ആലക്കോട്: യുവജനങ്ങൾ ജീവിതത്തോട് വിശ്വസ്ഥത പുലർത്തുന്നവരായിരിക്കണമെന്ന് തലശേരി അതിരൂപത ആർച്ച്ബിഷപ് മാർ ജോസഫ് പാംപ്ലാനി. ആലക്കോട് സെന്റ് മേരീസ് ദേവാലയ ഓഡിറ്റോറിയത്തിൽ സംഘടിപ്പിച്ച പ്ലസ്ടു വിദ്യാർഥികളുടെ സംഗമം "സോൾട്ട് 2022' ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ലഹരിയിലും തിന്മകളിലുമല്ല സന്തോഷം അന്വേഷിക്കേണ്ടത്. യഥാർഥ സന്തോഷം നസ്രായനായ യേശുവാണ്. മാതാപിതാക്കളും ഗുരുഭൂതരും തിരുസഭയുമാകുന്ന വേരുകളെ കുട്ടികൾ മറക്കരുതെന്നും അർച്ച്ബിഷപ്പ് പറഞ്ഞു.
റവ. ഡോ. ടോം ഓലിക്കരോട്ട് ബോധവത്കരണ ക്ലാസ് നയിച്ചു. ചെമ്പേരി വിമൽജ്യോതി എൻജിനിയറിംഗ് കോളജ് അസി. മാനേജർ ഫാ. സോണി വടശേരിൽ കരിയർ ഗൈഡൻസിന് നേതൃത്വം നൽകി. ഫാ. ജോസഫ് വാളിപ്ലാക്കൽ, ചിഞ്ചു വി.ജെ. വട്ടപ്പാറ, അതിരൂപത വിശ്വാസ പരിശീലന ഡയറക്ടർ റവ. ഡോ. ജേക്കബ് വെണ്ണായപ്പിള്ളിൽ, ഡയറക്ടർ ഫാ. ജോസഫ് വടക്കേപറമ്പിൽ എന്നിവർ പ്രസംഗിച്ചു. ആലക്കോട് ഫോറോന വികാരി റവ. ഡോ. മാണി ആട്ടേൽ, ഫാ. ഏബ്രാഹാം മഠത്തിമ്യാലിൽ, റവ. ഡോ. തോമസ് നീണ്ടൂർ, ഫാ. ജോസഫ് മരശേരി, ഫാ. ജിതിൻ വയലുങ്കൽ, സിസ്റ്റർ റോസിലിയ എൻഎസ്, ബ്രദർ ജസ്റ്റിൻ അരീക്കുഴുപ്പിൽ, ബിജു കുപ്പോഴക്കൽ, നോവിച്ചൻ ഓലിക്കൽ, ടോമി കുന്നേൽപറമ്പിൽ, ജസ്റ്റിൻ മംഗലത്ത്, സജി തെക്കേകൊട്ടാരം, തോമസ് പാഴൂപറമ്പിൽ എന്നിവർ നേതൃത്വം നൽകി. ആലക്കോട്, തളിപ്പറമ്പ് മേഖലയിൽ നിന്നുള്ള എണ്ണൂറോളം വിദ്യാർഥികൾ പങ്കെടുത്തു.