കാസര്‍ഗോഡ്: ബില്‍ഡപ് കാസര്‍ഗോഡ് രോഹിണി ആഗ്രോ സയന്‍സുമായി സഹകരിച്ച് ജില്ലയില്‍ വിവിധ മേഖലകളില്‍നിന്നുള്ള കര്‍ഷകരെ ആദരിക്കുന്നു. ഇന്ന് രാവിലെ പത്തിന് മഞ്ചേശ്വരം ഹൊസങ്കടി മജിബയല്‍ സര്‍വീസ് സഹകരണ ബാങ്ക് ഹാളില്‍ നടക്കുന്ന പരിപാടി എ.കെ.എം.അഷറഫ് എംഎല്‍എ ഉദ്ഘാടനം ചെയ്യും.
ബില്‍ഡപ് കാസര്‍ഗോഡ് സൊസൈറ്റി പ്രസിഡന്‍റ് കൂക്കള്‍ ബാലകൃഷ്ണന്‍ അധ്യക്ഷത വഹിക്കും. ആര്‍.കെ.ശശിധര (കുഞ്ചത്തൂര്‍), എന്‍.ബി.റംലത്ത് (പടന്ന), എം.ഉദയ (ബായാര്‍), സാജന്‍ മാത്യു (കള്ളാര്‍), ദിനേശ് (മഞ്ചേശ്വരം), ഉഷാ നാരായണന്‍ നായര്‍ (പെരിയ), സത്യനാരായണ ബലേരി, രവീന്ദ്രന്‍ കൊടക്കാട്, ബി.സദാശിവ ചെറുഗോളി എന്നിവരുള്‍പ്പെടെ ഇരുപത്തിയഞ്ചോളം കര്‍ഷകരെയാണ് ആദരിക്കുന്നത്.
ബില്‍ഡപ് കാസര്‍ഗോഡ് ജനറല്‍ സെക്രട്ടറി ഡോ. ഷെയ്ഖ് ബാവ, മുഖ്യരക്ഷാധികാരി അബ്ദുള്‍ ഖാദര്‍ സലിംസന, രോഹിണി അഗ്രോ സയന്‍സ് ചെയര്‍മാന്‍ ഡോ.അനില്‍കുമാര്‍, ശ്രീലത, കൃഷി വകുപ്പ് ഡെപ്യൂട്ടി ഡയരക്ടര്‍ ആനന്ദ്, ദയാകര്‍മാഡ, മുഹമ്മദ് ഇബ്രാഹിം പാവൂര്‍, ഡോ.രശ്മി പ്രകാശ്, രവീന്ദ്രന്‍ കണ്ണങ്കൈ, അനൂപ് കളനാട്, പഞ്ചായത്ത് പ്രസിഡന്‍റുമാരായ സുന്ദരി ആര്‍. ഷെട്ടി, ജീന്‍ ലവിന മൊന്തേരോ എന്നിവര്‍ സംബന്ധിക്കും.