ക്വാ​റി​യു​ടെ ആ​ഘാ​ത​ത്തി​ൽ വീ​ടു​ക​ൾ​ക്ക് വി​ള്ള​ൽ: വൈ​ബ്രേ​ഷ​ൻ ടെ​സ്റ്റിം​ഗി​ന് മ​നു​ഷ്യാ​വ​കാ​ശ ക​മ്മീ​ഷ​ൻ ഉ​ത്ത​ര​വ്
Thursday, September 29, 2022 11:57 PM IST
കോ​ഴി​ക്കോ​ട്: താ​മ​ര​ശേ​രി ഒ​ടു​ക്ക​ത്തി​പ്പൊ​യി​ലി​ൽ പ്ര​വ​ർ​ത്തി​ക്കു​ന്ന ക​രി​ങ്ക​ൽ ക്വാ​റി കാ​ര​ണം വീ​ടു​ക​ൾ​ക്ക് വി​ള്ള​ൽ സം​ഭ​വി​ച്ച് ജ​ന​ങ്ങ​ൾ പ്രാ​ണ​ഭ​യ​ത്തി​ലാ​ണ് ക​ഴി​യു​ന്ന​തെ​ന്ന നാ​ട്ടു​കാ​രു​ടെ പ​രാ​തി അ​ധി​കൃ​ത​ർ നി​ഷേ​ധി​ച്ച സാ​ഹ​ച​ര്യ​ത്തി​ൽ വൈ​ബ്രേ​ഷ​ൻ ടെ​സ്റ്റ് ഉ​ൾ​പ്പെ​ടെ​യു​ള്ള വി​ദ​ഗ്ദ്ധ പ​ഠ​നം ന​ട​ത്ത​ണ​മെ​ന്ന് മ​നു​ഷ്യാ​വ​കാ​ശ ക​മ്മീ​ഷ​ൻ ഉ​ത്ത​ര​വി​ട്ടു.
കോ​ഴി​ക്കോ​ട് ജി​ല്ലാ ക​ള​ക്ട​ർ​ക്കാ​ണ് ക​മ്മീ​ഷ​ൻ ജു​ഡീ​ഷ്യ​ൽ അം​ഗ​മാ​ണ് ഉ​ത്ത​ര​വ് ന​ൽ​കി​യ​ത്. സ്വീ​ക​രി​ച്ച ന​ട​പ​ടി​ക​ൾ മൂ​ന്ന് മാ​സ​ത്തി​ന​കം ക​മ്മീ​ഷ​നെ അ​റി​യി​ക്ക​ണ​മെ​ന്നും ക​ള​ക്ട​ർ​ക്ക് നി​ർ​ദേ​ശം ന​ൽ​കി.
ജി​ല്ലാ ജി​യോ​ള​ജി​സ്റ്റും ഓ​മ​ശേ​രി പ​ഞ്ചാ​യ​ത്ത് സെ​ക്ര​ട്ട​റി​യും റി​പ്പോ​ർ​ട്ട് സ​മ​ർ​പ്പി​ച്ചു.
ഒ​ടു​ക്ക​ത്തി​പൊ​യി​ൽ നി​വാ​സി​ക​ൾ താ​മ​സി​ക്കു​ന്ന​ത് ക്വാ​റി​യു​ടെ 200 മീ​റ്റ​ർ പ​രി​ധി​ക്ക് പു​റ​ത്താ​ണെ​ന്നും ക്വാ​റി​യു​ടെ പ്ര​വ​ർ​ത്ത​നം കാ​ര​ണ​മാ​ണോ വീ​ടു​ക​ൾ​ക്ക് വി​ള്ള​ൽ സം​ഭ​വി​ച്ച​തെ​ന്ന് സ്ഥി​തീ​ക​രി​ക്കാ​ൻ ക​ഴി​ഞ്ഞി​ട്ടി​ല്ലെ​ന്നും ഓ​മ​ശേ​രി പ​ഞ്ചാ​യ​ത്ത് സെ​ക്ര​ട്ട​റി ക​മ്മീ​ഷ​നെ അ​റി​യി​ച്ചു.
വി​ദ​ഗ്ദ്ധ പ​ഠ​നം ന​ട​ത്തി ഇ​ക്കാ​ര്യം സ്ഥി​തീ​ക​രി​ക്കു​ക​യാ​ണെ​ങ്കി​ൽ ക്വാ​റി​ക്ക് ന​ൽ​കി​യ ലൈ​സ​ൻ​സ് പ​ഞ്ചാ​യ​ത്ത് റ​ദ്ദാ​ക്കാ​മെ​ന്നും റി​പ്പോ​ർ​ട്ടി​ൽ പ​റ​യു​ന്നു. 3.105 ഹെ​ക്ട​ർ സ്ഥ​ല​ത്ത് പ്ര​തി​വ​ർ​ഷം 120500 ട​ൺ ക​രി​ങ്ക​ല്ല് ഖ​ന​നം ചെ​യ്യാ​നാ​ണ് 12 വ​ർ​ഷ​ത്തേ​ക്ക് ലൈ​സ​ൻ​സ് അ​നു​വ​ദി​ച്ചി​ട്ടു​ള്ള​ത്.
2030 വ​രെ ലൈ​സ​ൻ​സി​ന് കാ​ലാ​വ​ധി​യു​ണ്ട്. വി​ള്ള​ലി​ന്‍റെ കാ​ര​ണം ക​ണ്ടെ​ത്താ​ൻ വൈ​ബ്രേ​ഷ​ൻ ടെ​സ്റ്റ് ന​ട​ത്തു​ന്ന​തി​ന് ക്വാ​റി ഉ​ട​മ​ക്ക് നി​ർ​ദ്ദേ​ശം ന​ൽ​കി​യി​ട്ടു​ണ്ടെ​ന്ന് ജി​ല്ലാ ജി​യോ​ള​ജി​സ്റ്റ് ക​മ്മീ​ഷ​നെ അ​റി​യി​ച്ചു.
റി​പ്പോ​ർ​ട്ടു​ക​ൾ പ​രി​ഗ​ണി​ച്ച ശേ​ഷ​മാ​ണ് ക​മ്മീ​ഷ​ൻ ജി​ല്ലാ ക​ള​ക്ട​ർ​ക്ക് ഉ​ത്ത​ര​വ് ന​ൽ​കി​യ​ത്.

Copyright @ 2022 , Rashtra Deepika Ltd.