ക​സ്റ്റ​ഡി​യി​ൽ എ​ടു​ത്ത​യാ​ളെ മോ​ചി​പ്പി​ക്കാ​ൻ ശ്രമം: സം​ഘ​ർ​ഷം, ആ​ത്മ​ഹ​ത്യാ​ശ്ര​മം
Friday, November 27, 2020 12:01 AM IST
വി​ഴി​ഞ്ഞം: അ​യ​ൽ​വാ​സി​ക​ൾ ത​മ്മി​ലു​ള്ള സം​ഘ​ർ​ഷ​ത്തി​ൽ ക​സ്റ്റ​ഡി​യി​ൽ എ​ടു​ത്ത പ്ര​തി​യെ വി​ട്ടു​കി​ട്ട​ണ​മെ​ന്ന ആ​വ​ശ്യ​വു​മാ​യി എ​ത്തി​യ ആ​ൾ​ക്കാ​ർ വി​ഴി​ഞ്ഞ​ത്ത് സം​ഘ​ർ​ഷാ​വ​സ്ഥ സൃ​ഷ്ടി​ച്ചു.​ഏ​റെ നാ​ട​കീ​യ രം​ഗ​ങ്ങ​ൾ​ക്കൊ​ടു​വി​ൽ പ്ര​തി​ഷേ​ധ​ത്തി​നി​ട​യി​ൽ പ്ര​തി​യു​ടെ സ​ഹോ​ദ​രി ദേ​ഹ​ത്ത് മ​ണ്ണെ​ണ്ണ ഒ​ഴി​ച്ച് ആ​ത്മ​ഹ​ത്യ​യ്ക്ക് ശ്ര​മി​ച്ച​ത് പ്ര​ശ്നം രൂ​ക്ഷ​മാ​ക്കി. കു​ഴ​ഞ്ഞു വീ​ണ യു​വാ​വി​ന്‍റെ മാ​താ​വി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.
ഇ​ന്ന​ലെ ഉ​ച്ച​യോ​ടെ വി​ഴി​ഞ്ഞം പോ​ലീ​സ് ക​സ്റ്റ​ഡി​യി​ൽ എ​ടു​ത്ത കോ​ട്ട​പ്പു​റം സ്വ​ദേ​ശി ഗ്രി​ഫി​ൻ എ​ന്ന യു​വാ​വി​നെ വി​ട്ടു​കി​ട്ടാ​നാ​യി​രു​ന്നു പ്ര​തി​ഷേ​ധം. അ​യ​ൽ​വാ​സി​യാ​യ വീ​ട്ട​മ്മ​യു​ടെ പ​രാ​തി​യെ തു​ട​ർ​ന്നാ​യി​രു​ന്നു അ​റ​സ്റ്റ്. ക​സ്റ്റ​ഡി​യി​ൽ എ​ടു​ത്ത​ത് രാ​ഷ്ട്രീ​യ പ്രേ​രി​ത​മെ​ന്നാ​രോ​പി​ച്ച് യു​വാ​വി​ന്‍റെ ബ​ന്ധു​ക്ക​ൾ​ക്കൊ​പ്പം ഒ​രു വി​ഭാ​ഗം രാ​ഷ്ട്രീ​യ പാ​ർ​ട്ടി പ്ര​വ​ർ​ത്ത​ക​രും രം​ഗ​ത്തെ​ത്തി​യ​തോ​ടെ കാ​ര്യ​ങ്ങ​ൾ വ​ഷ​ളാ​യി. വൈ​കു​ന്നേ​ര​ത്തോ​ടെ സം​ഘ​ടി​ച്ചെ​ത്തി​യ പ്ര​തി​ഷേ​ധ​ക്കാ​ർ സ്റ്റേ​ഷ​നി​ലെ​ത്തി​യ​തോ​ടെ സ്ഥ​ലം സം​ഘ​ർ​ഷ​ത്തി​ന്‍റെ വ​ക്കി​ലാ​യി. ഫോ​ർ​ട്ട് എ​സി​യു​ടെ നേ​തൃ​ത്വ​ത്തി​ലു​ള്ള വ​ൻ പോ​ലീ​സും രം​ഗ​ത്തെ​ത്തി.
ഇ​തി​നി​ട​യി​ലാ​ണ് നാ​ട​കീ​യ​മാ​യ യു​വ​തി​യു​ടെ ആ​ത്മ​ഹ​ത്യാ​ശ്ര​മ​വും മാ​താ​വി​ന്‍റെ കു​ഴ​ഞ്ഞു വീ​ഴ​ലും. പ്ര​ശ്നം രൂ​ക്ഷ​മാ​യ​തോ​ടെ പോ​ലീ​സ് ഫ​യ​ർ​ഫോ​ഴ്സി​നെ വി​വ​ര​മ​റി​യി​ച്ചു. വി​ഴി​ഞ്ഞ​ത്തു​നി​ന്നെ​ത്തി​യ ഫ​യ​ർ​ഫോ​ഴ്സ് ഉ​ദ്യോ​ഗ​സ്ഥ​ർ രാ​ത്രി പ​ത്തു വ​രെ​യും സ്ഥ​ല​ത്ത് നി​ല​യു​റ​പ്പി​ച്ചു. പ്ര​തി​യു​ടെ ബ​ന്ധു​ക്ക​ളും നേ​താ​ക്ക​ളു​മാ​യി ന​ട​ത്തി​യ ച​ർ​ച്ച​ക്കൊ​ടു​വി​ൽ പ​രാ​തി​ക്കാ​രി​ക്കെ​തി​രെ​യും കേ​സെ​ടു​ക്കാ​മെ​ന്ന് പോ​ലീ​സ് അ​റി​യി​ച്ചു.​രാ​ത്രി പ​ത്തി​ന് ശേ​ഷം പ്ര​തി​ഷേ​ധ​ക്കാ​ർ പി​രി​ഞ്ഞു പോ​യി.