കഠുവ കേസ് പ്രതികൾ സുപ്രീം കോടതിയിൽ
ജമ്മു കാഷ്മീരിലെ കഠുവയിൽ പെണ്‍കുട്ടി ക്രൂരമാനഭംഗത്തിനിരയായി കൊല്ലപ്പെട്ട സംഭവത്തിലെ പ്രതികൾ സുപ്രീം കോടതിയെ സമീപിച്ചു. വിചാരണ സംസ്ഥാനത്തിനു പുറത്തേക്കു മാറ്റണമെന്ന പെണ്‍കുട്ടിയുടെ പിതാവിന്‍റെ ആവശ്യത്തിനെതിരേയും കേസിൽ സിബിഐ അന്വേഷണം ആവശ്യപ്പെട്ടുമാണ് മുഖ്യപ്രതികളായ സഞ്ജി റാം, വിശാൽ ജാൻഗോത്ര എന്നിവർ സുപ്രീം കോടതിയെ സമീപിച്ചത്.

അതേസമയം, സംസ്ഥാന സർക്കാരിന്‍റെ മറുപടി ലഭിച്ച ശേഷമേ സംസ്ഥാനമാറ്റക്കാര്യം സുപ്രീം കോടതി പരിഗണിക്കൂ. കേസ് ജമ്മു കാഷ്മീരിന് പുറത്തേക്ക് മാറ്റണമെന്നാവശ്യപ്പെട്ട് പെൺകുട്ടിയുടെ പിതാവ് അഭിഭാഷകയായ അനൂജ കപൂർ വഴിയാണ് സുപ്രീം കോടതിയിൽ ഹർജി നൽകിയത്. തങ്ങൾക്ക് മതിയായ സുരക്ഷ ഉറപ്പാക്കണമെന്നും പെണ്‍കുട്ടിയുടെ പിതാവ് ഹർജിയിൽ ആവശ്യപ്പെട്ടിരുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Loading...