ഭീതിയുടെ വേലിയേറ്റങ്ങളിൽ അതിജീവനം
അ​ൽ​ഫോ​ൻസ് അ​ന്നും തീ​ര​ത്തു കാ​ത്തി​രു​ന്നു മ​ട​ങ്ങി. തു​ട​ർ​ച്ച​യാ​യ മൂ​ന്നാം ദി​വ​സ​വും കാ​റ്റും ക​ട​ലും പി​ണ​ങ്ങി നി​ൽ​ക്കു​ക​യാ​ണ്. ഓ​ഖി​ക്കു ശേ​ഷം മൂ​ന്നു നേ​രം കാ​ലാ​വ​സ്ഥാ മു​ന്ന​റി​യി​പ്പു​ക​ൾ മു​ട​ങ്ങാ​തെ​യെ​ത്തു​ന്പോ​ൾ, മ​ര​ണ​ത്തി​ലേ​ക്ക് ഒ​ലി​ച്ചു​പോ​യ​വ​രു​ടെ നി​ല​വി​ളി​ക​ളാ​ണ് തീ​ര​ത്തെ ഓ​രോ മ​ത്സ്യ​ത്തൊ​ഴി​ലാ​ളി​യു​ടെ​യും ഓ​ർ​മ​ക​ളി​ലി​ര​ന്പു​ന്ന​ത്. മു​ന്പാ​യി​രു​ന്നെ​ങ്കി​ൽ മു​ന്ന​റി​യി​പ്പു​ക​ളെ തീ​ര​ത്തു​പേ​ക്ഷി​ച്ച് അ​വ​ർ കാ​ണാ​ക്ക​ട​ലി​ലേ​ക്കു കു​തി​ച്ചേ​നേ. പ​ക്ഷേ, ഇ​പ്പോ​ൾ... വി​ശ​പ്പി​നെ പോ​ലും നി​ശ​ബ്ദ​മാ​ക്കു​ന്ന ഭ​യം! അ​ല്ലെ​ങ്കി​ലും ഭ​യ​ത്തോ​ളം സ​ത്യ​സ​ന്ധ​മാ​യ മ​റ്റൊ​രു ഒ​രു വി​കാ​ര​വും മ​നു​ഷ്യ​നി​ല്ല​ല്ലോ.

മ​ഴ​യും കാ​റ്റും മ​ഹാ​ഭ​യ​മാ​യി പെ​യ്തി​റ​ങ്ങി​യ ഓ​ഖി​ക്ക് ഒ​രാ​ണ്ടു തി​ക​യു​ന്പോ​ഴും കേ​ര​ള​ത്തി​ന്‍റെ തീ​ര​പ്ര​ദേ​ശ​ത്ത്, അ​തി​ജീ​വ​ന​ത്തി​ന്‍റെ വ​ഴി​ക​ളി​ൽ വി​ട്ടു​മാ​റാ​ത്ത ഭീ​തി​യു​മാ​യി ജീ​വി​ക്കു​ന്ന അ​നേ​ക​രു​ണ്ട്, അൽഫോൻസി​നെ പോ​ലെ.

തീ​ര​ത്തി​ന്‍റെ നെ​ഞ്ചി​ൽ തീ ​കോ​രി​യി​ട്ട ഓ​ഖി തി​ര​ക​ളി​ൽ ര​ണ്ടു സ​ഹോ​ദ​ര​ന്മാ​രെ​യാ​ണ് അൽഫോൻസി​ന് ന​ഷ്ട​പ്പെ​ട്ട​ത്; ജോ​ണ്‍സ​നെ​യും ജ​യിം​സി​നെ​യും. ആ ​ആ​ഘാ​ത​ത്തി​ൽ​നി​ന്നും മോ​ചി​ത​നാ​കും മു​മ്പാ​ണ് അ​ന്നം തേ​ടി അൽഫോൻസി​നും ക​ട​ലി​ലേ​ക്കി​റി​ങ്ങേണ്ടി​വ​ന്ന​ത്. അ​തു​വ​രെ മ​ത്സ്യ​ബ​ന്ധ​ന​വു​മാ​യി ബ​ന്ധ​പ്പെ​ട്ട മ​റ്റു ജോ​ലി​ക​ൾ ചെ​യ്തി​രു​ന്നു, വി​മാ​ന​ത്താ​വ​ള​ത്തി​ൽ കാ​ർ​ഗോ​ സെ​ക്‌​ഷ​നി​ലെ താ​ത്കാ​ലി​ക ജോ​ലി​ക്കു പോ​കും.

