ചുള്ളിക്കര: ലഹരിമുക്ത കേരളത്തിനായി രണ്ടുകോടി ഗോള്‍ കാന്പയിന്‍റെ ഭാഗമായി ഡ്രീം (ഡ്രഗ്‌സ് റിഹാബിലിറ്റേഷന്‍ എഡ്യൂക്കേഷന്‍ ആന്‍ഡ് മെന്‍ററിംഗ്) കൂട്ടായ്മയുടെയും രാജപുരം പോലീസ്, കോടോം-ബേളൂര്‍, കള്ളാര്‍ പഞ്ചായത്തുകള്‍, വിവിധ സന്നദ്ധ സംഘടനകള്‍ എന്നിവയുടെ സംയുക്താഭിമുഖ്യത്തില്‍ ചുള്ളിക്കര ടൗണില്‍ "ലഹരിക്കെതിരെ എന്‍റെ ഒരു ഗോള്‍' പരിപാടി സംഘടിപ്പിച്ചു.
കോടോം-ബേളൂര്‍ പഞ്ചായത്ത് പ്രസിഡന്‍റ് ശ്രീജ മനോജ് ആദ്യ ഗോളടിച്ച് ഉദ്ഘാടനം ചെയ്തു. കള്ളാര്‍ പഞ്ചായത്ത് പ്രസിഡന്‍റ് ടി.കെ നാരായണന്‍ മുഖ്യാതിഥിയായി.
തുടര്‍ന്ന് നടന്ന യോഗത്തില്‍ ഡ്രീം ഡയറക്ടര്‍ ഫാ. സണ്ണി തോമസ് അധ്യക്ഷത വഹിച്ചു. സെന്‍റ് മേരീസ് ഇടവക വികാരി ഫാ.ജോഷി വല്ലര്‍കാട്ടില്‍, ബേക്കല്‍ ഡിവൈഎസ്പി സി.കെ.സുനില്‍കുമാര്‍, രാജപുരം സിഐ വി.ഉണ്ണികൃഷ്ണന്‍, ഡ്രീം കോ-ഓര്‍ഡിനേറ്റര്‍ അജി തോമസ് അടിയായിപ്പള്ളിയില്‍, കൗണ്‍സലര്‍ ഐശ്വര്യ ജോസഫ്, സോഷ്യല്‍ വര്‍ക്കര്‍മാരായ ഗ്രീഷ്മ എന്‍.ജോസഫ്, ഷെറിന്‍ ജേക്കബ്, കേരള ഇന്‍റര്‍ സ്റ്റേറ്റ് മൈഗ്രന്‍റസ് അലെന്‍സ് ഫോര്‍ ട്രാന്‍സ്ഫര്‍മേഷന്‍ കോ-ഓര്‍ഡിനേറ്റര്‍ നിബിന്‍ മാത്യു ചേറാടിയില്‍, വ്യാപാരി വ്യവസായി ഏകോപന സമിതി ചുള്ളിക്കര യൂണിറ്റ് ജനറല്‍ സെക്രട്ടറി കെ.ബേബി, മുഹമ്മദ് ഷഫീഖ് റഹ്‌മാനി, കെ.ഗോപി, ജോസ് കുര്യാക്കോസ്, രാജേഷ് കണിയാംപറമ്പില്‍, പി.രാധാകൃഷ്ണന്‍, ഇ.അഷ്‌റഫ്, കെ.മോഹനന്‍, എം.മോഹനന്‍, നൗഷാദ്, വി.വി സുകന്യ എന്നിവര്‍ സംബന്ധിച്ചു. ബേക്കല്‍ സബ് ഡിവിഷന്‍ വനിതാ പോലീസ് സേനാംഗങ്ങള്‍ ഫ്യൂഷന്‍ ഡാന്‍സും കൊട്ടോടി സെന്‍റ് ആന്‍സ് സ്‌കൂള്‍ വിദ്യാര്‍ഥികള്‍ ഫ്‌ളാഷ് മോബും അവതരിപ്പിച്ചു.