കൊല്ലം: ജില്ലയിലെ ഭൂരഹിതരായ പട്ടികവര്ഗ്ഗക്കാര്ക്ക് വാസയോഗ്യവും കൃഷിയോഗ്യവുമായ ഭൂമി വാങ്ങി നല്കുന്ന ലാന്ഡ് ബാങ്ക് പദ്ധതിയിലേക്ക് ഭൂമി വില്ക്കാന് താല്പ്പര്യമുള്ളവരില് നിന്നും അപേക്ഷ ക്ഷണിച്ചു.
വ്യക്തികള് സ്വന്തം ഉടമസ്ഥതയിലുള്ള വാസയോഗ്യമായ ഭൂമി (കുടിവെള്ള ലഭ്യത, റോഡ്, വൈദ്യുതി തുടങ്ങി വ്യവഹാരങ്ങളില് ഉള്പ്പെടാത്ത, ബാധ്യതകള് ഇല്ലാത്ത ഭൂമി) വില്ക്കുന്നതിന് തയ്യാര് എന്ന സമ്മതപത്രം, വസ്തുവിന്റെ ആധാരത്തിന്റെ പകര്പ്പ്, അടിയാധാരം, ഭൂമിയുടെ സ്കെച്ച്, ഉടമസ്ഥാവകാശ സര്ട്ടിഫിക്കറ്റ്, തണ്ടപ്പേര് അക്കൗണ്ട്, 15 വര്ഷത്തെ കുടികിട സര്ട്ടിഫിക്കറ്റ്, ലൊക്കേഷന് സര്ട്ടിഫിക്കറ്റ്, നോണ് അറ്റാച്ച്മെന്റ് സര്ട്ടിഫിക്കറ്റ്, ജില്ലാ സര്ക്കാര് പ്ലീഡറില് നിന്നുള്ള ലീഗല് സ്ക്രൂട്ടിണി സര്ട്ടിഫിക്കറ്റ്, ഒരു സെന്റിന് പ്രതീക്ഷിക്കുന്ന തുക, മുഴുവന് വസ്തുവിനും പ്രതീക്ഷിക്കുന്ന തുക തുടങ്ങിയവ അപേക്ഷയോടൊപ്പം 30 മുന്പ് ജില്ലാ കളക്ടര്ക്ക് സമര്പ്പിക്കണം.
കുറഞ്ഞത് ഒരേക്കര് വരെ ഭൂമിയുടെ ഉടമസ്ഥര്ക്ക് വില്പ്പനയ്ക്കായി അപേക്ഷ നല്കാം. വിവരങ്ങള് ജില്ലാ കളക്ടര്, ട്രൈബല് ഡെവലപ്മെന്റ് ഓഫീസര് എന്നിവരുടെ കാര്യാലയങ്ങളില് നിന്നും ലഭിക്കും. ഫോണ്: 0475 2222353.