പാരിപ്പള്ളി : സ്വാതന്ത്ര്യ സമരവുമായി ബന്ധപ്പെട്ട് 1937-ൽ മഹാത്മാഗാന്ധി പാരിപ്പള്ളിയിൽ പൊതുയോഗത്തിൽ പങ്കെടുത്തതിന്റെ സ്മരണ നിലനിർത്തുന്നതിന് വേണ്ടി ഗാന്ധിദർശൻ സമിതിയുടെ നേതൃത്വത്തിൽ പാരിപ്പള്ളിയിൽ ഗാന്ധിജിയുടെ സ്മാരകം നിർമിക്കാൻ തീരുമാനിച്ചു.
ഗാന്ധിദർശൻ സമിതി ചാത്തന്നൂർ നിയോജകമണ്ഡലം കമ്മിറ്റിയുടെ താണ് തീരുമാനം. ചാത്തന്നൂരിൽ നടന്ന നേതൃയോഗം കെപിസിസി അംഗം നെടുങ്ങോലം രഘു ഉദ്ഘാടനം ചെയ്തു. പാരിപ്പള്ളി വിനോദ് അധ്യക്ഷത വഹിച്ചു. ജില്ലാ പ്രസിഡന്റ് എം.വി ഹെൻട്രി മുഖ്യ പ്രഭാഷണം നടത്തി.
ഡിസിസി ജനറൽ സെക്രട്ടറിമാരായ എസ്. ശ്രീലാൽ, എൻ. ഉണ്ണികൃഷ്ണൻ, ബ്ലോക്ക് പ്രസിഡന്റ് ബിജു പാരിപ്പള്ളി ജില്ലാ ജനറൽ സെക്രട്ടറി രാജു ഡി പണിക്കർ, കോൺഗ്രസ് മണ്ഡലം പ്രസിഡന്റുമാരായ ആർ ഡി ലാൽ വിഷ്ണു വിശ്വരാജൻ, അനിൽ പൂതക്കുളം, നിജാബ് മൈലവിള, ഗീതാ ജോർജ്, ഉളിയനാട് ജയൻ, ഒല്ലാൽ സുനിൽ, പത്മജാ സുരേഷ്, സുനിത ജയകുമാർ, ദൃശ്യ സജീവ്, കരിമ്പാലൂർ ദിലീപ്, അനിൽകുമാർ പാമ്പുറം, കുര്യൻ പാപ്പച്ചൻ, വിനോദ് കോട്ടയ്ക്കറം, സെബാസ്റ്റ്യൻ ആദിച്ചനല്ലൂർ എന്നിവർ പ്രസംഗിച്ചു.
ഭാരവാഹികളായി പാരിപ്പള്ളി വിനോദ് (പ്രസിഡന്റ്) പത്മജ സുരേഷ്, ഒല്ലാൽ സുനിൽ (വൈസ് പ്രസിഡന്റുമാർ) കുര്യൻ പാപ്പച്ചൻ, അനിൽകുമാർ പാമ്പുറം, സെബാസ്റ്റ്യൻ ആദിച്ചനല്ലൂർ (ജനറൽ സെക്രട്ടറിമാർ) സുനിത ജയകുമാർ (ട്രഷറർ) എന്നിവരെ തെരഞ്ഞെടുത്തു. ഒക്ടോബർ രണ്ടിന് ഗാന്ധിജയന്തി ആഘോഷം പാരിപ്പള്ളിയിൽ വിപുലമായി നടത്തുവാൻ തീരുമാനിച്ചു.