കാ​ര​ശേ​രി പ​ഞ്ചാ​യ​ത്ത് പു​തി​യ ക്വാ​റി​യു​ടെ അ​നു​മ​തി റ​ദ്ദാ​ക്കും
Thursday, October 17, 2019 12:27 AM IST
മു​ക്കം: ഗ്രാ​മ പ​ഞ്ചാ​യ​ത്ത് അ​പേ​ക്ഷ ത​ള്ളി​യ​തി​നെ തു​ട​ർ​ന്ന് കോ​ട​തി നി​ർ​ദ്ദേ​ശ​പ്ര​കാ​രം പ്ര​വ​ർ​ത്ത​നാ​നു​മ​തി നേടിയ ക്വാ​റി​യു​ടെ അ​നു​മ​തി റ​ദ്ദ് ചെ​യ്യാ​ൻ ഒ​രു​ങ്ങു​ക​യാ​ണ് കാ​ര​ശേ​രി ഗ്രാ​മ​പ​ഞ്ചാ​യ​ത്ത്. ഉ​രു​ൾ​പൊ​ട്ട​ലും പ്ര​ള​യ​ക്കെ​ടു​തി​ക​ളും ഏ​റെ അ​നു​ഭ​വി​ച്ച പ​ഞ്ചാ​യ​ത്തി​ൽ ഇ​നി​യൊ​രു ക്വാ​റി അ​നു​വ​ദി​ക്കേ​ണ്ട​ന്ന നി​ല​പാ​ടാ​ണ് പ​ഞ്ചാ​യ​ത്ത് അ​ധി​കൃ​ത​ർ​ക്കും പ​ഞ്ചാ​യ​ത്ത് ജൈ​വ​വൈ​വി​ധ്യ ബോ​ർ​ഡി​നും ഉ​ള്ള​ത്. ക​ഴി​ഞ്ഞ ജൂ​ലൈ മാ​സ​ത്തി​ലാ​ണ് വ​ല്ലാ​ർ മ​ല​യി​ൽ സ്വ​കാ​ര്യ​വ്യ​ക്തി​ക്ക് ക്വാ​റി ന​ട​ത്തു​ന്ന​തി​ന് പ​ഞ്ചാ​യ​ത്ത് സെ​ക്ര​ട്ട​റി അ​നു​മ​തി ന​ൽ​കി​യ​ത്. ക്വാ​റി​ക്ക് പ്ര​വ​ർ​ത്ത​നാ​നു​മ​തി ആ​വ​ശ്യ​പ്പെ​ട്ടു​കൊ​ണ്ടു​ള്ള അ​പേ​ക്ഷ ല​ഭി​ച്ച​പ്പോ​ൾ​ത​ന്നെ പ​ഞ്ചാ​യ​ത്ത് ഭ​ര​ണ​സ​മി​തി അ​പേ​ക്ഷ ത​ള്ളി​യി​രു​ന്നു. എ​ന്നാ​ൽ ക്വാ​റി ഉ​ട​മ കോ​ട​തി​യെ സ​മീ​പി​ക്കു​ക​യും കോ​ട​തി ഉ​ട​മ​യെ ഹി​യ​റിം​ഗ് ന​ട​ത്ത​ണ​മെ​ന്ന് പ​ഞ്ചാ​യ​ത്ത് സെ​ക്ര​ട്ട​റി​യോ​ട് ആ​വ​ശ്യ​പ്പെ​ടു​ക​യു​മാ​യി​രു​ന്നു.