കു​ട്ടി​ക്കാ​ല​ത്ത് മ​ന​സി​ൽ ചേ​ക്കേ​റി​യ ക​ട​ൽ​പ്പേ​ടി കാ​ര​ണം സ്ഥി​ര​മാ​യി ക​ട​ൽ​പ്പ​ണി​ക്കു പോ​കു​ന്ന​തി​നെ കു​റി​ച്ച് അ​ന്നൊ​ന്നും അൽഫോൻസ് ചി​ന്തി​ച്ചി​രു​ന്ന​തേ​യി​ല്ല. ക​ര​യി​ൽ​നി​ന്നു​ള്ള വ​രു​മാ​നം കൊ​ണ്ട് അ​ന്നൊ​ക്കെ ക​ഴി​ഞ്ഞു​കൂ​ടാ​ൻ ക​ഴി​യു​മാ​യി​രു​ന്നു. എ​ന്നാ​ൽ ഇ​ന്ന് അ​യാ​ൾ, അ​മ്മ​യും ഭാ​ര്യ​യും മ​ക്ക​ളും, മ​ര​ണ​പ്പെ​ട്ട സ​ഹോ​ദ​രി​യു​ടെ മ​ക്ക​ളും അ​ട​ങ്ങു​ന്ന വ​ലി​യൊ​രു കു​ടും​ബ​ത്തി​ന്‍റെ നാ​ഥ​നാ​യി മാ​റി​ക്ക​ഴി​ഞ്ഞി​രി​ക്കു​ന്നു.

ദു​ര​ന്ത​ങ്ങ​ളു​ടെ ന​ടു​ക്ക​ട​ലു​ക​ൾ

പി​താ​വ് ബേ​ബി​യ​നും അമ്മ ര​ത്ന​മ്മ​യും അ​ഞ്ചു സ​ഹോ​ദ​ര​ങ്ങ​ളും അ​ട​ങ്ങു​ന്ന​താ​യി​രു​ന്നു പൂ​ന്തു​റ ചേ​രി​യ​മു​ട്ട​ത്തെ അൽഫോൻസി​ന്‍റെ കു​ടും​ബം. പി​താ​വി​ന്‍റെ ക​ഷ്ട​പ്പാ​ടു​ക​ൾ ക​ണ്ട് പ​തി​നാ​റാം വ​യ​സി​ൽ പ​ഠി​പ്പ് മ​തി​യാ​ക്കി അൽഫോൻസി​ന്‍റെ മൂ​ത്ത സ​ഹോ​ദ​ര​നാ​യ ജോ​ണ്‍സ​ണ്‍ ക​ട​ൽ​പ്പ​ണി​ക്കി​റ​ങ്ങി; പി​ന്നാ​ലെ സ​ഹോ​ദ​ര​ൻ ജ​യിം​സും. പി​ന്നെ കു​ടും​ബ​ത്തി​ന് താ​ങ്ങും ത​ണ​ലും അ​വ​രാ​യി​രു​ന്നു. അ​തി​സാ​ഹ​സി​ക​മാ​യി ആ​ഴ​ക്ക​ട​ലി​ൽ വ​ല​യെ​റി​ഞ്ഞു​ണ്ടാ​ക്കി​യ സ​ന്പാ​ദ്യം മി​ച്ചം​വ​ച്ച് ജോ​ണ്‍സ​ണ്‍ സ്വ​ന്ത​മാ​യി വ​ള്ള​വും വ​ല​യും വാ​ങ്ങി. കു​ടും​ബ​ത്തി​നു ക​ഴി​യാ​ൻ അ​ട​ച്ചു​റ​പ്പു​ള്ള വീ​ടു​ണ്ടാ​ക്കി. ഇ​തി​നി​ട​യി​ലും സ​ഹോ​ദ​രി ജ്യോ​തി​യു​ടെ​യും അൽഫോൻസി​ന്‍റെ​യും അ​നു​ജ​ന്മാ​രാ​യ ബാ​ണ്‍സി​ന്‍റെ​യും ലോ​റ​ൻ​സി​ന്‍റെ​യും പ​ഠി​പ്പ്, വീ​ട്ടു​കാ​ര്യ​ങ്ങ​ൾ എ​ല്ലാ ചു​മ​ത​ല​ക​ളും ജോ​ണ്‍സ​ണും ജ​യിം​സും നി​ഷ്ഠ​യോ​ടെ നി​ർ​വ​ഹി​ച്ചു.

