ഭി​ന്ന​ശേ​ഷി​ക്കാ​രാ​യ എ​ൻ​ജി​നി​യ​റിം​ഗ് വി​ദ്യാ​ർ​ഥി​ക​ൾ​ക്കാ​യി തൊ​ഴി​ൽ മേ​ള
Tuesday, January 31, 2023 11:30 PM IST
തി​രു​വ​ന​ന്ത​പു​രം: എ.​പി​.ജെ. അ​ബ്ദു​ൾ ക​ലാം സാ​ങ്കേ​തി​ക സ​ർ​വ​ക​ലാ​ശാ​ല​യും ഓ​ട്ടോ​മോ​ട്ടീ​വ് സോ​ഫ്റ്റ്‌​വെ​യ​ർ റി​സ​ർ​ച്ച് ക​ന്പ​നി​യാ​യ ആ​ക്സി​യ ടെ​ക്നോ​ള​ജീ​സു​മാ​യി സ​ഹ​ക​രി​ച്ച് ഭി​ന്ന​ശേ​ഷി​ക്കാ​രാ​യ എ​ൻ​ജി​നി​യ​റിം​ഗ് വി​ദ്യാ​ർ​ഥി​ക​ൾ​ക്കാ​യി തൊ​ഴി​ൽ മേ​ള ന​ട​ത്തി. മാ​ർ ബ​സേ​ലി​യോ​സ് എ​ൻ​ജി​നി​യ​റിം​ഗ് കോ​ള​ജി​ൽ ന​ട​ത്തിയ തൊ​ഴി​ൽ മേ​ള സാ​ങ്കേ​തി​ക സ​ർ​വ​ക​ലാ​ശാ​ല വൈ​സ് ചാ​ൻ​സ​ല​ർ ഡോ.​സി​സ തോ​മ​സ് ഉ​ദ്ഘാ​ട​നം ചെ​യ്തു.​ഭി​ന്ന​ശേ​ഷി​യു​ള്ള എ​ൻ​ജി​നി​യ​റിം​ഗ് വി​ദ്യാ​ർ​ഥി​ക​ൾ​ക്ക് ല​ഭി​ക്കാ​വു​ന്ന ന​ല്ല തൊ​ഴി​ൽ അ​വ​സ​ര​മാ​കും ഈ ​തൊ​ഴി​ൽ മേ​ള​യി​ലൂ​ടെ സാ​ധ്യ​മാ​കു​ക​യെ​ന്നും സാ​ങ്കേ​തി​ക നൈ​പു​ണ്യ​മു​ള്ള ഭി​ന്ന​ശേ​ഷി​യു​ള്ള വി​ദ്യാ​ർ​ഥി​ക​ളെ നി​യ​മി​ക്കു​ന്ന​തി​ന് കൂ​ടു​ത​ൽ ക​ന്പ​നി​ക​ൾ സ​ർ​വ​ക​ലാ​ശാ​ല​യു​മാ​യി ചേ​ർ​ന്ന് പ്ര​വ​ർ​ത്തി​ക്കു​മെ​ന്ന് പ്ര​തീ​ക്ഷി​ക്കു​ന്ന​താ​യും വൈ​സ്ചാ​ൻ​സ​ല​ർ പ​റ​ഞ്ഞു. ആ​ക്സി​യ ടെ​ക്നോ​ള​ജീ​സ് സ്ഥാ​പ​ക​നും സി​ഇ​ഒ​യു​മാ​യ ജി​ജി​മോ​ൻ ച​ന്ദ്ര​ൻ, നി​ഷ് അ​ക്കാ​ദ​മി​ക് പ്രോ​ഗ്രാ​മു​ക​ളു​ടെ പ്രി​ൻ​സി​പ്പ​ൽ ഡോ. ​സു​ജ കെ. ​കു​ന്ന​ത്ത്, മാ​ർ ബ​സേ​ലി​യോ​സ് എ​ൻ​ജി​നി​യ​റിം​ഗ് കോ​ള​ജ് ബ​ർ​സാ​ർ ഫാ. ​ജോ​ണ്‍ വ​ർ​ഗീ​സ് പ​ഴ​നി​കു​ന്ന​ത്തി​ൽ, കോ​ള​ജ് പ്രി​ൻ​സി​പ്പ​ൽ ഡോ. ​ഏ​ബ്ര​ഹാം ടി. ​മാ​ത്യു, സാ​ങ്കേ​തി​ക സ​ർ​വ​ക​ലാ​ശാ​ലാ ഇ​ൻ​ഡ​സ്ട്രി അ​റ്റാ​ച്ച്മെ​ന്‍റ് സെ​ൽ കോ-​ഒാ​ർ​ഡി​നേ​റ്റ​ർ അ​രു​ണ്‍ അ​ല​ക്സ് എ​ന്നി​വ​ർ ച​ട​ങ്ങി​ൽ പ​ങ്കെ​ടു​ത്തു.

Copyright @ 2022 , Rashtra Deepika Ltd.