ADVERTISEMENT

ADVERTISEMENT

ശന്പള പരിഷ്കരണം നടപ്പിലാക്കണം: ബെവ്കോ എംപ്ലോയീസ് അസോസിയേഷൻ

കൽപ്പറ്റ: ബിവറേജസ് കോർപറേഷനിൽ ശന്പള പരിഷ്കരണം ഉടൻ നടപ്പാക്കണമെന്ന് ബെവ്കോ എംപ്ലോയീസ് അസോസിയേഷൻ(ഐഎൻടിയുസി) ജില്ലാ കണ്‍വൻഷൻ ആവശ്യപ്പെട്ടു. ഡിസിസി പ്രസിഡന്‍റ് എൻ.ഡി. അപ്പച്ചൻ ഉദ്ഘാടനം ചെയ്തു. അസോസിയേഷൻ സംസ്ഥാന ട്രഷറർ കെ. പ്രഹ്ളാദൻ അധ്യക്ഷത വഹിച്ചു. സംസ്ഥാന ഓർഗനൈസിംഗ് സെക്രട്ടറി സബീഷ് കുന്നങ്ങോത്ത് മുഖ്യപ്രഭാഷണം നടത്തി. പി. സുനിൽ, ജിജോ ജോസഫ്, ഒ.വി. സാജു, ടീന ആന്‍റണി, വി.ജി. നിഷ, കെ. ആന്‍റണി, വി. തോമസ് വി.ജി. അനീഷ് എന്നിവർ പ്രസംഗിച്ചു.
ഭാരവാഹികളായി പി. സുനിൽ(പ്രസിഡന്‍റ്), ജിജോ ജോസഫ്, ആന്‍റണി ഈനാശു (വൈസ് പ്രസിഡന്‍റുമാർ), വി.ജി. അനീഷ് (ജനറൽ സെക്രട്ടറി), സുരേഷ് ജോസഫ്, കെ.എസ്. ദീപ, കെ.എ. അനീഷ്, എം. ഹരീഷ്കുമാർ(സെക്രട്ടറിമാർ), ആന്‍റണി ടിറ്റി (ട്രഷറർ), ടീന ആന്‍റണി, ഒ.വി. സജു(സംസ്ഥാന കമ്മിറ്റിയംഗങ്ങൾ) എന്നിവരെ തെരഞ്ഞെടുത്തു.

ADVERTISEMENT

അവശനിലയില്‍ ജനവാസ മേഖലയില്‍ ചുറ്റിത്തിരിഞ്ഞ പുലിയെ കൂടുവച്ച് പിടിച്ചു

ഗൂഡല്ലൂര്‍: അവശനിലയില്‍ ബിദര്‍ക്കാട് വനമേഖലയിലെ നരികൊല്ലിയിലും സമീപങ്ങൡലും ചുറ്റിത്തിരിഞ്ഞ പുലിയെ വനസേന കൂടുവച്ച് പിടിച്ചു. നരികൊല്ലി വാളാട് ക്ഷേത്രത്തിനു സമീപം സ്ഥാപിച്ച കൂട്ടിലാണ് ഇന്നലെ പുലി അകപ്പെട്ടത്. മുതുമല കടുവ സങ്കേതത്തിലെ തെപ്പാട് എത്തിച്ച പുലിക്ക് ചികിത്സ നല്‍കിവരികയാണ്. അവശതമൂലം കാട്ടില്‍ ഇരതേടാന്‍ കഴിയാത്ത സ്ഥിതിയിലായിരുന്നു പുലിയെന്ന് ബിദര്‍ക്കാട് റേഞ്ച് ഫോറസ്റ്റ് ഓഫീസര്‍ രവി പറഞ്ഞു. രണ്ടാഴ്ചയായി നരികൊല്ലിയിലും സമീപങ്ങളിലും പുലി സാന്നിധ്യമുണ്ട്. പകല്‍ കുറ്റിക്കാടുകളില്‍ പതുങ്ങുന്ന പുലി രാത്രി പുറത്തിറങ്ങി വളര്‍ത്തുമൃഗങ്ങളെ ആക്രമിക്കുന്നത് പതിവായിരുന്നു. ജനം ഭീതിയിലായ സാഹചര്യത്തിലാണ് കൂട് വച്ചത്. പുലി കുടുങ്ങിയത് നാട്ടുകാര്‍ക്ക് ആശ്വാസമായി.

ജലനിധി പദ്ധതി: പൂതാടിയില്‍ പിരിച്ച രണ്ടരക്കോടി വെള്ളക്കരം വാട്ടര്‍ അഥോറിറ്റിക്കു നല്‍കിയില്ല

കല്‍പ്പറ്റ: പൂതാടി പഞ്ചായത്തില്‍ ജലനിധി പദ്ധതിയില്‍ വെള്ളക്കരമായി ഗുണഭോക്താക്കളില്‍നിന്നു പിരിച്ച രണ്ടരക്കോടി രൂപ സ്ക്രീന്‍ ലെവല്‍ എക്സിക്യുട്ടീവ് കമ്മിറ്റി(എസ്എല്‍ഇസി)വാട്ടര്‍ അഥോറിറ്റിക്ക് നല്‍കിയില്ല. പഞ്ചായത്തിലെ 22 വാര്‍ഡുകളിലും ജലനിധി പദ്ധതിയില്‍ കുടിവെള്ള വിതരണം ആരംഭിച്ച 2017 മുതല്‍ പിരിച്ച തുകയാണ് കുടിശികയായത്. പദ്ധതിയില്‍ എല്ലാ വാര്‍ഡുകളിലുമായി 2,430 വാട്ടര്‍ കണക്‌ഷനാണുള്ളത്. ഓരോ ഗുണഭോക്താവില്‍നിന്നും മാസം 100 രൂപയാണ് കരം വാങ്ങിയത്. 2021 മുതല്‍ വെള്ളക്കരമായി നാമമാത്ര തുക പോലും പഞ്ചായത്തില്‍നിന്നു വാട്ടര്‍ അഥോറിറ്റിയുടെ അക്കൗണ്ടില്‍ എത്തിയില്ലെന്നാണ് രേഖകള്‍ വ്യക്തമാക്കുന്നത്. ജലനിധി പ്രോജക്ട് മാനേജരായി 18-ാം വാര്‍ഡിലെ കെ. മഹേഷിനെയാണ് പഞ്ചായത്ത് ഭരണസമിതിയും എസ്എല്‍ഇസിയും ചേര്‍ന്നു നിയമിച്ചത്. സിപിഎം ലോക്കല്‍ കമ്മിറ്റി അംഗമാണ് ഇദ്ദേഹം. കരം പിരിവിനും മറ്റും ഏഴ് ജീവനക്കാര്‍ ഉണ്ടായിരുന്നു. പഞ്ചായത്ത് ഭരണസമിതി പലതവണ ആവശ്യപ്പെട്ടെങ്കിലും പിരിച്ച കരത്തിന്‍റെ കണക്ക് പ്രോജക്ട് മാനേജര്‍ ഹാജരാക്കിയില്ല. എസ്എല്‍ഇസി ഓഫീസ് പ്രോജക്ട് മാനേജര്‍ പൂട്ടുകയുമുണ്ടായി. പിന്നീട് പഞ്ചായത്ത് അധികൃതരുടെ പരിശോധനയില്‍ ഓഫീസ് കംപ്യൂട്ടര്‍ ഡാറ്റയും സോഫ്റ്റ് വേറും നശിപ്പിച്ച നിലയിലാണ് കണ്ടെത്തിയത്. പദ്ധതി നടത്തിപ്പിലെ ക്രമക്കേടുമായി ബന്ധപ്പെട്ട് പ്രോജക്ട് മാനേജര്‍ക്കെതിരേ വിജിലന്‍സിന് പരാതി നല്‍കാന്‍ 2024 ജൂലൈ 15ന് ചേര്‍ന്ന പഞ്ചായത്ത് ഭരണസമിതി യോഗം ഐകകണ്ഠ്യേന തീരുമാനിച്ചിരുന്നു. പരാതി നല്‍കുന്നതിന് പഞ്ചായത്ത് സെക്രട്ടറിയെയാണ് ചുമതലപ്പെടുത്തിയത്. ഇക്കാര്യം മിനുട്സില്‍ രേഖപ്പെടുത്തുകയുമുണ്ടായി. എന്നാല്‍ മാസങ്ങള്‍ കഴിഞ്ഞിട്ടും ഭരണസമിതി തീരുമാനം നടപ്പാക്കാന്‍ സെക്രട്ടറി തയാറായില്ല. ഇത് വിവാദമായിരിക്കേ പഞ്ചായത്ത് ഭരണ സമിതിയംഗം വിജിലന്‍സ് അന്വേഷണം ആവശ്യപ്പെട്ട് രംഗത്തുവന്നിട്ടുണ്ട്. 18-ാം വാര്‍ഡ് അംഗം ടി.എസ്. പ്രകാശനാണ് മീനങ്ങാടി വിജിലന്‍സ് ഡിവൈഎസ്പിക്ക് പരാതി നല്‍കിയത്. ഭരണസമിതിയിലെ ബിജെപി അംഗമാണ് പ്രകാശന്‍. പിരിച്ച വെള്ളക്കരം ഉത്തരവാദപ്പെട്ടവരില്‍നിന്നു വസൂല്‍ ചെയ്യുന്നതിനും സോഫ്റ്റ്‌വേറും ഡാറ്റയും നശിപ്പിച്ചതിന് പിഡിപിപി(പ്രിവന്‍ഷന്‍ ഓഫ് ഡാമേജ് ടു പബ്ലിക് പ്രോപ്പര്‍ട്ടി)നിയമത്തിലെ വകുപ്പുള്‍ പ്രകാരം കേസെടുക്കുന്നതിനും നടപടിയാണ് പ്രകാശന്‍ ആവശ്യപ്പെട്ടുന്നത്. ജലനിധി പ്രശ്നത്തില്‍ എല്‍ഡിഎഫ്, യുഡിഎഫ് ഒത്തുകളിയുണ്ടെന്ന ആരോപണം ഭരണസമിതിയിലെ ബിജെപി അംഗങ്ങള്‍ ഉയര്‍ത്തുന്നുണ്ട്. പിരിച്ച വെള്ളക്കരം ബാങ്ക് മുഖേന വാട്ടര്‍ അഥോറിറ്റിക്ക് ലഭിക്കുന്നുവെന്ന് ഉറപ്പുവരുത്തുന്നതില്‍ പഞ്ചായത്ത് അധികൃതര്‍ ഗുരുതര വീഴ്ച വരുത്തിയതായും അവര്‍ പറയുന്നു. വെള്ളക്കരം കുടിശികയായ വിഷയത്തില്‍ ലോക്കല്‍ കമ്മിറ്റിയംഗം ഉള്‍പ്പെട്ടത് സിപിഎമ്മില്‍ ചര്‍ച്ചയായിട്ടുണ്ട്.

വയനാട് ചീരാലിൽ ഭീതിപരത്തിയ പുലി കൂട്ടിലായി

സുൽത്താൻ ബത്തേരി: വയനാട്ടിലെ ബത്തേരി താലൂക്കിൽപ്പെട്ട ചീരാലിലും സമീപങ്ങളിലും ഭീതി പരത്തിയ പുലി കൂട്ടിലായി. ഇന്നലെ പുലർച്ചെ നാലോടെയാണ് നന്പ്യാർകുന്ന് കല്ലൂർ ശ്മശാനത്തിനു സമീപം സ്വകാര്യ ഭൂമിയിൽ വനം വകുപ്പ് സ്ഥാപിച്ച കൂട്ടിൽ നാല് വയസ് മതിക്കുന്ന ആണ്‍ പുലി കുടുങ്ങിയത്. പാൽ അളവുകേന്ദ്രത്തിലേക്കു പോയ ക്ഷീര കർഷകരാണ് കൂട്ടിൽ അകപ്പെട്ട നിലയിൽ പുലിയെ ആദ്യം കണ്ടത്. വിവരം അറിഞ്ഞയുടൻ മുത്തങ്ങ, മേപ്പാടി റേഞ്ച് ഫോറസ്റ്റ് ഓഫീസുകളിൽനിന്നു വനപാലകരും നൂൽപ്പുഴയിൽനിന്നു പോലീസും നന്പ്യാർകുന്നിലെത്തി. നൂറുകണക്കിനാളുകളും സ്ഥലത്ത് തടിച്ചുകൂടി. രാവിലെ ഏഴരയോടെ പുലിയെ കുപ്പാടി പച്ചാടിയിൽ വനം വകുപ്പിനു അധീനതയിലുള്ള അനിമൽ ഹോസ്പീസിലേക്ക് മാറ്റി. ഒറ്റനോട്ടത്തിൽ പുലിക്ക് ആരോഗ്യപ്രശ്നങ്ങൾ ഇല്ലെന്ന് വനം അധികൃതർ പറഞ്ഞു. രണ്ട് മാസമായി ജനവാസകേന്ദ്രങ്ങളിൽ ചുറ്റിത്തിരിയുന്ന പുലി കൂട്ടിലായത് ജനങ്ങൾക്കും വനസേനയ്ക്കും ആശ്വാസമായി. പശവും ആടും ഉൾപ്പെടെ 12 വളർത്തുജീവികളെയാണ് ഇതിനകം പുലി ആക്രമിച്ചത്. ഇതിൽ ആറെണ്ണം ചത്തു. നന്പ്യാർകുന്ന്, സേവാശ്രമം, ചീരാൽ, കരിങ്കാളി, വെള്ളച്ചാൽ, ആർത്തവയൽ, കല്ലൂർ, ആശാരിപ്പടി, പണിക്കരുപടി തുടങ്ങിയ പ്രദേശങ്ങളിവായമ് വളർത്തുമൃഗങ്ങളെ പുലി പിടിച്ചത്. കഴിഞ്ഞ 15ന് നന്പ്യാർകുന്ന് പാറക്കൊഴുപ്പ് പീതാംബരന്‍റെ രണ്ട് ആടിനെയും മുക്കുപുര കൃഷ്ണന്‍റെ പശുക്കിടാവിനെയും പുലി ആക്രമിച്ചു. ആടുകളിൽ ഒന്നു ചത്തു. ഈ ആടിന്‍റെ ജഡം ഇരയാക്കിയാണ് കല്ലൂർ ശ്മശാനത്തിന് സമീപം കൂട് സ്ഥാപിച്ചത്. പുലിയ പിടിക്കുന്നതിന് നാല് കുടുകളാണ് വച്ചത്. ഇതിലൊന്ന് നന്പ്യാർകുന്നിനു കുറച്ചകലെ പൂളക്കുണ്ടിൽ തമിഴ്നാട് വനസേന സ്ഥാപിച്ചതാണ്. തമിഴ്നാട്ടിലെ നീലഗിരി ജില്ലയുമായി അതിരുപങ്കിടുന്നതാണ് നന്പ്യാർകുന്നും അടുത്തുള്ള പ്രദേശങ്ങളും. പുലിയെ ഉൾവനത്തിൽ തുറന്നുവിടുമോ മൃഗശാലയിലേക്ക് മാറ്റുമോ എന്നതിൽ വ്യക്തതയായില്ല. പുലിയെ മൃഗശാലയിലേക്ക് മാറ്റുന്നതാണ് ഉചിതമെന്നാണ് ചീരാലിലും സമീപങ്ങളിലുള്ള ജനങ്ങളുടെ അഭിപ്രായം.

ഇറച്ചിയിൽ പുഴുവിനെകണ്ട സംഭവം : വിൽപ്പന നടത്തിയ സ്റ്റാൾ ആരോഗ്യ വകുപ്പ് അടപ്പിച്ചു

പുൽപ്പള്ളി: പുൽപ്പള്ളി താഴെയങ്ങാടിയിലെ മാർക്കറ്റിൽ നിന്നും പുഴുവരിച്ച പോത്തിറിച്ചി വില്പന നടത്തിയെന്ന പരാതിയെത്തുടർന്ന് ആരോഗ്യ വകുപ്പ് സ്ഥാപനം അടപ്പിച്ചു. ഭക്ഷ്യ സുരക്ഷാ വകുപ്പിന്‍റെയും ആരോഗ്യ വകുപ്പിന്‍റെയും പഞ്ചായത്തിന്‍റെയും ഉദ്യോഗസ്ഥരുടെ സംയുക്ത സംഘം മാർക്കറ്റിൽ പരിശോധന നടത്തിയ ശേഷമാണ് ഇനിയൊരു അറിയിപ്പുണ്ടാകുന്നതുവരെ സ്ഥാപനം അടച്ചുപൂട്ടാൻ നിർദേശം നൽകിയത്. മാർക്കറ്റിലെ മറ്റ് സ്ഥാപനങ്ങൾക്കും കർശന നിർദേശം നൽകിയിട്ടുണ്ട്. പുൽപ്പള്ളി സാമൂഹികാരോഗ്യ കേന്ദ്രം മെഡിക്കൽ ഓഫീസർ ഡോ.കെ. പ്രഭാകരൻ, ഹെൽത്ത് ഇൻസ്പെക്ടർ എ.കെ. മനോജ്, ഫുഡ് സേഫ്റ്റി ഓഫീസർ രേഷ്മ, പഞ്ചായത്ത് ഹെൽത്ത് ഇൻസ്പെക്ടർ സത്പ്രിയൻ തുടങ്ങിയവരുടെ നേതൃത്വത്തിലായിരുന്നു പരിശോധന.ദേവർഗദ്ദ സ്വദേശി പാലയ്ക്കൽ മനീഷ് ശനിയാഴ്ച രാത്രി മാർക്കറ്റിൽ നിന്ന് വാങ്ങിയ പോത്തിറച്ചി വീട്ടിലെത്തി പാചകം ചെയ്യുന്നതിനായി കഴുകുന്പോഴാണ് ഇറച്ചിയിൽ പുഴുക്കളെ കണ്ടത്. ഇതേത്തുടർന്ന് വിവരം പഞ്ചായത്തംഗം മണി പാന്പനാലേയും നാട്ടുകാരേയും അറിയിക്കുകയായിരുന്നു. ഞായറാഴ്ച ഉച്ചയോടെ ഡിവൈഎഫ്ഐ പ്രവർത്തകരുടെ നേതൃത്വത്തിൽ മാർക്കറ്റിലേക്ക് മാർച്ച് നടത്തുകയും ആരോപണ വിധേയമായ ഇറച്ചി സ്റ്റാൾ അടച്ചുപൂട്ടിക്കുകയും ചെയ്തിരുന്നു.

