കൽപ്പറ്റ: തൃക്കൈപ്പറ്റ സെന്‍റ് തോമസ് യാക്കാബോയ സുറിയാനി പള്ളിയിൽ പരിശുദ്ധ യൽദോ മോർ ബസേലിയോസ് ബാവായുടെ ഓർമപ്പെരുന്നാൾ ഒക്ടോബർ ഇന്നും നാളെയും ആഘോഷിക്കും. വികാരി ഫാ.ബാബു നീറ്റുംകര, ട്രസ്റ്റി വി.പി. സജി വാദ്യാപിള്ളിയിൽ, സെക്രട്ടറി വി.വി. ബാബു ചങ്ങനാമഠത്തിൽ, ഭദ്രാസന ജോയിന്റ് സെക്രട്ടറി ബേബി വാളംകോട്ട്, പബ്ലിസിറ്റി കമ്മിറ്റി കണ്‍വീനർ വി.വി. രാജു എന്നിവർ വാർത്താസമ്മേളനത്തിൽ അറിയിച്ചതാണ് വിവരം.
ഇന്നു വൈകുന്നേരം അഞ്ചിനു വികാരി കൊടിയേറ്റും. 6.30നു മലബാർ ഭദ്രാസനാധിപൻ ഡോ.ഗീവർഗീസ് മോർ സ്തേഫാനോസിനു സ്വീകരണം, സന്ധ്യാപ്രാർഥന, പ്രസംഗം, അനുമോദനയോഗം, പാച്ചോർ നേർച്ച. നാളെ രാവിലെ 7.30നു പ്രഭാത പ്രാർത്ഥന. 8.30നു മെത്രാപ്പോലീത്തയുടെ കാർമികത്വത്തിൽ വിശുദ്ധ കുർബാന, മധ്യസ്ഥ പ്രാർത്ഥന, പ്രസംഗം, ബസേലിയോസ് ബാവയുടെ നാമത്തിൽ വെള്ളിത്തോടുള്ള കുരിശിൻ തൊട്ടിയിലേക്കു പ്രദക്ഷിണം, സെമിത്തേരിയിൽ ധൂപ പ്രാർത്ഥന, ആശിർവാദം, ഫ്ളാഷ്മോബ്, ശിങ്കാരിമേളം, പൊതുസദ്യ, ലേലം, കൊടിയിറക്ക്.