മാനന്തവാടി: പുരാവസ്തു വകുപ്പിന്റെ നേതൃത്വത്തിൽ നടത്തുന്ന 217ാമത് പഴശ്ശിദിനാചരണത്തിന്റെ ഭാഗമായി മാനന്തവാടി പഴശ്ശികുടീരത്തിൽ പഴശ്ശി അനുസ്മരണം നടത്തി. അനുസ്മരണ സമ്മേളനം ഒ.ആർ. കേളു എംഎൽഎ ഉദ്ഘാടനം ചെയ്തു. മാനന്തവാടി നഗരസഭ ചെയർപേഴ്സണ് സി.കെ രത്നവല്ലി അധ്യക്ഷത വഹിച്ചു. പഴശ്ശി ദിനം എന്നെഴുതിയ ഹൈഡ്രജൻ ബലൂണുകൾ പറത്തി വേദിയിലുള്ളവരും സദസ്സിലുള്ളവരും ഉദ്ഘാടന ചടങ്ങിൽ പങ്കെടുത്തു. പഴശ്ശികുടീരത്തിൽ പുഷ്പ്പാർച്ചനയും നടത്തി. ബ്ലോക്ക് പഞ്ചായത്ത് പ്രസിഡന്റ് ജസ്റ്റിൻ ബേബി, എടവക പഞ്ചായത്ത് പ്രസിഡന്റ് എച്ച്.ബി പ്രദീപ്, തവിഞ്ഞാൽ പഞ്ചായത്ത് പ്രസിഡന്റ് എൽസി ജോയി, നഗരസഭ വൈസ് ചെയർമാൻ ജേക്കബ് സെബാസ്റ്റ്യൻ, ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി, നഗരസഭ സ്റ്റാൻഡിംഗ് കമ്മിറ്റി ഭാരവാഹികളായ ലേഖ രാജീവൻ, വിപിൻ വേണുഗോപാൽ, പി.വി.എസ് മൂസ, അഡ്വ. സിന്ധു സെബാസ്റ്റ്യൻ, പാത്തുമ്മ, കൗണ്സിലർമാരായ പി.വി ജോർജ്, ബി.ഡി അരുണ്കുമാർ, പുരാവസ്തു വകുപ്പ് ഡയറക്ടർ ഇ. ദിനേശൻ, പഴശ്ശി കോവിലകം പ്രതിനിധി രവിവർമ്മ രാജ, പഴശ്ശികുടീരം മാനേജർ ഐ.ബി ക്ലമന്റ്, ഷാജൻ ജോസ് തുടങ്ങിയവർ പ്രസംഗിച്ചു.
പുൽപ്പള്ളി: പഴശി അനുസ്മരണത്തോടനുബന്ധിച്ച് വണ്ടിക്കടവ് മാവിലാംതോട് പഴശി സ്മൃതി മണ്ഡപത്തിൽ ഡിടിപിസിയുടെ നേതൃത്വത്തിൽ അനുസ്മരണവും പുഷ്പാർച്ചനയും നടത്തി എഡിഎം എൻ.ഐ. ഷാജു ഉദ്ഘാടനം ചെയ്തു.
പഞ്ചയത്ത് പ്രസിഡന്റ് ടി.എസ്. ദിലിപ് കുമാർ, മുഹമ്മദ് സലിം, ജില്ലാ പഞ്ചായത്തംഗം ബീന ജോസ്, ഗ്രാമപ്പഞ്ചായത്തംഗം മണി പാന്പനാൽ, ഷൈജു പഞ്ഞിത്തോപ്പിൽ, കെ.എൽ. പൗലോസ്, ഡിടിപിസി മനേജർ കെ.ടി. ജോണി, ഡിടിപിസി സെക്രട്ടറി കെ.ജി. അജേഷ്, എം.എസ്. സുരേഷ് ബാബു എന്നിവർ പ്രസംഗിച്ചു.
പുൽപ്പള്ളി: വണ്ടിക്കടവ് മാവിലാംതോട് സ്മൃതി മണ്ഡപത്തിൽ വിവിധ ക്ലബുകളുടെയും സന്നദ്ധ സംഘടനകളുടെയും കുടുംബശ്രീ അയൽക്കൂട്ടം പ്രവർത്തകരുടെയും നേതൃത്വത്തിൽ പഴശിരാജ അനുസ്മരണവും പുഷ്പാർച്ചനയും നടത്തി.
