വിദ്യാര്ഥികള്ക്ക് കാഷ് അവാര്ഡിന് അപേക്ഷിക്കാം
കണ്ണൂർ: എസ്എസ്എല്സി, പ്ലസ് ടു പരീക്ഷകളില് മികച്ച വിജയം കൈവരിച്ച കേരള ഷോപ്പ്സ് ആന്ഡ് എസ്റ്റാബ്ലിഷ്മെന്റ് തൊഴിലാളി ക്ഷേമനിധി ബോര്ഡ് അംഗങ്ങളായിട്ടുള്ള തൊഴിലാളികളുടെ മക്കള്ക്ക് കാഷ് അവാര്ഡിന് അപേക്ഷിക്കാം. 2021-22 അധ്യയന വര്ഷത്തില് എസ്എസ്എല്സി ,പ്ലസ് ടു പരീക്ഷയില് സ്റ്റേറ്റ് സിലബസ്, സിബിഎസ്ഇ സിലബസ് എന്നിവയില് എല്ലാ വിഷയങ്ങള്ക്കും എ പ്ലസ് നേടിയവര്ക്കും ഐസിഎസ്ഇ സിലബസില് എല്ലാ വിഷയങ്ങള്ക്കും 90 ശതമാനമോ അതില് കൂടുതലോ മാര്ക്ക് നേടിയ അംഗങ്ങളുടെ മക്കള്ക്കുമാണ് പുരസ്കാരം. ക്ഷേമനിധിയിലെ അംഗമാണ് അപേക്ഷ സമര്പ്പിക്കേണ്ടത്. അംഗത്വം രജിസ്ട്രേഷന്റെ കോപ്പി, സാക്ഷ്യപത്രം, അംഗത്തിന്റെ ബാങ്ക് പാസ്ബുക്ക് കോപ്പി, മാര്ക്ക് ലിസ്റ്റുകളുടെയും ഗ്രേഡ് ഷീറ്റുകളുടെയും സാക്ഷ്യപ്പെടുത്തിയ പകര്പ്പ്, വിദ്യാര്ഥിയുടെ പാസ്പോര്ട്ട് സൈസ് ഫോട്ടോ എന്നിവ സഹിതമുള്ള അപേക്ഷ ജില്ലാ ഓഫീസില് ഒക്ടോബര് 15 നകം ലഭിക്കണം. ഫോണ് 04972 706806.
കളിപ്പാട്ടം നിര്മിച്ച് സമ്മാനം നേടാം
കണ്ണൂർ: കരകൗശല വസ്തുക്കള്, കളിപ്പാട്ടങ്ങള് എന്നിവ പാഴ് വസ്തുക്കള് ഉപയോഗിച്ച് നിര്മിക്കുന്നതിനെ പ്രോത്സാഹിപ്പിക്കാനും പഴയ കളിപ്പാട്ടങ്ങള് നവീകരിച്ച് പുനരുപയോഗിക്കാനും സ്വച്ഛ് ഭാരത് മിഷന് ടോയ്ക്കത്തോണ് മത്സരം സംഘടിപ്പിക്കുന്നു.
പുനരുപയോഗം പ്രോത്സാഹിപ്പിക്കുക, ഉപയോഗശൂന്യമായ വസ്തുക്കളെ പ്രയോജനപ്പെടുത്തി പ്രാദേശികമായി പുതിയ ഉത്പന്നങ്ങളാക്കി മാറ്റുക തുടങ്ങിയ ലക്ഷ്യങ്ങളോടെയാണ് മത്സരം സംഘടിപ്പിക്കുന്നത്. താത്പര്യമുള്ളവര് നവംബര് 11ന് മുന്പ് രജിസ്റ്റര് ചെയ്യണം. വ്യക്തികള്ക്കും സംഘമായും രണ്ടു വിഭാഗങ്ങളിലായി പങ്കെടുക്കാം. കൂടുതല് വിവരങ്ങള് ശുചിത്വമിഷന് ഫേസ്ബുക്ക് പേജില് ലഭിക്കും.
ഫാഷന് ഡിസൈനിംഗ്
കണ്ണൂർ: കോളജ് ഫോര് കോസ്റ്റ്യൂം ആൻഡ് ഫാഷന് ഡിസൈനിംഗിന്റെ ത്രിവത്സര ബിഎസ്സി കോസ്റ്റ്യൂം ആൻഡ് ഫാഷന് ഡിസൈനിംഗ് കോഴ്സില് സ്പോട്ട് അഡ്മിഷന് നടത്തുന്നു. താത്പര്യമുള്ളവര് ഒക്ടോബര് ഒന്ന്, മൂന്ന് തീയതികളില് രാവിലെ 11 ന് ഇന്സ്റ്റിറ്റ്യൂട്ടില് അസല് സര്ട്ടിഫിക്കറ്റുകള് സഹിതം നേരിട്ട് ഹാജരാവണം. വിശദ വിവരങ്ങള്ക്ക് www.admission. kann uruniversity.ac.in എന്ന വെബ്സൈറ്റ് സന്ദര്ശിക്കുക. ഫോണ്: 0497 2835390, 0497 2965390, 9495720870.
