മ​ണി​യു​ടെ മ​ര​ണം: തോ​ട്ടം ഉ​ട​മ​ക​ളാ​യ പി​താ​വും മ​ക​നും അ​റ​സ്റ്റി​ൽ
Sunday, January 19, 2020 1:04 AM IST
കേ​ണി​ച്ചി​റ: അ​തി​രാ​റ്റു​പാ​ടി പ​ണി​യ കോ​ള​നി​യി​ലെ മ​ഞ്ചി​യു​ടെ മ​ക​ൻ മ​ണി​യു​ടെ(45)​മ​ര​ണ​വു​മാ​യി ബ​ന്ധ​പ്പെട്ട കേ​സി​ൽ പി​താ​വും മ​ക​നും അ​റ​സ്റ്റി​ൽ. കേ​ണി​ച്ചി​റ വേ​ങ്ങ​നി​ൽ​ക്കും​തൊ​ടി​യി​ൽ വി.​ഇ. ത​ങ്ക​പ്പ​ൻ(62), മ​ക​ൻ സു​രേ​ഷ്(40)​എ​ന്നി​വ​രെ​യാ​ണ് ക്രൈം​ബ്രാ​ഞ്ച് അ​റ​സ്റ്റു​ചെ​യ്ത​ത്.

മ​ണി​യു​ടെ മ​ര​ണം കൊ​ല​പാ​ത​ക​മാ​ണെ​ന്നു സ്ഥി​രീ​ക​രി​ച്ച​തി​നെ​ത്തു​ട​ർ​ന്നു ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ൾ വ​ല​യി​ലാ​യ​ത്. തോ​ട്ടം ഉ​ട​മ​ക​ളു​മാ​യ പ്ര​തി​ക​ളു​ടെ ജോ​ലി​ക്കാ​ര​നാ​യി​രു​ന്ന​സ മ​ണി​യെ 2016 ഏ​പ്രി​ൽ നാ​ലി​നാ​ണ് കോ​ള​നി​ക്കു സ​മീ​പം തോ​ട്ട​ത്തി​ൽ മ​രി​ച്ച നി​ല​യി​ൽ ക​ണ്ട​ത്. മൃ​ത​ദേ​ഹ​ത്തി​നു സ​മീ​പം വി​ഷ​ക്കു​പ്പി ഉ​ണ്ടാ​യി​രു​ന്നു.

അ​സ്വാ​ഭാ​വി​ക മ​ര​ണ​ത്തി​നാ​ണ് കേ​ണി​ച്ചി​റ പോ​ലീ​സ് ആ​ദ്യം കേ​സെ​ടു​ത്ത​ത്. പോ​സ്റ്റു​മോ​ർ​ട്ട​ത്തി​ലാ​ണ് ക​ഴു​ത്തി​ൽ ബ​ലം പ്ര​യോ​ഗി​ച്ച് ശ്വാ​സം​മു​ട്ടി​ച്ചു കൊ​ല​പ്പെ​ടു​ത്തു​ക​യാ​യി​രു​ന്നു​വെ​ന്നു വ്യ​ക്ത​മാ​യ​ത്.

ഇ​തി​ന്‍റെ അ​ടി​സ്ഥാ​ന​ത്തി​ൽ മേയ് 27ന് ​കൊ​ല​പാ​ത​ക​ത്തി​നു​ള്ള വ​കു​പ്പും കേ​സി​ൽ ഉ​ൾ​പ്പെ​ടു​ത്തി. ലോ​ക്ക​ൽ പോ​ലീ​സി​നു പ്ര​തി​ക​ളെ ക​ണ്ടെ​ത്താ​ൻ ക​ഴി​യാ​ത്ത സാ​ഹ​ച​ര്യ​ത്തി​ൽ 2018 മാ​ർ​ച്ച് 20നാ​ണ് കേ​സ് ക്രൈം​ബ്രാ​ഞ്ചി​നു കൈ​മാ​റി​യ​ത്. കൂ​ലി സം​ബ​ന്ധി​ച്ച ത​ർ​ക്ക​മാ​ണ് കൊ​ല​യി​ൽ ക​ലാ​ശി​ച്ച​ത്.

മ​ണി​യെ ക​ഴു​ത്തു​ഞെ​രി​ച്ച് കൊ​ല​പ്പെ​ടു​ത്തി​യ​ശേ​ഷം മൃ​ത​ദേ​ഹം തോ​ട്ട​ത്തി​ൽ ത​ള്ളു​ക​യാ​യി​രു​ന്നു. ആ​ത്മ​ഹ​ത്യ​യാ​ണെ​ന്നു വ​രു​ത്തി​ത്തീ​ർ​ക്കു​ന്ന​തി​നാ​ണ് പ്ര​തി​ക​ൾ മൃ​ത​ദേ​ഹ​ത്തി​നു സ​മീ​പം വി​ഷ​ക്കു​പ്പി വ​ച്ച​തെ​ന്നു ക്രൈം​ബ്രാ​ഞ്ച് എ​സ്പി ഡോ.​എ. ശ്രീ​നി​വാ​സ​ൻ പ​റ​ഞ്ഞു. റി​മാ​ൻ​ഡി​ലു​ള്ള പ്ര​തി​ക​ളെ വി​ശ​ദ​മാ​യി ചോ​ദ്യം ചെ​യ്യു​ന്ന​തി​നു ക​സ്റ്റ​ഡി​യി​ൽ വാ​ങ്ങും.

ഭാ​ര്യ ത​ങ്ക​യും ദി​വ്യ, ദി​പി​ൻ, ദീ​പ, ദി​പി എ​ന്നീ മ​ക്ക​ളും അ​ട​ങ്ങു​ന്ന​താ​ണ് മ​ണി​യു​ടെ കു​ടും​ബം. വീ​ട്ടി​ൽ സൂ​ക്ഷി​ച്ചി​രു​ന്ന മ​ണി​യു​ടെ ഫോ​ട്ടോ​യും മ​റ്റു രേ​ഖ​ക​ളും 2018ലെ ​വെ​ള്ള​പ്പൊ​ക്ക​ത്തി​ൽ ന​ശി​ച്ചി​രു​ന്നു.