രാ​ഗ​ത നെ​യ്ത്തു​കാ​ര്‍. അ​മ്പ​ല​ങ്ങ​ള്‍ക്കും മ​സ്ജി​ദു​ക​ള്‍ക്കും അ​പ്പു​റം വാ​രാ​ണ​സി​യി​ല്‍ നി​ത്യ​ച്ചെ​ല​വി​ന് ബു​ദ്ധി​മു​ട്ടു​ന്ന ജ​ന​ങ്ങ​ളും അ​വ​രു​ടെ ജീ​വി​ത​വു​മു​ണ്ട്. വാ​ഗ്ദാ​ന​ങ്ങ​ള്‍ പ​ല​തും മു​ന്നോ​ട്ട് വ​യ്ക്കു​മ്പോ​ഴും സാ​മു​ദാ​യി​ക ധ്രു​വീ​ക​ര​ണ​ത്തി​ന​പ്പു​റം വാ​രാ​ണ​സി​യി​ലെ യാ​ഥാ​ര്‍ഥ്യ​ങ്ങ​ള്‍ മാ​റു​ന്നി​ല്ല. ബ​നാ​റ​സ് സി​ല്‍ക്ക് നി​ര്‍മി​ക്കു​ന്ന വ്യ​വ​സാ​യ ശാ​ല​ക​ളും കു​ടും​ബ​ങ്ങ​ളു​മൊ​ക്കെ പ​ട്ടി​ണി​യി​ലാ​ണെ​ന്ന യാ​ഥാ​ര്‍ഥ്യ​ത്തി​ന് ഇ​ത്ത​വ​ണ​യും വ​ലി​യ വ്യ​ത്യാ​സ​മൊ​ന്നും ഇ​ല്ല.

ബ​നാ​റ​സി​ലെ പ​ട്ടു വ്യ​വ​സാ​യം ഇ​പ്പോ​ള്‍ ഇ​ഴ​ഞ്ഞു നീ​ങ്ങു​ക​യാ​ണെ​ന്നു ത​ന്നെ പ​റ​യാം. മേ​ക്ക് ഇ​ന്‍ ഇ​ന്ത്യ​യും വ്യ​വ​സാ​യ വി​പ്ല​വ​വു​മൊ​ക്കെ പ്ര​ഖ്യാ​പി​ച്ച ന​രേ​ന്ദ്ര​മോ​ദി സ്വ​ന്തം മ​ണ്ഡ​ല​ത്തി​ലെ നി​ര്‍ണാ​യ​ക വ്യ​വ​സാ​യ​ത്തി​ന്‍റെ നി​ല​നി​ല്‍പ്പി​ന് എ​ന്തെ​ങ്കി​ലു​മൊ​ക്കെ ചെ​യ്യും എ​ന്നു പ്ര​തീ​ക്ഷി​ച്ച​വ​ര്‍ക്ക് നൂ​ല്‍ പൊ​ട്ടിയ പ​ട്ട​ത്തി​ന്‍റെ പ്ര​തീ​ക്ഷ പോ​ലു​മി​ല്ലാ​ത്ത അ​വ​സ്ഥ​യാ​ണ്.

പ്ര​തി​സ്ഥാ​ന​ത്തെ പ്ര​തി​പ​ക്ഷം

വാ​രാ​ണ​സി​യി​ല്‍ അ​ടി​സ്ഥാ​ന ജ​ന​വി​ഭാ​ഗ​ങ്ങ​ള്‍ക്കി​ട​യി​ല്‍ ഇ​ത്ര​യേ​റെ അ​മ​ര്‍ഷ​വും അ​സ്വ​സ്ഥ​തയും പു​ക​ഞ്ഞി​ട്ടും മോ​ദി​ക്കെ​തി​രേ ഇ​വി​ടെ ശ​ക്ത​നാ​യ ഒ​രു സ്ഥാ​നാ​ര്‍ഥി​യെ നി​ര്‍ത്താ​ന്‍ ശ്ര​മി​ച്ചി​ല്ല എ​ന്ന കാ​ര്യ​ത്തി​ല്‍ കോ​ണ്‍ഗ്ര​സും മ​ഹാ​സ​ഖ്യ​വും ഒ​രു പോ​ലെ പ്ര​തി​സ്ഥാ​ന​ത്താ​ണ്.1991 മു​ത​ല്‍ കു​ത്ത​ക മ​ണ്ഡ​ല​മാ​ക്കാ​ന്‍ ക​ഴി​ഞ്ഞ​തി​നി​ട​യി​ല്‍ പോ​ലും വാ​രാ​ണ​സി​യി​ല്‍ 2004ല്‍ ​ബി​ജെ​പി​ക്ക് തോ​ല്‍വി ഏ​റ്റു​വാ​ങ്ങേ​ണ്ടി വ​ന്നി​രു​ന്നു എ​ന്ന​തും കൂ​ട്ടി​വാ​യി​ക്കേ​ണ്ട​താ​ണ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.