കാട്ടാനയുടെ ആക്രമണത്തിൽ നിന്നും തലനാരിഴയ്ക്ക് രക്ഷപ്പെട്ട് മണീന്ദ്രൻ പിള്ള

പുൽപ്പള്ളി: വണ്ടിക്കടവിൽ വീടിനു നേരേ കാട്ടാനയുടെ ആക്രമണം. ഗൃഹനാഥൻ തലനാരിഴയ്ക്കാണ് രക്ഷപ്പെട്ടത്. വണ്ടിക്കടവ് പ്ലാമൂട്ടിൽ മണീന്ദ്രൻ പിള്ള (72) യാണ് ചീറിയടുത്ത കാട്ടാനയുടെ മുന്നിൽ നിന്നു തലനാരിഴയ്ക്ക് രക്ഷപെട്ടത്. ഇന്നലെ പുലർച്ചെ 3.30ഓടെയാണ് സംഭവം. മൂത്രമൊഴിക്കാൻ വീടിനു പുറത്തിറങ്ങിയപ്പാഴാണ് കാട്ടുകൊന്പൻ പാഞ്ഞടുത്തത്. ഉടനെ വിടിനുള്ളിലേക്ക് ഓടിക്കയറി. പാഞ്ഞുവന്ന ആന വീടിനു മുന്നിൽ കെട്ടിയിരുന്ന ടാർപോളിൻ ഷീറ്റ് വലിച്ചു പറിച്ചു. പിന്നെ മണീന്ദ്രൻ പിള്ളയുടെ കിടപ്പുമുറിയിലെ വെളിച്ചം കണ്ട് അവിടേക്ക് നീങ്ങിയ ആന ജനലിനു നേരേ കുത്തി. മണീന്ദ്രൻ പിള്ളയുടെ നിലവിളി കേട്ട് ആന പിൻമാറുകയായിരുന്നു. വണ്ടിക്കടവിൽ ഫെൻസിംഗ് സ്ഥാപിച്ചതിന് മുകളിൽ മരം തള്ളിയിട്ട് തൂക്കുവേലി തകർത്ത് നാടുചുറ്റിയ ഒറ്റയാൻ വനത്തിലേക്കു മടങ്ങും വഴിയാണ് വീടും ആക്രമിച്ചത്. പക്ഷാഘാതം പിടിപെട്ട് ഇദ്ദേഹത്തിന്‍റെ ഭാര്യ ലതിക (65) ഏറെക്കാലമായി വീടിനുള്ളിൽ കിടപ്പാണ്. ഡെപ്യുട്ടി റേഞ്ച് ഓഫീസർ എ. നിജേഷിന്‍റെ നേതൃത്വത്തിൽ വനപാലകർ സ്ഥലത്തെത്തി തുടർ നടപടികൾ സ്വീകരിച്ചു. കഴിഞ്ഞ ഒരാഴ്ചയായി വണ്ടിക്കടവ് പ്രദേശത്ത് കാട്ടാന കൃഷി നശിപ്പിക്കുന്നത് പതിവായിട്ടും വനംവകുപ്പിന്‍റെ ഭാഗത്ത്നിന്ന് യാതൊരു നടപടിയുമില്ലെന്നാണ് കർഷകരുടെ പരാതി. അക്രമകാരിയായ ആനയെ പിടികൂടി ഉൾവനത്തിലേക്ക് തുരത്താൻ നടപടി വേണമെന്നാണ് കർഷകരുടെ ആവശ്യം

അടിസ്ഥാന സൗകര്യ വികസനത്തിനൊപ്പം സാമൂഹികസാംസ്ക്കാരിക ഉന്നമനം കൈവരിക്കണം: മന്ത്രി

കൽപ്പറ്റ: ഉന്നതികൾ കേന്ദ്രീകരിച്ചുള്ള അടിസ്ഥാന സൗകര്യ വികസനത്തിനൊപ്പം പിന്നാക്ക വിഭാഗക്കാർ സാമൂഹികസാംസ്ക്കാരിക മേഖലകളിൽ ഉന്നമനം കൈവരിക്കുന്പോഴാണ് മുഖ്യധാരയിലെത്തുകയുള്ളുവെന്ന് പട്ടികജാതി-വർഗ-പിന്നാക്കക്ഷേമ മന്ത്രി ഒ.ആർ. കേളു. നൂൽപ്പുഴ ഗ്രാമപഞ്ചായത്തിലെ തീണ്ണൂർ എസ്‌സി നഗറിൽ പൂർത്തീകരിച്ച അംബേദ്കർ ഗ്രാമവികസന പദ്ധതി ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. യുവതീയുവാക്കളുടെ നൈപുണി ശേഷി വർധിപ്പിക്കാൻ മാറുന്ന കാലത്തിനൊപ്പം നൂതന സാധ്യതകൾ ഉൾക്കൊണ്ട് വകുപ്പ് പദ്ധതികൾ ആവിഷ്കരിച്ച് നടപ്പാക്കുന്നതായും അദ്ദേഹം പറഞ്ഞു. ഒരു കോടി രൂപ ചെലവഴിച്ചാണ് അംബേദ്കർ ഗ്രാമ വികസന പദ്ധതികൾ പൂർത്തിയാക്കിയത്. അംബേദ്കർ ഗ്രാമ വികസന പദ്ധതിയിൽ ഉൾപ്പെടുത്തി കൾവർട്ട് നിർമാണം, ഇന്‍റർലോക്ക്, ചുറ്റുമതിൽ, വൈദ്യുതീകരണം തുടങ്ങിയ അടിസ്ഥാനപശ്ചാത്തല വികസനമാണ് നടപ്പാക്കിയത്. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ അധ്യക്ഷത വഹിച്ചു. ബത്തേരി ബ്ലോക്ക് പഞ്ചായത്ത് പ്രസിഡന്‍റ് സി. അസൈനാർ, നൂൽപ്പുഴ ഗ്രാമപഞ്ചായത്ത് പ്രസിഡന്‍റ് ഷീജ സതീഷ്, വൈസ് പ്രസിഡന്‍റ് എ.എൻ. ഉസ്മാൻ, ജില്ലാ പട്ടികജാതി വികസന ഓഫീസർ ഐ.ആർ. സരിൻ, ജില്ലാ പഞ്ചായത്ത് അംഗം അമൽ ജോയ്, ബ്ലോക്ക് പഞ്ചായത്ത് അംഗം എം.എ. അസൈനാർ, ഗ്രാമപഞ്ചായത്ത് അംഗം സുമ ഭാസ്കരൻ, ജില്ലാ നിർമിതി കേന്ദ്ര എക്സിക്യുട്ടീവ് സെക്രട്ടറി ഒ.കെ. സജിത്ത്, ജനപ്രതിനിധികൾ, രാഷ്ട്രീയ പാർട്ടി പ്രവർത്തകർ, ഉദ്യോഗസ്ഥർ എന്നിവർ പങ്കെടുത്തു.

ഉന്നത വിജയം നേടിയ കുട്ടികളെ ആദരിച്ചു

വടുവഞ്ചാൽ: വൈഎംസിഎ വടുവഞ്ചാൽ യൂണിറ്റിന്‍റെ നേതൃത്വത്തിൽ ഈ വർഷം എസ്എസ്എൽസി പ്ലസ് ടു പരീക്ഷയിൽ മികച്ച വിജയം നേടിയ വിദ്യാർഥികളെ ആദരിച്ചു. മികവ് 2025 എന്ന പേരിൽ നടത്തിയ പ്രോഗ്രാം വൈഎംസിഎ സബ് റീജിയണ്‍ ചെയർമാൻ സി.ജെ. ടോമി ഉദ്ഘാടനം ചെയ്തു. വൈഎംസിഎ രക്ഷാധികാരി ഫാ. ഗീവർഗീസ് മഠത്തിൽ അനുഗ്രഹ സന്ദേശം നൽകി. സബ് റീജിയണ്‍ ജനറൽ കണ്‍വീനർ ജയിംസ് ജോസഫ് വിജയികളെ ആദരിച്ചു. വൈഎംസിഎ വടുവഞ്ചാൽ യൂണിറ്റ് വൈസ് പ്രസിഡന്‍റ് സാബു വർഗീസ് അധ്യക്ഷത വഹിച്ചു. വൈഎംസിഎ യൂണിറ്റ് സെക്രട്ടറി കെ.എം. ജോസ്, ട്രഷറർ ജോണ്‍സണ്‍ തൊഴുതുങ്കൽ, മോഹൻ, റോഷിനി, സാജൻ, ജയിംസ് രാജ് തുടങ്ങിയവർ പ്രസംഗിച്ചു. സി.വി. ജോണ്‍സണ്‍, എ.ജെ. ബെന്നിഎന്നിവർ പരിപാടിക്ക് നേതൃത്വം നൽകി.

ലഹരിവിരുദ്ധ റാലി നടത്തി

പുൽപ്പള്ളി: ലോക ലഹരിവിരുദ്ധ ദിനത്തോടനുബന്ധിച്ച് സഹകരണത്തോടെ പുൽപ്പള്ളി ടൗണിൽ ലഹരി വിരുദ്ധ റാലിയും ഫ്ളാഷ് മോബും സംഘടിപ്പിച്ചു. പുൽപ്പള്ളി സ്റ്റേഷന്‍റെ ആഭിമുഖ്യത്തിൽ വ്യാപാരി വ്യവസായി ഏകോപന സമിതി അംഗങ്ങൾ, പൊതുജനങ്ങൾ, വൈഎംസിഎ, ചുമട്ടുതൊഴിലാളികൾ, സംയുക്ത ഓട്ടോ ടാക്സി ഡ്രൈവേഴ്സ് യൂണിയൻ, സ്റ്റുഡന്‍റ് പോലീസ് കേഡറ്റുകൾ, നാഷണൽ സർവീസ് സ്കീം അംഗങ്ങൾ തുടങ്ങിയവരുടെ സഹകരണത്തോടെയായിരുന്നു പരപാടി. കാപ്പിസെറ്റ് ഗവ. ഹൈസ്കൂൾ എസ്പിസി യൂണിറ്റ്, കല്ലുവയൽ ജയശ്രീ ഹൈസ്കൂൾ എസ്പിസി യൂണിറ്റിൽ നിന്നുള്ള വിദ്യാർഥികൾ പങ്കെടുത്തു. മുള്ളൻകൊല്ലി സെന്‍റ് മേരീസ് ഹയർ സെക്കൻഡറി സ്കൂൾ എൻഎസ്എസ് യൂണിറ്റ് വിദ്യാർഥികൾ ഫ്ളാഷ് മോബും നൃത്തവിരുന്നും അവതരിപ്പിച്ചു. സിബി മൈക്കിൾ ഗസൽ സംഗീതം അവതരിപ്പിച്ചു. ഇൻസ്പെക്ടർ കെ.എസ്. അജേഷ് ലഹരി വിരുദ്ധ പ്രതിജ്ഞയും സബ് ഇൻസ്പെക്ടർ സി. രാംകുമാർ ലഹരി വിരുദ്ധ സന്ദേശവും നൽകി. ചടങ്ങിൽ എഎസ്ഐ കെ.വി. സജി അധ്യക്ഷത വഹിച്ചു. വനിത സിപിഒ ആതിര, വ്യാപാരി വ്യവസായി ഏകോപനസമിതി പ്രസിഡന്‍റ് മത്തായി ആതിര, വൈഎംസിഎ പ്രതിനിധി ലിയോ, വ്യാപാരി വ്യവസായി ഏകോപന സമിതി യൂത്ത് വിംഗ് അംഗം അജേഷ് കുമാർ, വ്യാപാരി വ്യവസായി സഹകരണ ബാങ്ക് പ്രസിഡന്‍റ് ഇ.ടി. ബാബു, സ്റ്റേഷൻ റൈറ്റർ വി.പി. ബിജു, ബാബു പ്രണവം എന്നിവർ പ്രസംഗിച്ചു. പുൽപ്പള്ളി: യാക്കോബായ സുറിയാനി സഭയുടെ ശ്രേഷ്ഠ കാതോലിക്കാ ബാവയുടെ കൽപ്പനപ്രകാരം ലഹരിവിരുദ്ധ ദിനമാചരിച്ചു. ചീയന്പം മോർ ബസേലിയോസ് പള്ളിയിൽ വികാരി ഫാ. മത്തായിക്കുഞ്ഞ് ചാത്തനാട്ടുകുടി പ്രതിജ്ഞാ വാചകം ചൊല്ലിക്കൊടുത്തു. മയക്കുമരുന്നും രാസലഹരിയും ഉപയോഗിക്കുകയില്ലെന്നും ലഹരി വിമുക്തസമൂഹത്തിനായി പ്രയത്നിക്കുമെന്നും ഇടവക ജനങ്ങൾ പ്രതിജ്ഞ ചെയ്തു. ട്രസ്റ്റി സിജു പൗലോസ് തോട്ടത്തിൽ, സെക്രട്ടറി ഏബ്രഹാം ചുമതയിൽ തുടങ്ങിയവർ നേതൃത്വം നൽകി.

നിയന്ത്രണം വിട്ട പിക്കപ്പ് വാൻ ഇടിച്ച് ആറ് കുട്ടികൾക്ക് പരിക്ക്

മാനന്തവാടി: കല്ലോടി പള്ളിക്കൽ റോഡിൽ കമ്മോത്ത് ഭാഗത്ത് സ്കൂൾ കുട്ടികളുമായി വന്ന ഓട്ടോറിക്ഷയിൽ നിയന്ത്രണംവിട്ട പിക്കപ്പ് വാൻ ഇടിച്ച് ആറ് കുട്ടികൾക്ക് പരിക്ക്. പള്ളിക്കൽ ഗവ. എൽപിസ്കൂളിൽ മൂന്ന്, നാല് ക്ലാസുകളിൽ പഠിക്കുന്ന കുട്ടികൾക്കാണ് പരിക്കേറ്റത്. ഇന്നലെ വൈകുന്നേരം അഞ്ചോടെ നിയന്ത്രണം നഷ്ടമായ വാൻ ഓട്ടോയുടെ പിറകിൽ ഇടിക്കുകയായിരുന്നു. പരിക്കേറ്റ മൂന്ന് കുട്ടികളെ വയനാട് ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.

സർക്കാർ മെഡിക്കൽ കോളജുകളിലെ ദുരവസ്ഥ : പ്രതിഷേധ സമരം ഇന്ന്

കൽപ്പറ്റ: കേരളത്തിലെ ആരോഗ്യമേഖല ആകെ കുത്തഴിഞ്ഞു കിടക്കുകയാണ്. സാന്പത്തിക പ്രതിസന്ധിയുടെ പേരിൽ മെഡിക്കൽ കോളജുകൾക്കുള്ള പദ്ധതി വിഹിതത്തിൽ നിന്നും 146 കോടിയുടെ കടുംവെട്ടാണ് സർക്കാർ നടത്തിയിട്ടുള്ളത്. മെഡിക്കൽ കോളജുകളുടെ വികസനത്തിനായി 217.4 കോടി രൂപ ബജറ്റിൽ വകയിരുത്തിയപ്പോൾ അനുവദിച്ചത് വെറും 157.37 കോടി രൂപ മാത്രമാണ്. ദന്തൽ കോളജ് വികസനത്തിന് 22.79 കോടി രൂപ വകയിരുത്തിയെങ്കിലും അനുവദിച്ചത് 8.65 കോടിരൂപ മാത്രം. മെഡിക്കൽ കോളജുകളിലെ രോഗീ സൗഹൃദത്തിനായി 5.5 കോടി രൂപ വകയിരുത്തിയതിൽ അനുവദിച്ചത് 4.85 കോടി രൂപ മാത്രമാണ്. മെഡിക്കൽ കോളജിലെ ഉപകരണങ്ങളുടെ ക്ഷാമവും, ശസ്ത്രക്രിയ പ്രതിസന്ധിയും മുൻകൂട്ടിത്തന്നെ മെഡിക്കൽ കോളജ് അധികൃതർ സർക്കാരിനെ അറിയിച്ചിട്ടും സർക്കാർ ഒരു നടപടികളും സ്വീകരിച്ചിട്ടില്ല. ഉപകരണങ്ങൾ വാങ്ങുവാനുള്ള തുക രോഗികളിൽ നിന്നുതന്നെ നിർബന്ധിച്ച് ഈടാക്കുകയാണ് സർക്കാർ ചെയ്യുന്നത്. കേരളത്തിലെ ആരോഗ്യ മേഖല തകർത്ത സർക്കാർ നടപടിയിൽ പ്രധിഷേധിച്ചും ആരോഗ്യ മന്ത്രി രാജിവക്കണമെന്ന് ആവശ്യപ്പെട്ടും ജില്ലാ കോണ്‍ഗ്രസ് കമ്മിറ്റിയുടെ ആഭിമുഖ്യത്തിൽ ഇന്ന് രാവിലെ 10.30ന് മാനന്തവാടി മെഡിക്കൽ കോളജിലേക്ക് നടത്തുന്ന പ്രതിക്ഷേധ സമരത്തിൽ ജില്ലയിലെ എല്ലാ കോണ്‍ഗ്രസ് പ്രവർത്തകരും പങ്കെടുക്കണമെന്ന് ഡിസിസി പ്രസിഡന്‍റ് എൻ.ഡി. അപ്പച്ചൻ അറിയിച്ചു.

