റോഡില് ഓയില് വീണ് ഗതാഗതം തടസപ്പെട്ടു
1431323
Monday, June 24, 2024 6:40 AM IST
വലിയതുറ: അജ്ഞാത വാഹനത്തില് നിന്നും റോഡില് ഓയില് വീണതിനെ തുടര്ന്ന് ഗതാഗതം തടസപ്പെട്ടു.
ശംഖുമുഖം എയര് ഫോഴ്സ് സ്റ്റേഷനു മുന്നിലെ റോഡിലാണ് അപകടകരമായ തരത്തില് ഓയില് വീണ് ഗതാഗതം തടസപ്പെട്ടത്. ഞായറാഴ്ച പുലര്ച്ചെ 12.30 ഓടുകൂടിയായിരുന്നു സംഭവം നാട്ടുകാരുടെ ശ്രദ്ധയില് പെട്ടത്.
നിരവധി വാഹനങ്ങള് റോഡില് തെന്നി മാറിയതോടെ വലിയതുറ പോലീസ് വിവരം ചാക്ക ഫയര് ഫോഴ്സില് അറിയിക്കുകയായിരുന്നു തുടര്ന്ന് ഫയര് ഫോഴ്സ് സംഘം എത്തി റോഡില് മരപ്പൊടി വിതറിയ ശേഷം വെളളം ചീറ്റി റോഡ് കഴുകി വൃത്തിയാക്കുകയായിരുന്നു.