ക്വാ​റി പ്ര​വ​ർ​ത്തി​ക്കു​ന്ന​തി​നു ആ​വ​ശ്യ​മാ​യ സ്ഥ​ല​ത്തി​ന്‍റെ ന​ടു​വി​ലൂ​ടെ പ്ര​ദേ​ശ​ത്തെ നി​ര​വ​ധി ആ​ളു​ക​ൾ ഉ​പ​യോ​ഗി​ക്കു​ന്ന ഒ​രു തോ​ട് ക​ട​ന്നു​പോ​കു​ന്നു​ണ്ട്. നി​ല​വി​ൽ പ​ഞ്ചാ​യ​ത്തി​ൽ ആ​വ​ശ്യ​ത്തി​ല​ധി​കം ക്വാ​റി​ക​ൾ പ്ര​വ​ർ​ത്തി​ക്കു​ന്നു​ണ്ട് എ​ന്ന​ാണ് അ​പേ​ക്ഷ ത​ള്ളു​ന്ന​തി​ന് പ​ഞ്ചാ​യ​ത്ത് ഭ​ര​ണ​സ​മി​തി ക​ണ്ടെ​ത്തി​യി​രു​ന്ന കാ​ര​ണ​ങ്ങ​ൾ. എ​ന്നാ​ൽ വി​ല്ല​ജ് ഓ​ഫീ​സി​ൽ നി​ന്നും ജി​യോ​ള​ജി വ​കു​പ്പി​ൽ നി​ന്നും ഇ​ങ്ങ​നെ ഒ​രു തോ​ട് ഇ​തി​ലൂ​ടെ ക​ട​ന്നു പോ​കു​ന്നി​ല്ല എ​ന്ന സാ​ക്ഷ്യ​പ​ത്രം ല​ഭി​ച്ച​തി​നെ​ത്തു​ട​ർ​ന്നാ​ണ് അ​ന്ന​ത്തെ സെ​ക്ര​ട്ട​റി ക്വാ​റി​ക്ക് അ​നു​മ​തി ന​ൽ​കി​യി​രു​ന്ന​ത്.
ത​ന്നെ​യു​മ​ല്ല നി​ല​വി​ൽ ഒ​രു ക്വാ​റി​യു​ടെ 500 മീ​റ്റ​ർ ചു​റ്റ​ള​വി​ലു​ള്ളി​ൽ മ​റ്റൊ​രു ക്വാ​റി​ക്ക് അ​നു​മ​തി ന​ൽ​ക​രു​ത് എ​ന്നാ​ണ് നി​യ​മം. എ​ങ്കി​ലും ഈ ​ക്വാ​റി​യു​ടെ 200 മീ​റ്റ​ർ അ​ക​ലെ​യാ​യി മ​റ്റൊ​രു ക്വാ​റി പ്ര​വ​ർ​ത്തി​ക്കു​ന്ന​താ​യും സം​ഘം ക​ണ്ടെ​ത്തി. ക​രി​ങ്ക​ല്ലു​ക​ൾ ല​ഭി​ക്ക​ണ​മെ​ങ്കി​ൽ ഉ​യ​രം കൂ​ടി​യ ഈ ​സ്ഥ​ല​ത്ത് ആ​ദ്യം മ​ണ്ണ് ഖ​ന​നം ന​ട​ത്ത​ണ​മെ​ന്നും ക്വാ​റി പ്ര​വ​ർ​ത്തി​ക്കു​ന്ന സ്ഥ​ല​ത്തി​ന് ന​ടു​വി​ലൂ​ടെ വ​ല്ലാ​റ തോ​ട് ക​ട​ന്നു​പോ​കു​ന്ന​താ​യും സം​ഘം ക​ണ്ടെ​ത്തി.
ഇ​തി​നെ അ​ടി​സ്ഥാ​ന​ത്തി​ൽ ക്വാ​റി​യു​ടെ പ്ര​വ​ർ​ത്ത​നാ​നു​മ​തി റ​ദ്ദ് ചെ​യ്യു​ന്ന​തി​നു ക​ള​ക്ട​ർ ഉ​ൾ​പ്പെ​ടെ​യു​ള്ള ഉ​ന്ന​ത അ​ധി​കാ​രി​ക​ൾ​ക്ക് പ​രാ​തി ന​ൽ​കാ​ൻ ഒ​രു​ങ്ങു​ക​യാ​ണ് പ​ഞ്ചാ​യ​ത്ത് അ​ധി​കൃ​ത​ർ. ഒ​പ്പം പ്ര​ദേ​ശ​ത്തു​കൂ​ടി തോ​ട് ക​ട​ന്നു പോ​കു​ന്നി​ല്ലെ​ന്ന് സാ​ക്ഷ്യ​പ​ത്രം ന​ൽ​കി​യ ഉ​ദ്യോ​ഗ​സ്ഥ​ർ​ക്കെതിരേ ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ടു റ​വ​ന്യൂ വ​കു​പ്പി​ലെ ഉ​ന്ന​ത ഉ​ദ്യോ​ഗ​സ്ഥ​ർ​ക്ക് പ​രാ​തി ന​ൽ​കു​മെ​ന്നും ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് വി.​കെ. വി​നോ​ദ് പ​റ​ഞ്ഞു.