വയനാട് സിറ്റി ക്ലബിന്റെ നേതൃത്വത്തിൽ നടത്തിയ പുഷ്പാർച്ചനയും അനുസ്മരണവും പുൽപ്പള്ളി പഞ്ചായത്ത് പ്രസിഡന്റ് ടി.എസ്. ദിലിപ് കുമാർ ഉദ്ഘാടനം ചെയ്തു. എൻ.യു. ഉലഹന്നാൻ അധ്യക്ഷത വഹിച്ചു. ഗ്രാമപ്പഞ്ചായത്ത് വൈസ് പ്രസിഡന്റ് ശോഭന സുകു, വർഗീസ് മുരിയൻകാവിൽ, ജോസ് നെല്ലേടം, ശ്രീദേവി മുല്ലക്കൽ, സി.ഡി ബാബു, ബെന്നി മാത്യു എന്നിവർ നേതൃത്വം നൽകി.
പുൽപ്പള്ളി: കേരള വർമ പഴശി രാജാവിന്റെ 218ാം ചരമ ദിനം പഴശി രാജ കോളജ് ചരിത്ര വിഭാഗത്തിന്റെ നേതൃത്വത്തിൽ വണ്ടിക്കടവ് പഴശി സ്മൃതി മണ്ഡപത്തിൽ പുഷ്പാർച്ചനയും അനുസ്മരണവും നടത്തി.
ഡിടിപിസി സെക്രട്ടറി കെ.ജി. അജേഷ് ഉദ്ഘടനം ചെയ്തു. പ്രിൻസിപ്പൽ കെ. അബ്ദുൾ ബാരി അധ്യക്ഷത വഹിച്ചു. ഫാ. വർഗീസ് കൊല്ലമാവുടി, ഡോ. ജോഷി മാത്യു, ഡോ. റാണി എസ്. പിള്ള, പ്രഫ. താരാ ഫിലിപ്, പി.കെ. ലിസി, ജിഷ്ണു കെ. നായർ, മനോജ് മാത്യു, ഫാ.വി.സി. കുര്യാക്കോസ്, കെ. ജോബിഷ് ജോസഫ്, ശ്രീതിൻ ചന്ദ്രൻ എന്നിവർ നേതൃത്വം നൽകി.
സ്റ്റാന്പ് പ്രദർശനം
നടത്തി
മാനന്തവാടി: പഴശി ലൈബ്രറിയിൽ പഴശി അനുസ്മരണത്തിന്റെ ഭാഗമായി മാനന്തവാടി പോസ്റ്റോഫീഫിസിന്റെ നേതൃത്വത്തിൽ ഫിലാറ്റലിസ്റ്റ് വിജയ കേശവൻ നടത്തിയ സ്റ്റാന്പ് പ്രദർശനം ശ്രദ്ധേയമായി. ഒരു ലക്ഷത്തിലധികം വരുന്ന തന്റെ സ്റ്റാന്പ് ശേഖരത്തിലെ മൂവായിരത്തോളം സ്റ്റാന്പുകളാണ് പഴശി ലൈബറി ഓഡിറ്റോറിയത്തിൽ അന്പലവയൽ സ്വദേശിനിയായ ഈ എഴുപതുകാരി പ്രദർശിപ്പിച്ചത്.
എട്ടാം വയസിൽ തുടങ്ങിയ സ്റ്റാന്പ് ശേഖരണം ഇപ്പോൾ ഒരു ലക്ഷം കടന്നു. ഇപ്പോഴും സ്റ്റാന്പ് ശേഖരണം തുടർന്നുകൊണ്ടിരിക്കുകയാണിവർ.
വിവിധ കാലഘട്ടങ്ങളിലെ നാണയങ്ങളും കറൻസികളും പ്രദർശനത്തിലുണ്ട്.നഗരസഭാ ചെയർപെഴ്സണ് സി.കെ. രത്നവല്ലി സ്റ്റാന്പ് പ്രദർശനം ഉദ്ഘാടനം ചെയ്തു. കൗണ്സിലർ എം.എം. നാരായണൻ അധ്യക്ഷത വഹിച്ചു.
തലശേരി ഡിവിഷൻ പോസ്റ്റ് ഓഫീസ് സൂപ്രണ്ട് കെ. ഗീത, നഗരസഭാ ഉപാധ്യക്ഷൻ ജേക്കബ്ബ് സെബാസ്റ്റ്യൻ, വി.കെ. പ്രസാദ്, സി.ടി. വിഷ്ണു, ഷാജൻ ജോസ് തുടങ്ങിയവർ പ്രസംഗിച്ചു.