പ​ക്ഷേ, അ​പ്ര​തീ​ക്ഷി​ത​മാ​യി എ​ത്തി​യ ദു​ര​ന്ത​ങ്ങ​ൾ കു​ടും​ബ​ത്തി​ൽ ക​ണ്ണീ​ർ​ത്തി​ര നി​റ​ച്ചു. വി​വാ​ഹി​ത​യാ​യ ജ്യോ​തി വ​ർ​ഷ​ങ്ങ​ൾ​ക്കു മു​ൻ​പ് അ​സു​ഖ​ബാ​ധി​ത​യാ​യി മരിച്ചു. മൂ​ന്നു മ​ക്ക​ളെ അ​നാ​ഥ​രാ​ക്കി​യാ​ണ് മ​ര​ണം ജ്യോ​തി​യെ കൂ​ട്ടി​ക്കൊ​ണ്ട് പോ​യ​ത്. അ​വി​വാ​ഹി​ത​നാ​യി​രു​ന്ന സ​ഹോ​ദ​ര​ൻ ജ​യിം​സും അ​മ്മ ര​ത്ന​മ്മ​യും ചേ​ർ​ന്നാ​ണ് ആ ​കു​ട്ടി​ക​ളെ വ​ള​ർ​ത്തി​യ​ത്. ജ്യോ​തി​യു​ടെ ഭ​ർ​ത്താ​വ് മു​ത്ത​പ്പ​നോ​ടൊ​പ്പം അ​വ​രു​ടെ പ​ഠ​ന​ച്ചെ​ല​വു​ക​ൾ​ക്കാ​യി ജ​യിം​സും പ​ണം ക​ണ്ടെ​ത്തി. മൂ​ന്നു പേ​രും ന​ല്ല മ​ക്ക​ളാ​ണ്. ന​ന്നാ​യി പ​ഠി​ക്കും. അ​തു​കൊ​ണ്ടു​ത​ന്നെ അ​വ​ർ​ക്കു വേ​ണ്ടി ജീ​വി​ക്കു​ന്ന​തി​ൽ ജ​യിം​സി​നു സ​ന്തോ​ഷ​മാ​യി​രു​ന്നു. പ​ക്ഷേ, തീ​ര​ത്തെ ക​ണ്ണീ​രി​ലാ​ഴ്ത്തി​യ ഓ​ഖി ജോ​ണ്‍സ​ണെ​യും ജ​യിം​സി​നെ​യും ക​വ​ർ​ന്നെ​ടു​ത്ത​തോ​ടെ കു​ടും​ബം വി​റ​ങ്ങ​ലി​ച്ചു​നി​ന്നു. ന​ടു​ക്ക​ട​ലി​ൽ അ​വ​രെ കാ​ണാ​താ​കു​ന്ന​തി​ന് അ​ഞ്ചു മാ​സം മു​ന്പ് രോ​ഗ​ബാ​ധി​ത​നാ​യ പി​താ​വ് ബേ​ബി​യ​ൻ​സും മ​ര​ണ​ത്തി​നു കീ​ഴ​ട​ങ്ങി​യി​രു​ന്നു.

