ചവറ : നമ്മുടെ രാജ്യത്തിന്‍റെ മൗലിക രേഖയാണ് ഇന്ത്യൻ ഭരണഘടനയെന്ന് പ്രതിപക്ഷ നേതാവ് വി ഡി സതീശൻ. രാജ്യത്താദ്യമായി സമ്പൂർണ ഭരണഘടന സാക്ഷരത പൂർത്തിയാക്കിയ ബ്ലോക്ക് പഞ്ചായത്തായി ചവറ ബ്ലോക്ക് പഞ്ചായത്തിനെ തെരഞ്ഞെടുത്തതിന്‍റെ പ്രഖ്യാപന സമ്മേളനം ഉദ്ഘാടനം ചെയ്ച് പ്രസംഗിക്കുകയായിരുന്നു അദ്ദേഹം. ചവറയ്ക്ക് കിട്ടിയിരിക്കുന്ന ഈ അംഗീകാരം മറ്റുള്ളവർ കൂടി മാതൃകയാക്കി ഭരണഘടന അവബോധം സൃഷ്ടിക്കുകയാണ് വേണ്ടത്.
ഭരണഘടനപരമായ പൗരന്‍റെ ഉത്തരവാദിത്വങ്ങളെ കുറിച്ചും കടമകളെക്കുറിച്ചും ബോധവാന്മാരായ സമൂഹത്തെ സൃഷ്ടിക്കുകയാണ് നമുക്ക് ചെയ്യേണ്ടത്. ചവറ ബ്ലോക്ക് പഞ്ചായത്ത് പ്രസിഡന്‍റ് സന്തോഷ് തുപ്പാശേരി ചടങ്ങിൽ അധ്യക്ഷനായി.
എൻ കെ പ്രേമചന്ദ്രൻ എംപി, ഡോ. സുജിത് വിജയൻ പിള്ള എംഎൽഎ, മുൻമന്ത്രി ഷിബു ബേബി ജോൺ, ജില്ലാ പഞ്ചായത്ത് പ്രസിഡന്‍റ് സാം. കെ.ഡാനിയൽ, ജില്ലാ പഞ്ചായത്ത് അംഗം സിപി സുധീഷ് കുമാർ, ബ്ലോക്ക് ബ്ലോക്ക് പഞ്ചായത്ത് വൈസ് പ്രസിഡന്‍റ് സോഫിയ സലാം, ഗ്രാമ പഞ്ചായത്ത് പ്രസിഡന്‍റുമാരായ കെ.ബാബു, പി.ആർ.രജിത്ത്, എം. ഷമി, എസ്.സിന്ധു, ഡിപി ആമിന, രാഷ്ട്രീയ പ്രതിനിധികളായ പി. രാജേന്ദ്രപ്രസാദ്, ബിന്ദു കൃഷ്ണ, കെ സുരേഷ് ബാബു, ആർ. രവീന്ദ്രൻ, കോഞ്ചേരില്‍ ഷംസുദീൻ, ചക്കിനാൽ സനൽകുമാർ, ജി.സേതുനാഥൻ പിള്ള, വെറ്റമുക്ക് സോമൻ, ജനപ്രതിനിധികളായ എം പ്രസന്നൻ ഉണ്ണിത്താൻ, ജോസ് വിമൽരാജ്, നിഷാ സുനീഷ്, സുമയ്യ അഷറഫ്, സജി അനിൽ, ഷാജി എസ് പള്ളിപ്പാടൻ, ജോയ് ആന്‍റണി. പ്രിയ ഷിനു, സി. രതീഷ്, ബിഡിഓ ജോയ് റോഡ്സ് എന്നിവർ പ്രസംഗിച്ചു.