മ​ഴ മാ​റി​യി​ല്ല, സെ​മി മാ​റ്റി: മ​ത്സ​രം റി​സ​ർ​വ് ദി​ന​ത്തി​ൽ പു​നഃ​രാ​രം​ഭി​ക്കും
മാ​ഞ്ച​സ്റ്റ​ർ: ലോ​ക​ക​പ്പി​ലെ ഇ​ന്ത്യ- ന്യൂ​സി​ല​ൻ​ഡ് ആ​ദ്യ സെ​മി റി​സ​ർ​വ് ദി​ന​മാ​യ ബു​ധ​നാ​ഴ്ച​ത്തേ​ക്ക് മാ​റ്റി. ന്യൂ​സി​ല​ൻ​ഡ് ഇ​ന്നിം​ഗ്സ് അ​വ​സാ​ന​ത്തോ​ട​ടു​ത്ത​പ്പോ​ൾ യ്ത ​മ​ഴ അ​ല്പ നേ​ര​ത്തേ​ക്ക് മാ​റി​യെ​ങ്കി​ലും വീ​ണ്ടും പെ​യ്തു തു​ട​ങ്ങി​യ​തോ​ടെ​യാ​ണ് മ​ത്സ​രം റി​സ​ർ​വ് ദി​ന​ത്തി​ലേ​ക്ക് മാ​റ്റി​യ​ത്.

ഇ​ന്ത്യ​ൻ സ​മ​യം വൈ​കി​ട്ട് 6.30 ഓ​ടെ ആ​രം​ഭി​ച്ച മ​ഴ രാ​ത്രി പ​ത്തോ​ടെ ശ​മി​ച്ചി​രു​ന്നു. ഇ​തോ​ടെ സൂ​പ്പ​ർ സോ​പ്പ​ർ ഉ​പ​യോ​ഗി​ച്ച് ഗ്രൗ​ണ്ടു​ണ​ക്കാ​നു​ള്ള ശ്ര​മ​ങ്ങ​ൾ ആ​രം​ഭി​ക്കു​ക​യും 10.40ന് ​അം​പ​യ​ർ​മാ​ർ പി​ച്ച് പ​രി​ശോ​ധി​ക്കു​മെ​ന്ന് ഐ​സി​സി അ​റി​യി​ക്കു​ക​യും ചെ​യ്തി​രു​ന്നു.

എ​ന്നാ​ൽ, വീ​ണ്ടും മ​ഴ​യെ​ത്തി​യ​തോ​ടെ ആ ​ശ്ര​മ​ങ്ങ​ൾ ഐ​സി​സി ഉ​പേ​ക്ഷി​ച്ചു. വീ​ണ്ടും മ​ഴ പെ​യ്തി​ല്ലാ​യി​രു​ന്നു​വെ​ങ്കി​ൽ ഇ​ന്ത്യ​ൻ വി​ജ​യ ല​ക്ഷ്യം 20 ഓ​വ​റി​ൽ 148 ആ​ക്കി പു​ന​ർ​നി​ർ​ണ​യി​ച്ച് മ​ത്സ​രം ന​ട​ന്നേ​നെ.

ബു​ധ​നാ​ഴ്ച പ്രാ​ദേ​ശി​ക സ​മ​യം രാ​വി​ലെ 10.30ന് (​ഇ​ന്ത്യ​ൻ സ​മ​യം ഉ​ച്ച​ക​ഴി​ഞ്ഞ് 3.30ന്) ​മ​ത്സ​രം ആ​രം​ഭി​ക്കു​മെ​ന്നാ​ണ് ഐ​സി​സി അ​റി​യി​ച്ചി​രി​ക്കു​ന്ന​ത്. 46.1 ഓ​വ​റി​ൽ അ​ഞ്ചു വി​ക്ക​റ്റി​ന് 211 എ​ന്ന നി​ല​യി​ൽ ന്യൂ​സി​ല​ൻ​ഡ് ബാ​റ്റിം​ഗ് പു​ന​രാ​രം​ഭി​ക്കും.

റി​സ​ര്‍​വ് ദി​ന​മാ​യ ബു​ധ​നാ​ഴ്ച​യും മ​ഴ പെ​യ്താ​ല്‍ കാ​ര്യ​ങ്ങ​ള്‍ ഇ​ന്ത്യ​ക്ക് അ​നു​കൂ​ല​മാ​കും. അ​ങ്ങ​നെ​യെ​ങ്കി​ൽ ഗ്രൂ​പ്പ് ഘ​ട്ട​ത്തി​ലെ പോ​യി​ന്‍റ് നി​ല നോ​ക്കി​യാ​കും ഫൈ​ന​ലി​ലെ​ത്തു​ന്ന ടീ​മി​നെ തീ​രു​മാ​നി​ക്കു​ക. അ​പ്പോ​ൾ സ്വാ​ഭാ​വി​ക​മാ​യും ഇ​ന്ത്യ ഫൈ​ന​ലി​ലെ​ത്തും.