ഉ​യി​ർ​പ്പു തേ​ടി

ഇ​നി കു​ടും​ബ​ത്തി​ന് താ​ങ്ങാ​കേണ്ടവ​ൻ താ​നാ​ണെ​ന്ന ബോ​ധ്യം അൽഫോൻസി​നു​ണ്ട്. പ​ക്ഷേ ക​ര​യി​ൽ​നി​ന്നു കി​ട്ടു​ന്ന വ​രു​മാ​നം കൊ​ണ്ട് ഒ​ന്നു​മാ​കി​ല്ല. ഓ​ഖി ബാ​ധി​ത​രു​ടെ കു​ടും​ബ​ത്തി​ന് സ​ർ​ക്കാ​ർ ന​ല്കി​യ ന​ഷ്ട​പ​രി​ഹാ​ര​ത്തു​ക​യു​ടെ പ​ലി​ശ​യാ​യി ബാ​ങ്കി​ൽ നി​ന്നും കി​ട്ടു​ന്ന പ​ണ​ത്തി​ൽ ന​ല്ലൊ​രു ഭാ​ഗ​വും സ്വ​കാ​ര്യ​ബാ​ങ്കു​ക​ളി​ൽ നി​ന്നെ​ടു​ത്ത വാ​യ്പ​ക​ൾ​ക്ക് പ​ലി​ശ​യാ​യി ന​ൽ​കേ​ണ്ടി വ​രു​ന്നു.

വ​ള്ള​വും വ​ല​യും മ​റ്റു സാ​മ​ഗ്രി​ക​ളു​മൊ​ക്കെ വാ​ങ്ങു​ന്ന​തി​നാ​യി ല​ക്ഷ​ങ്ങ​ളാ​ണ് തീ​ര​ത്തെ മി​ക്ക​വാ​റും ആ​ളു​ക​ൾ സ്വ​കാ​ര്യ​ബാ​ങ്കു​ക​ളി​ൽ നി​ന്നും വാ​യ്പ​യാ​യി എ​ടു​ത്തി​ട്ടു​ള്ള​ത്. ത​ക​ർ​ന്ന​തും ന​ഷ്ട​പ്പെ​ട്ട​തു​മാ​യ വ​ള്ള​ങ്ങ​ൾ​ക്ക് സ​ർ​ക്കാ​ർ പ​ഴ​ക്കം നി​ശ്ച​യി​ച്ചു ന​ഷ്ട​പ​രി​ഹാ​രം ന​ല്കി. എ​ന്നാ​ൽ, പു​തി​യ വ​ള്ള​വും വ​ല​യും വാ​ങ്ങി ക​ട​ലി​ൽ പ​ണി​ക്കു പോ​ക​ണ​മെ​ങ്കി​ൽ വീ​ണ്ടും ല​ക്ഷ​ങ്ങ​ൾ വേ​ണം. ഇ​തി​നു പു​റ​മെ​യാ​ണ് വീ​ട്ടു​ചെ​ല​വു​ക​ൾ, കു​ട്ടി​ക​ളു​ടെ പ​ഠി​പ്പ്, ആ​ശു​പ​ത്രി ചെ​ല​വു​ക​ൾ, മ​ക്ക​ളു​ടെ വി​വാ​ഹം തു​ട​ങ്ങി​യ കാ​ര്യ​ങ്ങ​ൾ.