പേഴ്സണൽ അസിസ്റ്റന്‍റ് ലീവിൽ: എയ്ഡഡ് ജീവനക്കാരുടെ ശന്പളം വൈകാൻ സാധ്യത

സുൽത്താൻ ബത്തേരി: അധ്യയന വർഷത്തിന്‍റെ ആരംഭത്തിൽ തന്നെ ജില്ലയിലെ എയ്ഡഡ് ജീവനക്കാരുടെ ശന്പളം വൈകാൻ സാധ്യത. തെക്കൻ ജില്ലയിൽ നിന്ന് ഉദ്യോഗക്കയറ്റം ലഭിച്ച പേഴ്സണൽ അസിസ്റ്റന്‍റ് ലീവ് എടുത്തതോടെയാണ് വിദ്യാഭ്യാസ ഓഫീസിലെ എയ്ഡഡ് മേഖലയിലെ പ്രവർത്തനങ്ങൾ സ്തംഭിച്ചത്. അധ്യാപകരുടെ സ്ഥലംമാറ്റം വിദ്യാലയ വർഷാരംഭത്തോടുകൂടിയാണ് നടക്കാറുള്ളത്. എന്നാൽ ഇത് സ്പാർക്കിൽ ക്രമീകരിക്കേണ്ടത് അതത് വിദ്യാഭ്യാസ ഓഫീസുകൾ ആണ്. ഇത്തരത്തിൽ ജില്ലാ വിദ്യാഭ്യാസ ഓഫീസിന് കീഴിൽ പ്രവർത്തിക്കുന്ന എയ്ഡഡ് സ്ഥാപനങ്ങളിലെ അധ്യാപകരുടെയും അനധ്യാപകരുടെയും സ്ഥലംമാറ്റം ഇതുവരെയും സ്പാർക്കിൽ ക്രമീകരിക്കപ്പെട്ടിട്ടില്ല. ഇതോടെ ജൂണ്‍ മാസത്തെ ശന്പളം സമയബന്ധിതമായി ലഭിക്കില്ലെന്ന ആശങ്കയിലാണ് ജീവനക്കാർ. ജീവനക്കാരുടെ ശന്പള പരിഷ്കരണ ബില്ലുകളും പിഎഫ് വായ്പകളും പാസാക്കാൻ സാധിക്കാത്ത അവസ്ഥയാണ് നിലവിലുള്ളത്. വിദ്യാഭ്യാസ ഉപഡയറക്ടറുടെ കാര്യാലയത്തിലെ സീനിയർ അസിസ്റ്റന്‍റിന് താത്കാലിക ചുമതല നൽകി വിഷയം പരിഹരിക്കാൻ ശ്രമിച്ചെങ്കിലും അദ്ദേഹത്തെ സ്ഥലംമാറ്റി പുതിയ ഉത്തരവ് വന്നതോടെ തിരുവനന്തപുരത്തു നിന്നും പുതിയ ആൾ വന്ന ചാർജ് എടുക്കുന്നതുവരെ ജീവനക്കാർ ബുദ്ധിമുട്ടിലാകും. സ്കൂൾ തുറക്കുന്ന അവസരങ്ങളിൽ ജീവനക്കാരുടെയും വിദ്യാഭ്യാസ വകുപ്പിന്‍റെയും പ്രവർത്തനം താളംതെറ്റിക്കുന്ന രീതിയിലുള്ള അവസ്ഥയ്ക്ക് മാറ്റം വരണമെന്ന് ജീവനക്കാർ ആവശ്യപ്പെട്ടു. സർക്കാർ ജീവനക്കാരുടെ സേവന വേതന വ്യവസ്ഥകൾ ക്രമീകരിക്കുന്ന സ്പാർക്ക് സോഫ്റ്റ് വെയറിന്‍റെ കണ്‍ട്രോളിംഗ് ഓഫീസറായി എയ്ഡഡ് മേഖലയിലെ പ്രധാന അധ്യാപകരെ ഉയർത്തണമെന്ന് അനധ്യാപക സംഘടന പ്രതിനിധികൾ ആവശ്യപ്പെട്ടു. സർക്കാർ നിശ്ചയിച്ചിട്ടുള്ള യോഗ്യതകളുള്ള അതത് മേഖലയിലെ പ്രധാന അധ്യാപകർക്ക് സേവന പുസ്തകം കൈകാര്യം ചെയ്യുന്നതിനുള്ള അധികാരം ഉണ്ടെന്നിരിക്കെ സ്പാർക്കിലെ ഡാറ്റ അണ്‍ലോക്ക് ചെയ്യൽ, സ്ഥലംമാറ്റം ക്രമീകരിക്കൽ, ബില്ലുകൾ നേരിട്ട് ട്രഷറിയിലേക്ക് സമർപ്പിക്കൽ തുടങ്ങിയവ ഇപ്പോഴും അതത് വിദ്യാഭ്യാസ ഓഫീസ് മേലധികാരികൾക്ക് മാത്രം പരിമിതപ്പെടുത്തിയിരിക്കുന്നത് വലിയ ബുദ്ധിമുട്ടിലാക്കുന്നുണ്ട്. സർക്കാർ പ്രധാനാധ്യാപകർക്ക് സ്പാർക്കിൽ നൽകിയിട്ടുള്ള എല്ലാ അവകാശങ്ങളും എയ്ഡഡ് മേഖലയിലെ പ്രധാന അധ്യാപകർക്ക് കൂടി നൽകണമെന്ന് കേരള എയ്ഡഡ് സ്കൂൾ നോണ്‍ ടീച്ചിംഗ് സ്റ്റാഫ് അസോസിയേഷൻ ജില്ല യോഗം ആവശ്യപ്പെട്ടു. സംസ്ഥാന പ്രസിഡന്‍റ് ഷിനോജ് പാപ്പച്ചൻ ഉദ്ഘാടനം ചെയ്തു. ജില്ലാ പ്രസിഡന്‍റ് ബെന്നി തോമസ് അധ്യക്ഷത വഹിച്ചു. കെ. അഷ്കർ അലി, ഇ.സി. ബിജു, കെ.എൽ. ബിനോയ്, ബിനു പോൾ, എൻ.കെ. ജോഷി തുടങ്ങിയവർ പ്രസംഗിച്ചു.

അക്കാദമിക് മാസ്റ്റർ പ്ലാൻ പ്രകാശനവും ലഹരി വിരുദ്ധ സന്ദേശവും

വാഴവറ്റ: സെന്‍റ് സെബാസ്റ്റ്യൻസ് എഎൽപി സ്കൂളിൽ സമഗ്ര ഗുണമേൻമ വിദ്യാഭ്യാസം ലക്ഷ്യമാക്കി തയാറാക്കിയ 2025-2026 വർഷത്തെ അക്കാദമിക് മാസ്റ്റർപ്ലാൻ മുട്ടിൽ ഗ്രാമപഞ്ചായത്ത് അംഗം പി.ജി. സജീവ് പ്രകാശനം ചെയ്തു. യോഗത്തിൽ സ്കൂൾ മാനേജർ ഫാ. കുര്യാക്കോസ് കുന്നത്ത് അധ്യക്ഷത വഹിച്ചു. എം.ടി. ഷൈജു ലഹരി വിരുദ്ധ ബോധവത്കരണ ക്ലാസ് നൽകി.

"മാടക്കര-ചീരാൽ റോഡ് പൊതുമരാമത്ത് വകുപ്പ് ഏറ്റെടുക്കണം’

സുൽത്താൻ ബത്തേരി: മാടക്കര മുതൽ ചീരാൽ വരെയുള്ള അഞ്ച് കിലോമീറ്റർ റോഡ് പൊതുമരാമത്ത് വകുപ്പ് ഏറ്റെടുക്കണമെന്ന് പ്രദേശവാസികളുടെ യോഗം ആവശ്യപ്പെട്ടു. റോഡിന്‍റെ അരികുചാൽ നന്നാക്കുക, വശങ്ങളിലെ കാട് വെട്ടിനീക്കുക, കെട്ടിട നിർമാണ അവശിഷ്ടങ്ങൾ പാതയോരത്ത് കൂട്ടിയിടുന്നതും റോഡ് കൈയേറിയുള്ള നിർമാണങ്ങളും തടയുക തുടങ്ങിയ ആവശ്യങ്ങളും ഉന്നയിച്ചു. കെ.സി.കെ. തങ്ങൾ അധ്യക്ഷത വഹിച്ചു. ടി.കെ. രാധാകൃഷ്ണൻ, ജെ.എ. രാജു, എ. സലിം, വി.എസ്. സദാശിവൻ, സലിം നൂലക്കുന്ന്, എന്നിവർ പ്രസംഗിച്ചു.

അരിമുള പാലം-വാണാറന്പത്ത് റോഡ് തകർന്നു

കേണിച്ചിറ: പൂതാടി പഞ്ചായത്തിലെ താഴെമുണ്ട അരിമുള പാലം-വാണാറന്പത്ത് റോഡ് തകർന്നു. കൃത്യമായ അറ്റകുറ്റപ്പണിയുടെ അഭാവമാണ് റോഡിന്‍റെ ദുരവസ്ഥയ്ക്കു കാരണം. രണ്ടുവർഷം മുന്പ് നാട്ടുകാർ പിരിവെടുത്ത് ഒരുവിധം സഞ്ചാരയോഗ്യമാക്കിയെങ്കിലും മഴ ശക്തമായതോടെ റോഡ് പഴയ സ്ഥിതിയിലായി. തകർന്ന റോഡിലൂടെ ഓടാൻ ടാക്സി, ഓട്ടോ ഡ്രൈവർമാർ മടിക്കുകയാണ്. സ്കൂൾ ബസുകൾ സാഹസപ്പെട്ടാണ് ഇതുവഴി ഓടുന്നത്. കേണിച്ചിറയിൽനിന്നു വരദൂരിലേക്കും പൂതാടി കോട്ടവയൽ ഭാഗത്തും എളുപ്പം എത്താൻ ഉതകുന്നാതാണ് അരിമുള പാലം-വാണാറന്പത്ത് റോഡ്.

ആർജെഡി കണ്‍വൻഷൻ നടത്തി

കൽപ്പറ്റ: അടിയന്തരാവസ്ഥയുടെ 50-ാം വാർഷികം ആർജെഡി ജില്ലാ കമ്മിറ്റി കരിദിനമായി ആചരിച്ചു. ഇതിന്‍റെ ഭാഗമായി നടന്ന കണ്‍വൻഷൻ സംസ്ഥാന സമിതിയംഗം കെ.കെ. ഹംസ ഉദ്ഘാടനം ചെയ്തു. നിയോജകമണ്ഡലം പ്രസിഡന്‍റ് പി.കെ. രാജൻ അധ്യക്ഷത വഹിച്ചു. ഭാരത് സേവിക് അവാർഡും ഡോ.ബി.ആർ. അംബേദ്കർ ദേശീയ പുരസ്കാരവും നേടിയ യു.എൻ. സുധാകരനെ ആദരിച്ചു. ജില്ലാ പ്രസിഡന്‍റ് കെ.കെ. രാജൻ, എൻ.ഒ. ദേവസി, യു.എ. ഖാദർ, കെ.എ. സ്കറിയ, സി.കെ. നൗഷാദ്, കെ.ബി. രാജുകൃഷ്ണ, പി.പി. ഷൈജൽ എന്നിവർ പ്രസംഗിച്ചു.

അടിയന്തരാവസ്ഥ ഭരണഘടനയ്ക്കുനേരേ നടന്ന ആദ്യ കടന്നാക്രമണം: രാഷ്ട്രീയ യുവജനതാദൾ

കൽപ്പറ്റ: അടിയന്തരാവസ്ഥ ഭരണഘടനയ്ക്ക് നേരേ നടന്ന ആദ്യ കടന്നാക്രമണമാണെന്ന് രാഷ്ട്രീയ യുവജനതാദൾ മണ്ഡലം കമ്മിറ്റി സംഘടിപ്പിച്ച ഭരണഘടന സംരക്ഷണ സദസ് അഭിപ്രായപ്പെട്ടു. അടിയന്തരാവസ്ഥയ്ക്കെതിരേ രാജ്യവ്യാപകമായി പോരാട്ടത്തിന് നേതൃത്വം നൽകിയ സോഷ്യലിസ്റ്റുകൾക്ക് മാത്രമേ ഫാസിസ്റ്റ് ഭരണത്തിനെതിരായ പോരാട്ടത്തിനു നേതൃത്വം നൽകാൻ കഴിയൂവെന്ന് വിലയിരുത്തി. ജില്ലാ പ്രസിഡന്‍റ് പി.പി. ഷൈജൽ ഉദ്ഘാടനം ചെയ്തു. മണ്ഡലം പ്രസിഡന്‍റ് ഷൈജൽ കൈപ്പങ്ങൽ അധ്യക്ഷത വഹിച്ചു. പി.ജെ. ജോമിഷ്, നിസാർ പള്ളിമുക്ക്, നിഷാൽ ചുളുക്ക, നിജിൽ വെള്ളേങ്ങര, ജേക്കബ് പുത്തുമല എന്നിവർ പ്രസംഗിച്ചു.

കാലവർഷമായതോടെ കബനീ തീരങ്ങളിൽ വീശുവല നിർമാണം സജീവം

മാനന്തവാടി: കാലവർഷമായതോടെ കബനീ തീരങ്ങളിൽ വിശുവല നിർമാണം സജീവമായി. മാനന്തവാടി അഗ്രഹാഹരം പുഴയുടെ തീരത്താണ് ഒരു പറ്റം യുവാക്കൾ വീശുവല നിർമാണത്തിൽ ഏർപ്പെട്ടിരിക്കുന്നത്. വിവിധ ഭാഗങ്ങളിൽ നിന്ന് വീശുവല അന്വേഷിച്ചെത്തുന്നവർക്ക് വല നിർമിച്ച് നല്കുകയാണിവർ. മാനന്തവാടി അഗ്രഹാരം ഉന്നതിയിൽ എ.കെ. മനുവിന്‍റെ നേതൃത്വത്തിലാണ് വല നിർമിച്ച് നല്കുന്നത്. മഴപെയ്ത് പുഴയിലും വയലിലുമെല്ലാം വെള്ളം കയറിയതോടെ പ്രദേശവാസികളുൾപ്പെടെ ഒട്ടേറെ ആളുകളാണ് അഗ്രഹാരം പുഴയുടെ തീരത്ത് മീൻപിടുത്തത്തിൽ ഏർപ്പെടുന്നത്. വീശുവലയുടെ ലഭ്യതക്കുറവ് മൂലം ഏറെ ആളുകളും തണ്ടാടിയുപയോഗിച്ചാണ് മീൻ പിടിക്കുന്നത്. ഈ സാധ്യത കണക്കിലെടുത്താണ് വീശുവല നിർമാണത്തിൽ ഇവർ സജീവമായിരിക്കുന്നത്. വലയും നൂലും ഈയക്കട്ടികളുമാണ് നീർമാണ സാമഗ്രികൾ. ഇവ വാങ്ങി നല്കിയാൽ മൂന്നു ദിവസത്തിനുള്ളിൽ വല തയാറാക്കി നൽകും.

’ദേശീയ പണിമുടക്ക് വിജയിപ്പിക്കും’

കൽപ്പറ്റ: കേന്ദ്ര സർക്കാരിന്‍റെ തെറ്റായ നയങ്ങളിൽ പ്രതിഷേധിച്ചും വിവിധ ആവശ്യങ്ങൾ ഉന്നയിച്ചും ട്രേഡ് യൂണിയൻ കൂട്ടായ്മ ഒന്പതിന് ദേശവ്യാപകമായി നടത്തുന്ന പണിമുടക്ക് വിജയിപ്പിക്കാൻ ടിയുസിഐ ജില്ലാ കമ്മിറ്റി തീരുമാനിച്ചു. സംസ്ഥാന പ്രസിഡന്‍റ് സാം പി. മാത്യു ഉദ്ഘാടനം ചെയ്തു. ജില്ലാ പ്രസിഡന്‍റ് വി.യു. ജോഷി അധ്യക്ഷത വഹിച്ചു. സെക്രട്ടറി കെ. അജയകുമാർ റിപ്പോർട്ട് അവതരിപ്പിച്ചു. എം. ചുരുളി, എ.കെ. കൃഷ്ണൻകുട്ടി, കെ. രാധാകൃഷ്ണൻ. പി. സുകുമാരൻ, കെ. ബാലസുബ്രഹ്മണ്യൻ എന്നിവർ പ്രസംഗിച്ചു.

