മട്ടന്നൂർ: പൊറോറ ഹരിപ്പന്നൂരിൽ സ്വകാര്യ വ്യക്തിയുടെ പറമ്പിൽ വൻ തീപിടുത്തം. 10 ഏക്കറോളം സ്ഥലത്താണ് തീപിടിച്ചത്. ഇന്നലെ വൈകുന്നേരമായരുന്നു സംഭവം. ഉണങ്ങിയ പുല്ലിന് തീ പിടിക്കുകയായിരുന്നു. കശുമാവ്, തെങ്ങ്, റബർ എന്നിവയാണ് കത്തി നശിച്ചത്. മട്ടന്നൂർ അഗ്നി രക്ഷാ സേന ഓഫീസിലെ അസിസ്റ്റന്‍റ് സ്റ്റേഷൻ ഓഫീസർ പി. ലിഷാദിന്‍റെ നേതൃത്വത്തിൽ എത്തിയ രണ്ട് യൂണിറ്റ് എത്തിയാണ് തീ നിയന്ത്രണ വിധേയമാക്കിയത്. സീനിയർ ഫയർ റെസ്ക്യൂ ഓഫീസർ കുഞ്ഞമ്പു, ഫയർ ആൻഡ് റെസ്ക്യൂ ഓഫീസർമാരായ പ്രവീൺകുമാർ, ഷിജിൻ, ആദർശ്, പ്രശാന്ത്, മിഥുൻ ഹോംഗാർഡുമാരായ സുരേഷ്ബാബു, വിശ്വനാഥൻ എന്നിവരും സംഘത്തിൽ ഉണ്ടായിരുന്നു.
മുച്ചക്ര വാഹനം
വിതരണം ചെയ്തു
കൊട്ടിയൂർ : കൊട്ടിയൂർ പഞ്ചായത്ത് ഗുണഭോക്താക്കൾക്ക് നൽകുന്ന മുച്ചക്ര വാഹനങ്ങളു ടെയും ശ്രവണസഹായികളുടെയും വിതരണം നടന്നു. പഞ്ചായത്ത് ഓഫീസിൽ നടന്ന ചടങ്ങ് പഞ്ചായത്ത് പ്രസിഡന്‍റ് റോയ് നമ്പുടാകം ഉദ്ഘാടനം ചെയ്തു. മൂന്നു പേർക്ക് മുച്ചക്ര വാഹനവും, പഞ്ചായത്തിലെ വിവിധ വാർഡുകളിൽ നിന്നും തെരഞ്ഞെടുത്തവർക്കായി ശ്രവണ സഹായിയുമാണ് നൽകിയത്.ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഉഷ അശോക് കുമാർ അധ്യക്ഷത വഹിച്ചു. എം.സി. സിഞ്ജു, പഞ്ചായത്ത് സ്ഥിരം സമിതി അധ്യക്ഷന്മാരായ ജീജ ജോസഫ്, ഷാജി പൊട്ടയിൽ, ജോണി ആമക്കാട്ട്, ലൈസ ജോസ്, ഷേർളി പടിയാനിക്കൽ, ജെസി ഉറുമ്പിൽ, ബാബു കാരുവേലിൽ, ബാബു മാങ്കോട്ടിൽ തുടങ്ങിയവർ പങ്കെടുത്തു.