തിരുവനന്തപുരം: സാക്ഷരതാമിഷൻ അതോറിറ്റിയുടെ കീഴിൽ തിരുവനന്തപുരം മാണിക്കൽ പഞ്ചായത്തിൽ പ്രേരകായിരിക്കെ മരിച്ച എൽ. ഗീതാകുമാരിയുടെ കുടുംബത്തിനു ധനസഹായം നൽകി. 75,000 രൂപയുടെ ചെക്ക് തിരുവനന്തപുരം ജില്ലാ പഞ്ചായത്ത് പ്രസിഡന്റ് അഡ്വ. ഡി. സുരേഷ് കുമാർ കൈമാറി. ജില്ലാ പഞ്ചായത്ത് വൈസ് പ്രസിഡന്റ് അഡ്വ. എ. ഷൈലജാബീഗം, ആരോഗ്യവിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൻ വി.ആർ.സലൂജ, പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ എം. ജലീൽ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ വിളപ്പിൽ രാധാകൃഷ്ണൻ, ജില്ലാ പഞ്ചായത്തംഗങ്ങളായ വെള്ളനാട് ശശി, എ. മിനി, ജില്ലാ പഞ്ചായത്ത് സെക്രട്ടറി ഷാജി ബോൺസ്ലെ, ഫിനാൻസ് ഓഫീസർ അനിൽകുമാർ, സൂപ്രണ്ട് എസ്. മനോജ്, ജില്ലാസാക്ഷരതാ മിഷൻ പ്രവർത്തകരായ ടോജോ ജേക്കബ്, ബി. സജീവ്, പേരക് പ്രീത, ജില്ലാ സാക്ഷരതാ മിഷൻ ജീവനക്കാർ തുടങ്ങിയവർ പങ്കെടുത്തു.
പഞ്ചിയമ്മ ക്ഷേത്രോത്സവം
നേമം: പാപ്പനംകോട് പണ്ടാരവിള പഞ്ചിയമ്മ ക്ഷേത്രത്തിലെ ഉത്സവം ഇന്നു മുതൽ ഫെബ്രുവരി ഒന്നുവരെ ആഘോഷിക്കും. എല്ലാ ദിവസവും മഹാഗണപതി ഹോമം ഉഷഃപൂജ, ഭഗവതിസേവ എന്നിവയുണ്ടാകും. ഫെബ്രുവരി ഒന്നിന് രാവിലെ 10.15ന് പൊങ്കാല. വൈകുന്നേരം 6 ന് പൊതുകുങ്കൂ മാഭിഷേകം എന്നിവയുമുണ്ടാകും.