അ​തു​കൊ​ണ്ടാ​ണ് ഭീ​തി​യു​ടെ വ​ല​ക്ക​ണ്ണി​ക​ൾ പൊ​ട്ടി​ച്ചെ​റി​ഞ്ഞ് ഉ​റ്റ​വ​രു​ടെ ഉ​യി​രെ​ടു​ത്ത ക​ട​ലി​ലേ​ക്ക്, അ​ന്നം തേ​ടി ഓ​രോ ദി​വ​സ​വും അൽഫോൻസ​ട​ക്കം നി​ര​വ​ധി​പ്പേ​ർ യാ​ത്ര​യാ​കു​ന്ന​ത്. അൽഫോൻസി​നെ ക​ട​ൽ​പ്പ​ണി​ക്കു വി​ടാ​ൻ അ​മ്മ​യ്ക്കും ഭാ​ര്യ ഹെ​ല​നും പേ​ടി​യാ​ണ്. പ​ക്ഷേ ജീ​വി​ത​ത്തി​ന്‍റെ തോ​ണി തു​ഴ​യാ​ൻ അൽഫോൻസി​ന് ഇ​ന്ന് ഈ ​ക​ട​ൽ മാ​ത്ര​മേ​യു​ള്ളൂ; സ​ന്തോ​ഷി​പ്പി​ച്ച ക​ട​ൽ, വാ​രി​ക്കോ​രി ന​ല്കി​യ ക​ട​ൽ, ക​ര​യി​പ്പി​ച്ച ക​ട​ൽ, ക​ണ്ണീ​ർ വ​ഴി​ക​ൾ മാ​യ്ച്ചു​ക​ള​യു​ന്ന അ​മ്മ​ക്ക​ട​ൽ.

ഭീ​തി​യു​ടെ അ​തി​രു​ക​ൾ

ഓ​ഖി​യു​ടെ പി​ടി​യി​ൽ​നി​ന്ന് ആ​ദ്യ​ദി​നം ര​ക്ഷ​പ്പെ​ട്ടെ​ത്തി​യ മാ​തൃ​സ​ഹോ​ദ​രീ പു​ത്ര​ൻ സു​ജ​ൻ കു​മാ​റി​നൊ​പ്പ​മാ​ണ് അൽഫോൻസ് ഇ​പ്പോ​ൾ ക​ട​ലി​ൽ പോ​കു​ന്ന​ത്. ഓ​ഖി​യി​ൽ ന​ഷ്ട​പ്പെ​ട്ട സ​ഹോ​ദ​ര​ൻ ജ​യിം​സാ​യി​രു​ന്നു നേ​ര​ത്തെ ആ ​വ​ള്ള​ത്തി​ൽ പോ​യി​രു​ന്ന​ത്. ഒ​ട്ടും ആ​ക​സ്മി​കമ​ല്ല തീ​ര​ദേ​ശ​ത്തി​ന്‍റെ സ​ങ്ക​ട​ങ്ങ​ളാ​യ ഇ​ത്ത​രം സ്ഥാ​ന​മാ​റ്റ​ങ്ങ​ൾ!

ചേ​രി​യ​മു​ട്ട​ത്തെ തീ​ര​ത്തു​നി​ന്നു വൈ​കു​ന്നേ​ര​ങ്ങ​ളി​ൽ അൽഫോൻസും സു​ജ​ൻ​കു​മാ​റും പു​റ​പ്പെ​ടും. അ​വ​ർ​ക്കൊ​പ്പം നൂ​റു​ക​ണ​ക്കി​ന് വ​ള്ള​ങ്ങ​ളും. പ​ക്ഷേ, പ​ഴ​യ​തു പോ​ലെ ഇ​വ​രി​ൽ ഭൂ​രി​ഭാ​ഗം പേ​രും മ​ത്സ്യ​ബ​ന്ധ​ന​ത്തി​നാ​യി ആ​ഴ​ക്ക​ട​ലി​ലേ​ക്കു തു​ഴ​യാ​റി​ല്ല. ഭീ​തി​യു​ടെ അ​തി​രു​ക​ൾ​ക്കി​പ്പു​റ​ത്തു നി​ന്നും കി​ട്ടു​ന്ന​തു കൊ​ണ്ടു​മാ​ത്രം തൃ​പ്തി​പ്പെ​ടു​ന്നു. ആ​ഴ​ക്ക​ട​ലി​ലേ​ക്കു പോ​കാ​ത്ത​തു​കൊ​ണ്ട് മ​ത്സ്യ​ല​ഭ്യ​ത​യും കു​റ​വാ​ണെ​ന്ന് അൽഫോൻസും സു​ജ​ൻ​കു​മാ​റും പ​റ​യു​ന്നു.

