കുന്നുംകൈ: നവീകരണം നിലച്ച വര്ഷങ്ങള് പിന്നിട്ട ചീമേനി-മൗക്കോട്-ഓടക്കൊല്ലി-ചിറ്റാരിക്കാല്-ഭീമനടി റോഡിന്റെ നിര്മാണം ആരംഭിക്കണമെന്നാവഷ്യപ്പെട്ട് പ്രക്ഷോഭം ആരംഭിക്കുമെന്ന് വെസ്റ്റ് എളേരി പഞ്ചായത്ത് യഡിഎഫ് കമ്മിറ്റി അറിയിച്ചു. ഇതിന്റെ ഭാഗമായി മൗക്കോട്, നര്ക്കിലക്കാട് എന്നിവിടങ്ങളില് സായാഹ്ന ധര്ണ സംഘടിപ്പിക്കും. നിര്മാണം പുനരാരംഭിച്ചില്ലെങ്കില് തുടര്പ്രക്ഷോഭമായി റോഡ് ഉപരോധം ഉള്പ്പെടെ സമരങ്ങള് സംഘടിപ്പിക്കുമെന്നു നേതാക്കള് പറഞ്ഞു. നാളെ മൗക്കോട് ടൗണില് നടക്കുന്ന സായാഹ്ന ധര്ണയില് യൂത്ത് കോണ്ഗ്രസ് സംസ്ഥാന സെക്രട്ടറി ഡോ.പി.സരിന്, ജില്ലാ പഞ്ചായത്തംഗം ജോമോന് ജോസ് എന്നിവര് പങ്കെടുക്കും.
യോഗത്തില് എം.അബൂബക്കര് അധ്യക്ഷതവഹിച്ചു. കോണ്ഗ്രസ് മണ്ഡലം പ്രസിഡന്റ് വി.കെ.രാജന് നായര്, എ.വി.അബ്ദുല് ഖാദര്, പഞ്ചായത്ത് പ്രസിഡന്റ് ഗിരിജ മോഹന്, വൈസ് പ്രസിഡന്റ് പി.സി. ഇസ്മായില്, വാര്ഡ് മെംബര്മാരായ മോളിക്കുട്ടി പോള്, കെ.കെ.തങ്കച്ചന്, എന്.ഷെരീഫ്, എം.വി.ലിജിന, റൈഹാനത്ത്, ജാതിയില് ഹസൈനാര്, എ.ദുല്കിഫിലി, പി.കെ.അബൂബക്കര്, എന്.പി.അബ്ദുള് റഹ്മാന്, ടി.എച്ച്.ഖാദര് എന്നിവര് പ്രസംഗിച്ചു.