വൃ​ക്ക മാ​റ്റി​വ​ച്ച​വ​ർ​ക്കുള്ള സൗ​ജ​ന്യ​ മ​രു​ന്ന് പദ്ധതിക്ക് തുടക്കമായി
Saturday, February 16, 2019 1:55 AM IST
ക​ണ്ണൂ​ർ: മ​നു​ഷ്യ​നെ അ​ങ്ങേ​യ​റ്റം ചൂ​ഷ​ണംചെ​യ്യു​ന്ന വ്യ​വ​സാ​യ​മാ​ണ് മ​രു​ന്നു നി​ർ​മാ​ണ​വും വി​ത​ര​ണ​വും വി​ല്പ​ന​യു​മെ​ന്ന് ക​ഥാ​കൃ​ത്ത് ടി.​പ​ദ്മ​നാ​ഭ​ൻ. വൃ​ക്ക മാ​റ്റി​വ​ച്ച​വർ​ക്ക് സൗ​ജ​ന്യ​മാ​യി മ​രു​ന്നു ന​ൽ​കു​ന്ന ജി​ല്ലാ​പ​ഞ്ചാ​യ​ത്തി​ന്‍റെ പ​ദ്ധ​തി ഉ​ദ്ഘാ​ട​നം ചെ​യ്തു സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. ന​മ്മു​ടെ നാ​ടു ഭ​രി​ക്കു​ന്ന​തു​ത​ന്നെ മ​രു​ന്നു​നി​ർ​മാ​ണ ക​മ്പ​നി​ക​ളാ​ണോ എ​ന്നു ചി​ല​പ്പോ​ൾ തോ​ന്നി​യി​ട്ടു​ണ്ട്. അ​ത്യ​ന്തം അ​വി​ശു​ദ്ധ​മാ​യ കൂ​ട്ടു​കെ​ട്ടാ​ണ് മ​രു​ന്നു​നി​ർ​മാ​ണ ക​മ്പ​നി​ക​ൾ, വി​ത​ര​ണ​ക്കാ​ർ, വി​ല്പ​ന​ക്കാ​ർ, മ​രു​ന്നു നി​ർ​ദേ​ശി​ക്കു​ന്ന ഡോ​ക്ട​ർ​മാ​ർ, ആ​ശു​പ​ത്രി അ​ധി​കൃ​ത​ർ എ​ന്നി​വ​ർ​ക്കി​ട​യി​ലു​ള്ള​തെ​ന്നും അ​ദ്ദേ​ഹം പ​റ​ഞ്ഞു.

ഈ ​ചീ​ത്ത ച​ങ്ങ​ല​യ്ക്കി​ട​യി​ൽ​പ്പെ​ട്ടു ന​ര​കി​ക്കാ​ൻ വി​ധി​ക്ക​പ്പെ​ട്ട​വ​രാ​ണു ന​മ്മ​ളെ​ല്ലാം. വൃ​ക്ക​രോ​ഗി​യ​ല്ലെ​ങ്കി​ലും മാ​സം ആ​റാ​യി​രം രൂ​പ മ​രു​ന്നി​നു​വേ​ണ്ടി ചെ​ല​വി​ടേ​ണ്ടി​വ​രു​ന്ന ആ​ളാ​ണു ഞാ​ൻ. സ്ഥി​ര​മാ​യി മ​രു​ന്നു വാ​ങ്ങേ​ണ്ടി​വ​രു​ന്ന​വ​രു​ടെ പ്ര​യാ​സം അ​തു​കൊ​ണ്ടു​ത​ന്നെ ന​ന്നാ​യി അ​റി​യാ​മെ​ന്നും പ​ദ്മ​നാ​ഭ​ൻ പ​റ​ഞ്ഞു. കാ​ശു​ള്ള​വ​ർ​ക്കു മാ​ത്രം പ്രാ​പ്യ​മാ​യ മേ​ഖ​ല​യാ​യി ഇ​ത് മാ​റി​യി​രി​ക്കു​ന്നു. അ​തി​നാ​ൽ കാ​ശി​ല്ലാ​ത്ത​വ​രു​ടെ സ​ഹാ​യ​ത്തി​നെ​ത്തേ​ണ്ട​ത് ന​മ്മു​ടെ ബാ​ധ്യ​ത​യാ​ണ്.​യ​ഥാ​ർ​ത്ഥ​ത്തി​ൽ മ​ഹ​ത്ത​ര​മാ​യ കാ​ര്യ​മാ​ണ് ജി​ല്ലാ പ​ഞ്ചാ​യ​ത്ത് ഈ ​പ​ദ്ധ​തി​യി​ലൂ​ടെ ന​ട​പ്പി​ലാ​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു.

