തിരുവനന്തപുരം: മലയാളത്തിലെ മികച്ച സാഹിത്യകൃതിക്ക് നൽകുന്ന മലയാറ്റൂർ ഫൗണ്ടേഷൻ സാഹിത്യ അവാർഡിനായി 2017 മുതൽ 2022 വരെയുള്ള വർഷങ്ങളിൽ ആദ്യപതിപ്പായി പ്രസിദ്ധീകരിച്ച നോവലുകൾ ക്ഷണിക്കുന്നു. ഗ്രന്ഥകർത്താക്കൾക്കോ പ്രസാധകർക്കോ അഭ്യുദയകാംഷികൾക്കോ കൃതികൾ അയക്കാം. 25,000 രൂപയും ശില്പവും പ്രശസ്തിപത്രവും അടങ്ങുന്ന അവാർഡ് മലയാറ്റൂരിന്റെ തൊണ്ണൂറ്റിയാറാമത് ജന്മവാർഷികദിനമായ മേയ് 30ന് സമ്മാനിക്കും. അവാർഡിന് പരിഗണിക്കുന്നതിന് പുസ്തകത്തിന്റെ മൂന്ന് പ്രതികൾ അപേക്ഷയോടൊപ്പം സെക്രട്ടറി, മലയാറ്റൂർ ഫൗണ്ടേഷൻ, ഇ69, ശാസ്ത്രിനഗർ, കരമന, തിരുവനന്തപുരം2 എന്ന വിലാസത്തിൽ മാർച്ച് 31ന് മുമ്പായി ലഭ്യമാക്കണം. മൊബൈൽ: 9447 613 300, 9447221429.
നടീൽ ഉത്സവം ഇന്ന്
തിരുവനന്തപുരം: സുഭിക്ഷ കേരളം പദ്ധതിയുടെ ഭാഗമായി ഗൗരീശപട്ടം റസിഡന്റ്സ് വെൽഫെയർ കോ-ഓപ്പറേറ്റീവ് സൊസൈറ്റി സംഘടിപ്പിക്കുന്ന നടീൽ ഉത്സവം ഇന്നു രാവിലെ 9.30നു വി.കെ. പ്രശാന്ത് എംഎൽഎ ഉദ്ഘാടനം ചെയ്യും.
ഗൗരീശ ഗാർഡൻസിൽ (ജിആർഎ 85നു മുന്നിൽ) നടക്കുന്ന ചടങ്ങിൽ ജിആർഎ പ്രസിഡന്റ് മോഹൻ വർഗീസ് അധ്യക്ഷത വഹിക്കും. ഡെപ്യൂട്ടി മേയർ പി.കെ. രാജു, കൃഷി വകുപ്പ് ഫീൽഡ് ഓഫീസർ എസ്.എസ്. ഗിരിജ, ഡോ. ആർ. ഗോപിമണി, ഡോ. കെ. ശ്രീകുമാർ, സഹകരണ സംഘം ജോയിന്റ് രജിസ്ട്രാർ ഇ. നിസാമുദീൻ, ഡെപ്യൂട്ടി രജിസ്ട്രാർ എ. ഷരീഫ്, അസിസ്റ്റന്റ് രജിസ്ട്രാർ സി. സുരേഷ് കുമാർ, കെ.വി. രാജപ്പൻ നായർ, എസ്.കെ. വേണുഗോപാലൻ നായർ, മേജർ സുരേഷ് കുമാർ, ജിആർഎയുടെയും സംഘത്തിന്റെയും പ്രസിഡന്റ് സതീഷ് ഗോപി , എം. ശിവകുമാർ എന്നിവർ പ്രസംഗിക്കും.