മത്സ്യ-മാംസ മാർക്കറ്റിൽ പരിശോധന കർശനമാക്കണം: ബിജെപി

പുൽപ്പള്ളി: മാർക്കറ്റിൽ പഴകിയതും കേടുവന്നതുമായ മത്സ്യവും മാംസവും വിൽക്കുന്നില്ലെന്ന് അധികാരികൾ ഉറപ്പുവരുത്തണമെന്ന് ബിജെപി പഞ്ചായത്ത് കമ്മിറ്റി ആവശ്യപ്പെട്ടു. മാർക്കറ്റിലെ സ്റ്റാളുകളിൽ ഒന്നിൽ കഴിഞ്ഞ ദിവസം വിറ്റ പോത്തിറച്ചിൽ പുഴുവിനെ കണ്ടെത്തിയിരുന്നു. ഉദ്യോഗസ്ഥരുടെ വീഴ്ചയിലേക്കാണ് ഇത് വിരൽചൂണ്ടുന്നത്. മാർക്കറ്റിൽനിന്നു വാങ്ങുന്ന മാംസമാണ് ടൗണിലെ ഹോട്ടലുകളിൽ പാകം ചെയ്ത് വിൽക്കുന്നത്. രോഗങ്ങൾ ഇല്ലാത്ത മൃഗങ്ങളുടെ മാംസമാണ് മാർക്കറ്റിൽ വിൽപനയ്ക്കു വയ്ക്കുന്നതെന്ന് ഉത്തരവാദപ്പെട്ടവർ ഉറപ്പുവരുത്തണം. വ്യാപാരികൾ തോന്നിയ വിലയ്ക്ക് പോത്തിറച്ചി വിൽക്കുന്നതിന് തടയിടണമെന്നും യോഗം ആവശ്യപ്പെട്ടു. കെ.കെ. അരുണ്‍ അധ്യക്ഷത വഹിച്ചു. വി.ആർ. ദിനേഷ്, അഭിലാഷ് വാസു, കെ. പ്രതീഷ്, അമൽ അന്പാടി, ഇ. സണ്ണി എന്നിവർ പ്രസംഗിച്ചു.

നടൻ ജോണ്‍സണ്‍ ഐക്കരയെ നടവയൽ നാട്ടൊരുമ ആദരിച്ചു

നടവയൽ: കേരള സംഗീത നാടക അക്കാദമിയുടെ 2024ലെ മികച്ച പ്രഫഷണൽ നാടകനടനുള്ള അവർഡ് നേടിയ ജോണ്‍സണ്‍ ഐക്കരയെ നടവയൽ നാട്ടൊരുമയുടെ നേതൃത്വത്തിൽ ആദരിച്ചു. സെന്‍റ് തോമസ് ഹയർ സെക്കൻഡറി സ്കൂൾ ഓഡിറ്റോറിയത്തിലായിരുന്നു പരിപാടി. ടൗണിൽനിന്നു വാദ്യഘോഷങ്ങളുടെ അകന്പടിയോടെയാണ് സെന്‍റ് തോമസ് ഹയർ സെക്കൻഡറി സ്കൂൾ ഓഡിറ്റോറിയത്തിലേക്ക് ജോണ്‍സനെ ആനയിച്ചത്. സമൂഹത്തിന്‍റെ വിവിധ തുറകളിലുള്ളവർ പങ്കെടുത്തു. ആദരണച്ചടങ്ങിൽ നാട്ടെരുമ ചെയർമാൻ ബാബു ചിറപ്പുറം അധ്യക്ഷത വഹിച്ചു. സാഹിത്യകാരൻ പി.കെ. പാറക്കടവ് മുഖ്യപ്രഭാഷണം നടത്തി. ജനപ്രതിനിധികളായ അന്നക്കുട്ടി ജോസ്, സന്ധ്യ ലിഷു, ഷീമ മാനുവൽ, മേഴ്സി സാബു, വിവിധസംഘടനാ പ്രതിനിധികളായ വിൻസന്‍റ് ചേരവേലിൽ, ഗ്രേഷ്യസ് നടവയൽ, ബേബിച്ചൻ ആലുങ്കൽതാഴെത്ത്, പി.സി. വിൻസന്‍റ്, ഇരുളം രാജേഷ്, ദിവാകരൻ മാസ്റ്റർ, ടോമി ചേന്നാട്ട് എന്നിവർ പ്രസംഗിച്ചു. മറുപടി പ്രസംഗത്തിൽ ജോണ്‍സണ്‍ നാടക സംഭാഷണങ്ങൾ അരങ്ങിലെന്നവണ്ണം പറഞ്ഞത് സദസിന് കൗതുകമായി. സംഘാടക സമിതി കണ്‍വീനർ ബിനു മാങ്കൂട്ടം സ്വാഗതവും ഷാജു പി. ജയിംസ് നന്ദിയും പറഞ്ഞു. ഓർമ ഇന്‍റർനാഷണലിന്‍റെ ഗാനസന്ധ്യ ഉണ്ടായിരുന്നു.

നഞ്ചൻഗോഡ്-നിലന്പൂർ റെയിൽവേ യാഥാർഥ്യമാക്കണം: റിട്ട.പ്രധാനാധ്യാപക സംഗമം

സുൽത്താൻ ബത്തേരി: നഞ്ചൻഗോഡ്-നിലന്പൂർ റെയിൽവേ യാഥാർഥ്യമാക്കണമെന്ന് മത്തായീസ് ഓഡിറ്റോറിയത്തിൽ ചേർന്ന ഉപജില്ലയിലെ റിട്ട.പ്രധാനാധ്യാപകരുടെ സംഗമം സർക്കാരിനോട് ആവശ്യപ്പെട്ടു. ദേശീയപാത 766ലെ രാത്രിയാത്രാ വിലക്ക് നീക്കുന്നതിന് കേരള, കർണാടക സർക്കാരുകൾ യോജിച്ചുനീങ്ങുക, ബത്തേരിയിൽ അനുവദിച്ച ഗവ.കോളജ് പ്രവർത്തനം തുടങ്ങുന്നതിന് നടപടി സ്വീകരിക്കുക, ബത്തേരി താലൂക്ക് ആശുപത്രി ജില്ലാ ആശുപത്രിയായി ഉയർത്തുക, കുട്ടികൾ ലഹരി മാഫിയയുടെ പിടിയിൽ അകപ്പെടാതിരിക്കുന്നതിന് പ്രവർത്തനങ്ങൾ ഊർജിതമാക്കുക തുടങ്ങിയ ആവശ്യങ്ങളും ഉന്നയിച്ചു. 50 ഓളം റിട്ട.അധ്യാപകർ പങ്കെടുത്തു. ശിവദാസൻ മാസ്റ്റർ അനുസ്മരണം, ജീവകാരുണ്യ മേഖലയിൽ വ്യക്തിമുദ്ര പതിച്ച രാധാകൃഷ്ണൻ മാസ്റ്ററെ ആദരിക്കൽ, സമൂഹനൻമയിൽ അധ്യാപകരുടെ പങ്ക് എന്ന വിഷയത്തിൽ സംവാദം എന്നിവ നടന്നു. ജേക്കബ് ബത്തേരി ഉദ്ഘാടനം ചെയ്തു.ഡോ.ജെ. സുനിൽ അധ്യക്ഷത വഹിച്ചു. ഒ.വി. പവിത്രൻ, സി.പി. സുരേഷ്കുമാർ, റോയി വർഗീസ്, പി.പി. ദാമോദരൻ, എൻ.ടി. ജോർജ്, കെ. സുമ ,ഉഷ ബേബി, സൗദാമിനി, എം.സി. കാർമൽ എന്നിവർ പ്രസംഗിച്ചു.

വണ്ടിക്കടവിൽ കാട്ടാനകൾ കൃഷി നശിപ്പിച്ചു

പുൽപ്പള്ളി: വണ്ടിക്കടവിൽ കാട്ടാനകൾ കൃഷി നശിപ്പിച്ചു. വനാതിർത്തിയിലെ തൂക്കുവേലി മരംമറിച്ചു തർത്താണ് കഴിഞ്ഞ ദിവസം രാത്രി ആനകൾ കൃഷിയിടങ്ങളിൽ ഇറങ്ങിയത്. തറയിൽ ദേവസ്യയുടെ തോട്ടത്തിലെ തെങ്ങ്, കമുക്, പ്ലാവ് എന്നിവ ആനകൾ നശിപ്പിച്ചു. നേരം പുലർന്നശേഷമാണ് ആനകൾ വനത്തിലേക്ക് മടങ്ങിയത്. കർണാടക അതിർത്തിയിലൂടെ ഒഴുകുന്ന കന്നാരംപുഴയോടു ചേർന്ന പ്രദേശമാണ് വണ്ടിക്കടവ്. പുഴ കടന്നാണ് ആനകൾ ജനവാസ മേഖലയിൽ എത്തുന്നത്. ആനകളെ ഉൾവനത്തിലേക്കു തുരത്തണമെന്നും വനാതിർത്തിയിലെ പ്രതിരോധ സംവിധാനങ്ങൾ കുറ്റമറ്റതാക്കണമെന്നും നാട്ടുകാർ ആവശ്യപ്പെട്ടു.

മഴ തുടരുന്നത് ജാതി കൃഷിയെ പ്രതിസന്ധിയിലാക്കുന്നു

സുൽത്താൻ ബത്തേരി: ജില്ലയിൽ മികച്ച വിളവ് നൽകിയിരുന്ന ജാതിക്ക ഈ വർഷം ഉത്പാദനം തീരെ കുറഞ്ഞു. ജില്ലയിലെ ജാതി കൃഷിക്ക് അനുയോജ്യമായ കാലാവസ്ഥ ആയിരുന്നെങ്കിലും ഇത്തവണ ലഭിച്ച ശക്തമായ മഴകാരണം കടുത്ത പ്രതിസന്ധിയിലാണ് ജില്ലയിലെ ജാതി കർഷകർ. തുടർച്ചയായി കനത്ത മഴ പെയ്തതോടെ ജാതി മരങ്ങളിൽ വെള്ളക്കായ പൊട്ടുന്നതാണ് കർഷകർക്ക് വിനയായത്. ഇത് വരും ദിവസങ്ങളിലെ ഉത്പാദനത്തെ ഇത് പ്രതികൂലമായി ബാധിക്കുമെന്നാണ് കർഷകർ പറയുന്നത്. മരുന്ന് തളിച്ച് കർഷകർ പ്രതിരോധ മാർഗമൊരുക്കുന്നുവെങ്കിലും വരും ദിവസങ്ങളിലും മഴ തുടർന്നാൽ കൂടുതൽ നാശനഷ്ടമുണ്ടാകും. മേയ് അവസാന വാരം പെയ്ത കനത്തമഴ കാർഷിക മേഖലയിലാകെ വലിയ നഷ്ടം വരുത്തിയിട്ടുണ്ട്. അധികമായി ലഭിച്ച വേനൽ മഴയ്ക്കു പുറമേ കാലവർഷമെത്തിയതാണ് ജാതിമരങ്ങളിൽ വെള്ളക്കായ പൊട്ടുന്നതിന് കാരണമായത്. മഴയ്ക്കൊപ്പം ശക്തമായി വീശിയ കാറ്റും ജാതി കർഷകർക്ക് നഷ്ടം വരുത്തി. ജാതി കായ്ക്കും പത്രിക്കും മെച്ചപ്പെട്ട വില ലഭിക്കുന്നുണ്ടെങ്കിലും ഉത്പാദനം കുറഞ്ഞാൽ ഉയർന്ന വിലയുടെ പ്രയോജനം കർഷകർക്ക് ലഭിക്കില്ല.

ജില്ലയിൽ മണ്ണെണ്ണ വിതരണം പുനഃസ്ഥാപിക്കാനായില്ല

സുൽത്താൻ ബത്തേരി: ജില്ലയിൽ റേഷൻകട വഴി മണ്ണെണ്ണ വിതരണം പുനഃസ്ഥാപിച്ചില്ല. സംസ്ഥാനത്ത് മണ്ണെണ്ണ വിതരണം പുനഃസ്ഥാപിക്കുമെന്ന പ്രഖ്യാപനം വന്നെങ്കിലും ജില്ലയിലെ വിതരണം ഇതുവരെ ആരംഭിക്കാനായിട്ടില്ല. ജില്ലയിൽ മൊത്തംവിതരണം കരാറുകാരൻ ഏറ്റെടുക്കാത്തതും ആവശ്യമായ മണ്ണെണ്ണ പന്പ് സ്റ്റേഷൻ ഇല്ലാത്തതുമാണ് വിതരണം മുടങ്ങാൻ കാരണം. അയൽ ജില്ലകളായ കണ്ണൂർ, കോഴിക്കോട് എന്നിവിടങ്ങളിൽ നേരിട്ട്പോയി ആവശ്യമായ മണ്ണെണ്ണ കൊണ്ടുവരേണ്ട അവസ്ഥയിലാണ് റേഷൻ വ്യാപാരികൾ. 350 മുതൽ 600 ലിറ്റർ വരെ ശരാശരി മണ്ണെണ്ണ വിതരണം ചെയ്യുന്ന റേഷൻ വ്യാപാരിക്ക് ലിറ്ററിന് രണ്ട് രൂപ തൊഴിലാണ് കമ്മീഷൻ ലഭിക്കുക. മറ്റു ജില്ലയിൽ പോയി മണ്ണെണ്ണ എത്തിക്കണമെങ്കിൽ ലിറ്ററിന് ഏഴ് രൂപയോളം ചെലവ് വരും. സർക്കാരിന്‍റെ ഭാഗത്തുനിന്നും കമ്മീഷൻ ഏഴു രൂപ ആക്കണം എന്നാണ് റേഷൻ വ്യാപാരികളുടെ ആവശ്യം. ചെറിയ വാഹനങ്ങളിലും മറ്റും മണ്ണെണ്ണ എത്തിക്കുന്നതിന് മോട്ടോർ വാഹന വകുപ്പിന്‍റെ നിയന്ത്രണങ്ങളുമുണ്ട്. തീ പിടിക്കാൻ സാധ്യതയുള്ള വസ്തുക്കൾ ടാങ്കർ ലോറികളിൽ കൊണ്ടുപോകണമെന്നാണ് നിയമം. വൈദ്യുതിയില്ലാത്ത ഉന്നതികളിൽ മണ്ണെണ്ണയ്ക്ക് പകരം ഡീസൽ ഒഴിച്ചാണ് വിളക്ക് കത്തിക്കുന്നത്. റേഷൻ വിതരണം പുനഃസ്ഥാപിക്കെപ്പെട്ടതറിഞ്ഞ് റേഷൻകടകളിൽ മണ്ണെണ്ണ ചോദിച്ചെത്തുന്ന ആളുകളുടെ എണ്ണം കൂടിക്കൂടി വരികയാണ്. ഇതുവരെയും വിതരണം ചെയ്യുന്നതിന് ആവശ്യമായ സംവിധാനങ്ങൾ ഒരുക്കുന്നതിന് സർക്കാരിന്‍റെ ഭാഗത്തുനിന്ന് ഒരു നടപടിയും ഉണ്ടായിട്ടില്ല. ജില്ലയിൽ മാനന്തവാടിൽ മാത്രമുള്ള മണ്ണെണ്ണ ഫില്ലിംഗ് സ്റ്റേഷൻ ഇപ്പോൾ പ്രവർത്തനരഹിതമാണ്. ഇതിന് ഉടൻ പരിഹാരമുണ്ടാകണമെന്നാണ് റേഷൻ വ്യാപാരികളുടേയും ഉപഭോക്താക്കളുടേയും ആവശ്യം.

എലവഞ്ചേരിയിലെ പൊതു ആസ്തി കൈമാറ്റം ഇന്ന് മന്ത്രി നിർവഹിക്കും

കൽപ്പറ്റ: വെള്ളമുണ്ട ഗ്രാമപഞ്ചായത്തിൽ നബാർഡിന്‍റെ സഹായത്തോടെ എരുവാഞ്ചേരി നീർത്തടത്തിൽ നിർമിച്ച പൊതു ആസ്തികളുടെ കൈമാറ്റം ഇന്ന് വൈകുന്നേരം നാലിന് പട്ടികജാതി-വർഗ-പിന്നാക്കക്ഷേമ മന്ത്രി ഒ.ആർ. കേളു നിർവഹിക്കും. പുലിക്കാട് ഗവ.എൽ.പി. സ്കൂളിൽ നടക്കുന്ന പരിപാടിയിൽ ഗ്രാമപഞ്ചായത്ത് പ്രസിഡന്‍റ് സുധി രാധാകൃഷ്ണൻ അധ്യക്ഷത വഹിക്കും. പൊതു നിർമിത ആസ്തികളായ കോണ്‍ക്രീറ്റ് തടയണ, കോണ്‍ക്രീറ്റ് ഫാം കുളങ്ങൾ, കരിങ്കൽ കുളം എന്നിവ വെള്ളമുണ്ട ഗ്രാമപഞ്ചായത്തിന് കൈമാറും. വെള്ളമുണ്ട ഗ്രാമപഞ്ചായത്തിലെആറ്, എട്ട്, 13, 14, 15, 16 വാർഡുകൾ ഉൾപ്പെടുന്ന എരുവാഞ്ചേരി നീർത്തടത്തിന്‍റെ 562 ഹെക്ടർ ഭൂമിയിലാണ് മണ്ണ് ജല സംരക്ഷണ പ്രവർത്തികളുടെ ഭാഗമായി മണ്‍കയ്യാല, തീറ്റപ്പുല്ല് നടീൽ, മഴവെള്ള സംഭരണി, കിണർ റീചാർജ് യൂണിറ്റ്, ഫലവൃക്ഷതൈകൾ നടീൽ, കോണ്‍ക്രീറ്റ് തടയണ, കുളങ്ങൾ എന്നീ പ്രവർത്തികൾ നടപ്പാക്കിയത്. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ, മാനന്തവാടി ബ്ലോക്ക്പഞ്ചായത്ത് പ്രസിഡന്‍റ് ജസ്റ്റിൻ ബേബി, ജില്ലാപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി, ബ്ലോക്ക് ഡിവിഷൻ അംഗങ്ങളായ പി.കെ. അമീൻ, ബാലൻ വെള്ളരിമ്മൽ, ജില്ലാ മണ്ണ് സംരക്ഷണ ഓഫീസർ താര മനോഹരൻ, മണ്ണ് സംരക്ഷണ വകുപ്പ് അഡിഷണൽ ഡയറക്ടർ ഡി. ആനന്ദ ബോസ്, വിവിധ വകുപ്പ് ഉദ്യോഗസ്ഥർ, ജനപ്രതിനിധികൾ എന്നിവർ പങ്കെടുക്കും.

