ഒരാഴ്ചമുന്പ് കാ​ണാ​താ​യ പോ​ലീ​സു​കാ​ര​ന്‍ മ​ട​ങ്ങി​യെ​ത്തി
Friday, March 1, 2024 5:50 AM IST
വെ​ള്ള​റ​ട: പോ​ലീ​സു​കാ​ര​നാ​യ മ​ക​നെ ജോ​ലി​സ്ഥ​ല​ത്തു​നി​ന്നു കാ​ണാ​താ​യ​താ​യി പി​താ​വ് പ​രാ​തി ന​ല്‍​കി​യ​തി​ന് പി​ന്നാ​ലെ മ​ക​നാ​യ പോ​ലീ​സു​കാ​ര​ന്‍ വീ​ട്ടി​ലെ​ത്തി. വ്യാ​ഴാ​ഴ്ച രാ​വി​ലെ മ​ട​ങ്ങി​യെ​ത്തി​യ ഇ​യാ​ള്‍ കു​ടും​ബാം​ഗ​ങ്ങ​ളോ​ടൊ​പ്പം വെ​ള്ള​റ​ട പോ​ലീ​സ് സ്റ്റേ​ഷ​നി​ല്‍ ഹാ​ജ​രാ​യ ശേ​ഷം, കേ​സ് ര​ജി​സ്റ്റ​ര്‍ ചെ​യ്ത ക​ല്‍​പ്പ​ക​ഞ്ചേ​രി സ്റ്റേ​ഷ​നി​ല്‍ ഹാ​ജ​രാ​കു​മെ​ന്ന് അ​റി​യി​ച്ചു.

മേ​ലു​ദ്യോ​ഗ​സ്ഥ​രു​ടെ മാ​ന​സി​ക പീ​ഡ​ന​മാ​ണ് സം​ഭ​വ​ത്തി​നു കാ​ര​ണ​മാ​യ​തെ​ന്നാ​ണ് കു​ടും​ബ ആ​രോ​പ​ണം ഉ​ന്ന​യി​ച്ചി​രു​ന്ന​ത്. കൂ​താ​ളി കാ​ക്ക​തൂ​ക്കി ലാ​ല്‍​ഭ​വ​നി​ല്‍ ബി​ജോ​യ് എ​സ്. ലാ​ലി​നെ​യാ​ണ് (27) ഒ​രാ​ഴ്ച മു​മ്പ് കാ​ണാ​താ​യ​ത്. തി​രു​പ്പ​തി​യി​ല്‍ പോ​യി മ​ട​ങ്ങി​യെ​ന്നാ​ണ് ലാ​ല്‍ പ​റ​ഞ്ഞ​ത്. ആ​റു​വ​ര്‍​ഷം മു​മ്പാ​ണു പോ​ലീ​സ് സേ​ന​യി​ല്‍ ജോ​ലി ല​ഭി​ച്ച​ത്.

മ​ല​പ്പു​റം ആ​ര്‍​ആ​ര്‍​എ​ഫ് യൂ​ണി​റ്റി​ലെ പോ​ലീ​സു​കാ​ര​നാ​യ ബി​ജോ​യ് കു​റേ മാ​സ​ങ്ങ​ളാ​യി തി​രു​വ​ന​ന്ത​പു​ര​ത്താ​ണ് ജോ​ലി​ചെ​യ്തി​രു​ന്ന​ത്. ഇ​തി​നി​ട​യി​ല്‍ അ​സു​ഖ​ബാ​ധി​ത​നാ​യി ചി​കി​ത്സ​തേ​ടി​യ​ശേ​ഷം 13ന് ​ജോ​ലി​യി​ല്‍ പ്ര​വേ​ശി​ച്ചെ​ങ്കി​ലും അ​വി​ടെ​നി​ന്ന് മ​ല​പ്പു​റ​ത്തെ ആ​ര്‍​ആ​ര്‍​എ​ഫ് ഹെ​ഡ്ക്വാ​ര്‍​ട്ടേ​ഴ്‌​സി​ല്‍ റി​പ്പോ​ര്‍​ട്ട് ചെ​യ്യാ​ന്‍ നി​ര്‍​ദേ​ശി​ച്ചു.


തു​ട​ര്‍​ന്ന് അ​വി​ടെ ജോ​ലി ചെ​യ്തു വ​രു​ന്ന​തി​നി​ട​യി​ല്‍ കോ​ഴി​ക്കോ​ട്ടേ​ക്ക് സ്ഥ​ലം​മാ​റ്റ​ത്തി​നു​ള്ള ഉ​ത്ത​ര​വും ല​ഭി​ച്ചു. ബി​ജോ​യ് ഇ​ടു​ക്കി​യി​ലേ​ക്ക് സ്ഥ​ല​മാ​റ്റം ചോ​ദി​ച്ചെ​ങ്കി​ലും ന​ല്‍​കി​യി​ല്ലെ​ന്നും വി​ശ്ര​മ​മി​ല്ലാ​ത്ത ജോ​ലി​ഭാ​ര​മാ​ണ് ന​ല്‍​കി​യ​തെ​ന്നും പി​താ​വ് ആ​ല്‍​ബി​രാ​ജ് പ​റ​യു​ന്നു.

പ​തി​വാ​യി ഫോ​ണി​ല്‍ വി​ളി​ക്കു​ന്ന സ​മ​യ​ത്തൊ​ക്കെ അ​മി​ത​ജോ​ലി ഏ​ല്‍​പ്പി​ക്കു​ന്ന​തി​നെ​യും മേ​ലു​ദ്യോ​ഗ​സ്ഥ​രു​ടെ മാ​ന​സി​ക പീ​ഡ​ന​ത്തെ​ക്കു​റി​ച്ചും ബി​ജോ​യ് പ​റ​യു​മാ​യി​രു​ന്നു​വെ​ന്നു പി​താ​വ് വെ​ള്ള​റ​ട പോ​ലീ​സി​ല്‍ ന​ല്‍​കി​യ പ​രാ​തി​യി​ല്‍ പ​റ​യു​ന്നു.

ബി​ജോ​യി​യെ കാ​ണാ​താ​യ സം​ഭ​വ​ത്തി​ല്‍ മ​ല​പ്പു​റം ക​ല്‍​പ്പ​ക​ഞ്ചേ​രി പോ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി​യി​രു​ന്നു.

Copyright @ 2022 , Rashtra Deepika Ltd.