ഒ​റ്റ​ക്കാ​ലി​ല​ല്ല ഇ​നി ‘വി​സ്മ​യ'​ച്ചു​വ​ടു​ക​ള്‍
Thursday, June 1, 2023 1:02 AM IST
ക​ണ്ണൂ​ർ: ചു​വ​ടു​ക​ൾ​ക്കൊ​ത്ത് കൃ​ത്രി​മ കാ​ല്‍ വ​ഴ​ങ്ങാ​ന്‍ മ​ടി​ച്ച​തോ​ടെ​യാ​ണ് വി​സ്മ​യ ഒ​റ്റ​ക്കാ​ലി​ല്‍ നൃ​ത്തം തു​ട​ങ്ങി​യ​ത്. 700 ഓ​ളം വേ​ദി​ക​ളി​ല്‍ ഒ​റ്റ​ക്കാ​ലി​ല്‍ നൃ​ത്തം ചെ​യ്ത് അ​വ​ള്‍ സ്വ​യം വി​സ്മ​യ​മാ​യി. അ​പ്പോ​ഴും ഇ​രു​കാ​ലും വേ​ദി​യി​ല്‍ ഉ​റ​പ്പി​ക്കാ​ന്‍ പ​റ്റി​യ വ​ഴ​ക്ക​മു​ള്ളൊ​രു പൊ​യ്ക്കാ​ലി​നാ​യി വി​സ്മ​യ കൊ​തി​ച്ചു. അ​ത് യാ​ഥാ​ർ​ഥ്യ​മാ​യ​തി​ന്‍റെ ആ​ഹ്ലാ​ദ​ത്തി​ലാ​ണ് ഈ ​യു​വ ന​ര്‍​ത്ത​കി. ജി​ല്ലാ പ​ഞ്ചാ​യ​ത്തും ജി​ല്ലാ ആ​ശു​പ​ത്രി​യും ചേ​ര്‍​ന്ന് ആ​ധു​നി​ക കാ​ല്‍ ന​ല്‍​കുന്ന പദ്ധതിയിലാണ് വിസ്മയയ്ക്ക് കൃത്രിമക്കാൽ ലഭിച്ചത്.
ത​ളി​പ്പ​റ​മ്പ് പ​ട്ടു​വം സ്വ​ദേ​ശി​നി​യാ​യ വി​സ്മ​യ​ക്ക് ജ​ന്മ​നാ വ​ല​ത് കാ​ലി​ല്ലാ​യി​രു​ന്നു. നാ​ലാം വ​യ​സി​ല്‍ കൂ​ട്ടു​കാ​ര്‍​ക്കൊ​പ്പം നൃ​ത്തം ചെ​യ്യാ​ന്‍ പോ​യെ​ങ്കി​ലും മാ​റ്റി നി​ര്‍​ത്ത​പ്പെ​ട്ടു. നൃ​ത്തം പ​ഠി​പ്പി​ക്കാ​ന്‍ അ​ധ്യാ​പ​ക​രും വി​സ​മ്മ​തി​ച്ചു. ആ ​വേ​ദ​ന​യോ​ടെ പൊ​യ്ക്കാ​ലി​ല്‍ തു​ട​ങ്ങി​യ നൃ​ത്തം വേ​ദി​ക​ള്‍ ക​ട​ന്ന് വി​ദേ​ശ​ങ്ങ​ളി​ല്‍ വ​രെ എ​ത്തി. ചെ​ന്നൈ, പ​ഞ്ചാ​ബ്, ഛത്തീ​സ്ഗ​ഢ്, മും​ബൈ, ഖ​ത്ത​ര്‍ എ​ന്നി​വി​ട​ങ്ങ​ളി​ല്‍ ഒ​റ്റ​ക്കാ​ലി​ല്‍ നൃ​ത്ത​മാ​ടി ഏ​വ​രെ​യും അ​ത്ഭു​ത​പ്പെ​ടു​ത്തി. സി​നി​മാ​റ്റി​ക്ക് ഡാ​ന്‍​സ്, ഭ​ര​ത​നാ​ട്യം, കു​ച്ചു​പ്പു​ടി, നാ​ടോ​ടി​നൃ​ത്തം അ​ങ്ങ​നെ വ​ഴ​ങ്ങാ​ന്‍ മ​ടി​ച്ച എ​ല്ലാ നൃ​ത്ത രീ​തി​യും ഈ 21​കാ​രി​യു​ടെ നി​ശ്ച​യ​ദാ​ര്‍​ഢ്യ​ത്തി​ന് മു​ന്നി​ല്‍ അ​ടി​യ​റ​വ് പ​റ​ഞ്ഞു. കു​റ​വു​ക​ളെ സാ​ധ്യ​ത​യാ​ക്കി മാ​റ്റി​യ വി​സ്മ​യ​ക്ക് അ​റി​യ​പ്പെ​ടു​ന്ന ന​ര്‍​ത്ത​കി​യാ​കാ​നാ​ണ് മോ​ഹം. ചു​വ​ടു​വെ​ക്കാ​ന്‍ പ്ര​യാ​സ​മാ​യ​തോ​ടെ​യാ​ണ് കൃ​ത്രി​മ​ക്കാ​ല്‍ ഉ​പേ​ക്ഷി​ച്ച​തെ​ന്നും അ​നാ​യാ​സം ച​ലി​പ്പി​ക്കാ​നാ​കു​ന്ന കാ​ല്‍ ല​ഭി​ച്ച​ത് നൃ​ത്ത​ത്തി​ന് ഏ​റെ ഗു​ണം ചെ​യ്യു​മെ​ന്നും അ​വ​ര്‍ പ​റ​ഞ്ഞു. പ​രി​യാ​രം ആ​യു​ര്‍​വേ​ദ മെ​ഡി​ക്ക​ല്‍ കോ​ളജി​ല്‍ അ​വ​സാ​ന വ​ര്‍​ഷ വി​ദ്യാ​ര്‍​ഥി​നി​യാ​യ ഈ ​മി​ടു​ക്കി പ​ട്ടു​വം സ്വ​ദേ​ശി എം.​വി. മ​നോ​ഹ​ര​ൻ-പി.​പി. ദീ​പ ദ​മ്പ​തി​ക​ളു​ടെ മ​ക​ളാ​ണ്.
ജ​ന്മ​നാ കാ​ലി​ല്ലാ​ത്ത​വ​ർ, അ​പ​ക​ട​ത്തി​ൽ കാ​ല്‍ ന​ഷ്ട​പ്പെ​ട്ട​വ​ർ തു​ട​ങ്ങി​യ ഇ​രു​പ​ത് പേ​ർ​ക്ക് ജി​ല്ലാ പ​ഞ്ചാ​യ​ത്തും ജി​ല്ലാ ആ​ശു​പ​ത്രി​യും ചേ​ര്‍​ന്ന് ആ​ധു​നി​ക കൃ​ത്രി​മ​ക്കാ​ല്‍ നൽകുന്ന പദ്ധതിയുടെ ജി​ല്ലാ​ത​ല ഉ​ദ്ഘാ​ട​നം ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് പി.​പി. ദി​വ്യ നി​ര്‍​വ​ഹി​ച്ചു. ജി​ല്ലാ പ​ഞ്ചാ​യ​ത്ത് സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​പേ​ഴ്സ​ൺ കെ.​കെ. ര​ത്ന​കു​മാ​രി അ​ധ്യ​ക്ഷ​ത വ​ഹി​ച്ചു.
Copyright @ 2022 , Rashtra Deepika Ltd.