കൈ​പ്പി​നി​പാ​ലം ത​ക​ർ​ന്നു; ആ​യി​ര​ക്ക​ണ​ക്കി​ന് കു​ടും​ബ​ങ്ങ​ൾ ദു​രി​ത​ത്തി​ൽ
Wednesday, August 14, 2019 12:27 AM IST
എ​ട​ക്ക​ര: ഉ​രു​ൾ​പൊ​ട്ട​ലി​നെ​ത്തു​ട​ർ​ന്ന് ചാ​ലി​യാ​ർ പു​ഴ​യി​ലു​ണ്ടാ​യ മ​ല​വെ​ള്ള​പ്പാ​ച്ചി​ലി​ൽ കൈ​പ്പി​നി പാ​ലം ത​ക​ർ​ന്ന​തോ​ടെ ആ​യി​ര​ക്ക​ണ​ക്കി​ന് കു​ടും​ബ​ങ്ങ​ൾ ദു​രി​ത്തി​ലാ​യി. കു​റു​ന്പ​ല​ങ്ങോ​ട് വി​ല്ലേ​ജി​ലെ മു​ഴു​വ​ൻ ആ​ളു​ക​ളും മ​റ്റു പ്ര​യാ​സ​ങ്ങ​ൾ​ക്കു​പ​രി യാ​ത്രാ​ക്ലേ​ശ​ത്താ​ൽ വ​ല​യു​ക​യാ​ണ്. കൈ​പ്പി​നി​യി​ൽ നി​ന്നു അ​ഞ്ച് മി​നി​ട്ടു സ​ഞ്ച​രി​ച്ചാ​ൽ ചു​ങ്ക​ത്ത​റ ടൗ​ണിലെത്താമായിരുന്നു.

എ​ന്നാ​ലി​പ്പോ​ൾ ഇ​രു​പ​ത് കി​ലോ​മി​റ്റ​റോ​ളം സ​ഞ്ച​രി​ച്ച് മൈ​ലാ​ടി​പാ​ലം വ​ഴി​യോ, എട്ട്് കി​ലോ​മി​റ്റ​റോ​ളം സ​ഞ്ച​രി​ച്ച് പൂ​ക്കോ​ട്ടു​മ​ണ്ണ റ​ഗു​ലേ​റ്റ​ർ കം ​ബ്രി​ഡ്ജ് വ​ഴി​യോ വേ​ണം പു​റം ലോ​ക​ത്തെ​ത്താ​ൻ.

രോ​ഗി​ക​ളെ ആ​ശു​പ​ത്രി​ക​ളി​ൽ എ​ത്തി​ക്കാ​ൻ പോ​ലും കഴിയാത്ത സ്ഥിതി. പേ​മാ​രി​യു​ടെ ആ​ദ്യ മൂ​ന്നു ദി​വ​ങ്ങ​ളി​ൽ കൈ​പ്പി​നി പാ​ലം ഒ​ലി​ച്ചു​പോ​കു​ക​യും മ​റ്റു പാ​ല​ങ്ങ​ൾ വെ​ള്ള​ത്തി​ലാ​കു​ക​യും ചെ​യ്ത​തോ​ടെ വി​ല്ലേ​ജി​ലെ ആ​യി​ര​ങ്ങ​ളാ​ണ് ഒ​റ്റ​പ്പെ​ട്ട​ത്.

യാ​ത്രാ​ദു​രി​ത​ത്തി​നു താ​ത്​കാ​ലി​ക പ​രി​ഹാ​ര​മാ​കു​മെ​ങ്കി​ലും വ​രും നാ​ളു​ക​ളി​ൽ വി​ദ്യാ​ർ​ഥി​ക​ള​ട​ക്ക​മു​ള്ള​വ​രു​ടെ കാ​ര്യ​ത്തി​ലാ​ണ് ജ​ന​ങ്ങ​ളു​ടെ ആ​ശ​ങ്ക. പു​തി​യ പാ​ലം യാ​ഥാ​ർ​ഥ്യ​മാ​കു​ന്ന​തു വ​രെ മ​റ്റു സ്ഥ​ല​ങ്ങ​ളി​ൽ പ​ഠ​നം ന​ട​ത്തു​ന്ന​ത​ട​ക്ക​മു​ള്ള വി​ദ്യാ​ർ​ഥി​ക​ൾ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ എ​ത്തു​ന്ന​ത് സം​ബ​ന്ധി​ച്ചാ​ണ് ആ​ശ​ങ്ക. പാ​ല​ത്തി​നു സ​മീ​പ​മു​ള്ള നി​ര​വ​ധി വീ​ടു​ക​ളും മ​ല​വെ​ള്ള​പ്പാ​ച്ചി​ലി​ൽ ത​ക​ർ​ന്നി​രു​ന്നു.

2010-ലാ​ണ് കാ​ത്തി​രി​പ്പി​നൊ​ടു​വി​ൽ കൈ​പ്പി​നി​യി​ൽ പാ​ലം യാ​ഥാ​ർ​ഥ്യ​മാ​യ​ത്. അ​ഞ്ച് സ്പാ​നു​ക​ളി​ലാ​യി നാ​ല് സ്ലാ​ബു​ക​ളാ​ണ് ഉ​ണ്ടാ​യി​രു​ന്ന​ത്. ഇ​പ്പോ​ൾ സ്പാ​നു​ക​ൾ മാ​ത്ര​മാ​ണ് അ​വ​ശേ​ഷി​ക്കു​ന്ന​ത്.