നെല്ലിക്കുറ്റി: നെല്ലിക്കുറ്റി ഗാന്ധി മെമ്മോറിയൽ യുപി സ്കൂളിന്റെ ആഭിമുഖ്യത്തിൽ ഗാന്ധിസ്മൃതി സമാധാന സന്ദേശയാത്ര നടത്തി. നെല്ലിക്കുറ്റി ടൗണിൽ നിന്ന് ആരംഭിച്ച യാത്ര ഇരിക്കൂർ ബ്ലോക്ക് പഞ്ചായത്തംഗം സോജൻ കാരാമയിൽ ഫ്ലാഗ് ഓഫ് ചെയ്തു. ഏരുവേശി ഗ്രാമപഞ്ചായത്ത് ആരോഗ്യ, വിദ്യാഭ്യാസകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ മിനി ഷൈബി ചടങ്ങിൽ അധ്യക്ഷത വഹിച്ചു. സ്കൂൾ പിടിഎ വൈസ് പ്രസിഡന്റ് ലൈസൺ മാവുങ്കൽ ആമുഖപ്രഭാഷണവും സ്കൂൾ മാനേജർ ഫാ. മാത്യു ഓലിയ്ക്കൽ അനുഗ്രഹപ്രഭാഷണവും നടത്തി.
അധ്യാപക പ്രതിനിധി പി.വി. കൃഷ്ണദാസ് പ്രസംഗിച്ചു. സന്ദേശയാത്രയ്ക്ക് ഏറ്റുപാറയിൽ നൽകിയ സ്വീകരണം വാർഡംഗം ഫിലിപ്പ് പാത്തിക്കൽ ഉദ്ഘാടനം ചെയ്തു. പിടിഎ പ്രസിഡന്റ് ജോമേഷ് പോൾ അധ്യക്ഷത വഹിച്ചു. അധ്യാപകരായ ക്ലിന്റ് ജെറി, ധന്യ ജോബി എന്നിവർ പ്രസംഗിച്ചു. ചെറിയ അരീക്കമലയിൽ സ്കൂൾ മാനേജർ ഫാ. സേവ്യർ പുത്തൻപുരയ്ക്കൽ ഉദ്ഘാടനം ചെയ്തു. വാർഡംഗം ജസ്റ്റിൻ തുളുമ്പൻമാക്കൽ അധ്യക്ഷത വഹിച്ചു. പഞ്ചായത്തംഗം ഷിജി ഷിബു, സന്തോഷ് മഠത്തിക്കണ്ടത്തിൽ, ടോം ജോസ് എന്നിവർ പ്രസംഗിച്ചു. പൂപ്പറമ്പിൽ നടന്ന സമാപന സമ്മേളനം ഏരുവേശി ഗ്രാമപഞ്ചായത്ത് പ്രസിഡന്റ് ടെസി ഇമ്മാനുവൽ ഉദ്ഘാടനം ചെയ്തു. സ്കൂൾ മാനേജർ ഫാ. മാത്യു ഓലിയ്ക്കൽ അധ്യക്ഷത വഹിച്ചു.
പിടിഎ എക്സിക്യൂട്ടീവ് അംഗം അജികുമാർ കരിയിൽ ആമുഖപ്രഭാഷണം നടത്തി. കെവിവിഇഎസ് യൂണിറ്റ് പ്രസിഡന്റ് ടിജോ ടോം, പിടിഎ അംഗം ഹരിദാസ് നമ്പ്യാർ, പിടിഎ വൈസ് പ്രസിഡന്റ് ലൈസൺ മാവുങ്കൽ, വിദ്യാർഥി പ്രതിനിധികളായ, എം.എസ്. ഋഷികേഷ്, വർഗീസ് ഫ്രാൻസിസ്, അഗസ്റ്റിൻ ഇഗ്നേഷ്യസ്, സെറാ ഫ്രാൻസിസ്, അഭിയോൻ മരിയ, ജോനാഥ് ജോസ് സുനിൽ, സ്റ്റാഫ് സെക്രട്ടറി എ.ആർ. ശരണ്യ എന്നിവർ പ്രസംഗിച്ചു.