ഒ​രു വ​ള്ളം ഒ​രു ദി​വ​സം ക​ട​ലി​ലേ​ക്കു പോ​യി​വ​ര​ണ​മെ​ങ്കി​ൽ പ​തി​നാ​യി​രം രൂ​പ​യോ​ളം ചെ​ല​വു വ​രും. മ​ണ്ണെ​ണ്ണ, ഡീ​സ​ൽ, ബോ​ട്ടി​ൽ ലെെ​റ്റ് തെ​ളി​യി​ക്കാ​നു​ള്ള വ​ലി​യ ബാ​റ്റ​റി​ക​ൾ, മീ​ൻ സൂ​ക്ഷി​ച്ചു വ​യ്ക്കാ​നു​ള്ള ഐ​സ് നി​റ​ച്ച പെ​ട്ടി​ക​ൾ, ജി​പി​എ​സ്, വ​യ​ർ​ലെ​സ് ഉ​പ​ക​ര​ണ​ങ്ങ​ൾ തു​ട​ങ്ങി​യ​വ​യു​മാ​ണ് ഇ​വ​ർ മ​ത്സ്യ​ബ​ന്ധ​ന​ത്തി​നാ​യി പോ​കു​ന്ന​ത്.

ചെ​ല​വു​ക​ൾ കൂ​ടു​ക​യും മ​ത്സ്യ​ല​ഭ്യ​ത കു​റ​യു​ക​യും ചെ​യ്ത​തോ​ടെ മു​ന്പ് കി​ട്ടി​യി​രു​ന്ന​ത്ര വ​രു​മാ​ന​വും ഇ​പ്പോ​ൾ ഈ ​മേ​ഖ​ല​യി​ൽ കി​ട്ടു​ന്നി​ല്ല. പു​തി​യ ത​ല​മു​റ മ​റ്റു​ മാ​ർ​ഗ​ങ്ങ​ളൊ​ന്നു​മി​ല്ലെ​ങ്കി​ൽ മാ​ത്ര​മാ​ണ് മ​ത്സ്യ​ബ​ന്ധ​ന​ത്തി​ലേ​ക്ക് വ​രു​ന്ന​ത്.

കു​ട്ടി​ക​ളി​ൽ ഭൂ​രി​ഭാ​ഗ​വും പ​ഠി​ക്കാ​ൻ മി​ടു​ക്ക​രാ​ണ്. ക​ഷ്ട​പ്പാ​ടു​ക​ൾ​ക്കി​ട​യി​ലും ദു​ര​ന്തം സ​മ്മാ​നി​ച്ച ആ​ഘാ​ത​ങ്ങ​ളെ മ​റി​ക​ട​ന്നും അ​വ​ർ മി​ക​ച്ച വി​ജ​യ​ങ്ങ​ൾ നേ​ടു​ന്നു​ണ്ട്. അ​വ​ർ​ക്കു താ​ങ്ങാ​വ​ണ​മെ​ന്നും വി​ദ്യാ​ഭ്യാ​സ​പ​ര​മാ​യ ഉ​ന്ന​തി തീ​ര​ത്തെ പു​ന​ർ​നി​ർ​മി​ക്കു​മെ​ന്നും അൽഫോൻസും സു​ജ​ൻ​കു​മാ​റും സ്വ​പ്നം​കാ​ണു​ന്നു.

