കൽപ്പറ്റ: ജില്ലയിലെ ഭൂരഹിതരായ പട്ടികവർഗക്കാർക്ക് കൃഷിയോഗ്യവും വാസയോഗ്യവുമായ ഭൂമി വിലയ്ക്കു വാങ്ങി നൽകുന്നതിന്റെ ഭാഗമായി ഭൂവുടമകളിൽനിന്നു അപേക്ഷ ക്ഷണിച്ചു. വാഹന സൗകര്യം, വൈദ്യുതി ലഭ്യത, കുറഞ്ഞ ചെലവിൽ വൈദ്യുതി എത്തിക്കാൻ കഴിയുന്ന ഭൂമി, കുടിവെള്ളം, ആദായമുള്ള ഭൂമി, നിരപ്പായ ഭൂമി എന്നീ സൗകര്യങ്ങളുള്ളതും കുറഞ്ഞതു ഒരേക്കർ ഭൂമി വിൽക്കാൻ സന്നദ്ധരായ ഭൂവുടമകൾക്ക് അപേക്ഷിക്കാം.
സ്ഥല ഉടമകൾ വസ്തുവിന്റെ ആധാരത്തിന്റെ പകർപ്പ്, അടിയാധാരം, ഭൂമിയുടെ സ്കെച്ച്, ഉടമസ്ഥാവകാശ സർട്ടിഫിക്കറ്റ്, തണ്ടപ്പേർ അക്കൗണ്ട്, 15 വർഷത്തെ കുടിക്കട സർട്ടിഫിക്കറ്റ്, ലൊക്കേഷൻ സർട്ടിഫിക്കറ്റ്, നോണ് അറ്റാച്ച്മെന്റ് സർട്ടിഫിക്കറ്റ്, ജില്ലാ ഗവ.പ്ലീഡറിൽ നിന്നുള്ള ലീഗൽ സ്ക്രൂട്ടിണി സർട്ടിഫിക്കറ്റ്, ഒരു സെന്റിന് പ്രതീക്ഷിക്കുന്ന തുക, മുഴുവൻ വസ്തുവിനും പ്രതീക്ഷിക്കുന്ന തുക, വസ്തു വിൽപനയ്ക്ക് തയാറാണെന്ന സമ്മതപത്രം എന്നിവ അപേക്ഷയോടൊപ്പം സമർപ്പിക്കണം. അപേക്ഷ ഡിസംബർ 15 വരെ സിവിൽ സ്റ്റേഷനിലെ ഐടിഡിപി പ്രൊജക്ട് ഓഫീസിൽ സ്വീകരിക്കും. ഫോണ് : 04936 202251.