ശുചിമുറി മാലിന്യം തള്ളുന്നത് പതിവാകുന്നു
Thursday, March 23, 2023 11:47 PM IST
കാ​ട്ടാ​ക്ക​ട: ജ​ല​സമൃദ്ധി പ​ദ്ധ​തി​യി​ലുൾപ്പെ​ടു​ത്തി ന​വീ​കരിച്ച കു​ള​ത്തു​മ്മ​ൽ തോ​ട്ടി​ൽ ശുചിമുറി മാ​ലി​ന്യ​ങ്ങ​ൾ തള്ളുന്നതു പതിവാ കുന്നു. മേഖലയിൽ തോടു കൈ യേറുന്നതും രൂക്ഷമാകുന്നു.
രാ​ത്രി​കാ​ല​ങ്ങ​ളി​ലാണു മാലി ന്യനിക്ഷേപം നടക്കുന്നത്. കഴി ഞ്ഞ ദിവസങ്ങളിൽ കൊ​മ്പാ​ടി​ക്ക​ൽഭാ​ഗ​ത്ത് മീ​നു​ക​ൾ കൂ​ട്ട​ത്തോ​ടെ ച​ത്തു​പൊ​ങ്ങി​യി​രു​ന്നു. വെ​ള്ള​ത്തി​നു നി​റ​വ്യ​ത്യാ​സ​വു​മു​ണ്ട്. തോ​ട്ടി​ലെ വെ​ള്ള​ത്തി​ൽ വി​ഷാം​ശ​മു​ള്ള മാ​ലി​ന്യം ക​ല​ർ​ന്ന​താ​വാം മീ​നു​ക​ളും, നീ​ർ​ക്കോ​ലി​യു​മെല്ലാം ച​ത്തു​പൊ​ങ്ങാ​ൻ കാ​ര​ണ​മെ​ന്നു സ്ഥ​ലം സ​ന്ദ​ർ​ശി​ച്ച ആ​രോ​ഗ്യ​വ​കു​പ്പ് അ​ധി​കൃ​ത​ർ പ​റ​ഞ്ഞി​രു​ന്നു.

കു​ള​ത്തു​മ്മ​ൽ തോ​ട് ഒ​ഴു​കി​യെ​ത്തു​ന്ന​ത് കീ​ഴാ​റൂ​ർ ഭാ​ഗ​ത്തെ നെ​യ്യാ​റി​ലേ​ക്കാ​ണ്. തോ​ട് ഒ​ഴു​കു​ന്ന അ​ഞ്ചു​തെ​ങ്ങി​ൻ​മൂ​ട്, കൊ​മ്പൊ​ടി​ക്ക​ൽ, മം​ഗ​ല​യ്ക്ക​ൽ, അ​മ്പ​ല​ത്തി​ൻ​കാ​ല എ​ന്നി​വി​ട​ങ്ങ​ളി​ലെ​ല്ലാം ക​ഴി​ഞ്ഞ ദി​വ​സ​ങ്ങ​ളി​ൽ ജ​ല​ജീ​വി​ക​ൾ ച​ത്തു​പൊ​ങ്ങി​യിരുന്നു. പ​ല​യി​ട​ത്തും തോ​ട്ടി​ലെ വെ​ള്ളം തു​ണി അ​ല​ക്കാ​നും മൃ​ഗ​ങ്ങ​ളെ കു​ളി​പ്പി​ക്കാ​നു​മൊ​ക്കെ ഉ​പ​യോ​ഗി​ക്കു​ന്നു​ണ്ട്. ല​ക്ഷ​ങ്ങ​ൾ മു​ട​ക്കി ന​വീ​ക​രി​ച്ച തോ​ട്ടി​ൽ നീ​രൊ​ഴു​ക്ക് ത​ട​സപ്പെ​ടു​ത്തി മ​ണ്ണും ക​ല്ലുമിട്ടു ​മൂ​ടാ​നും ശ്ര​മം ന​ട​ക്കുന്നുണ്ട്. തൊ​ഴി​ലു​റ​പ്പ് പ​ദ്ധ​തി​യി​ൽ ഉ​ൾ​പ്പെ​ടു​ത്തി തോ​ട്ടി​ലെ മാ​ലി​ന്യ​ങ്ങ​ൾ നീ​ക്കം ചെ​യ്തു വ​ർ​ഷം ഒന്നു തി​ക​യുംമു​ൻ​പേ തോ​ടി​ന്‍റെ പ​ല ഭാ​ഗ​ത്തും ഒ​ഴു​ക്കു ഗ​തി​മാ​റ്റിവി​ട്ട് സ്വ​കാ​ര്യ വ്യ​ക്തി​ക​ൾ ചെ​ടി ന​ഴ്സ​റി​യു​ടെ മ​റ​വി​ൽ തോ​ട് നി​ക​ത്തി. റോ​ഡി​ന്‍റെ വ​ശ​ത്തു​ള്ള കൃ​ഷിഭൂ​മി മ​ണ്ണി​ട്ടു നി​ക​ത്തു​ന്ന​തും വ്യാ​പ​ക​മാ​ണ്. ന​ഴ്സ​റി​ക്കു ഭൂ​മി പാ​ട്ട​ത്തി​നു ന​ൽ​കും. ഇ​വ​ർ ചെ​ടി ന​ടാ​നെ​ന്ന പേ​രി​ൽ മ​ണ്ണു കൊ​ണ്ടു​വ​ന്നു നി​ക​ത്തും.

ഡേ​റ്റാ ബാ​ങ്കി​ൽ ഉ​ൾ​പ്പെ​ട്ട ഭൂ​മി​യി​ലാ​ണ് ഇ​ത്ത​ര​ത്തി​ൽ നി​ക​ത്ത​ൽ ന​ട​ക്കു​ന്ന​ത്. ഇ​ത് ജ​ല​മൊ​ഴു​ക്കി​നു ത​ട​സം സൃ​ഷ്ടി​ക്കു​ന്നു​വെ​ന്നു ക​ണ്ടെ​ത്തി​യ​തി​നെ തു​ട​ർ​ന്നു നീ​ക്കം ചെ​യ്യാ​ൻ നി​ർ​ദേ​ശി​ച്ചെ​ങ്കി​ലും ഫ​ല​മു​ണ്ടാ​യി​ല്ല.
Copyright @ 2022 , Rashtra Deepika Ltd.