തരിയോട് ഗവ.സ്കൂളിൽ വിജയോത്സവം നടത്തി

തരിയോട്: ഗവ.ഹയർ സെക്കൻഡറി സ്കൂളിൽ വിജയോത്സവം നടത്തി. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് ഷമീം പാറക്കണ്ടി അധ്യക്ഷത വഹിച്ചു. എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയവർക്ക് മെമന്‍റോ നൽകി. അറക്കപ്പറന്പിൽ തോമസ് എഡ്യൂക്കേഷൻ എൻഡോവ്മെന്‍റ്, ശാരദാമ്മ മെമ്മോറിയൽ എൻഡോവ്മെന്‍റ്, മാത്യു മെമ്മോറിയൽ എൻഡോവ്മെന്‍റ്, ശ്രീമതി മെമ്മോറിയൽ എൻഡോവ്മെന്‍റ് എന്നിവ വിതരണം ചെയ്തു. പഞ്ചായത്ത് അംഗം വിജയൻ തോട്ടുങ്ങൽ, മദർ പിടിഎ പ്രസിഡന്‍റും പഞ്ചായത്ത് അഗവുമായ സൂനാ നവീൻ, എഡിഎൻഒ എസ്പിസി മോഹൻദാസ് കുളങ്ങര, പ്രിൻസിപ്പൽ എം. രാധിക, പിടിഎ വൈസ് പ്രസിഡന്‍റ് ടി.ഒ. പത്രോസ്, മദർ പിടിഎ വൈസ് പ്രസിഡന്‍റ് രഞ്ജിനി അനി, എസ്എംസി ചെയർമാൻ പി.എം. കാസിം, പി.കെ. സത്യൻ, എൻ.പി. മാത്യു, എ. മുഹമ്മദ് ബഷീർ, സ്റ്റാഫ് സെക്രട്ടറി ഷാജു ജോണ്‍ എന്നിവർ പ്രസംഗിച്ചു. പിടിഎ പ്രസിഡന്‍റ് ബെന്നി മാത്യു സ്വാഗതവും സീനിയർ അസിസ്റ്റന്‍റ് മറിയം മഹ്മൂദ് നന്ദിയും പറഞ്ഞു.

ലഹരിവിരുദ്ധ കാന്പയിൻ നടത്തി

പഴൂർ: സെന്‍റ് ആന്‍റണീസ് യുപി സ്കൂളിൽ ലഹരിവിരുദ്ധ കാന്പയിൻ തുടങ്ങി. സിവിൽ എക്സൈസ് ഓഫീസറും വിമുക്തി മിഷൻ താലൂക്ക് കോ ഓർഡിനേറ്ററുമായ നിക്കോളാസ് ജോസ് ഉദ്ഘാടനം ചെയ്തു. കാന്പയിന്‍റെ ഭാഗമായി അദ്ദേഹം ബോധവത്കരണ ക്ലാസെടുത്തു. ഹെഡ്മാസ്റ്റർ കെ.ജി. ജോണ്‍സണ്‍ അധ്യക്ഷത വഹിച്ചു. സീനിയർ അസിസ്റ്റന്‍റ് റെജീന ആൻഡ്രൂസ്, ലഹരി വിരുദ്ധ ക്ലബ് അധ്യാപക പ്രതിനിധി കെ.എസ്. ഷിൽന, വിദ്യാർഥി പ്രതിനിധി നവനീത് പി. അനിൽ, വി.എ. അനിഘ എന്നിവർ പ്രസംഗിച്ചു. കുട്ടികൾ ലഹരിവിരുദ്ധ പ്രതിജ്ഞയെടുത്തു. ലഹരിക്കെതിരേ കയ്യൊപ്പ് ശേഖരണം നടത്തി. ബോധവത്കരണം നൽകി സുൽത്താൻ ബത്തേരി: സെന്‍റ് മേരീസ് കോളജ് ഹയർ സെക്കൻഡറി സ്കൂളിൽ ലഹരി ഉപയോഗത്തിന്‍റെ തിക്തഫലങ്ങൾ സംബന്ധിച്ച് രക്ഷിതാക്കൾക്ക് ക്ലാസ് നൽകി. വിമുക്തി മിഷൻ താലൂക്ക് കോ ഓർഡിനേറ്റർ നിക്കോളാസ് ജോസ് ക്ലാസെടുത്തു. വൈസ് പ്രിൻസിപ്പൽ ബിജുന ബാസ്റ്റിൻ സ്വാഗതം പറഞ്ഞു. വെള്ളമുണ്ട: നശാമുക്ത് ഭാരത് അഭിയാന്‍റെ ഭാഗമായി ജില്ലാ പഞ്ചായത്ത് വെള്ളമുണ്ട ഡിവിഷന്‍റെ നേതൃത്വത്തിൽ എട്ടേനാലിൽ അന്താരാഷ്ട്ര ലഹരിവിരുദ്ധ ദിനം ആചരിച്ചു. ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. ലഹരിവിരുദ്ധ പോസ്റ്റർ പ്രകാശനം അദ്ദേഹംനിർവഹിച്ചു. രാജൻ എക്സൽ അധ്യക്ഷത വഹിച്ചു. പി. റഹ്മാൻ, പി. രാഹുൽ, അബ്ദുള്ള, അജി, മിഥുൻ എന്നിവർ പ്രസംഗിച്ചു. പനമരം: ലഹരിവിരുദ്ധ ബോധവത്കരണത്തിന്‍റെ ഭാഗമായി ഗവ.സ്കൂൾ എസ്പിസി യൂണിറ്റിന്‍റെ നേതൃത്വത്തിൽ ടൗണിൽ അംബ്രല്ല മാർച്ച് നടത്തി. 250 ഓളം വിദ്യാർഥികൾ പങ്കെടുത്തു. വിമുക്തി മിഷൻ ജില്ലാ കോ ഓർഡിനേറ്റർ എൻ.സി. സജിത്ത്കുമാർ, പിടിഎ പ്രസിഡന്‍റ് സി.കെ. മുനീർ, ഹെഡ്മിസ്ട്രസ് ഷീജ ജയിംസ്, കെ. രേഖ, ടി. നവാസ് എന്നിവർ നേതൃത്വം നൽകി. ബൈക്ക് റാലി നടത്തി കൽപ്പറ്റ: അന്താരാഷ്ട്ര ലഹരിവിരുദ്ധ ദിനാചരണത്തിന്‍റെ ഭാഗമായി ജില്ലാ പോലീസ് ബൈക്ക് റാലി നടത്തി. കാക്കവയൽ ജവാൻ സ്മൃതി മണ്ഡപത്തിനടുത്തുനിന്നു പുതിയ സ്റ്റാൻഡ് പരിസരത്തേക്കായിരുന്നു റാലി. ജില്ലാ പോലീസ് മേധാവി തപോഷ് ബസുമതാരി ഫ്ളാഗ് ഓഫ് ചെയ്തു. സമാപനയോഗത്തിൽ ഡിവൈഎസ്പി പി.എൽ. ഷൈജു അധ്യക്ഷത വഹിച്ചു. നർകോടിക് സെൽ ഡിവൈഎസ്പി എം.കെ. ഭരതൻ ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. ക്രൈംബ്രാഞ്ച് ഡിവൈഎസ്പി കെ.ജി. പ്രവീണ്‍കുമാർ, ജനമൈത്രി ജില്ലാ അസി.നോഡൽ ഓഫീസർ കെ.എം. ശശിധരൻ, കെപിഒഎ ജില്ലാ സെക്രട്ടറി സജീവൻ, കെപിഎ ജില്ലാ പ്രസിഡന്‍റ് വിപിൻ സണ്ണി, സെക്രട്ടറി ഇർഷാദ് മുബാറക് എന്നിവർ പ്രസംഗിച്ചു.

ചുരത്തിലെ മുടിപ്പിൻ വളവുകളിൽ സോളാർ വിളക്ക്: റോട്ടറി പദ്ധതിക്ക് അനുമതിയായില്ല

സുൽത്താൻ ബത്തേരി: താമരശേരി ചുരത്തിലെ മുടിപ്പിൻ വളവുകളിൽ രണ്ടുവീതം സോളാർ വിളക്കുകൾ സ്വന്തം ചെലവിൽ സ്ഥാപിക്കാൻ റോട്ടറി വയനാട് സമർപ്പിച്ച പദ്ധതിക്ക് നാഷണൽ ഹൈവേ വിഭാഗത്തിന്‍റെ അനുമതിയായില്ല. ചുരത്തിലെ ഒന്പത് മുടിപ്പിൻ വളവുകളിലും രാത്രി വെളിച്ചം ഉറപ്പുവരുത്തുന്നതിനും അപകടങ്ങൾ കുറയ്ക്കുന്നതിനും ഉതകുന്നതാണ് പദ്ധതി. അഞ്ച് ലക്ഷം രൂപയാണ് ഇതിന് കണക്കാക്കിയ ചെലവ്. റോട്ടറി ക്ലബിന് ജില്ലയിൽ ആറ് ശാഖകളുണ്ട്. ചെലവ് ശാഖകൾ സംയുക്തമായി വഹിക്കുന്ന വിധത്തിലാണ് പദ്ധതി ആസൂത്രണം ചെയ്തത്. ബത്തേരി റോട്ടറി ക്ലബിലെ സണ്ണി വിളക്കുന്നേലാണ് പദ്ധതി ജനുവരി ഒന്നിന് നാഷണൽ ഹൈവേ കോഴിക്കോട് ഡിവിഷൻ എക്സിക്യുട്ടീവ് എൻജിനിയർക്ക് സമർപ്പിച്ചത്. റോട്ടറി ഡിസ്ട്രിക്ട് ഗവർണർ ഡോ. സന്തോഷ് ശ്രീധർ പദ്ധതിക്ക് അംഗീകാരം നൽകിയിരുന്നു. പദ്ധതിക്ക് അനുമതി ലഭിക്കാത്തത് ദൗർഭാഗ്യകരമാണെന്ന് റോട്ടറി ക്ലബ് അംഗങ്ങൾ പറഞ്ഞു. റോട്ടറി പദ്ധതിയിൽ താത്പര്യമില്ലെങ്കിൽ നാഷണൽ ഹൈവേ വിഭാഗം നേരിട്ട് മുടിപ്പിൻ വളവുകളിൽ വെളിച്ച സൗകര്യം ഒരുക്കണമെന്ന് അവർ ആവശ്യപ്പെട്ടു.

ഇരുളം വേരുതോട് വനത്തിൽ വിത്തുണ്ടകൾ എറിഞ്ഞു

പുൽപ്പള്ളി: വനം-വന്യജീവി സംരക്ഷണ വകുപ്പിന്‍റെ മിഷൻ ഫുഡ്, ഫോർഡർ, വാട്ടർ പദ്ധതിയുടെ ഭാഗമായി സൗത്ത് വയനാട് ഡിവിഷനിലെ ഇരുളം സ്റ്റേഷൻ പരിധിയിലെ വേരുതോട് ഭാഗത്ത് 1,300 വിത്തുണ്ടകൾ എറിഞ്ഞു. പെരിന്തൽമണ്ണ എംഇഎസ് കോളജിലെ എൻഎസ്എസ് വോളണ്ടിയർമാരും സ്റ്റേഷൻ സ്റ്റാഫും സംയുക്തമായാണ് വിത്തേറ് നടത്തിയത്. സൗത്ത് വയനാട് ഡിഎഫ്ഒ അജിത് കെ. രാമൻ ഉദ്ഘാടനം ചെയ്തു. ചെതലത്ത് റേഞ്ച് ഫോറസ്റ്റ് ഓഫീസർ എം.കെ. രാജീവ്കുമാർ, റേഞ്ച് ഡെപ്യൂട്ടി ഓഫീസർ കെ.പി. അബ്ദുൽഗഫൂർ, ക്യാന്പ് കോ ഓർഡിനേറ്റർ കെ. മുഹമ്മദ് ഷിബിലി, എൻഎസ്എസ് പ്രോഗ്രാം ഓഫീസർ നിധിൻ തുടങ്ങിയവർ പങ്കെടുത്തു.

നൈപുണി വികസന കേന്ദ്രം, സ്കിൽ ടു വെഞ്ചർ ജില്ലാതല ഉദ്ഘാടനം ഇന്ന്

കൽപ്പറ്റ: അന്പലവയൽ ഗവ.വൊക്കേഷണൽ ഹയർ സെക്കൻഡറി സ്കൂളിൽ വിജയാരവം-2കെ25 ഇന്ന് നടത്തും. നൈപുണി വികസന കേന്ദ്രങ്ങളുടെ ജില്ലാതല ഉദ്ഘാടനം, സ്കിൽ ടു വെഞ്ചർ പദ്ധതി ജില്ലാതല ഉദ്ഘാടനം, സ്കൂളിലെ മൂന്നാം ബാച്ച് എസ്പിസി കേഡറ്റുകളുടെ പാസിംഗ് ഔട്ട് പരേഡ്, കഴിഞ്ഞ എസ്എസ്എൽസി പരീക്ഷയിൽ വിദ്യാലയത്തിന് 100 ശതമാനം വിജയം നേടിക്കൊടുത്ത വിദ്യാർഥികളെ ആദരിക്കൽ എന്നിവ പരിപാടിയുടെ ഭാഗമാണെന്ന് പ്രിൻസിപ്പൽ സി.വി. നാസർ, എസ്എസ്കെ ജില്ലാ പ്രോഗ്രാം കോ ഓർഡിനേറ്റർ വി. അനിൽകുമാർ, പിടിഎ പ്രസിഡന്‍റ് ഇ.കെ. ജോണി, സംഘാടക സമിതി ഭാരവാഹികളായ പ്രമോദ് ബാലകൃഷ്ണൻ, പി.ആർ. വിനേഷ്, എൽദോ പൈലി എന്നിവർ അറിയിച്ചു. രാവിലെ 11.30ന് പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു ഉദ്ഘാടനം ചെയ്യും. ഐ.സി. ബാലകൃഷ്ണൻ എംഎൽഎ അധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ മുഖ്യാതിഥിയാകും. ബത്തേരി ബ്ലോക്ക് പഞ്ചായത്ത് പ്രസിഡന്‍റ് സി. അസൈനാർ, അന്പലവയൽ പഞ്ചായത്ത് പ്രസിഡന്‍റ് സി.കെ. ഹഫ്സത്ത്, വൈസ് പ്രസിഡന്‍റ് കെ. ഷമീർ, ജില്ലാ പഞ്ചായത്ത് ഡിവിഷൻ അംഗം സുരേഷ് താളൂർ തുടങ്ങിയവർ പങ്കെടുക്കും. 242 വിദ്യാർഥികളാണ് കഴിഞ്ഞ അധ്യയനവർഷം സ്കൂളിൽ എസ്എസ്എൽസി എഴുതിയത്. മുഴുവൻ പേരും പാസായി. ഇതിൽ 64 കുട്ടികൾ പട്ടികവർഗക്കാരാണ്. 15നും 23നും ഇടയിൽ വയസുള്ളവർക്ക് അഭിരുചിക്കനുസരിച്ച് സ്വയംതൊഴിൽ പരിശീലനത്തിന് പൊതുവിദ്യാഭ്യാസ വകുപ്പ് എസ്എസ്കെ മുഖേന സ്റ്റാർസ് പദ്ധതിയിൽ ആരംഭിക്കുന്നതാണ് നൈപുണി വികസന കേന്ദ്രങ്ങൾ. ജില്ലയിൽ ഏഴ് ഹയർ സെക്കൻഡറി സ്കൂളുകളിലാണ് ഇത് തുടങ്ങുന്നത്. ഓരോ സെന്‍ററിലും പരമാവധി ഒരു വർഷം കാലാവധിയുള്ള രണ്ട് നൂതന കോഴ്സുകൾ നടത്തും. പ്ലാന്‍റ് ടിഷ്യു കൾച്ചർ, ഗ്രാഫിക് ഡിസൈനർ കോഴ്സുകളാണ് അന്പലവയലിൽ നടത്തുന്നത്. കോഴ്സ് വിജയകരമായി പൂർത്തിയാക്കുന്നവർക്ക് കേന്ദ്ര സർക്കാർ അംഗീകൃത സ്കിൽ സർട്ടിഫിക്കറ്റ് ലഭിക്കും. വിദ്യാർഥികൾക്ക് പഠനത്തോടൊപ്പം വരുമാനം നേടാനും പിന്നീട് സംരംഭകരാകാനും വിഭാവനം ചെയ്തതാണ് സ്കിൽ ടു വെഞ്ചർ പദ്ധതി. പ്രദേശിക സംരംഭകരുടെ പിന്തുണയോടെയാണിത് നടപ്പാക്കുന്നത്. മുണ്ടേരി ഗവ.വൊക്കഷണൽ ഹയർ സെക്കൻഡറി സ്കൂളിനെയും ഈ പദ്ധതിയിൽ ഉൾപ്പെടുത്തിയിട്ടുണ്ട്.