ദു​ര​ന്ത​ത്തെ തോ​ൽ​പ്പി​ച്ച വി​ജ​യ​ഗാ​ഥ​ക​ൾ

ഓ​ഖി സ​മ്മാ​നി​ച്ച ആ​ഘാ​ത​ത്തെ തോ​ൽ​പ്പി​ച്ച് അൽഫോൻസി​ന്‍റെ മൂ​ത്ത സ​ഹോ​ദ​ര​ൻ ജോ​ണ്‍സ​ന്‍റെ മ​ക്ക​ളാ​യ നി​ധി​യും നി​ത്യ​യും ഇ​ക്കൊ​ല്ലം ബി​ഡി​എ​സി​നു പ്ര​വേ​ശ​നം നേ​ടി. പി​താ​വി​നെ ന​ഷ്ട​പ്പെ​ട്ട വേ​ദ​ന​യി​ലും അ​മ്മ ദേ​വ​നേ​ശ​ത്തി​ന്‍റെ ക​ഷ്ട​പ്പാ​ടു​ക​ൾ​ക്കും ഇ​ട​യി​ൽ നി​ന്നാ​ണ് ഇ​ക്ക​ഴി​ഞ്ഞ എ​ൻ​ട്ര​ൻ​സ് പ​രീ​ക്ഷ​യി​ൽ മി​ക​ച്ച വി​ജ​യം നേ​ടി അ​വ​ർ ഡോ​ക്ട​ർ​മാ​രാ​കാ​ൻ ഒ​രു​ങ്ങു​ന്ന​ത്. നി​ധി പ​രി​യാ​രം ഡെ​ന്‍റ​ൽ കോ​ള​ജി​ലും നി​ത്യ കോ​ത​മം​ഗ​ലം ഇ​ന്ദി​രാ​ഗാ​ന്ധി ഡെ​ന്‍റ​ൽ കോ​ള​ജി​ലു​മാ​ണ് പ​ഠി​ക്കു​ന്ന​ത്. ജോ​ണ്‍സ​ന്‍റെ ഇ​ള​യ മ​ക​ൾ നീ​തു ഓ​ൾ സെ​യി​ന്‍റ്സ് കോ​ള​ജി​ൽ ഡി​ഗ്രി വി​ദ്യാ​ർ​ഥി​യാ​ണ്.

അൽഫോൻസി​ന്‍റെ സ​ഹോ​ദ​രി ജ്യോ​തി​യു​ടെ മ​ക്ക​ളും പ​ഠ​ന​ത്തി​ൽ മി​ടു​ക്ക​രാ​ണ്. മൂ​ത്ത​വ​ൻ ഷാ​ജി എ​ൽ​എ​ൽ​എം പൂ​ർ​ത്തി​യാ​ക്കി വ​ക്കീ​ലാ​യി പ്രാ​ക്ടീ​സ് ചെ​യ്തു തു​ട​ങ്ങി. ഇ​ള​യ​വ​ൻ ജോ​സ്ഫാ​ൻ ക​ള​ക്ട​റാ​യി കാ​ണ​ണ​മെ​ന്നാ​യി​രു​ന്നു ജ​യിം​സി​ന്‍റെ ആ​ഗ്ര​ഹം. ബി​രു​ദ പ​ഠ​നം പൂ​ർ​ത്തി​യാ​ക്കി​യ ജോ​സ്ഫാ​ൻ ഇ​ക്കൊ​ല്ലം ഡ​ൽ​ഹി​യി​ൽ സി​വി​ൽ സ​ർ​വീ​സ് കോ​ച്ചിം​ഗി​നു ചേ​ർ​ന്നി​രി​ക്കു​ക​യാ​ണ്.

അൽഫോൻസി​ന്‍റെ മ​ക​ൾ മ​ഡോ​ണ ആ​റാം ക്ലാ​സി​ലും മ​ക​ൻ അ​ല​ൻ നാ​ലാം ക്ലാ​സി​ലു​മാ​ണ് പ​ഠി​ക്കു​ന്ന​ത്. ഇ​ള​യ സ​ഹോ​ദ​ര​ങ്ങ​ളാ​യ ബാ​ണ്‍സി​ന്‍റെ​യും ലോ​റ​ൻ​സി​ന്‍റെ​യും മ​ക്ക​ളും സ്കൂ​ൾ വി​ദ്യാ​ർ​ഥി​ക​ളാ​ണ്. അ​വ​രെ​ല്ലാ​വ​രും ന​ന്നാ​യി പ​ഠി​ക്കു​ന്നു​ണ്ടെ​ന്നു പ​റ​ഞ്ഞ​പ്പോ​ൾ അൽഫോൻസി​ന്‍റെ മു​ഖ​ത്ത് സ​ന്തോ​ഷ​ത്തി​ന്‍റെ ക​ര തെ​ളി​ഞ്ഞു.

ഡി. ​ദി​ലീ​പ്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.