കണ്ണൂർ: രാഹുൽ ഗാന്ധിയെ വേട്ടയാടുന്ന കേന്ദ്ര ഭരണകൂട ഭീകരതയ്ക്കെതിരെ കണ്ണൂർ ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ കറുത്ത തുണി കൊണ്ട് വായമൂടികെട്ടി ടൗണിൽ പ്രതിഷേധ പ്രകടനം നടത്തി. പ്രതിഷേധ പ്രകടനത്തിന് ഡിസിസി വൈസ് പ്രസിഡന്‍റ് വി.വി. പുരുഷോത്തമൻ നേതൃത്വം നൽകി.
തുടർന്ന് പഴയ ബസ്‌സ്റ്റാൻഡിൽ നടന്ന പ്രതിഷേധ യോഗം എ ഐസിസി അംഗം വി.എ.നാരായണൻ ഉദ്ഘാടനം ചെയ്തു. നേതാക്കളായ ടി.ഒ. മോഹനൻ, സജീവ് മാറോളി ,എൻ.പി.ശ്രീധരൻ, കെ. പ്രമോദ്, രാജീവൻ എളയാവൂർ, അമൃത രാമകൃഷ്ണൻ, പി. മുഹമ്മദ് ഷമ്മാസ്, സി.ടി. സജിത്ത്, പി. മാധവൻ, റഷീദ് കവ്വായി, കെ. ബാലകൃഷ്ണൻ, സി.വി. സന്തോഷ്, ടി. ജയകൃഷ്ണൻ, കൂക്കിരി രാജേഷ്, ടി. ജനാർദ്ദനൻ, എം.പി അരവിന്ദാക്ഷൻ, കല്ലിക്കോടൻ രാഗേഷ്, സുധീഷ് മുണ്ടേരി, ടി.കെ. അജിത്ത്, എം.കെ. വരുൺ എന്നിവർ പ്രസംഗിച്ചു.
തടിക്കടവ്: തടിക്കടവ് മണ്ഡലം കമ്മിറ്റിയുടെ നേതൃത്വത്തിൽ പ്രകടനം നടത്തി. മണ്ഡലം പ്രസിഡന്‍റ് ജോസഫ് ഉഴുന്നുപാറ അധ്യക്ഷത വഹിച്ചു. ജോസ് ഏത്തക്കാട്ട്, പി.ജെ. മാത്യു, ജോസ് വെട്ടുകല്ലാംകുഴി, സജി കിടാരത്തിൽ, ജോഷി പൂങ്കുടി, ബേബി പുത്തൻപുര, രാജു കൊട്ടാരത്തി പറമ്പിൽ എന്നിവർ പ്രസംഗിച്ചു.
നടുവിൽ: രാഹുൽ ഗാന്ധി എംപിക്കെതിരായ അയോഗ്യത നടപടിയിൽ പ്രതിഷേധിച്ച് യൂത്ത് കോൺഗ്രസ് നടുവിൽ മണ്ഡലം കമ്മിറ്റിയുടെ നേതൃത്വത്തിൽ നടുവിൽ ടൗണിൽ പന്തം കൊളുത്തി പ്രതിഷേധ പ്രകടനം നടത്തി. തളിപ്പറമ്പ് ബ്ലോക്ക് പഞ്ചായത്ത് മെംബർ ജോഷി കണ്ടത്തിൽ ഉദ്ഘാടനം ചെയ്തു. യൂത്ത് കോൺഗ്രസ് മണ്ഡലം പ്രസിഡന്‍റ് വി.എം. നന്ദകിഷോർ അധ്യക്ഷത വഹിച്ചു. സിജോ കണ്ണേഴത്ത്, ജോബിൻ ജോസ്, അഖിൽ ജോസഫ്, മുഹമ്മദ് സഫ്‌സാജ്, സി.ലിജിത്ത് തുടങ്ങിയവർ നേതൃത്വം നൽകി.