ബസ് സ്റ്റാൻഡ് നിർമാണ പ്രവൃത്തി ആരംഭിച്ചു

ഗൂഡല്ലൂർ: ഗൂഡല്ലൂർ ബസ്റ്റാൻഡ് നിർമാണ പ്രവൃത്തികൾ ആരംഭിച്ചു. മുൻ എംഎൽഎ എം. ദ്രാവിഡമണി പ്രവൃത്തികളുടെ ഉദ്ഘാടനം നിർവഹിച്ചു. ഇളഞ്ചഴിയൻ, ഉത്തമൻ, ലിയാക്കത്തലി, കെ. ഹംസ, എൻ.വാസു, ഭുവനേശ്വരൻ, ഗുണശേഖരൻ, സഫി, റഫി, ശെൽവരാജ്, ബസ് ഡിപ്പോ മാനേജർ അരുൾ കണ്ണൻ തുടങ്ങിയവർ സംബന്ധിച്ചു. ബസ് സ്റ്റാൻഡിന്‍റെ മുൻവശത്ത് ചെളിവെള്ളം കെട്ടിനിൽക്കുന്നത് യാത്രക്കാർക്ക് വലിയ പ്രയാസമായിരുന്നു. ഇതിനെതിരെ സമരങ്ങൾ നടക്കുകയും ചെയ്തിരുന്നു. 52.50 ലക്ഷം രൂപ ചെലവിട്ടാണ് പ്രവൃത്തികൾ നടത്തുന്നത്.

ബത്തേരി ശ്രേയസിൽ ഹെലൻ കെല്ലർ ദിനം ആചരിച്ചു

സുൽത്താൻ ബത്തേരി: ബത്തേരി രൂപതയുടെ സാമൂഹികസേവന വിഭാഗമായ ശ്രേയസ് എപിഎഫ് പ്രോജക്ടിന്‍റെ ഭാഗമായി ഹെലൻ കെല്ലർ ദിനം ആചരിച്ചു. ജില്ലാ സാമൂഹികനീതി ഓഫീസർ ജോണ്‍ ജോഷി ഉദ്ഘാടനം ചെയ്തു. ശ്രേയസ് എക്സിക്യുട്ടീവ് ഡയറക്ടർ ഫാ.ഡേവിഡ് ആലിങ്കൽ അധ്യക്ഷത വഹിച്ചു. പ്രോജക്ട് മാനേജർ കെ.പി. ഷാജി, കമ്മ്യൂണിറ്റി കോ ഓർഡിനേറ്റർമാരായ ജെൻസി ചെറിയാൻ, നവിത മോഹൻ, ഡെലീന പ്രിൻസ് എന്നിവർ പ്രസംഗിച്ചു. സ്പർശ് പ്രോജക്ട് ടീം അംഗങ്ങളുടെ നേതൃത്വത്തിൽ കുട്ടികളുടെയും മുതിർന്നവരുടെയും കലാപരിപാടികൾ, വിവിധ മേഖലകളിൽ മികവു പുലർത്തിയവരെ ആദരിക്കൽ എന്നിവ നടന്നു.

നവീകരിച്ച പാചകപ്പുരയും കിഡ്സ് പാർക്കും ഉദ്ഘാടനം ചെയ്തു

മാനന്തവാടി: ദ്വാരക എയുപി സ്കൂളിൽ നവീകരിച്ച പാചകപ്പുരയുടെയും കിഡ്സ് പാർക്കിന്‍റെയും വെഞ്ചരിപ്പും ഉദ്ഘാടനവും രൂപത കോർപറേറ്റ് മാനേജർ ഫാ.സിജോ ഇളംകുന്നപ്പുഴ നിർവഹിച്ചു. പിടിഎ പ്രസിഡന്‍റ് പി.എ. ജിജേഷ് അധ്യക്ഷത വഹിച്ചു. എടവക പഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ്‍ ഷിഹാബ് അയാത്ത്, 11-ാം വാർഡ് മെംബർ ഷിൽസണ്‍ മാത്യു, ഹെഡ്മിസ്ട്രസ് സിസ്റ്റർ സിജി ജോസഫ്, ബത്തേരി അസംപ്ഷൻ എയുപി സ്കൂൾ ഹെഡ്മാസ്റ്റർ ഷോജി ജോസഫ്, എംപിടിഎ പ്രസിഡന്‍റ് ഡാനി ബിജു, സ്റ്റാഫ് സെക്രട്ടറി സുനിൽ അഗസ്റ്റ്യൻ, അധ്യാപകൻ ജോണ്‍സണ്‍ കുര്യാക്കോസ് എന്നിവർ പ്രസംഗിച്ചു.

തദ്ദേശസ്ഥാപന പരിധികളിലെ ജലസംഭരണികളുടെ പരിശോധന കാര്യക്ഷമമാക്കാൻ നിർദേശം

കൽപ്പറ്റ: തദ്ദേശ സ്ഥാപന പരിധികളിലുള്ള ജലസംഭരണികളുടെ പരിശോധന കാര്യക്ഷമമാക്കണമെന്ന് ജില്ലാ കളക്ടർ ഡി.ആർ. മേഘശ്രീ. ജില്ലാ വികസന സമിതി യോഗത്തിൽ തദ്ദേശ ഭരണ ജോയിന്‍റ് ഡയറക്ടർക്കും ഭൂഗർഭജല വിഭാഗം ഉദ്യോഗസ്ഥർക്കും അവർ നൽകിയതാണ് ഈ നിർദേശം. തദ്ദേശസ്ഥാപനങ്ങളുടെ അനുമതിയോടെ ജനവാസ മേഖലകളിൽ വിവിധ ആവശ്യങ്ങൾക്ക് നിർമിക്കുന്ന ജലസംഭരണികളുടെ സുരക്ഷ ഉറപ്പാക്കാണമെന്ന് കളക്ടർ ആവശ്യപ്പെട്ടു. ജലസംഭരണ പദ്ധതികൾ കാലവർഷത്തിൽ അപകടാവസ്ഥയിലാകുന്നുണ്ടെന്ന് കളക്ടർ പറഞ്ഞു. കോടനാട് പ്ലാന്േ‍റഷൻ മാനേജ്മെന്‍റ് സ്വാഭാവിക നീരൊഴുക്ക് തടസപ്പെടുത്തി നിർമിച്ച തടയണ പ്രദേശവാസികളുടെ സുരക്ഷ കണക്കിലെടുത്ത് പൊളിച്ചുനീക്കാൻ കളക്ടർ നിർദേശം നൽകി. ജില്ലയിൽ വെള്ളപ്പൊക്കവും മണ്ണിടിച്ചിലും ഉണ്ടാകാൻ സാധ്യതയുള്ള പ്രദേശങ്ങളിലെ ആളുകളെ ആവശ്യം വരുന്പോൾ മാറ്റി പാർപ്പിക്കുന്നതിന് സൗകര്യം ഉറപ്പാക്കിയതായും അപകടാവസ്ഥയിലുള്ള മരങ്ങളും ചില്ലകളും മുറിച്ചുമാറ്റാൻ ജില്ലയിലെ എല്ലാ തദ്ദേശ സ്ഥാപനങ്ങളിലും ട്രീ കമ്മിറ്റി ചേർന്നതായും തദ്ദേശ സ്വയംഭരണ ജോയിന്‍റ് ഡയറക്ടർ യോഗത്തിൽ അറിയിച്ചു. മഴക്കാലരോഗങ്ങൾ പ്രതിരോധിക്കാൻ മുൻ വർഷങ്ങളിലെ ഹോട്ട്സ്പോട്ടുകൾ കേന്ദ്രീകരിച്ച് ഉറവിട നശീകരണം നടത്തിയതായി ജില്ലാ മെഡിക്കൽ ഓഫീസർ ടി. മോഹൻദാസ് അറിയിച്ചു. സ്കൂളുകളിൽ വിദ്യാർഥികളുടെ കൊഴിഞ്ഞുപോക്ക് തടയാൻ ജില്ലയിലെ എല്ലാ പഞ്ചായത്തുകളിലും ഡ്രോപ്പ് ഒൗട്ട് ഫ്രീ പദ്ധതി നടപ്പാക്കാൻ കളക്ടർ നിർദേശിച്ചു. പാടിച്ചിറ വില്ലേജിലെ പെരിക്കല്ലൂരിൽ നൂറോളം കർഷകരുടെ ഭൂമിയിൽ ഉടമാവകാശം ഉന്നയിച്ച് വക്കീൽ നോട്ടീസ് അയച്ചവർക്കെതിരേ നടപടി സ്വീകരിക്കണമെന്ന് പ്രിയങ്ക ഗാന്ധി എംപിയുടെ പ്രതിനിധിയായി യോഗത്തിൽ പങ്കെടുത്ത കെ.എൽ. പൗലോസ് യോഗത്തിൽ ആവശ്യപ്പെട്ടു. വിഷയം പരിശോധിക്കാൻ റവന്യു ഉദ്യോഗസ്ഥർക്ക് നിർദേശം നൽകിയതായി കളക്ടർ അറിയിച്ചു. പുൽപ്പള്ളി, ചേകാടി മേഖലയിൽ റോഡിനോടുചേർന്ന് അപകടാവസ്ഥയിലുള്ള മരങ്ങൾ മുറിച്ചുമാറ്റുന്നതിനും വന്യജീവികൾ കൃഷി നശിപ്പിക്കുന്നതിനുള്ള നഷ്ടപരിഹാരം വർധിപ്പിക്കുന്നതിനും ദേശീയപാതയുടെ വശങ്ങളിലെ കാട് വെട്ടിമാറ്റുന്നതും അടിയന്തര നടപടി വേണമെന്നും പൗലോസ് ആവശ്യപ്പെട്ടു. തൊഴിലുറപ്പ് പദ്ധതിയിൽ ജില്ലയെ സംസ്ഥാനത്ത് ഒന്നാം സ്ഥാനത്ത് എത്തിക്കുന്നതിനു പങ്കുവഹിച്ച തൊഴിലുറപ്പ് ഓഫീസിലെ ഉദ്യോഗസ്ഥർക്കു പ്രശംസാപത്രം വിതരണം ചെയ്തു.

അറിവാണ് ആനന്ദം, അറിവാണ് ലഹരി: പ്രകാശനം ചെയ്തു

മാനന്തവാടി: ദ്വാരക എയുപി സ്കൂളിൽ ലഹരിക്കെതിരേ കുട്ടികളിൽ രൂപപ്പെട്ട മനോഭാവത്തിന്‍റെ ഭാഗമായി അറിവാണ് ആനന്ദം, അറിവാണ് ലഹരി എന്ന പേരിൽ തയാറാക്കിയ പതിപ്പ് പിടിഎ യോഗത്തിൽ മാനേജർ ഫാ.ബാബു മൂത്തേടത്ത് പ്രകാശനം ചെയ്തു. കഠിനാധ്വാനവും വിജയവുമാകണം ലഹരിയെന്ന് പുതുതലമുറയെ ബോധ്യപ്പെടുത്താൻ അധ്യാപകരും രക്ഷിതാക്കളും മുന്നിട്ടിറങ്ങണമെന്ന് അദ്ദേഹം ആഹ്വാനം ചെയ്തു. പിടിഎ പ്രസിഡന്‍റ് പി.എ. ജിജേഷ് അധ്യക്ഷത വഹിച്ചു. ഹെഡ്മിസ്ട്രസ് സിസ്റ്റർ സിജി ജോസഫ്, മദർ പിടിഎ പ്രസിഡന്‍റ് ഡാനി ബിജു, സ്റ്റാഫ് സെക്രട്ടറി സുനിൽ അഗസ്റ്റ്യൻ, ലഹരിമുക്ത ക്ലബ് കോ ഓർഡിനേറ്റർ ജിഷ അഗസ്റ്റ്യൻ എന്നിവർ പ്രസംഗിച്ചു. ലഹരിവിരുദ്ധ ദിനാചരണത്തിന്‍റെ ഭാഗമായി കുട്ടികൾക്ക് വിവിധ മത്സരങ്ങൾ നടത്തി.

ഡോ.ടി.പി.വി. സുരേന്ദ്രനെ ആദരിക്കുന്നു

കൽപ്പറ്റ: വയനാട്ടിലെ മുതിർന്ന ഡോക്ടർമാരിൽ ഒരാളായ ടി.പി.വി. സുരേന്ദ്രനെ സീനിയർ സിറ്റിസണ്‍സ് സംസ്ഥാന കൗണ്‍സിൽ ആദരിക്കുന്നു. ഡോക്ടർമാരുടെ ദിനമായ ജൂലൈ ഒന്നിന് രാവിലെ 10ന് കൽപ്പറ്റ ലിയോ ആശുപത്രി കോണ്‍ഫറൻസ് ഹാളിലാണ്(ഡോ.ബി.സി. റോയ് നഗർ) പരിപാടിയെന്ന് സ്വാഗതസംഘം ഭാരവാഹികളായ ബി. രാധാകൃഷ്ണപിള്ള, ഡോ.പി. ലക്ഷ്മണൻ, വി.പി. വർക്കി എന്നിവർ വാർത്താസമ്മേളനത്തിൽ അറിയിച്ചു. രാവിലെ 10ന് ടി. സിദ്ദിഖ് എംഎൽഎ ഉദ്ഘാടനം ചെയ്യും. ആതുരശുശ്രൂഷ രംഗത്ത് അരനൂറ്റാണ്ടിലധികമായി നൽകുന്ന സേവനം കണക്കിലെടുത്താണ് ഡോ.ടി.പി.വി. സുരേന്ദ്രനെ ആദരിക്കുന്നത്. പരിപാടിയുടെ വിജയത്തിന് 50 അംഗ സമിതി രൂപീകരിച്ചിട്ടുണ്ട്.

എൻ ഉൗര് ടൂറിസം പദ്ധതി പ്രദേശത്ത് മരം മുറിയ്ക്ക് നീക്കം

കൽപ്പറ്റ: വൈത്തിരി താലൂക്കിലെ എൻ ഉൗര് ടൂറിസം പദ്ധതി പ്രദേശത്തുനിന്നു മരങ്ങൾ, മുള, ഈറ്റ, ഓട തുടങ്ങിയ മുറിച്ചുമാറ്റുന്നതിനുള്ള നീക്കം തടയണമെന്ന് ആവശ്യപ്പെട്ട് വയനാട് പ്രകൃതി സംരക്ഷണ സമിതി പ്രസിഡന്‍റ് എൻ. ബാദുഷ സബ് കളക്ടർക്കും സൗത്ത് വയനാട് ഡിഎഫ്ഒയ്ക്കും കത്ത് നൽകി. എൻ ഉൗര് ടൂറിസം കേന്ദ്രം വനഭൂമിയിലാണ്. 1971ലെ പ്രൈവറ്റ് ഫോറസ്റ്റ് വെസ്റ്റിംഗ് ആൻഡ് അസൈൻമെന്‍റ് ആക്ട് പ്രകാരം സർക്കാരിൽ നിക്ഷിപ്തമായ ഈ ഭൂമി കേന്ദ്ര സർക്കാരിന്‍റെയും സുപ്രീം കോടതിയുടെയും പ്രത്യേക അനുമതിയോടെ ആദിവാസികൾക്കു നൽകേണ്ടതാണ്. ഭൂമി ഡി റിസർവ് ചെയ്തിട്ടില്ല. ഇവിടെയുള്ള മരങ്ങളും മറ്റും മുറിക്കുന്നത് നിയമവിരുദ്ധമാണ്. സർക്കാർ അനുമതിയില്ലാതെ മരങ്ങൾ മുറിക്കാൻ വനം, റവന്യു ഉദ്യോഗസ്ഥർക്ക് അധികാരമില്ല. നിയമവിരുദ്ധമായാണ് ഭൂമി എൻ ഉൗര് ടൂറിസം പദ്ധതിക്ക് വിട്ടുകൊടുത്തത്. ഇതിനെതിരേ പ്രകൃതി സംരക്ഷണ സമിതി നൽകിയ ഹർജി സുപ്രീം കോടതിയുടെ പരിഗണനയിലാണെന്നും കത്തിൽ പറയുന്നു.

