താമരശേരി: കൊടുവള്ളി ബ്ലോക്ക് തല കേരളോത്സവത്തിൽ താമരശേരി പഞ്ചായത്ത് ജേതാക്കളായി. കലാവിഭാഗത്തില്‍ 116- പോയിന്‍റ് നേടിയാണ് താമരശേരി ഒന്നാം സ്ഥാനത്തെത്തിയത്. 73-പോയിന്‍റ് നേടിയ കിഴക്കോത്തിനാണ് രണ്ടാം സ്ഥാനം.
കലാ-കായിക-ഗെയിംസ് വിഭാഗത്തിലുള്ള ഓവറോള്‍ കിരീടവും താമരശേരിക്ക് ലഭിച്ചു. 229-പോയിന്‍റുകളാണ് താമരശേരിയ്ക്ക് ലഭിച്ചത്. 124-പോയിന്‍റ് നേടിയ ഓമശേരിക്ക് രണ്ടും, 109-പോയിന്‍റ് നേടിയ മടവൂരിന് മൂന്നും സ്ഥാനങ്ങള്‍ ലഭിച്ചു. കലാമത്സരങ്ങള്‍ പരപ്പന്‍പൊയില്‍ ഗവ.മാപ്പിള ഹൈസ്‌കൂളില്‍ പഞ്ചായത്ത് പ്രസിഡന്‍റ് ജെ.ടി. അബ്ദുറഹിമാന്‍ ഉദ്ഘാടനം ചെയ്തു.
സമാപന സമ്മേളനം ബ്ലോക്ക് പ്രസിഡന്‍റ് ബാബു കളത്തൂര്‍ ഉദ്ഘാടനം ചെയ്തു. വിജയികള്‍ക്കുള്ള ട്രോഫികളും ഷീല്‍ഡും ബ്ലോക്ക് പ്രസിഡന്‍റ് വിതരണം ചെയ്തു. ബ്ലോക്ക് അംഗം കെ.എം. അഷ്റഫ് അധ്യക്ഷത വഹിച്ചു.
ബ്ലോക്ക് വൈസ് പ്രസിഡന്‍റ് സലീന സിദ്ധീക്കലി, സ്റ്റാന്‍ഡിംഗ് കമ്മിറ്റി ചെയര്‍ പേഴ്‌സണ്‍ എസ്.പി. ഷഹന,പഞ്ചായത്ത് വൈസ് പ്രസിഡന്‍റ് സൗദാ ബീവി, സ്റ്റാന്‍ഡിംഗ് കമ്മിറ്റി ചെയര്‍മാന്മാരായ എ. അരവിന്ദന്‍, എം.ടി. അയ്യൂബ്ഖാന്‍, കെ. മഞ്ജിത, ബ്ലോക്ക് അംഗം എ.കെ. കൗസര്‍, പഞ്ചായത്ത് മെമ്പര്‍മാരായ ഖദീജ സത്താര്‍, പി.സി. അബ്ദുല്‍ അസീസ്, ബി.എം.ആര്‍ഷ്യ, ജിഇഒ റെയിഷ, പിടിഎ പ്രസിഡന്‍റ് ഹംസ, അശോകന്‍ കൊടുവള്ളി, കലാവിഭാഗം കണ്‍വീനര്‍ സത്താര്‍ പള്ളിപ്പുറം എന്നിവര്‍ പ്രസംഗിച്ചു.