കാസർഗോഡ്: വനം- വന്യജീവി വകുപ്പിന്‍റെ ആഭിമുഖ്യത്തില്‍ ജില്ലയില്‍ ഒക്ടോബര്‍ രണ്ട്, മൂന്ന് തിയതികളിലായി വന്യജീവി വാരാഘോഷം വിവിധ പരിപാടികളോടെ നടത്തുന്നു. ഒക്ടോബര്‍ രണ്ടിന് കാസര്‍ഗോഡ് ഗവ. കോളജില്‍ രാവിലെ 9.30 മുതല്‍ 11.30 വരെ പെന്‍സില്‍ ഡ്രോയിംഗ് (എല്‍പി, യുപി,ഹൈസ്‌ക്കൂള്‍,കോളജ്), രാവിലെ 11.45 മുതല്‍ 12.45 വരെ ഉപന്യാസ രചന മലയാളം,കന്നഡ( ഹൈസ്‌കൂള്‍,കോളജ്), ഉച്ചയ്ക്ക് 2.15 മുതല്‍ 4.15 വരെ വാട്ടര്‍ കളര്‍ പെയിന്‍റിംഗ്‌ (എല്‍പി,യുപി, ഹൈസ്‌കൂള്‍,കോളജ് ) എന്നിവ നടക്കും. രാവിലെ 9.30ന് രജിസ്‌ട്രേഷന്‍ ആരംഭിക്കും. ഒക്ടോബര്‍ മൂന്നിന് വിദ്യാനഗര്‍ ഉദയഗിരിയിലെ വനശ്രീ ഫോറസ്റ്റ് കോംപ്ലക്‌സില്‍ രാവിലെ 10 മുതല്‍ ഉച്ചയ്ക്ക് ഒന്ന് വരെ ക്വിസ് (ഹൈസ്‌കൂള്‍,കോളജ്), ഉച്ചയ്ക്ക് രണ്ടു മുതല്‍ നാലു വരെ പ്രസംഗം മലയാളം,കന്നഡ (ഹൈസ്‌കൂള്‍,കോളജ്) എന്നിവ നടക്കും. ക്വിസ് മത്സരത്തിന് ഓരോ വിദ്യാഭ്യാസ സ്ഥാപനത്തില്‍ രണ്ടുപേരുള്ള ഒരു ടീമിനേയും മറ്റു മത്സരങ്ങള്‍ക്ക് ഓരോ വിദ്യാഭ്യാസ സ്ഥാപനത്തില്‍ നിന്നും ഓരോ ഇനത്തിനും രണ്ടു പേരെ വീതവും പങ്കെടുപ്പിക്കാം. മത്സരങ്ങളില്‍ ഒന്നും രണ്ടും മൂന്നും സ്ഥാനങ്ങള്‍ ലഭിക്കുന്ന വിദ്യാര്‍ഥികള്‍ക്ക് മൂന്നിന് ജില്ലാ സമാപന സമ്മേളനത്തോടൊപ്പം സമ്മാനങ്ങളും സര്‍ട്ടിഫിക്കറ്റുകളും നല്‍കും. ജില്ലാ തലത്തില്‍ ഒന്നാം സ്ഥാനം നേടുന്നവര്‍ക്ക് ഒക്ടോബര്‍ എട്ടിന് നടക്കുന്ന സംസ്ഥാന മത്സരങ്ങളില്‍ പങ്കെടുക്കാം. ജില്ലാ തല മത്സരങ്ങളില്‍ പങ്കെടുക്കുവാന്‍ ആഗ്രഹിക്കുന്നവര്‍ ബന്ധപ്പെട്ട സ്‌കൂള്‍,കോളജ് മേധാവി സാക്ഷ്യപ്പെടുത്തിയ സര്‍ട്ടിഫിക്കറ്റ് സഹിതം ഒക്ടോബര്‍ രണ്ട്, മൂന്ന് തിയതികളില്‍ രാവിലെ ഒമ്പതിന് എത്തണം. കൂടുതല്‍ വിവരങ്ങള്‍ക്കായി അസി. ഫോറസ്റ്റ് കണ്‍സര്‍വേറ്റര്‍, സാമൂഹ്യ വനവത്കരണ വിഭാഗം, വനശ്രീ കോംപ്ലക്‌സ്, ഉദയഗിരി ( പിഒ), വിദ്യാനഗര്‍, കാസര്‍ഗോഡ് പിന്‍ 671123 എന്ന വിലാസത്തില്‍ ബന്ധപ്പെടാം. ഫോണ്‍: 04994255234, 8547603838.