കാപ്പിക്കാട് വനത്തിൽ മൃതദേഹം കണ്ടെത്തിയത് ചേരന്പാടി നിവാസികൾക്കു നടുക്കമായി

ഗൂഡല്ലൂർ: ചേരന്പാടിക്കടുത്തു കാപ്പിക്കാട് വനത്തിൽ കുഴിച്ചിട്ട നിലയിൽ മൃതദേഹം കണ്ടെത്തിയത് നാട്ടുകാരെ ഞെട്ടിച്ചു. ഒന്നര വർഷം മുന്പ് കോഴിക്കോടുനിന്നു കാണാതായ, ബത്തേരി സ്വദേശി ഹേമചന്ദ്രന്‍റെ (53)മൃതദേഹമാണ് വനത്തിൽ കണ്ടെത്തിയത്. ബത്തേരി സ്വദേശിയായ ഹേമചന്ദ്രൻ വർഷങ്ങൾ മുന്പ് കോഴിക്കോട് മായനാടിലേക്ക് താമസം മാറ്റിയതാണ്. ഭാര്യയുടെ പരാതിയിൽ ഹേമചന്ദ്രന്‍റെ തിരോധാനം അന്വേഷിച്ച് കോഴിക്കോട് മെഡിക്കൽ കോളജ് പോലീസ് ബത്തേരി മാടക്കര, വള്ളുവാടി സ്വദേശികളെ ചോദ്യം ചെയ്തപ്പോഴാണ് മൃതദേഹം കാപ്പിക്കാട് വനത്തിൽ കുഴിച്ചിട്ടതായി വിവരം ലഭിച്ചത്. ഗൂഡല്ലൂർ ആർഡിഒ ഇൻ ചാർജ് സബ് കളക്ടർ സംഗീത, ദേവാല ഡിവൈഎസ്പി ജയപാൽ, തഹസിൽദാർ സിറാജുന്നീസ, ചേരന്പാടി റേഞ്ച് ഫോറസ്റ്റ് ഓഫീസർ അയ്യനാർ, കോഴിക്കോടുനിന്നുള്ള പോലീസ് ഉദ്യോഗസ്ഥർ എന്നിവരുടെ സാന്നിധ്യത്തിലാണ് മൃതദേഹം പുറത്തെടുത്തത്.

പകർച്ചവ്യാധി പ്രതിരോധം: മെഡിക്കൽ ക്യാന്പ് നടത്തി

തരിയോട്: പകർച്ചവ്യാധി പ്രതിരോധ പ്രവർത്തനങ്ങളുടെ ഭാഗമായി പഞ്ചായത്ത് ഗവ.ആയുർവേദ ഡിസ്പെൻസറി ഭാരതീയ ചികിത്സാ വകുപ്പ്, നാഷണൽ ആയുഷ് മിഷൻ എന്നിവയുടെ സഹകരണത്തോടെ ആയുർസൗഖ്യം എന്ന പേരിൽ മെഡിക്കൽ ക്യാന്പ് നടത്തി. പഞ്ചായത്ത് പ്രസിഡന്‍റ് ഷമീം പാറക്കണ്ടി ഉദ്ഘാടനം ചെയ്തു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ രാധ പുലിക്കോട് അധ്യക്ഷത വഹിച്ചു. ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ വി.ജി. ഷിബു, കെ.വി. ഉണ്ണിക്കൃഷ്ണൻ, ചന്ദ്രൻ മടത്തുവയൽ, സൂന നവീൻ, ബീന റോബിൻസണ്‍, വിജയൻ തോട്ടുങ്കൽ, വത്സല നളിനാക്ഷൻ, സിബിൽ എഡ്വേർഡ്, കെ.എൻ. ഗോപിനാഥൻ എന്നിവർ പ്രസംഗിച്ചു. മെഡിക്കൽ ഓഫീസർ ഡോ.സരസ്വതീദേവി സ്വാഗതവും യോഗ ഇൻസ്ട്രക്ടർ എം.പി. രശ്മി നന്ദിയും പറഞ്ഞു. ക്യാന്പിൽ പങ്കെടുത്തവർക്ക് പകർച്ചവ്യാസി പ്രതിരോധ മരുന്നുകൾ സൗജന്യമായി നൽകി.

വിദ്യാർഥികളിൽ ഭരണഘടനാ സാക്ഷരത ഉറപ്പാക്കുന്നു

കൽപ്പറ്റ: ജില്ലയിലെ വിദ്യാർഥികളിൽ ഭരണഘടനാ സാക്ഷരത ഉറപ്പാക്കുന്നതിന് പരിപാടികൾ ആവിഷ്കരിക്കാൻ ജില്ലാ ശിശുക്ഷേമ സമിതി വാർഷിക പൊതുയോഗം തീരുമാനിച്ചു. കളക്ടറേറ്റ് കോണ്‍ഫറൻസ് ഹാളിൽ എഡിഎം കെ. ദേവകി ഉദ്ഘാടനം ചെയ്തു. ശിശുക്ഷേമ സമിതി വൈസ് പ്രസിഡന്‍റ് കെ.കെ. വിമൽ രാജ് അധ്യക്ഷത വഹിച്ചു. സെക്രട്ടറി കെ. രാജൻ വാർഷിക റിപ്പോർട്ടും ട്രഷറർ കെ. സത്യൻ വരവുചെലവ് കണക്കും അവതരിപ്പിച്ചു. അംഗങ്ങളായ കെ. സച്ചിദാനന്ദൻ, ടി.പി.വി. രവീന്ദ്രൻ, ബി. രാധാകൃഷ്ണപിളള, ക്രൈംബ്രാഞ്ച് ഡിവൈഎസ്പി കെ.ജി. പ്രവീണ്‍കുമാർ, എം. ജീജ, ജി. ബിനേഷ്, ബൈജു ഐസക്, സുരേഷ്ബാബു വാളൽ, കെ. ബാലഗോപാൽ, സി.കെ. ഷംസുദീൻ, ശാരദ സജീവൻ, സി. ജയരാജൻ, എം. ബഷീർ, പി.ആർ. ഗിരിനാഥൻ തുടങ്ങിയവർ ചർച്ചയിൽ പങ്കെടുത്തു.

കുണ്ടോണി ഉന്നതിയിൽ കുടുംബങ്ങൾക്ക് ദുരിതം

ദ്വാരക: എടവക പഞ്ചായത്തിലെ 13-ാം വാർഡിലുള്ള കുണ്ടോണി പട്ടികവർഗ ഉന്നതിയിലെ കുടുംബങ്ങൾ ദുരിതത്തിൽ. മഴ ശക്തമായതോടെ വീടുകളിലെ നിലം വലിയതോതിൽ നനയുന്നതും പെയ്ത്തുവെള്ളം ഉന്നതിയിലേക്ക് കുത്തിയൊലിക്കുന്നതും കുടുംബങ്ങളെ പ്രയാസത്തിലാക്കുകയാണ്. നനവുമൂലം നിലത്ത് പായ വിരിച്ച് ഉറങ്ങാൻ കഴിയാത്ത സ്ഥിതിയാണ്. ഒന്പത് വീടുകളാണ് കുണ്ടോണി ഉന്നതിയിൽ. കരവയലിനു സമാനമായ സ്ഥലത്താണ് വീടുകൾ നിർമിച്ചിരിക്കുന്നത്. മഴക്കാലത്ത് ഉറവയെടുക്കുന്നതാണ് വീടുകളിലെ നിലത്ത് നനവ് പടരുന്നതിനു കാരണം. പരിസരങ്ങളിൽനിന്നു മഴവെള്ളം ഉന്നതിയിലേക്ക് ഒഴുകുന്നത് അലോസരം സൃഷ്ടിക്കുകയാണ്. പെയ്ത്തുവെള്ളം ഉന്നതിയിലെത്താതെ തിരിച്ചുവിടുന്നതിന് അടിയന്തര നടപടി ഉണ്ടാകണമെന്നാണ് കുടുംബങ്ങളുടെ ആവശ്യം. സുരക്ഷിത സ്ഥലത്ത് വീടുകൾ ഒരുക്കിയാൽ മാറിത്താമസിക്കാൻ സന്നദ്ധരാണെന്നും അവർ പറയുന്നു. ഉന്നതിയിലെ ചില വീടുകൾ ശോച്യാവസ്ഥയിലാണ്.

ചീരാൽ മേഖലയിലെ വന്യമൃഗ ആക്രമണം ശാശ്വത പരിഹാരം വേണമെന്നാവശ്യം

സുൽത്താൻ ബത്തേരി: തമിഴ്നാടിനോടു ചേർന്നുകിടക്കുന്ന നന്പ്യാർകുന്ന്, പൂളക്കുണ്ട്, നെല്ലൂർ, ചീരാൽ, പഴുർ, നൂൽപ്പുഴ, മുണ്ടക്കൊല്ലി, കഴന്പ് പ്രദേശങ്ങളിലെ വന്യമൃഗ ആക്രമണത്തിന് ശാശ്വത പരിഹാരം കാണണമെന്ന് പഴൂർ സെൻ് ആന്‍റണീസ് പള്ളി വികാരി ഫാ.ജോസ് മേച്ചേരിൽ, പഴൂർ മഹല്ല് ഖത്വീബ് ജുനൈസ് സഖാഫി, വ്യാപാരി വ്യവസായി ഏകോപന സമിതി ചീരാൽ യൂണിറ്റ് പ്രസിഡന്‍റ് കെ.ടി. ഹരീന്ദ്രൻ, ചീരാൽ ലയണ്‍സ് ക്ലബ് പ്രസിഡന്‍റ് ജേക്കബ് സി. വർക്കി, ആശ്രയം ചാരിറ്റബിൾ സൊസൈറ്റി ട്രഷറർ എം.കെ. ലത്തീഫ്, പഴൂർ ഫുട്ബോൾ അക്കാദമി പ്രതിനിധി ജോണി മുഞ്ഞനാട്ട്, കൃപ റസിഡന്‍റ്സ് അസോസിയേഷൻ പ്രസിഡന്‍റ് കെ.പി. സനിൽബാബു എന്നിവർ വാർത്താസമ്മേളനത്തിൽ ആവശ്യപ്പെട്ടു. ചീരാലിലും സമീപ പ്രദേശങ്ങളിലും മാസങ്ങളായി വന്യമൃഗശല്യം രൂക്ഷമാണ്. നിരവധി വളർത്തുമൃഗങ്ങളെപുലി പിടിച്ചു. ക്ഷീര കർഷകർ പുലർച്ചെ ഭയത്തോടെയാണ് പാൽ അളവുകേന്ദ്രങ്ങളിൽ പോകുന്നതും വരുന്നതും. രാവിലെ മദ്രസകളിലേക്കും വിദ്യാലയങ്ങളിലേക്കും പോകുന്ന കുട്ടികളുടെ സ്ഥിതിയും വിഭിന്നമല്ല. കഴിഞ്ഞദിവസം നന്പ്യാർകുന്ന് നരിക്കുനി പറന്പിൽ ഷാജിയുടെ കാർ പോർച്ചിൽ വരെ പുലി എത്തി. ടൗണുകളിലെ വ്യാപാര സ്ഥാപനങ്ങൾ വന്യമൃഗങ്ങളെ ഭയന്ന് നേരത്തേ അടയ്ക്കേണ്ട അവസ്ഥയാണ്. അതീവ ഗുരുതരമാണ് സാഹചര്യം. ഇത് മനസിലാക്കി വനം അധികാരികൾ ഉണർന്നു പ്രവർത്തിക്കണം. വനത്തിനടുത്തുള്ള പ്രദേശങ്ങളിൽ തെരുവുവിളക്കുകൾ സ്ഥാപിക്കണം. രാത്രി പട്രോളിംഗ് നടത്തണം. ചീരാൽ പ്രദേശത്തെ മുത്തങ്ങ റേഞ്ചിൽനിന്നു മാറ്റി മേപ്പാടി റേഞ്ചിൽ ഉൾപ്പെടുത്തിയത് പുനഃപരിശോധിക്കണം. ചീരാലിനു സമീപമുള്ള ഫോറസ്റ്റ് സ്റ്റേഷനിൽ പരാതിയുമായി ചെല്ലുന്പോൾ സ്ഥലം മേപ്പാടി ഫോറസ്റ്റ് സെക്ഷൻ പരിധിയിലാണെന്നു പറഞ്ഞു ഉദ്യോഗസ്ഥർ കൈയൊഴിയുകയാണ്. ഈ സ്ഥിതി തുടർന്നാൽ അതിജീവന പ്രക്ഷോഭത്തിനു ജനം നിർബന്ധിതരാകുമെന്ന് ഫാ.ജോസ് മേച്ചേരിലും മറ്റും പറഞ്ഞു. ചീരാൽ പൂളക്കുണ്ടിൽ പുലി ആക്രമണത്തിൽ പശുക്കുട്ടിക്ക് പരിക്കേറ്റു. ആലഞ്ചേരി ഉമ്മറിന്‍റെ പശുക്കുട്ടിയെയാണ് പുലി ആക്രമിച്ചത്. കഴിഞ്ഞ ദിവസം രാത്രിയാണ് സംഭവം. ആഴ്ചകളായി ചീരാവിലും സമീപങ്ങളിലും പുലി സാന്നിധ്യമുണ്ട്. ഇതിനകം 12 വളർത്തുജീവികളെയാണ് പുലി കൊന്നത്. പുലിയെ പിടിക്കാൻ വനം അധികൃതർ വിവിധ സ്ഥലങ്ങളിൽ കൂട് വച്ചെങ്കിലും ഫലം ചെയ്യുന്നില്ല. റോഡിൽ പുള്ളിപ്പുലി ഗൂഡല്ലൂർ: അയ്യംകൊല്ലി-കയ്യൂന്നി പാതയിൽ പുള്ളിപ്പുലിയെത്തി. കഴിഞ്ഞ ദിവസം പകലാണ് ജനവാസ കേന്ദ്രത്തിനു സമീപം പുലി റോഡിലുടെ നടന്നുനീങ്ങിയത്. ഈ സമയം എതിർദിശയിൽനിന്നുവന്ന സ്കൂട്ടർ യാത്രികൻ തലനാരിഴയ്ക്കു രക്ഷപ്പെട്ടു. പുലിയുടെ നടപ്പ് യാത്രക്കാരിൽ ചിലർ മൊബൈൽ ഫോണ്‍ കാമറയിൽ പകർത്തി സമൂഹമാധ്യമങ്ങളിൽപോസ്റ്റ് ചെയ്തത് വൈറലായി. കുറച്ചുദൂരം റോഡിലൂടെ നടന്നശേഷമാണ് പുലി കുറ്റിക്കാട്ടിൽ മറഞ്ഞത്. അന്പലമൂല, അയ്യംകൊല്ലി, വാലാട്ട് മേഖലയിൽ ചുറ്റിത്തിരിയുന്ന പ്രായംചെന്ന പുള്ളിപ്പുലിയാണ് ഇതെന്നു കരുതുന്നതായി നാട്ടുകാർ പറഞ്ഞു. പുലി വനസേനയുടെ നിരീക്ഷണത്തിലാണ്. പുലി വിശ്രമത്തിന് കണ്ടെത്തിയത് കാർ പോർച്ച് സുൽത്താൻ ബത്തേരി: ജനവാസകേന്ദ്രത്തിലെത്തിയ പുലി വിശ്രമത്തിനു കണ്ടെത്തിയത് കാർ പോർച്ച്. നന്പ്യാർകുന്നിനു സമീപം നരികൊല്ലി പറന്പിൽ ഷാജിയുടെ കാർ പോർച്ചിലായിരുന്നു പുലിയുടെ വിശ്രമം. വെള്ളിയാഴ്ച രാത്രിയാണ് കാർപോർച്ചിൽ പുലി കിടക്കുന്നത് വീട്ടുകാരുടെ ശ്രദ്ധയിൽപ്പെട്ടത്. ഒച്ചയിട്ടപ്പോഴാണ് പുലി വീട്ടുവളപ്പിൽനിന്നു പോയത്. നരികൊല്ലിയിൽ പകൽ പുലി റോഡിലൂടെ നടക്കുന്നത് വാഹനയാത്രക്കാരടക്കം കണ്ടിരുന്നു. കാട്ടുപന്നി ആക്രമണത്തിൽ രണ്ടുപേർക്ക് പരിക്ക് അന്പലവയൽ: കാട്ടുപന്നി ആക്രമണത്തിൽ രണ്ടു പേർക്ക് പരിക്കേറ്റു. അടിവാരം അന്പലക്കുന്ന് ഉന്നതിയിലെ കുമാരൻ, കരിയംകാട്ടിൽ അനസൂയ എന്നിവർക്കാണ് പരിക്കേറ്റത്. ഇന്നലെ രാവിലെ ഒന്പതരയോടെയാണ് സംഭവം. നടന്നുപോകുകയായിരുന്ന അനസൂയയ്ക്കുനേരേ പന്നി പാഞ്ഞടുക്കുകയായിരുന്നു. അവരെ രക്ഷിക്കാനുള്ള ശ്രമത്തിലാണ് കുമാരന് പരിക്കേറ്റത്. ഇരുവരും ചികിത്സ നേടി. വീടിനുനേരേ കാട്ടാന ആക്രമണം കാട്ടിക്കുളം: തിരുനെല്ലി പഞ്ചായത്തിലെ തൃശിലേരി മുത്തുമാരിയിൽ വീടിനുനേരേ കാട്ടാന ആക്രമണം. ചാരോലി സരോജിനിയുടെ വീടിനുനേരേയായിരുന്നു ആനയുടെ പരാക്രമം. ഇന്നലെ പുലർച്ചെ രണ്ടരയോടെയാണ് സംഭവം. വീടിന്‍റെ പിൻഭാഗത്ത് മേൽക്കൂരയിലെ പട്ടികയും ഓടും ഉൾപ്പെടെ തകർന്നു.

