ചക്കിട്ടപാറ: സംസ്ഥാന ടൂറിസം, ജലസേചനം, വനം വകുപ്പുകൾ, ചക്കിട്ടപാറ സർവീസ് സഹകരണ ബാങ്ക്, ചക്കിട്ടപാറ വനിതാ ബാങ്ക്, പെരുവണ്ണാമൂഴി ഫിഷർമെൻ സർവീസ് സഹകരണ സംഘം എന്നിവയുടെ സഹകരണത്തോടെ ചക്കിട്ടപാറ ഗ്രാമ പഞ്ചായത്ത് സംഘടിപ്പിക്കുന്ന പെരുവണ്ണാമൂഴി ടൂറിസം ഫെസ്റ്റിന്റിന്റെ സ്വാഗത സംഘം ഓഫീസ് ഉദ്ഘാടനവും ലോഗോ പ്രകാശനവും ടി.പി. രാമകൃഷ്ണൻ എംഎൽഎ. നിർവഹിച്ചു.
ഏപ്രിൽ 23 മുതൽ നടക്കുന്ന ടൂറിസം ഫെസ്റ്റിൽചലച്ചിത്ര താരം നവ്യ നായർ, പിന്നണി ഗായിക സിതാര കൃഷ്ണകുമാർ , ഹാസ്യ സാമ്രാട്ട് പറവൂർ സുധീർ തുടങ്ങിയവർ അവതരിപ്പിക്കുന്ന കലാപ്രകടനങ്ങളും കൂടാതെ കാർണിവൽ, എക്സ്പോ, ഫുഡ് ഫെസ്റ്റ്, ഫ്ലവർ ഷോ, വാട്ടർ ഫെസ്റ്റ്, അമ്യൂസ്മെന്റ് പാർക്ക്, കിഡ്സ് പാർക്ക് തുടങ്ങിയവയാണ് ഒരുങ്ങുന്നത്. യോഗം ഗ്രാമ പഞ്ചായത്ത് പ്രസിഡന്റ് കെ. സുനിൽ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് എൻ.പി. ബാബു ,പഞ്ചായത്തംഗങ്ങളായ ഇ.എം. ശ്രീജിത്ത് , ജിതേഷ് മുതുകാട്, കെ.എ. ജോസ്കുട്ടി, പി.സി. സുരാജൻ, എ.ജി. ഭാസ്കരൻ, പി.പി. രഘുനാഥ്, വി.വി. കുഞ്ഞിക്കണ്ണൻ, ബോബി അഗസ്റ്റിൻ, കുഞ്ഞമ്മദ് പെരിഞ്ചേരി , ബിജു ചെറുവത്തൂർ, പള്ളുരുത്തി ജോസഫ് പള്ളുരുത്തി തുടങ്ങിയവർ പ്രസംഗിച്ചു.