ദു​രൂ​ഹ മ​ര​ണം: അന്വേഷണം കാര്യക്ഷമമല്ലെന്ന് ആക്‌ഷൻ ക​മ്മി​റ്റി
Thursday, July 18, 2019 12:22 AM IST
പേ​രാ​മ്പ്ര: ഭ​ർ​തൃ​വീ​ട്ടി​ൽ യു​വ​തി ദു​രൂ​ഹ സാ​ഹ​ച​ര്യ​ത്തി​ൽ മ​രി​ച്ച സം​ഭ​വ​ത്തിൽ പോ​ലീ​സ് അ​ന്വേ​ഷ​ണം കാ​ര്യ​ക്ഷ​മ​മ​ല്ലെ​ന്ന് ബ​ന്ധു​ക്ക​ളും ആ​ക്ഷ​ൻ ക​മ്മി​റ്റി​യും വാ​ർ​ത്താ സ​മ്മേ​ള​ന​ത്തി​ൽ ആ​രോ​പി​ച്ചു. വാ​ളൂ​ർ ആ​യോ​ളി മോ​ഹ​ൻ​ദാ​സി​ന്‍റെ മ​ക​ൾ ആ​ദി​ത്യ (22)യെ ​ജൂ​ൺ 20നാ​ണ് ഭ​ർ​തൃ​വീ​ട്ടി​ലെ ജ​ന​ലി​ൽ തൂ​ങ്ങി​മരിച്ച നി​ല​യി​ൽ ക​ണ്ടെ​ത്തി​യ​ത്.
ബ​ന്ധു​ക്ക​ളും തു​ട​ർ​ന്ന് ആ​ക്‌ഷൻ ക​മ്മി​റ്റി​യും മ​ര​ണ​ത്തി​ൽ ദു​രൂ​ഹ​ത​യു​ണ്ടെ​ന്നും ഭ​ർ​തൃ​വീ​ട്ടി​ൽ യു​വ​തി ക്രൂ​ര​മാ​യ ശാ​രീ​രി​ക- മാ​ന​സി​ക പീ​ഡന​ങ്ങ​ൾ അ​നു​ഭ​വി​ച്ച​താ​യും കാ​ണി​ച്ച് പേ​രാ​മ്പ്ര പോ​ലീ​സി​ൽ പ​രാ​തി ന​ൽ​കി​യി​രു​ന്നു. എ​ന്നാ​ൽ മ​ര​ണം ന​ട​ന്ന് ഒ​രു മാ​സ​ക്കാ​ല​മാ​യി​ട്ടും പോ​ലീ​സ് പ്ര​തി​ക​ളെ അ​റ​സ്റ്റു ചെ​യ്യാ​നു​ള്ള ന​ട​പ​ടി​ കൈ​ക്കൊ​ണ്ടി​ല്ലെ​ന്നാ​ണ് ആ​രോ​പ​ണം. മോ​ഹ​ൻ​ദാ​സും ഭാ​ര്യ ശാ​ര​ദ​യും പ​റ​യു​ന്ന​ത് മ​ക​ളെ കൊ​ല ചെ​യ്ത​താ​ണെ​ന്നാ​ണ്. ര​ണ്ട് വ​ർ​ഷം മു​മ്പ് ആ​ദി​ത്യ​യും കാ​യ​ണ്ണ ചാ​ലി​ൽ ദി​പി​നേ​ഷും പ്ര​ണ​യ വി​വാ​ഹം ക​ഴി​ക്കു​ക​യാ​യി​രു​ന്നു.
ഭ​ർ​ത്താ​വും ഭ​ർ​തൃ​മാ​താ​വും ഭ​ർ​തൃ​സ​ഹോ​ദ​രി​യും സ്ത്രീ​ധ​ന​ത്തി​ന്‍റെ പേ​രി​ൽ നി​ര​ന്ത​രം പീ​ഡി​പ്പി​ക്കാ​റു​ണ്ടാ​യി​രു​ന്ന​താ​യി ഇ​വ​ർ ആ​രോ​പി​ച്ചു. പ​ല ദി​വ​സ​ങ്ങ​ളി​ലും മ​ക​ളെ പ​ട്ടി​ണി​ക്കി​ട്ടു. ഭ​ർ​തൃ​മാ​താ​വ് തൊ​ഴി​ലു​റ​പ്പി​നു പോ​കു​മ്പോ​ൾ അ​ടു​ക്ക​ള പൂ​ട്ടി​യിടാറുണ്ട്. അ​തു​കൊ​ണ്ട് മ​ക​ൾ​ക്ക് താ​നാ​ണ് ചോ​റു കൊ​ണ്ടു നൽകിയിരുന്നതെന്നും മോ​ഹ​ൻ​ദാ​സ് പ​റ​ഞ്ഞു. വീ​ട്ടി​ലെ പീ​ഡ​ന വി​വ​രം അ​യ​ൽ​ക്കാ​രോ​ടും കു​ടും​ബ​ശ്രീ പ്ര​വ​ർ​ത്ത​ക​രോ​ടു​മെ​ല്ലാം ആ​ദി​ത്യ പ​റ​ഞ്ഞി​രു​ന്നു. ഇ​വ​രു​ടെ ഇ​ട​പെ​ട​ൽ ഉ​ണ്ടാ​യി​ട്ടും പീ​ഡ​നം തു​ട​ർ​ന്നു. ഈ ​കാ​ര്യ​ങ്ങ​ളെ​ല്ലാം പോ​ലീ​സി​നെ ബോ​ധി​പ്പി​ച്ചി​ട്ടും കു​റ്റ​വാ​ളി​ക​ൾ​ക്കെ​തി​രെ ന​ട​പ​ടി ഇ​ല്ലെ​ന്ന് ആ​ക്ഷ​ൻ ക​മ്മി​റ്റി​ ചൂ​ണ്ടി​ക്കാ​ട്ടു​ന്നു. കു​റ്റ​വാ​ളി​ക​ളെ എ​ത്ര​യും പെ​ട്ടെ​ന്ന് അ​റ​സ്റ്റ് ചെ​യ്തി​ല്ലെ​ങ്കി​ൽ പോ​ലീ​സ് സ്റ്റേ​ഷ​ൻ മാ​ർ​ച്ച് ഉ​ൾ​പ്പെ​ടെ​യു​ള്ള സ​മ​ര​പ​രി​പാ​ടി​ക​ൾ​ക്ക് നേ​തൃ​ത്വം കൊ​ടു​ക്കു​മെ​ന്നും ആ​ക്‌ഷൻ ക​മ്മി​റ്റി അറിയിച്ചു.
ക​മ്മി​റ്റി ചെ​യ​ർ​മാ​ൻ മു​ണ്ടോ​ളി ച​ന്ദ്ര​ൻ, ക​ൺ​വീ​ന​ർ രാ​ജേ​ഷ് വ​യ​പ്പു​റ​ത്ത് താ​ഴെ, ടി. ​കെ. പ്ര​സീ​ത്, വി.​ടി. ബാ​ല​ൻ, ഇ.​കെ. ബാ​ല​ൻ, വി.​എം. സു​രേ​ന്ദ്ര​ൻ എ​ന്നി​വ​ർ വാ​ർ​ത്താ സ​മ്മേ​ള​ന​ത്തി​ൽ പ​ങ്കെ​ടു​ത്തു.