വെഞ്ഞാറമൂട് : മാണിക്കോട് മഹാദേവക്ഷേത്രത്തിലെ മഹാശിവരാതി മഹോത്സവം ഫെബ്രുവരി ഒന്പതു മുതൽ 18 വരെ മാണിക്കോട് മേള, സാംസ്കാരിക സമ്മേളനം, അന്നദാനം, വൈദ്യുത ദീപാലങ്കാരം എന്നിവയോടെ നടക്കും. ഒന്പതിന് ഗണപതി ഹോമം, പഞ്ചവിംശതി കലശം, അന്നദാനം, മാണിക്കോട് മേള, ദീപാലങ്കാരം എന്നിവയുടെ ഉദ്ഘാടനം ഗാനമേള എന്നിവയുണ്ടാകും.
10ന് കലശപൂജ, സംഗീതക്കച്ചേരി, ചിറക്കര സലിം കുമാറിന്റെ കഥാപ്രസംഗം, 11ന് കലശപൂജ, അന്നദാനം, നാടൻപാട്ട് ദൃശ്യാവിഷ്കാരവും പൂരപ്പുറപ്പാട്, 12ന് കരോക്കെ ഗാനമേള, കൊല്ലൂർക്കാവിലെ രക്തയക്ഷി നൃത്ത നാടകം, 13ന് കരോക്കെ ഗാനമേള, നൃത്തനിശീഥിനി നൃത്തസന്ധ്യ എന്നിവ ഉണ്ടായിരിക്കും.
14ന് രാത്രി കഥകളി, 15 രാത്രി ഹൃദയ ഗീതങ്ങൾ വിഷ്വൽ ഗാനമാലിക, 16ന് സർപ്പക്കാവിൽ വിശേഷാൽ പൂജ, പഞ്ചാരിമേളം, നാടകം എന്നിവയുണ്ടാകും.
17ന് രുദ്രാഭിഷേകം, രുദ്രജപം, സാംസ്കാരിക സമ്മേളനം, ഗോകുലം ഗോപാലനെ ആദരിക്കൽ, ഭഗവതി സേവ, പുഷ്പാഭിഷേകം, നൃത്ത നൃത്യങ്ങൾ. 18ന് ഘൃതധാര, പ്രദോഷപൂജ, അഷ്ടാഭിഷേകം, സൂപ്പർ മെഗാഷോ, നാടൻപാട്ട് ദ്യശ്യാവിഷ്ക്കാരം, തിറ വെള്ളാട്ട് എന്നിവയും നടക്കും.