കണ്ണൂർ: നെരുവമ്പ്രം ഗവ. ഇന്സ്റ്റിറ്റ്യൂട്ട് ഓഫ് ഫാഷന് ഡിസൈനിംഗില് (ജിഐഎഫ്ഡി) ഈ അധ്യയന വര്ഷത്തെ ഫാഷന് ഡിസൈനിംഗ് ആൻഡ് ഗാര്മെന്റ് ടെക്നോളജി കോഴ്സിലേക്ക് അപേക്ഷ ക്ഷണിച്ചു. യോഗ്യത: എസ്എസ്എല്സി അല്ലെങ്കില് തത്തുല്യം. ഉയര്ന്ന പ്രായപരിധി ഇല്ല. താത്പര്യമുള്ളവര് ഒക്ടോബര് ഏഴിനകം https://polyad mission.org/gifd എന്ന വെബ്സൈറ്റില് അപേക്ഷ സമര്പിക്കുക. ഫോണ്: 9400006495, 890700 5262.
വിദ്യാഭ്യാസ ആനുകൂല്യത്തിന് അപേക്ഷിക്കാം
കണ്ണൂർ: സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോര്ഡ് ജില്ലാ ഓഫീസില് നിന്നും അംഗത്വമെടുത്ത് ഒരു വര്ഷം പൂര്ത്തിയായി അംശാദായം അടക്കുന്ന അംഗങ്ങളുടെ മക്കള്ക്ക് 2022-23 വര്ഷത്തെ വിദ്യാഭ്യാസ ആനുകൂല്യത്തിന് അപേക്ഷിക്കാം. എസ്എസ്എല്സി പാസായി കേരള സര്ക്കാരിന്റെ അംഗീകാരമുള്ള സ്ഥാപനങ്ങളില് റഗുലര് കോഴ്സിന് ഉപരിപഠനം നടത്തുന്ന കുട്ടികളുടെ രക്ഷിതാക്കള് ഒക്ടോബര് 31നകമോ കോഴ്സിന് പ്രവേശനം ലഭിച്ച് 45 ദിവസത്തിനകമോ അപേക്ഷ ബോര്ഡിന്റെ ജില്ലാ എക്സിക്യൂട്ടീവ് ഓഫീസര് മുമ്പാകെ സമര്പ്പിക്കണം. . ഫോണ്: 0497 2970272.
അധ്യാപക ഒഴിവ്
പയ്യാവൂർ: സേക്രട്ട് ഹാർട്ട് ഹയർ സെക്കൻഡറി സ്കൂളിൽ ഹയർ സെക്കൻഡറി വിഭാഗം ഗണിത ശാസ്ത്രം വിഭാഗത്തിൽ എച്ച്എസ്എസ്ടി (ജൂണിയർ) ഒഴിവുണ്ട്. യോഗ്യരായവരിൽ നിന്നും അപേക്ഷകൾ ക്ഷണിക്കുന്നു. കൂടിക്കാഴ്ച ഒക്ടോബർ ഏഴിന് രാവിലെ 11ന് സ്കൂൾ ഓഫീസിൽ. ഫോൺ: 9446165647.
സീറ്റ് ഒഴിവ്
കൂത്തുപറമ്പ്: നിർമലഗിരി കോളജിൽ ഡിഗ്രിക്ക് മാത്തമാറ്റിക്സ്, ഫിസിക്സ്, കെമിസ്ട്രി, ബോട്ടണി, സുവോളജി, ഹോം സയൻസ് എന്നീ വിഷയങ്ങൾക്ക് എസ് സി, എസ്ടി വിഭാഗത്തിൽ സീറ്റ് ഒഴിവുണ്ട്. യോഗ്യരായ അപേക്ഷകർ മതിയായ രേഖകളുമായി നാളെ ഉച്ചകഴിഞ്ഞ് മൂന്നിന് മുമ്പായി കോളജ് ഓഫീസിൽ ഹാജരാകണം.
കണ്ണൂർ: കണ്ണൂര് കൃഷ്ണമേനോന് മെമ്മോറിയല് വനിതാ കോളജില് ഒന്നാംവര്ഷ ബിഎ എക്കണോമിക്സ്, ബിഎസ്സി മാത്തമാറ്റിക്സ്, ഫിസിക്സ്, കെമിസ്ട്രി എന്നീ വിഷയങ്ങളില് എസ്സി, എസ്ടി വിഭാഗത്തിന് സീറ്റുകള് ഒഴിവുണ്ട്. താത്പര്യമുള്ളവര് സെപ്റ്റംബര് 30നു രാവിലെ 10ന് സര്ട്ടിഫിക്കറ്റുകള് സഹിതം പ്രിന്സിപ്പല് മുമ്പാകെ കൂടിക്കാഴ്ചക്ക് ഹാജരാകണം. ഫോണ്: 04972746175.
ഷോര്ട്ട് ലിസ്റ്റ്
കണ്ണൂർ: എല്പി സ്കൂള് ടീച്ചര് മലയാളം മീഡിയം (എന്സിഎ ഹിന്ദു നാടാര്, കാറ്റഗറി നമ്പര് 318/ 2020) കണ്ണൂര് ജില്ലയുടെ ഷോര്ട്ട് ലിസ്റ്റ് പ്രസിദ്ധീകരിച്ചു. ലിസ്റ്റിലുള്ളവര് ഒറ്റത്തവണ വെരിഫിക്കേഷനും ഒടിആര് വെരിഫിക്കേഷനും അസല് രേഖകളുമായി ഹാജരാകേണ്ട തീയതി പിന്നീട് അറിയിക്കും. കൂടുതല് വിവരങ്ങള് പിഎസ്സിയുടെ വെബ്സൈറ്റില് ലഭിക്കും.