അസംപ്ഷൻ ആശുപത്രിയിൽ ലഹരിവിരുദ്ധദിനം ആചരിച്ചു

സുൽത്താൻ ബത്തേരി: ലോക ലഹരിവിരുദ്ധ ദിനത്തിന്‍റെ ഭാഗമായി ബത്തേരി അസംപ്ഷൻ ആശുപത്രിയും അസംപ്ഷൻ പള്ളി കെസിവൈഎം സംഘടനയും സംയുക്തമായി റീൽസ്, പോസ്റ്റർ നിർമാണ മത്സരവും ബോധവത്കരണ ക്ലാസും നടത്തി. തുടർന്ന് നടന്ന പരിപാടി ബത്തേരി അസംപ്ഷൻ പള്ളി വികാരി ഫാ. തോമസ് മണക്കുന്നേൽ ഉദ്ഘാടനം ചെയ്തു. അഡ്മിനിസ്ട്രേറ്റർ സിസ്റ്റർ ആൻസി മരിയ അധ്യക്ഷത വഹിച്ചു. റീൽസ്, പോസ്റ്റർ നിർമാണ മത്സരത്തിലെ വിജയികകളായ അസംപ്ഷൻ കോളജ് ഓഫ് നഴ്സിംഗ്, പനമരം ഗവ. സ്കൂൾ ഓഫ് നഴ്സിംഗ് വിദ്യാർഥികൾക്ക് സർട്ടിഫിക്കറ്റും കാഷ് അവാർഡുകളും വിതരണം ചെയ്തു. ഫാ. ജൂഡ് വട്ടക്കുന്നേൽ, ഡോ.സി. ലിസ് മാത്യു, ഡോ.എം. ചന്ദ്രൻ, ഡോ. ജോ ടുട്ടു ജോർജ്, ഡോ. സ്മിത റാണി, കൈലാസ് ബേബി, ജോയൽ ജോണ്‍, സി. റെജിൻ കാപ്പിൽ, സി. അലീന തുടങ്ങിയവർ പ്രസംഗിച്ചു.

ജോണ്‍സണ്‍ ഐക്കരയ്ക്ക് നടവയൽ നാട്ടൊരുമയുടെ ആദരം ഇന്ന്

നടവയൽ: കേരള സംഗീത നാടക അക്കാദമിയുടെ ഈ വർഷത്തെ പ്രാഫഷണൽ നാടക മത്സരത്തിൽ മികച്ച നടനായി തെരഞ്ഞെടുത്ത ജോണ്‍സണ്‍ ഐക്കരയെ നാട്ടൊരുമയുടെ നേതൃത്വത്തിൽ ഇന്ന് ആദരിക്കും. ഉച്ചകഴിഞ്ഞ് രണ്ടിന് സെന്‍റ് തോമസ് ഹയർ സെക്കൻഡറി സ്കൂൾ ഓഡിറ്റോറിയത്തിലാണ് പരിപാടി. നടവയലിലെ കലാകായിക-സാഹിത്യ-സാമൂഹിക-സാംസ്കാരിക പ്രവർത്തകരുടെ കൂട്ടായ്മയാണ് നാട്ടൊരുമ. ആദരിക്കുന്നതിനു മുന്നോടിയായി ജോണ്‍സണ് ടൗണിൽ സ്വീകരണം നൽകും. പൊതുസമ്മേളനത്തിൽ നാട്ടൊരുമ ചെയർമാൻ ബാബു ചിറപ്പുറം അധ്യക്ഷത വഹിക്കും. സാഹിത്യകാരൻ പി.കെ. പാറക്കടവ് മുഖ്യപ്രഭാഷണം നടത്തും. ബിനു മാങ്കൂട്ടം, ഷാജി എ. ജയിംസ്. വിൻസന്‍റ് ചേരവേലിൽ തുടങ്ങിയവർ പ്രസംഗിക്കും. ഓർമ ഇന്‍റർനാഷനൽ നടവയൽ പ്രൊവിൻസിന്‍റെ നേതൃത്വത്തിൽ ഗാനസന്ധ്യ ഉണ്ടാകും. നാടകരംഗത്ത് കാൽ നൂറ്റാണ്ടിലധികമായി സജീവമാണ് നടവയൽ സ്വദേശിയായ ജോണ്‍സണ്‍. നടവയലിൽ പ്രവർത്തിച്ചിരുന്ന വയനാട് വൃന്ദാര എന്ന പ്രഫഷണൽ നാടക സമിതിയിലൂടെയാണ് അഭിനയരംഗത്ത് എത്തിയത്. വള്ളുവനാട് ബ്രഹ്മയുടെ ’വാഴ്വേമായം’ എന്ന നാടകത്തിലൂടെയാണ് മികച്ച നടനുള്ള അവാർഡ് ലഭിച്ചത്. ’പാട്ടുപാടുന്ന വെള്ളായി’ എന്ന നാടകത്തിലൂടെ മികച്ച നടനുള്ള കെസിബിസി അവാർഡും സംഗീത നാടക അക്കാദമിയുടെ സ്പെഷൽ ജൂറി അവാർഡും ലഭിച്ചിട്ടുണ്ട്

സഹകരണ സ്ഥാപനങ്ങളിലെ നിക്ഷേപ പിരിവുകാരെ സർക്കാർ അവഗണിക്കുന്നു

കൽപ്പറ്റ: നിക്ഷേപ പിരിവുകാരെ സർക്കാരും സഹകരണ വകുപ്പും അവഗണിക്കുന്നു. ദിന നിക്ഷേപ പദ്ധതികളിലൂടെ കോടിക്കണക്കിന് രൂപ സഹകരണ മേഖലയിൽ എത്തിക്കുന്ന പിരിവുകാരാണ് അവഗണന നേരിടുന്നത്. 25 മുതൽ 45 വർഷം വരെ സർവീസ് ഉണ്ടായിട്ടും പിരിവുകാരെ തസ്തിക നിർണയിച്ച് സ്ഥിരപ്പെടുത്താനും മിനിമം വേതനം, വിരമിക്കൽ ആനുകൂല്യം എന്നിവ നൽകാനും നടപടിയില്ല. 2005ൽ സഹകരണ ശതാബ്ദി വേളയിൽ നിക്ഷേപ പിരിവുകാർ, നീതി സ്റ്റോറുകളിലെ കമ്മീഷൻ ജീവനക്കാർ എന്നിവരെ സ്ഥിരപ്പെടുത്താൻ സർക്കാർ ഉത്തരവായതാണ്. നീതി ജീവനക്കാർക്ക് തസ്തികയും സ്കെയിലും സ്ഥാനക്കയറ്റവും അനുവദിച്ചെങ്കിലും നിക്ഷേപ പിരിവുകാരെ അവഗണിച്ചു. സർക്കാർ പ്രഖ്യാപിച്ച പരിമിത ആനുകൂല്യങ്ങൾപോലും സാങ്കേതികത്വം മറയാക്കി സ്ഥാപനങ്ങൾ നിഷേധിക്കുകയാണ്. വിരമിച്ചവർക്ക് ആനുകൂല്യം നൽകുന്നതിലും വെട്ടിക്കുറച്ച ക്ഷേമ പെൻഷൻ വിതരണ ഇൻസന്‍റീവ് പുനഃസ്ഥാപിച്ച് വിതരണം ചെയ്യുന്നതിലും സർക്കാർ നിഷേധ നയം തുടരുകയാണ്. നിക്ഷേപ പിരിവുകാരുംസഹകരണ സ്ഥാപനങ്ങളും അഭിമുഖീകരിക്കുന്ന പ്രശ്നങ്ങൾ നാളെ രാവിലെ 10ന് കൽപ്പറ്റ സർവീസ് സഹകരണ ബേങ്ക് ഓഡിറ്റോറിയത്തിൽ ചേരുന്ന കോ ഓപ്പറേറ്റീവ് ബാങ്ക്സ് ഡെപ്പോസിറ്റ് കളക്ടേഴ്സ് അസോസിയേഷൻ സംസ്ഥാന നേതൃസംഗമം ചർച്ച ചെയ്യും. ടി. സിദ്ദിഖ് എംഎൽഎ ഉദ്ഘാടനം ചെയ്യുന്ന സംഗമത്തിൽ അസോസിയേഷൻ സംസ്ഥാന പ്രസിഡന്‍റ് ദിനേശ് പെരുമണ്ണ അധ്യക്ഷത വഹിക്കും.

ചീരാലിൽ വീണ്ടും പുലിയുടെ ആക്രമണം: വളർത്തുനായ ചത്തു

സുൽത്താൻ ബത്തേരി: ചീരാൽ പണിക്കർപടി നിരവത്ത്കണ്ടത്തിൽ എൽദോയുടെ വളർത്തുനായയെ കഴിഞ്ഞദിവസം രാത്രി പുലി അക്രമിച്ച് കൊലപ്പെടുത്തി. വീടിന് സമീപം കെട്ടിയിട്ട നായയെയാണ് പുലി പിടിച്ചത്. ബഹളം കേട്ടെങ്കിലും ഭയം കാരണംവീട്ടുകാർ പുറത്തിറങ്ങിയില്ല. പശുവും ആടുകളും അടക്കം കഴിഞ്ഞ രണ്ടു മാസത്തിനിടെ 11 വളർത്തു മൃഗങ്ങളെയാണ് പുലി അക്രമിച്ചത്. ഇവയിൽ ആറെണ്ണം ചത്തു. വളർത്തു മൃഗങ്ങളെ കൊന്നൊടുക്കുന്ന പുലിയെ പിടികൂടാൻ വനംവകുപ്പ് കൂട് സ്ഥാപിച്ചെങ്കിലും ഇതുവരെ പുലി കുടുങ്ങിയിട്ടില്ല. നിരന്തരം ഉണ്ടാകുന്ന വന്യജീവി ശല്യത്തിന് ശാശ്വത പരിഹാരം കാണണമെന്നും രാത്രികാലങ്ങളിൽ പട്രോളിംഗ് ഏർപ്പെടുത്തണമെന്നുമുള്ള പ്രദേശവാസികളുടെ ആവശ്യം ഇതുവരെയും വനംവകുപ്പ് കൈക്കൊണ്ടിട്ടില്ലെന്ന് ജനങ്ങൾ ആരോപിച്ചു. കഴിഞ്ഞദിവസം രാവിലെ വനംവകുപ്പിന് വിവരമറിയിച്ചിട്ടും മുത്തങ്ങ റേഞ്ച് ഉദ്യോഗസ്ഥരെത്തി ഈ പ്രദേശം മേപ്പാടി റേഞ്ച് പരിധിയിൽ ആണെന്ന് പറഞ്ഞു തിരിച്ചു പോകുകയാണുണ്ടായത്. വനംവകുപ്പിന്‍റെ ഭാഗത്തുനിന്നും ഒരു നടപടിയും ഉണ്ടാകുന്നില്ലെന്നും ആക്ഷേപമുണ്ട്.

കാട്ടാന കാറും ബൈക്കും കേടുവരുത്തി

നടവയൽ: നെയ്ക്കുപ്പയിൽ കാട്ടാന കാറും ബൈക്കും കേടുവരുത്തി. പാറയ്ക്കൽ തങ്കച്ചന്‍റേതാണ് വാഹനങ്ങൾ. കാറിന്‍റെ ഗ്ലാസ് ആന തകർത്തു. വാഹനങ്ങൾ നിർത്തിയിട്ടിരുന്ന ഷെഡ് നശിപ്പിച്ചു. ഇന്നലെ പുലർച്ചെ 2.30 ഓടെയാണ് ആന വീടിന്‍റെ പരിസരത്ത് എത്തിയത്. പ്രദേശവാസികൾ സംഘടിച്ചാണ് ആനയെ സമീപത്തെ വനത്തിലേക്ക് തുരത്തിയത്. സൗത്ത് വയനാട് വനം ഡിവിഷൻ പരിധിയിലാണ് നെയ്ക്കുപ്പ. ഇവിടെ ജനവാസ മേഖലയിൽ കാട്ടാനശല്യം രൂക്ഷമാണ്.

വിജയോത്സവം നടത്തി

തരിയോട്: ഗവ.ഹയർസെക്കൻഡറി സ്കൂളിൽനിന്ന് മികച്ച വിജയം കരസ്ഥമാക്കിയ എസ്എസ്എൽസി, പ്ലസ് ടു വിദ്യാർഥികൾക്കുള്ള മെമന്േ‍റായും വിവിധ സ്കോളർഷിപ്പ് വിതരണവും ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ നിർവഹിച്ചു. അറക്കപ്പറന്പിൽ തോമസ് എഡ്യൂക്കേഷൻ എൻഡോവ്മെന്‍റ്, ശാരദാമ്മ മെമ്മോറിയൽ എൻഡോവ്മെന്‍റ്, മാത്യു മെമ്മോറിയൽ എൻഡോവ്മെന്‍റ്, ശ്രീമതി മെമ്മോറിയൽ എൻഡോവ്മെന്‍റ് എന്നിവ മികച്ച വിജയം നേടിയവർക്ക് നൽകി. സ്കൂൾ ഓഡിറ്റോറിയത്തിൽ നടന്ന പരിപാടിക്ക് തരിയോട് ഗ്രാമപഞ്ചായത്ത് പ്രസിഡന്‍റ് ഷമീം പാറക്കണ്ടി അധ്യക്ഷത വഹിച്ചു. പിടിഎ പ്രസിഡന്‍റ് ബെന്നി മാത്യു, സീനിയർ അസിസ്റ്റന്‍റ് മറിയം മഹമ്മൂദ്, തരിയോട് ഗ്രാമപഞ്ചായത്ത് അഗം വിജയൻ തോട്ടുങ്ങൽ, മദർ പിടിഎ പ്രസിഡന്‍റും തരിയോട് ഗ്രാമപഞ്ചായത്ത് അംഗവുമായ സൂനാ നവീൻ, എഡിഎൻഒ എസ്പിസി മോഹൻദാസ് കുളങ്ങര, പ്രിൻസിപ്പൽ എം. രാധിക, പിടിഎ വൈസ്പ്രസിഡന്‍റ് ടി.ഒ. പത്രോസ്, മദർ പിടിഎ വൈസ്പ്രസിഡന്‍റ് രഞ്ജിനി അനി, എസ്എംസി ചെയർമാൻ പി.എം. കാസിം, പി.കെ. സത്യൻ, എൻ.പി. മാത്യു, എ. മുഹമ്മദ് ബഷീർ, സ്റ്റാഫ് സെക്രട്ടറി ഷാജു ജോണ്‍ എന്നിവർ പ്രസംഗിച്ചു.

പഞ്ചായത്തുകളുടെ അധികാരവും പണവും കവർന്നെടുത്ത ഭരണം : എൻ.ഡി. അപ്പച്ചൻ

മീനങ്ങാടി: പഞ്ചായത്തുകളുടെ അധികാരങ്ങൾ കവർന്നെടുത്തും പദ്ധതി തുകയിൽ കുറവു വരുത്തിയും മാർച്ച് മാസത്തിലെ ട്രഷറി നിയന്ത്രണങ്ങളും മൂലം പ്രാദേശിക സർക്കാരുകളെ അട്ടിമറിച്ച പിണറായി സർക്കാരിന് എതിരെയുള്ള വിധിയെഴുത്താവും വരുന്ന ത്രിതല പഞ്ചായത്ത് തെരഞ്ഞെടുപ്പെന്ന് ഡിസിസി പ്രസിഡന്‍റ് എൻ.ഡി. അപ്പച്ചൻ. മീനങ്ങാടി മണ്ഡലം കോണ്‍ഗ്രസ്‌സ് കമ്മറ്റിയുടെ ആഭിമുഖ്യത്തിൽ എ.പി. ലൗസണ്‍ നഗറിൽ ചേർന്ന മിഷൻ 2025 കോണ്‍ഗ്രസ് പഞ്ചായത്തീരാജ് വികസന സെമിനാർ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. നിലന്പൂർ ഉപതെരഞ്ഞെടുപ്പിന്‍റെ ചുവടുപിടിച്ച് വരുന്ന പഞ്ചായത്ത്, നിയമസഭാ തെരഞ്ഞെടുപ്പുകളിൽ ഒറ്റക്കെട്ടായി നിന്ന് പ്രവർത്തിക്കണമെന്ന് യോഗം ആഹ്വാനം ചെയ്തു. എൻ.ഡി. അപ്പച്ചൻ ഉദ്ഘാടനം ചെയ്തു. മണ്ഡലം പ്രസിഡന്‍റ് മനോജ് ചന്ദനക്കാവ് അധ്യക്ഷത വഹിച്ചു. ഐ.സി. ബാലകൃഷ്ണൻ എംഎൽഎ, കെ.എൽ. പൗലോസ്, കെ.ഇ. വിനയൻ, ഡി.പി. രാജശേഖരൻ, വർഗീസ് മുരിയൻകാവിൽ, എം. വേണുഗോപാൽ, ഒ.വി. അപ്പച്ചൻ, എൻ.സി. കൃഷ്ണകുമാർ, രാംകുമാർ സൂചിപ്പാറ, ബേബി വർഗീസ്, വി.എം. വിശ്വനാഥൻ, കെ. ജയപ്രകാശ്, എൻ.എം. ലാൽ, ടി.പി. ഷിജ എന്നിവർ പ്രസംഗിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]