വൃ​ക്ക മാ​റ്റി​വ​ച്ച​വ​ർ​ക്ക് മ​രു​ന്നു​ക​ൾ വി​ത​ര​ണം ചെ​യ്യു​ന്ന​തി​നാ​യി ജി​ല്ലാ ആ​ശു​പ​ത്രി​യി​ൽ പ്ര​ത്യേ​കം ഒ​രു​ക്കി​യ ഫാ​ർ​മ​സി​യു​ടെ ഉ​ദ്ഘാ​ട​നം ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് കെ.​വി. സു​മേ​ഷ് നി​ർ​വ​ഹി​ച്ചു. ജി​ല്ലാ പ​ഞ്ചാ​യ​ത്തി​ന്‍റെ സ്‌​നേ​ഹ​ജ്യോ​തി കി​ഡ്‌​നി പേ​ഷ്യ​ന്‍റ്സ് വെ​ൽ​ഫ​യ​ർ സൊ​സൈ​റ്റി സ​മാ​ഹ​രി​ച്ച തു​ക​യും ജി​ല്ലാ പ​ഞ്ചാ​യ​ത്ത് വാ​ർ​ഷി​ക​പ​ദ്ധ​തി​യി​ൽ ഉ​ൾ​പ്പെ​ടു​ത്തി അ​നു​വ​ദി​ച്ച 20 ല​ക്ഷം രൂ​പ​യും ചേ​ർ​ത്താ​ണ് പ​ദ്ധ​തി ന​ട​പ്പി​ലാ​ക്കു​ന്ന​ത്. ഒ​രു വ​ർ​ഷ​ത്തേ​ക്ക് ഒ​രു കോ​ടി​യി​ലേ​റെ രൂ​പ​യാ​ണ് പ​ദ്ധ​തി​ക്കാ​യി ക​ണ​ക്കാ​ക്കു​ന്ന​തെ​ന്ന് ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് പ​റ​ഞ്ഞു.

265 രോ​ഗി​ക​ൾ​ക്കാ​ണ് ആ​ദ്യ​ഘ​ട്ട​ത്തി​ൽ മ​രു​ന്നു ന​ൽ​കു​ന്ന​ത്. കാ​രു​ണ്യ ഫ​ണ്ടി​ൽ​നി​ന്ന് നി​ല​വി​ൽ സ​ഹാ​യം ല​ഭി​ക്കു​ന്ന നൂ​റോ​ളം രോ​ഗി​ക​ളെ ആ​ദ്യ​ഘ​ട്ട​ത്തി​ൽ പ​ദ്ധ​തി​യി​ൽ​നി​ന്ന് ഒ​ഴി​വാ​ക്കി​യി​ട്ടു​ണ്ട്. കാ​രു​ണ്യ​യി​ൽ​നി​ന്നു​ള്ള സ​ഹാ​യം അ​വ​സാ​നി​ക്കു​ന്ന മു​റ​യ്ക്ക് പ​ദ്ധ​തി​യി​ൽ അ​വ​രെ​യും ഉ​ൾ​പ്പെ​ടു​ത്തും. സാ​മ്പ​ത്തി​ക മാ​ന​ദ​ണ്ഡ​ങ്ങ​ൾ പ​രി​ഗ​ണി​ക്കാ​തെ​യാ​ണ് പ​ദ്ധ​തി​യി​ലേ​ക്ക് ഗു​ണ​ഭോ​ക്താ​ക്ക​ളെ തെ​ര​ഞ്ഞെ​ടു​ത്ത​ത്. ഉ​ച്ച​ക​ഴി​ഞ്ഞ് ര​ണ്ടു മു​ത​ൽ നാ​ലുവ​രെ​യാ​യി​രി​ക്കും വി​ത​ര​ണം. മ​രു​ന്നു​വാ​ങ്ങാ​നാ​യി എ​ത്തേ​ണ്ട ദി​വ​സം ഏ​താ​ണെ​ന്ന് ഓ​രോ​രു​ത്ത​രെ​യും നേ​രി​ട്ട് അ​റി​യി​ക്കും. നേ​രി​ട്ടെ​ത്താ​ൻ പ്ര​യാ​സ​മു​ള്ള​വ​ർ ഡോ​ക്ട​റു​ടെ കു​റി​പ്പ​ടി സ​ഹി​തം പ​ക​ര​ക്കാ​ര​നെ അ​യ​ച്ചാ​ൽ മ​തി​യാ​കും.

ജി​ല്ലാ ആ​ശു​പ​ത്രി​യി​ൽ ന​ട​ന്ന ച​ട​ങ്ങി​ൽ ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് കെ.​വി.​സു​മേ​ഷ് അ​ധ്യ​ക്ഷ​ത വ​ഹി​ച്ചു. വൈ​സ് പ്ര​സി​ഡ​ന്‍റ് പി.​പി. ദി​വ്യ, സ്റ്റാ​ൻ​ഡിം​ഗ് ക​മ്മി​റ്റി അ​ധ്യ​ക്ഷ​ൻ​മാ​രാ​യ കെ.​പി. ജ​യ​ബാ​ല​ൻ, വി.​കെ. സു​രേ​ഷ് ബാ​ബു, കെ. ​ശോ​ഭ, ജി​ല്ലാ പ​ഞ്ചാ​യ​ത്ത് അം​ഗ​ങ്ങ​ൾ, ജി​ല്ലാ ആ​ശു​പ​ത്രി സൂ​പ്ര​ണ്ട് ഡോ. ​വി.​കെ. രാ​ജീ​വ​ൻ എ​ന്നി​വ​ർ പ്ര​സം​ഗി​ച്ചു.
Copyright @ 2019 , Rashtra Deepika Ltd.