തിരുവനന്തപുരം : പട്ടം സെന്‍റ് മേരീസ് ഹയർ സെക്കൻഡറി സ്കൂളും നൂറുൾ ഇസ്‌ലാം യൂണിവേഴ്സിറ്റിയും സംയുക്തമായി സംഘടിപ്പിച്ച "മേധ ക്വിസ് 2കെ22' സമാപിച്ചു. ക്വിസ് മാസ്റ്റർ ജി.എസ് പ്രദീപ് സമാപന സമ്മേളനം ഉദ്ഘാടനം ചെയ്തു. സ്കൂൾ പ്രിൻസിപ്പൽ ഫാ. ടി. ബാബു അധ്യക്ഷനായിരുന്നു. നൂറുൾ ഇസ്‌ലാം യൂണിവേഴ്സിറ്റിയുടെ പ്രോ. ചാൻസിലർ എം.എസ്. ഫൈസൽ ഖാൻ മുഖ്യാതിഥിയായിരുന്നു. രാജധാനി ഗ്രൂപ്പ് ഓഫ് എഡ്യുക്കേഷണൽ ഇൻസ്റ്റിറ്റ്യൂഷൻസ് ചെയർമാൻ ബിജു രമേശ് സമ്മാനങ്ങൾ വിതരണം ചെയ്തു. വൈസ് പ്രിൻസിപ്പൽ ബിജോ ഗീവർഗീസ്, സ്റ്റാഫ് സെക്രട്ടറി അനുലേഖ ഫിലിപ്പ് എന്നിവർ പ്രസംഗിച്ചു.
കാറ്റഗറി ഒന്നിൽ എ. ദേവദർശൻ (സെന്‍റ് ജോസഫ് എച്ച്എസ്എസ്, തിരുവനന്തപുരം), എസ്.എൽ. ശ്രീലവ്യ (ഗവ. എച്ച്എസ്എസ് വെള്ളനാട്), എസ്.കെ. സിദ്ധാർഥ (സെന്‍റ് മേരിസ് എച്ച്എസ്എസ്, പട്ടം) എന്നിവർ ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി. കാറ്റഗറി രണ്ടിൽ വൈഷ്ണവി ബി. നായർ (സെന്‍റ് മേരിസ് എച്ച്എസ്എസ്, പട്ടം), അക്ഷയ പ്രദീപ് (ഗവ. ജിഎച്ച്എസ്എസ് കോട്ടൺഹിൽ), ഡി. ദർശന (ലയോള സ്കൂൾ, ശ്രീകാര്യം) എന്നിവർ ഒന്നും രണ്ടും മൂന്നും സ്ഥാനങ്ങൾ നേടി. കാറ്റഗറി മൂന്നിൽ വി.ജെ. അശ്വിൻ (ജിഎച്ച്എസ്എസ് വെഞ്ഞാറമൂട്), എ.എം. അമൽ (ജിഎംപി എച്ച്എസ്എസ്, ആറ്റിങ്ങൽ), എസ്.എസ്. സൗരവ് (ജിഎച്ച്എസ്എസ് വെഞ്ഞാറമൂട്) എന്നിവർ ഒന്നും രണ്ടും മൂന്നും സ്ഥാനങ്ങൾ നേടി.
കാറ്റഗറി ഒന്നിൽ ഏറ്റവും കൂടുതൽ കുട്ടികളെ പങ്കെടുപ്പിച്ച അൺ എയ്ഡഡ് സ്കൂളിലുള്ള അവാർഡ് ബാലരാമപുരം നസ്രത്ത് ഹോം ഇംഗ്ലീഷ് മീഡിയം സ്കൂൾ കരസ്ഥമാക്കി. എയ്ഡഡ് സ്കൂളുകളിൽ എൽഎംഎസ് യുപിഎസ് പരശുവയ്ക്കലും ഗവൺമെന്‍റ് സ്കൂളുകളിൽ ഗവ. എൽപിഎസ് പേരൂർക്കടയും രണ്ടും മൂന്നും സ്ഥാനങ്ങൾ കരസ്ഥമാക്കി. കാറ്റഗറി രണ്ടിൽ അൺ എയ്ഡഡ് വിഭാഗത്തിൽ ഹോളി എയ്ഞ്ചൽസ് ഇംഗ്ലീഷ് മീഡിയം സ്കൂൾ, സെന്‍റ് മേരിസ് ഹയർ സെക്കൻഡറി സ്കൂൾ പട്ടം, ഗവ. ഗേൾസ് ഹയർസെക്കൻഡറി സ്കൂൾ കോട്ടൺഹിൽ എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. ക്വിസ് മാസ്റ്റർ സിബിൻ ആന്‍റണിയാണ് "മേധ ക്വിസ് 2കെ22' ന് നേതൃത്വം നൽകിയത്.