തിരുവനന്തപുരം : കവടിയാർ ക്രൈസ്റ്റ് നഗർ സെൻട്രൽ സ്കൂളിലെ 44-ാമത് ശാസ്ത്രമേള "ടെക് വിസ്താര' കേരള സർവകലാശാല കാര്യവട്ടം കാന്പസിലെ കന്പ്യൂട്ടർ സയൻസ് മേധാവി ഡോ. അച്യുത് ശങ്കർ എസ്. നായർ ഉദ്ഘാടനം ചെയ്തു. കെജി, എൽപി, യുപി, ഹൈസ്കൂൾ, ഹയർ സെക്കൻഡറി വിഭാഗത്തിൽ നിന്നുള്ള രണ്ടായിരത്തോളം വിദ്യാർഥികൾ മെഗാമേളയിൽ പങ്കെടുത്തു. ശാസ്ത്രം, ഗണിതശാസ്ത്രം, സാമൂഹികം, സാങ്കേതികം, സാഹിത്യം, കായികം, സംഗീതം മുതലായ വിഭാഗങ്ങളിൽ നിന്നു സ്റ്റിൽ മോഡൽ, വർക്കിംഗ് മോഡൽ, ഓൺ ദി സ്പോട്ട്, പ്രോജക്ട് എന്നി ഇനങ്ങളിലായി നാല്പതോളം റൂമുകളിലാണ് മേള ഒരുക്കിയിരിക്കുന്നത്. സ്കൂൾ മാനേജർ ഫാ. പോൾ മങ്ങാട് സിഎംഐ അധ്യക്ഷത വഹിച്ച ചടങ്ങിൽ സ്കൂൾ പ്രിൻസിപ്പൽ ഫാ. ബിനോ പട്ടർക്കളം സിഎംഐ, സ്കൂൾ ബർസാർ ഫാ. ടിന്റോ പുളിഞ്ചുവള്ളിൽ സിഎംഐ, വൈസ് പ്രിൻസിപ്പൽ ജയാ ജേക്കബ് കോശി, ആനി ഇഗ്നേഷ്യസ് എന്നിവർ പങ്കെടുത്തു.