മടമ്പം: ലൂർദ് മാതാ ക്നാനായ കത്തോലിക്ക ഫൊറോന ദേവാലയത്തിൽ പത്തു ദിവസം നീളുന്ന തിരുനാളാഘോഷങ്ങൾക്ക് തുടക്കം കുറിച്ച് വികാരി ഫാ.ഫിലിപ്പ് രാമച്ചനാട്ട് കൊടിയേറ്റി. തുടർന്ന് വിശുദ്ധ കുർബാന, നൊവേന എന്നിവക്ക് ഫാ.സുനിൽ പാറയ്ക്കൽ കാർമികത്വം വഹിച്ചു. 10 വരെ എല്ലാ ദിവസങ്ങളിലും വൈകുന്നേരം 4.30 ന് ജപമാല പ്രാർത്ഥന, വിശുദ്ധ കുർബാന, നൊവേന എന്നിവയുണ്ടായിരിക്കും. ഫാ.ജോസ് കറുകപ്പറമ്പിൽ ഒഎസ്എച്ച്, ഫാ.ഷിജു കളരിയ്ക്കൽ, ഫാ.നോബിൾ ഓണംകുളം, ഫാ.ഫിലിപ്പ് കൊച്ചുപറമ്പിൽ ഒഎസ്ബി, ഫാ.അരുൺ പടിഞ്ഞാറെആനിശേരിൽ സിഎസ്ടി, ഫാ.സേവ്യർ പുത്തൻപുരയ്ക്കൽ, ഫാ.ജോർജ്ചാലിൽ സിഎസ്ടി എന്നിവർ വിവിധ ദിവസങ്ങളിലെ തിരുക്കർമങ്ങൾക്ക് നേതൃത്വം നൽകും.
11 ന് വൈകുന്നേരം നാലിന് മടമ്പം പള്ളിയിലും 4.30 ന് തുമ്പേനി കപ്പേളയിലും വാദ്യമേളങ്ങൾ. 4.45 ന് ജപമാല പ്രാർത്ഥന, ലദീഞ്ഞ്, ആഘോഷമായ പാട്ടുകുർബാന, തുമ്പേനിയിൽ നൊവേന എന്നിവക്ക് ഫാ.തോമസ് വട്ടക്കാട്ടിൽ ഒഎസ്എച്ച് കാർമികത്വം വഹിക്കും.
തുടർന്ന് കുടിയേറ്റ സ്മാരക ഗ്രോട്ടോയിലേക്ക് പ്രദക്ഷിണം. ഫാ.ജോയി കട്ടിയാങ്കൽ പ്രഭാഷണം നടത്തും. ഫാ. മൈക്കിൾ നെടുംതുരുത്തി പുത്തൻപുരയിൽ, ഫാ.ലൂക്ക് കരിമ്പിൽ, ഫാ.സിനോജ് കാരപ്ലാക്കിൽ ഒഎസ്എച്ച് എന്നിവരുടെ മുഖ്യകാർമികത്വത്തിൽ "പുറത്ത്നമസ്കാരം'. പ്രദക്ഷിണം തിരികെ പള്ളിയിലെത്തുമ്പോൾ ഫാ.ജോർജ് കപ്പുകാലായിൽ പരിശുദ്ധ കുർബാനയുടെ ആശീർവാദം നിർവഹിക്കും.
സമാപന ദിനമായ 12 ന് രാവിലെ 6.30 വിശുദ്ധ കുർബാന. 10 ന് ആഘോഷമായ തിരുനാൾ റാസ കുർബാന. ഫാ.ജിസ്മോൻ മരങ്ങോലിൽ, ഫാ.റോയി പുതുപ്പള്ളിമ്യാലിൽ ഒഎസ്ബി, ഫാ.ഷിജൻ പതിയിൽ ഒഎസ്എച്ച്, ഫാ.ജെഫ്രിൻ തണ്ടാശേരിൽ, ഫാ.റ്റോബി ശൗര്യാമാക്കിൽ എന്നിവർ നേതൃത്വം നൽകും. ഫാ.ജിൻസൺ കൊട്ടിയാനിയ്ക്കൽ ഒഎസ്എച്ച് തിരുനാൾ സന്ദേശം നൽകും.