എടക്കര: "കാത്തുവയ്ക്കാം സൗഹൃദ കേരളം’ പ്രമേയത്തിൽ ഐഎസ്എം സംസ്ഥാന സമിതി നടത്തുന്ന സന്ദേശ പ്രചാരണ യാത്രയുടെ മലപ്പുറം ഈസ്റ്റ് ജില്ലാ ഉദ്ഘാടനം എടക്കരയിൽ ജില്ലാ പ്രസിഡന്റ് ജൗഹർ അയനിക്കോട് നിർവഹിച്ചു.
വിവിധ മണ്ഡലങ്ങളിൽ നടന്ന സ്വീകരണ യോഗം കെഎൻഎം സംസ്ഥാന ട്രഷറർ എം. അഹമ്മദ്കുട്ടി മദനി, സംസ്ഥാന സെക്രട്ടറി സി. അബ്ദുൾ ലത്തീഫ്, വാഴക്കാട് പഞ്ചായത്ത് പ്രസിഡന്റ് സി.വി. സക്കരിയ്യ, കഐൻഎം ജില്ലാ സെക്രട്ടറി കെ. അബ്ദുൾ അസീസ്, മുഹമ്മദലി ചുണ്ടക്കാടൻ, കല്ലട കുഞ്ഞിമുഹമ്മദ്, ജാഫർ ഒതായി, കെ.ടി. യൂസുഫ്, അബ്ദുൾ ജലീൽ, അബ്ദുൾ ഗഫൂർ സ്വലാഹി, ജമീഷ് വണ്ടൂർ എന്നിവർ ഉദ്ഘാടനം ചെയ്തു. സന്ദേശ യാത്രക്ക് ഐഎസ്എം ജില്ലാ സെക്രട്ടറി അബ്ദുൾ ലത്തീഫ് മംഗലശേരി, ട്രഷറർ ഫാസിൽ ആലുക്കൽ, ഹബീബ് റഹ്മാൻ മങ്കട, മുസ്ഫർ റഷാദ്, സമീർ പന്തലിങ്ങൽ, വി.പി. അബ്ദുൾ കരീം, വി.പി. അബ്ദുൾ അസീസ് മൂത്തേടം തുടങ്ങിയവർ നേതൃത്വം നൽകി. തിരൂർക്കാട് നടന്ന സമാപന സമ്മേളനത്തിൽ എംഎസ്എം സംസ്ഥാന സെക്രട്ടറി ആദിൽ നസീഫ് മങ്കട, റിഹാസ് പുലാമന്തോൾ, നാസർ പാട്ടാക്കൽ, എ. നൂറുദീൻ എടവണ്ണ, വീരാൻ സലഫി, മുഹമ്മദലി എന്നിവർ പ്രസംഗിച്ചു.